Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№394 21-27-май, 2010-ж.


(Башы өткөн сандарыбызда)

Тилимди тиштеп, эмне чечим чыгарышса да баш ийип берүүдөн башка аргам жок калды. Бирок бир топко чейин унчукпай отурган кайнатам:
– Ортоңордо эч нерсе деле жок экен, эртең кайра жол-жолуңар менен кете бергиле,- десе болобу. Кайненемдин ою боюнча, эптеп эрге тийип, башымды ачып алайын деген ниетте экем. Ошондуктан алар мага «боорукерлик» менен «жакшылык» кылышып, дос-душмандын көзүнө «эрге тийдим» деп айтуу үчүн убактылуу гана үйүндө жашап кетүүмө уруксат беришкенине катуу сындым.
Жалдыраган көздөрүмдү аяп кетти окшойт, Бактияр мени башка бөлмөгө алып кирди. Экөөбүздүн тең каректерибизге жаш айланып, бири-бирибизден жардам сурап жалдырадык.
– Тил укпаган кежирсиң, ушуну кааладың беле?! Сен ушуга татыктуу кыз белең?! Менин колумдан эч нерсе келбейт деп айттым эле го! Сени алып калам, ишен, баары бир алып калам!- деди көзүмдөн аккан жашымды аарчып.
– Чын элеби?
Мен анын сөзүнө ишене албай турдум. Бул түн мен үчүн кылымга тете болду. Ошондогу абалымды сүрөттөп жеткирүү мүмкүн эмес эле. Эжем келип айланчыктап турбаганда, жанымды кыйып, бул дүйнөнүн адилетсиздигинен биротоло кутулуп кетүүдөн да кайра тартпас элем. Артымдан айтылган ушактарды, боюмдан түшүп калганын, Бактиярдын ур-токмогун, алтургай операция болгонумду да ошондо укту. Эки жылга чукул Бактияр менен жашап жүргөнүмдү жашырып келгенимди да айттым. Эжемдин менден бетер дили ооруп, буларды угуу оңойго турган жок. Эжемди тынчтандырып, жакшы жатып жай туруусун айтып коюуну каалаган Бактиярды апасы жактырбай:
– Уктап калган, кирбей эле кой!- деп жолоткон жок. Ошентсе да болбой, ал апасынын жоктугунан пайдаланып эжеме түнкү бейпилдик каалап чыгууга үлгүрдү.
Эртең менен Бактиярдын чоң энеси келип башыма жоолук салып, көйнөк кийгизип, келин каадасын көрсөткөндө токтоно албай жаш балача ыйлап жаттым. Куду апама окшоп көзүмдүн жашын аарчып, бооруна кыса эркелетип турду. Күн сайын насаатын айтып, мени кайра жашоого үмүттөндүргөн акылга көсөм, кеңешке март бул инсанга мен да күн сайын жүгүнүп, урматын жайына коюуга далалат кылдым. Азыркыга чейин бул кемпирге миң мертебе алкышымды айтуудан чарчаган жокмун.
Мен бул күндөрдө бир нерсе жөнүндө ойлонууга алым жетпей, жашоону кечип коюп жашап жаткандай элем. Бул күнү менин жүрөгүмдөгү адамдарга болгон жылуулук муз болуп, үрүл-бүрүлдө учкундаган үмүтүм өчүп, таптакыр башка планетага келип калгансыдым. Бул убак да сирень гүлдөгөн маал эле…
Бактияр мамлекеттик экзамен тапшырып, диплом жактап жаткандыктан, тез эле шаарга кайтууга туура келди. Мени айылга таштап кетпей, өзү менен кошо алып кетүүсүн сурандым. Кайнатама болгон окуя катуу таасир тийгизип, кыраакылык менен баласынын мүнөзүндөгү жагымсыз өзгөрүүлөрдү, маңызсыз сөздөрдү байкап, ичинен жапа чегип жатканы байкалып турду. Шаарга жөнөп жатканыбызда чачымдан сылап, жаш балача көзүнөн жашы төгүлүп турду. Кеч болсо да мени түшүнгөнү үчүн ыраазы болдум.
– Ыйлаба, Малика, бул аз күндүн ичинде ичимди эзип, жүрөгүмдү ооруттуң,- деди жашын аарчып. Бул учурда кайненем да жашын төгүп, бооруна кысты. Мен адамдын карегинен анткор көз жаш төгүлөрүн биринчи жолу көрдүм. Мени гана эмес, ата-энесин да түйшүккө салып, тынчсыздандырган менин ары жок Бактиярыма дүйнө бейкапар эле.
Шаарга келгенден кийин да жашообуз, мамилебиз олку-солку тартып кыйналып жүрдүк. Мен бир гана нерседен иренжип турдум. Бактияр баарына ата-энесин күнөөлөп, алардын чечимине, көрсөтмөсүнө баш ийгенсип актанса, ата-энеси Бактиярга кол шилтеп кутулушту. Кайненем кайра-кайра «колумдан эч нерсе келбейт, өзүңөр билесиңер» деп күнөөсүн жууп жаткансыды. Чындыгында анын колунан эч нерсе келбей калган болчу. Эми баары кеч. Биздин махабатыбызды сууткандан кийин гана ушул сөздү айтып отурат.
Шаарга келгенибизде бизди «куш бооңор бек болсун» деп жан дили менен куттуктап келгендер көп болду. Менин туулган күнүм менен бирге жакын жоро-жолдошторубузга тойчук да жасадык. Бактияр студент болгондуктан, бир тыйыны жок. Анын үстүнө мен иштеген ишкана каатчылыкка учурап, айлык берилбей жатты.
Куттуктап, сурап келгендерди күзөтүү, аларды коноктоо менин көйгөйүмө айланды. Колумда болгон кымбат баалуу жасалгаларымды күрөөгө таштап, акча алууга туура келди. Арга калбаганда курбумдун шакегин да күрөөгө койдуруп, акча алдым. Ар бир алган акчамдын пайызы өсүп, ого бетер көбөйүп жатты. Бир чети аларга да кол шилтеп койдум. Анткени эмне жоготушум, кимди жоготушум керек болсо, менде баары жоголуп жатты.
Кайра кызматыма барышым керек эле. Эки ай мурун мени менен бирге иштеген кызды ала качып кетип, кийин дасторкон жасап, кешик алып келип, сый тамак менен кызматка келген болчу. Мени ошентип алып баруу күйөө сөрөйүмдү кызыктырып да койгон жок. Кайра эле өзүм бир айласын табышым керек болду. “Ош базарында” иштеген курбумдан акча сураганы бардым. Анын эки-үч күндөн бери жумушка чыкпай жатканын айтышты. Эртең түшкү саат бирде кесиптештерим чогулуп мени күтүп алышарын ойлосом ичим тызылдап, заманам куурулат. Бир-экөөнөн акча сурап, «ай, күйөөңчү?! Эркек го, тапсын!» деген жоопторун угуп, калгандарынан сураган жокмун.
Жерге күүгүм түшүп калган убак. Ойлонууга да кудуретим жетпей, аргасыз башымды көтөрдүм. Маңдайымда жылдызым жанып туруптур. Чолпон жылдыз… Жалгыздыктын символу… Эмне үчүн дал ушул жылдызды тандадым экен?..

Жумагүл Жолматова

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
26.05.2014. 20:23 
Тайпасы:
Жаран
Комментарийлердин саны:
58
Катталган:
22-03-2014
Соӊку аракети:
11-09-2018 20:15
Жынысы:
Белгисиз
0
мынча не Бактыярга жармаштын эркек куруп кеткенсип
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: