Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«БИР ҮЙДӨ ҮЧ МАЙЫП... БАККАНДАН ЭМЕС, АКЧА ЖОКТОН КЫЙНАЛДЫМ»

№785 17-23-ноябрь, 2017-ж.


«Дүйнөдө эки түрдүү күчтүү инсан бар: бири – аялдар, экинчиси – энелер» деген экен философ, окумуштуу Эзоп. Бул сөз кезектеги каарманыма жарашчудай. Майыптар арабасында отурган атасын, буту кесилген күйөөсүн, талма оорусу менен ооруган кызын багып, бирок кабагым-кашым дебей, ачык маанай менен жүргөн Айчүрөк Бирмамбекова күчтүүлүгү менен таң калтырды.

«АТАМДЫН ЖАЛГЫЗ КЫЗЫМЫН»

– Азыр 43 жашка келдим. Өзүбүз Нарындын Ак-Талаа районунда турабыз. Атамдын жалгыз кызымын. Менден башка эркек баласы да, кыз баласы да болгон жок. Атам Кайытназар өмүр бою колхоздо иштеген. Сугатка чыгып, өсүмдүктөргө дары чачып, айтор, эмне зыяндуу жумуш болсо, ошонун баарын жасап келген. Ошол себептенби, катуу дартка чалдыкты. Мен 18 жашымда турмушка чыгып кеткен элем. Апам ал кезде каза болуп, атам үйдө жалгыз калды. Өзүм жаш келин болсом, атамды дароо жаныма алып келе албадым. Ошентип жалгыз калган атам инсультка кабылып, бир жак капталы иштебей төшөк тартып жатып калды. Андан кийин буттары таптакыр баспай калган эле. 1992-жылдан баштап өзүмдүн колума алдым. Жолдошум деле буга каршы болгон жок. Атам байкуш ушу оорунун айынан көп азап чекти. Социалдык фонд тарабынан жардам катары майыптар отура турган араба алып беришкен эле, ошону менен акыркы жылдарын жашады. Ушу жылы атам 85 жашка чыгып көз жумду. Жакында кыркылыгын бергенге камынып жатабыз. Жалгыз кызы катары атамдын кирпигине кир жугузбай, таптап бакканга аракет кылдым.

«КҮЙӨӨМДҮН БУТУН КЕСИП САЛЫШТЫ»

– «Кырсык жалгыздап келбейт» деген чын белем, 2010-жылы жолдошум Максат жол кырсыгына кабылды. Ага чейин айылда дыйкан чарбада, сугат сугарып, мал багып, кимдин кандай жумушу болсо бара берчү. Экөөбүздүн тең жогорку билимибиз жок. 5 балабыз бар. Биз сыяктуу көп эле үй-бүлөлөр бар эмеспи, эл катары шүгүр кылып жашап жүргөнбүз. Бир күнү Максат бара жаткан машина жол кырсыгына кабылыптыр. Дарыгерлердин айтуусунда, бир бутунун кан тамырлары кысылып калып тромб пайда болуптур. Бирок бизде акча тартыш болуп, убагында керектүү дарыларды албай калдык. Ошентип отуруп буту шишип, ириңдеп кетиптир, «бир бутун кесиш керек» дешти дарыгерлер. Эмне кылабыз? Ыйлай-сыктай тагдырдын бул сыноосуна да көндүк.
Күйөөм да кийин атамдай болуп инсультка кабылды. Таптакыр сүйлөбөй чулдурап, бир жагы (кесилген бут жагы) кыймылдабай калды. Жан талашып борборго алып барып, көрүнгөн дарыгерлерден кеңеш алып жүрүп, азыр Кудайга шүгүр, жакшы болуп калды. Сүйлөп, бир аз кыймыл жасай алат. Бирок оор жумушка жарабайт. Экинчи топтогу майып. Айына 4 миң сом жөлөк пул алат. Балдарыма жөлөк пул чыгартайын десем, «ошол пенсия жетет, силерге чыкпайт» деп коюшту. Көп жерге барып, натыйжа чыкпаган соң кой деп таштап койдум.

«КЫЗЫМ ЖЫГЫЛЫП КАЛАБЫ ДЕП САКСАКТАП ЭЭРЧИП ЖҮРӨМ»

– «Какаганга муштаган» болуп кызым Азимгүл талма оорусу менен ооруйт. 1 жашында эле калтырап-титиреп эси ооп жатып калчу. Көп жерлерге бардык, бул оорунун айыгып кетиши күмөн экен. Медицина, элдик медицина, бүбү-бакшы, айтор, кызымды алып барбаган жерим, сүзүп көрбөгөн эшигим калбады. Азыр 24 жашта. 9-классты бүткөндөн кийин ден соолугунун айынан окуганга шарты болбоду. Кызыма 3 миң сом майыптыгы үчүн пенсия төлөнөт. Аны өзүнүн гана дарыларына коротобуз. Кызымдын аркасынан эле саксактап карап турам. Талмасы капаланып калса, кээде жакшынакай турса деле кармай берет. Мен бир жакка кетсем, талмасы кармап эл көрбөгөн жерде жыгылып калып эч ким байкабай калабы деп корком. Талмасы кармаганда жарым саатта араң эсине келет. Ар бир кармаган сайын кызым менен кошо мен ооругандай абалда чайналам.

«ШЫРДАК ШЫРЫЙМ, МАЛ КАРАЙМ»

– Бир үйдө майып үч адамды караш, албетте, оор. Бирок анын деле оордугун сезбей жашадым. Айыгып кетишсе болду деп эле тилеп келем. Болгону акчадан, жоктуктан кыйналам. Ушундай чоң үй-бүлө үчүн 4 миң сомду кантип жеткиришти билбейсиң. Мектеп формалары, китептери, тамак-ашы, дары-дармек... Колум шыктуу, шырдак шырып, кол өнөрчүлүк менен бир нерселерди жасай коюп акча табам. Районубузда Ден соолук комитети уюшулуп, ошол жакка башчы кылып коюшкан. «Сен оорунун азабын көп тарттың, элге ден соолуктун баркын сендейлер үйрөтүшү керек» деп шайлап коюшкан. Ал жактан акча албайм. Бирок эл ден соолугуна туура кам көрсүн деп баракчаларды таратып, түшүндүрүү иштерин жүргүзөм. Балдарым болсо «Өз түйшүгүңүз жетпей жаткансып аны жөн эле койбойсузбу?» деп калышат.
Балдарыма, үй-бүлөмө жардам бере турган адамдар жок эмес, мурун батирде турчубуз, эми алардын жардамы менен үйүбүз салынып жатат. Ага өзүнчө рахмат айтам. Ошол жардамдар менен жана келе турган жардамдар менен үй-бүлөмдү бутуна тургузуп кетсем деп тилек кылам.


Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(11)
21.11.2017. 10:15 
Тайпасы:
Жаран
Комментарийлердин саны:
18
Катталган:
31-08-2016
Соӊку аракети:
24-09-2018 09:10
Жынысы:
Белгисиз
+3
админ тел ном киргизип койсонуздар жакшы болмоккен
21.11.2017. 10:50 
Тайпасы:
Супермодератор
Комментарийлердин саны:
2059
Катталган:
22-02-2011
Соӊку аракети:
25-09-2018 14:28
Жынысы:
Белгисиз
Калаасы:
...
+4
Luna15,
Саламатсызбы! Байланыш номери: 0700 96 48 75 (Айчүрөк)
21.11.2017. 11:24 
Тайпасы:
Жаран
Комментарийлердин саны:
261
Катталган:
14-11-2015
Соӊку аракети:
25-09-2018 14:59
Жынысы:
Белгисиз
+5
Окунучтуу,кайгылук тагдыр
21.11.2017. 11:26 
Тайпасы:
Жаран
Комментарийлердин саны:
261
Катталган:
14-11-2015
Соӊку аракети:
25-09-2018 14:59
Жынысы:
Белгисиз
+11
Ата-энениздин арбагы раазы болсун сизден жана атанызды баткырган жолдошунуздан.Колунда бар туруп анча мынча эркек мырзанын кыла албаган ишин кылыпсыз.
21.11.2017. 16:27 
Тайпасы:
Жаран
Комментарийлердин саны:
568
Катталган:
05-06-2013
Соӊку аракети:
25-09-2018 13:54
Жынысы:
Белгисиз
+9
"Кыз ички кийим" дейт, ата-энеге жакшы карайт, күйүмдүү болот. Ушул эжеге Алладан жакшылык тилейм. Ден-соолукта болуңуз.
21.11.2017. 20:37 
Тайпасы:
Жаран
Комментарийлердин саны:
3
Катталган:
18-10-2017
Соӊку аракети:
14-03-2018 19:42
Жынысы:
Белгисиз
Калаасы:
Ош
+6
Аллах ыраазы болсун бактылуу болунуз мындан кийин жолдошунуз менен кызыныз жакшы болуп кетишсин
21.11.2017. 23:01 
Тайпасы:
Жаран
Комментарийлердин саны:
3
Катталган:
26-09-2016
Соӊку аракети:
25-09-2018 12:03
Жынысы:
Белгисиз
+6
Эже сизге Аллахым ден соолук берсин. Сиз бар сиздин уй-булоонуз бар. Мен сизге баа бердим. Жашоонун оорчулугун кабагым кашым дебей которуп келгениниз учун.
22.11.2017. 00:07 
Тайпасы:
Жаран
Комментарийлердин саны:
18
Катталган:
03-08-2017
Соӊку аракети:
19-05-2018 04:06
Жынысы:
Белгисиз
+4
Чындап эле аябай кучтуу аял эеенсиз кудайдын сыноосу бирок кудай сынап эле тура бербейт бир кун жыргалчылыкты да берет куйоонуз Жана кызыныз жакшы болуп кетсин
22.11.2017. 09:48 
Тайпасы:
Жаран
Комментарийлердин саны:
24
Катталган:
26-04-2017
Соӊку аракети:
27-08-2018 16:03
Жынысы:
Белгисиз
+3
Чыданыз эжеке бул сыно дуйно ден солук каалайм
22.11.2017. 20:48 
Тайпасы:
Жаран
Комментарийлердин саны:
1
Катталган:
26-03-2017
Соӊку аракети:
22-09-2018 17:07
Жынысы:
Белгисиз
+3
Эжеге таазим!
25.11.2017. 15:39 
Тайпасы:
Жаран
Комментарийлердин саны:
34
Катталган:
18-10-2017
Соӊку аракети:
25-09-2018 12:41
Жынысы:
Белгисиз
+2
Окуганда эле эженин жашоого активдуу коз карашта экенин байкоого болот.
Азаматсыз!!!!!!!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: