АШКАНАНЫ ЧАКАН ПЛАНТАЦИЯГА АЙЛАНТ

Ар бирибиздин жыпар жыттуу көк чөптөрдү үзүп, туурап, салаттарга, тамактарга кошуп жегибиз келет. Жазгысын, жайкысын, албетте, аларды бакчада өстүрө алабыз. Ал эми кышкысынчы? Кышкысын ашканадагы терезенин текчесин чакан плантацияга айлантып алсаңыз болот. Анын жолун биз айтып беребиз.

КЕРЕКТЕЛҮҮЧҮ БУЮМДАР

Гүл өстүрүүчү карапалар же желим идиштер
Кара топурак
Көк чөптөрдүн уруктары

УРУКТУ СЕБҮҮ

Уруктарды 2 күн жылуу сууга чылап коёбуз.
Карапанын үчтөн бир бөлүгүнө кум же майда таш, андан соң топурак салынат. Жарым литр булак суусуна же крандан алынып тундурулган сууга 1 чай кашык балды кошуп аралаштырабыз да, топуракка сиңгенче куябыз. Бул уруктун бат, 2-3 жумада өнүп чыгышын шарттайт.
Эми көк чөптүн уругун себелеп, үстүнө калыңдыгы 2-3 сантиметрдей топурак ташталат. Суудан бир аз куюп, жарык жакшы тийген терезеге коюп кам көрүүнү баштайбыз.

КАМ КӨРҮҮ

Карапа жарык жана жылуу жерде (18-20С) турганы туура.

Колдон келсе булактын суусу менен сугарыңыз. Кран суусунда жегич заттар (щелочь) көп болгондуктан өсүмдүктү жабыркатат.

Сууну жайылтып көп куйбаңыз жана топурактын өтө кургап кетпешине көз салып туруңуз.

Сууну жалбырактарга эмес, топуракка куюңуз.

Жакшы кам көрсөңүз жылы бою көк чөптөр сиздин ашканага көрк бергенден сырткары тамагыңыздын даамын арттырып, организмди витаминдер менен камсыздайт.

КӨК ПИЯЗ ӨСТҮРҮҮ

Башка көк чөптөргө салыштырмалуу көк пиязды уругунан сырткары көчөтүнөн жана баш пияздын өзүнөн өстүрүүгө болот.

ОТУРГУЗУУ:

Тегиз идишке баш пияздарды (мурут жагы менен) төмөн каратып тизебиз да, жылуу суудан куюп 2 күнгө калтырып коёбуз. Күн сайын суусун алмаштырып турууну унутпаңыз.
Желим бөтөлкөнүн баш жагын кесип, ар жеринен тешип даярдап алабыз.
Бөтөлкөнүн эң астына кум же майда таш салып, көзөнөк жасалган жерге чейин топурак салабыз. Көзөнөктөрдөн пияздардын сабак өсчү жагын чыгарып, үстүнө топурак салынат. Бөтөлкөнү башка бир идиштин ичине салып, суудан сиңдире куюп, күн тийген жерге коёбуз. Аны 2-3 күндө бир сугарып, кам көрүп турсаңыз, кышы бою ашканаңыздан көк пияз үзүлбөйт.

Дамира Арстанова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

Dilbaranurdinova

2017-11-14 09:51:00

азыр остурсок болобу?

Meruet84

2017-11-14 13:31:07

Көк пиязды өстүрүү ыкмасы жакты,

Rain000

2017-11-14 14:14:28

Мага да жакты. Ошо темперптурада болуш керекби?

Medinaa

2017-11-14 21:34:48

Биз чеснок эктик.

Marjan92

2017-11-16 14:06:31

урматту супер инфо жамааты силерден сураныч эл эмне дейт теле долбоорунун актрисасы келинкадан интервю алгылачы толугураак билгим келет

admin_media

2017-11-16 15:30:29

Marjan92,
Саламатсызбы! Сунушуңуз тиешелүү бөлүмгө жеткирилди, рахмат.

Sezima89

2017-11-17 11:07:23

Соонун кеңештерго жасап көрөм сөссүз.

Sharipa-asia

2017-11-18 19:51:54

кайра- кайра чыга берет бекен пияз?

Klubnika0717

2018-02-19 20:30:12

Рахмаат өтө жакшы кенештер экен.Мен бул пиязды отургузуп көрдүм быйыл жакшы экен.

Комментарий калтыруу үчүн өз ысымыңыз менен кириңиз же каттоодон өтүңүз.

№ 784, 10-16-ноябрь, 2017-ж.