Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМЛЕКЕТТИК СЫЙЛЫКТАР КИМГЕ, КАНДАЙ КЫЗМАТЫ ҮЧҮН БЕРИЛЕТ?

№786 24-30-ноябрь, 2017-ж.


Кызмат мөөнөтү аяктап жаткан президент Алмазбек Атамбаев 22-ноябрда 154 жаранга мамлекеттик сыйлык тапшырды. Мамлекеттик сыйлыктарды 2012-2016-жылдар аралыгында тапшырууга чектөө киргизилген. 2016-жылдан тарта жүздөгөн жарандар сыйлыктарга көрсөтүлүп, мамлекеттик жогорку наамдарга ээ боло баштады. Буга чейинки маданият тармагында тапшырылган мамлекеттик сыйлыктар коомчулукта бир топ суроо, талкуу, нааразычылыктарды жаратып, талапкерлерди тандоодогу терс көрүнүштөр сынга алынган эле. Президент кол койгон акыркы сыйлоо жөнүндөгү жарлык да коомчулукта талкуу жаратып жаткан учуру. Жогорку Кеңештин депутаты Жанар Акаев бул жолку мамлекеттик сыйлыктар жарандарга президенттик шайлоодогу кызматы үчүн ыраазычылык иретинде тапшырылып жатканын билдирсе, кээ бирлер татыктуулар алууда деп эсептешет. 1 жыл мурун эле негизделген «Курманжан датка» ордени менен Борбордук шайлоо комиссиясынын төрайымы Нуржан Шайлдабекова сыйланса, президенттин кеңешчилери болгон Фарид Ниязов II даражадагы «Манас» ордени менен, Икрамжан Илмиянов III даражадагы «Манас» ордени менен сыйланды. Бул ирет биз мамлекеттик сыйлыктар кимге, кандай кызматы үчүн берилерин иликтеп көрдүк.

МАМЛЕКЕТТИК СЫЙЛЫКТАР
Кыргыз Республикасынын мамлекеттик сыйлыктары 1996-жылдан бери жарандарга тапшырылып келет. Аталган сыйлыктарды өлкө президенти гана тапшыра алат. Ордендер I даражадагы, медалдар II даражадагы, ал эми Ардак грамота III даражадагы мамлекеттик сыйлык болуп эсептелет.

КЫРГЫЗ РЕСПУБЛИКАСЫНЫН БААТЫРЛАРЫНА БЕРИЛҮҮЧҮ «АК ШУМКАР»

Өлкөбүздөгү даражасы эң жогорку сыйлык – бул «Ак Шумкар» өзгөчө белгиси. Ал «Кыргыз Республикасынын Баатыры» эң жогорку артыкчылык даражасына ээ болгон жарандарга тапшырылат. Сыйлык 1996-жылы бекитилген. Аталган сыйлыкка өлкөнүн эркиндиги жана көз карандысыздыгы үчүн баатырдык жасаган жарандар жете алат. Ошондой эле эл алдындагы өзгөчө жеке сиңирген эмгеги үчүн да жарандар сыйланып келүүдө. Алтындан жасалган «Ак Шумкар» белгиси сол төшкө, орден, медалдардын үстүнө тагылат. «Кыргыз Республикасынын Баатыры» сыйлыгын буга чейин Чыңгыз Айтматов, Исхак Раззаков, Салижан Шарипов жана Алиясбек Алымкулов алган.

3 ДАРАЖАДАГЫ «МАНАС» ОРДЕНИ

Бул мамлекеттик сыйлык 3 даражадан туруп, 1996-жылы бекитилген. «Манас» ордени менен мамлекетти, демократиялык коомду жана элдин биримдигин сактоого, чыңдоого салым кошкон жарандар сыйланат. Андан сырткары өлкөнүн экономикалык, руханий жана интеллектуалдык потенциалын арттырууга кошкон эмгеги үчүн да берилет. «Манас» ордени I, II, III даражаларга бөлүнөт. Алгач III даражадагы, анан II даражадагы орденди алган адамга гана I даражадагы «Манас» ордени берилет. Өзгөчө учурда гана өлкө башчы III же II даражадагысы менен сыйланбаган жарандарга I даражадагы «Манас» орденин берүүгө укуктуу.
I даражадагы «Манас» ордени менен Казакстандын президенти Нурсултан Назарбаев, БУУнун мурунку башкы катчысы Кофи Аннан, хирург Мамбет Мамакеев, Орусиянын президенти Владимир Путин жана башкалар сыйланган.



АНГЕЛА МЕРКЕЛГЕ БУЮРГАН «КУРМАНЖАН ДАТКА»

Мамлекетти коргоого, чыңдоого, элдин биримдигин, каада-салтын сактоого зор салым кошкон жарандар «Курманжан датка» ордени менен сыйланат. «Курманжан датка» ордени 2016-жылы бекитилген. Бул орденди биринчи жолу быйыл Германиянын канцлери Ангела Меркель тагынган. Эми Меркелдин катарын БШКнын төрайымы Нуржан Шайлдабекова да толуктады.

ТАЛАБЫ ТАТААЛ «БААТЫР ЭНЕ» ОРДЕНИ

"Баатыр эне" сыйлыгы 1996-жылы негизделген. 7 же андан ашык балалуу энелер аталган сыйлыкка көрсөтүлөт. 7-баласы 1 жашка толуп, калган балдары аман болгон учурда гана сыйлыкка жете алышы мүмкүн. Аларды тарбиялоосуна да чоң маани берилет, эгер балдарынын бири соттолгон болсо наам берилбейт. Ошондой эле баласы «Кыргыз Республикасынын Баатыры» наамына ээ болгон энелерге да «Баатыр эне» ордени ыйгарылат.

СЫРТКЫ САЯСАТЧЫЛАР КӨП СЫЙЛАНГАН «ДАНАКЕР»

«Данакер» ордени 1999-жылы бекитилген. Буга чейин президент Алмазбек Атамбаев, Түркиянын жетекчиси Режеп Тайип Эрдоган, Орусиянын премьер-министри Дмитрий Медведев, Өзбекстандын президенти Шавкат Мирзийоев жана башкалар сыйланган. Аталган сыйлык менен тынчтыкка, достукка, элдер арасындагы кызматташтыкка зор салым кошкондор сыйланат.

МЕДАЛДАР ПАРАДЫ...
Мамлекеттик сыйлыктардын катарында «Эрдик», «Даңк», «Эне даңкы», «Күжүрмөн кызмат өтөгөндүгү үчүн» (I, II даражадагы), «Кайрымдуулук үчүн» жана «Эмгек ардагери» медалдары бар. Алар маанисине карай ошол чөйрөдө өзгөчөлөнгөн, зор кызмат жасаган жарандарга ыйгарылат.

«ЭҢ ЧОҢ СЫЙЛЫК – «ЭЛ АРТИСТИ» НААМЫ»
Маданият тармагы боюнча берилген мамлекеттик сыйлыктар көп талкуу жаратат. Маданият, маалымат жана туризм министрлигинин коомчулук менен иштөө, мамлекеттик тил жана сыйлыктар секторунун башчысы Муктасар Өзүбеков маданият тармагындагы мамлекеттик сыйлыктардын маанисин, кандай шартта берилерин айтып берди:
– 2017-жылдын 28-июлунда мамлекеттик сыйлыктарды тапшыруу мыйзамына өзгөртүүлөр киргизилди. Ага ылайык, сыйлыкка көрсөтүлгөндөрдүн эмгек тажрыйбасы 10 жылдан 15 жылга жогорулатылган. Маданият тармагындагы эң чоң мамлекеттик сыйлык – бул «Эл артисти» наамы. Андан кийинки орунда «Эмгек сиңирген артист» турат. «Эмгек сиңирген артист» наамын алган жаран гана «Эл артисти» наамына көрсөтүлөт. Андан сырткары «Эл акыны», «Эл жазуучусу», «Эл сүрөтчүсү» деген тармактык наамдар да бар. Ошондой эле «Маданиятка эмгек сиңирген ишмер» наамы да сыйлыктардын катарын толуктайт. Сыйлык алган жаран 5 жылдан кийин гана экинчи сыйлыкка көрсөтүлөт. Айрым учурларда министрлик аркылуу көрсөтүлбөгөндөр да мамлекеттик сыйлыктарды алып жатышат.

«РУЦКАЯНЫ СЫЙЛЫККА ЖОГОРКУ КЕҢЕШ СУНУШТАГАН»

– Маданият тармагындагы мамлекеттик сыйлыкка жарандарды республикадагы мамлекеттик жана мамлекеттик эмес мекеме-уюмдар да көрсөтө алат. Алардын сунушу райондук, облустук кеңешме топтун сынынан өтүп, биздин министрликке келет. Министр баш болгон жогорку кеңешме топтун тандоосунан өткөн жарандардын тизмеси президенттик аппаратка жөнөтүлөт. Алардын тандоосу кимдин сыйлык аларын аныктайт.

Мындан сырткары Жогорку Кеңештин тармактык комитети да жарандарды мамлекеттик сыйлыкка сунуштай алат. Мисалы, Юлия Руцкая менен Гүлжигит Калыковду «Эмгек сиңирген артист» наамына депутаттар сунуштаган.

«ЭЛ АРАЛЫК СЫНАКТАРДЫН ЖЕҢҮҮЧҮЛӨРҮНӨ АРТЫКЧЫЛЫК БЕРИЛЕТ»
– Сыйлык тапшырууда өлкөнүн атынан эл аралык сынактарга катышып, жеңүүчү аталган жарандарга артыкчылык берилет. Андан сырткары 15 жыл же андан ашык маданият чөйрөсүндө эмгектенгендер жана республиканын коомдук-маданий иш-чараларына активдүү катышкан жарандар сыйлыкка көп жетишет. Учурда «Дүйнөлүк көчмөндөр оюндарына» активдүү катышкандарга да артыкчылык берилүүдө.

ТАРМАКТЫК СЫЙЛЫКТАР...
«Кыргыз Республикасынын мамлекеттик сыйлыктары жана ардак наамдары жөнүндө» мыйзамына ылайык, республикабыздагы ар тармактын эмгек сиңирген кызматкерлерине наамдар тапшырылат. Ошондой эле Кыргыз Республикасынын «Ардак грамотасы» 3-даражадагы мамлекеттик сыйлык катары бардык тармак ээлерине берилет.

АРТЫКЧЫЛЫКТАРЫ:

“Кыргыз Республикасынын Баатыры” наамын алгандарга сиңирген эмгеги үчүн пенсия чегерилип, мамлекет тарабынан курулган үйлөр кезексиз берилет. Бериле турган үйдүн аянтына 20 чарчы метр кошулуп эсептелет. Мындан сырткары, жер салыгынан бошотулат, жумушка баруу мүмкүнчүлүгү убактылуу чектелип калса маянасынын 100 пайыз көлөмү жөлөк пул иретинде берилет, кошумча нарк салыгынан бошотулат, спорттук комплекстердин кызматтарын бекер колдоно алат, майып жана карылар үйүнө кезексиз кабыл алынат, социалдык кызматтар кезексиз көрсөтүлөт, бейитине мамлекеттик бюджеттин эсебинен эстелик орнотулат. Ал эми, мамлекеттик кызматта иштеген "Эл артисти", "Эл мугалими", "Эл жазуучусу", "Эл акыны", "Эл сүрөтчүсү" наамын алгандардын айлыгына кошумча 5 миң сом, ал эми ар бир тармактагы "Эмгек сиңирген" наамын алгандар кошумча 2,5 миң сом алышат. Мамлекеттик сыйлык алган жарандарга пенсияга чыкканда кошуп берилчү кошумча акча 2 жыл мурун алып салынган. Ал эми мамлекеттик кызматтарда иштебегендерге эч кандай кошумча акча төлөнбөйт.


Бектур Токтоноев
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: