Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЕҢИЛ ТӨРӨЙМ ДЕСЕҢИЗ, ЧЫГЫШ БИЙИН БИЙЛЕҢИЗ

№394 21-27-май, 2010-ж.


Айымдарга кеңеш

1997-жылы уюшулган “Рахат” бий театры 13 жылдан бери кыргыз элинин улуттук бийин чет элге даңазалоо менен алек. Мына ушул театрда бир нече жылдан бери чыгыш бийин бийлеген кыздар айымдарды ден соолукка кам көрүүгө чакырып, бийдин пайдалуу жактарын айтып беришет.

Айжан Тураева
“Рахат” бий театрында 4 жылдан бери бийлейт. Борбордогу компаниялардын биринде бухгалтер болуп иштеген Айжан бийди жанындай жакшы көрөт. Мурун бүкүрөйүп жүргөндүктөн, дене-мүчөсүн түз алып жүрүү үчүн бийлөөнү чечкен. Азыр Айжан жигиттерди суктандырган, келишимдүү сулуу.

Анара Керимбекова
Чыгыш бийин 4 жылдан бери бийлейт. Борбордо котормочу жана англис тилин үйрөтүүчү мугалим болуп эмгектенет. Театрга келгени 6 килограммга арыктаган. Келечекте чыгыш бийинен сабак берген мугалим да болгусу келет. Ошондуктан театрда хореограф жок болуп калса, анын ордуна сабак бере коюп жүрөт.

Айсулуу Бактыкалый кызы
Бий менен 5 жылдан бери алектенет. Кичине кезинен бери келе жаткан хоббиси. “Бийсиз жашай албайм” деген Айсулуу дайыма кыймылда болгондуктан, салмагы бир калыпта. Анда-санда тойлорго чакыруу да алат.

Айжан:
«БУЛЧУҢДАР МЕНЕН ИШТӨӨ АЙЫМДАРДЫ
ТҮЗ БАСУУГА ЖЕТЕЛЕЙТ»
– Чыгыш бийин бийлөөдө сан, жамбаш, балтыр булчуңдары жана таман иштейт. Жамбаш сөөк менен сан сөөгү бириккен жер аябай кыймылга келет. Бийлегенде тарамыштар чоюлуп, тырышпай, жумшак болуп калат. Төрөт учурунда жамбаш сөөктөр ажырайт эмеспи, ошондо тарамыштар оңой чоюлуп, оорутуу болбойт дешет биздин мугалимдер.
Айымдар толгондо дароо жамбашына май топтолот. Чыгыш бийине титиреп бийлөө мүнөздүү. Мындай бийлөөдө ичтеги жана жамбаштагы майлар кетет. Жамбаш булчуңдары титирөө маалында түйүлүп-жазылып тургандыктан, көрктүү формага келет.
Адатта моюн, далы булчуңдарына, шилиден ылдый туз топтолот. Чыгыш бийинде ийинди титиретүү, толкун сымал кыймылдар көп жасалгандыктан, туз чогулмак түгүл, жолобойт десек болот. Ийин, далы, моюн булчуңдары менен иштөө айымдардын боюн түз алып жүрүүсүнө чоң өбөлгө түзөт. Бийге катышкан адамдын организминде кан жакшы айланып, адам такай шайыр жана жеңил жүрөт. Кан жүгүрүү калыптанганда көп оорулардын пайда болуу коркунучу жоюлат.

Анара:
«ИЧТЕГИ МАЙЛАРДЫ ЖОГОТУУ ОҢОЙ»
– Бийлөөдө күнүгө 10 мүнөткө созулган дем алуу көнүгүүсү болот. Биринчи мурун менен демди көкүрөккө кармап, ооз менен жай чыгарат. Кайра ооз менен демди ичке кармап, мурун менен жай чыгаруу керек. Бул көнүгүүнү кыжырланганда, бир нерсеге жини келгенде жатып алып жасаса, адам өзүнө келет. Анан да өпкөнүн иштеши жакшырат.
Курсак булчуңдары өйдөкү, ортоңку, ылдыйкы болуп үчкө бөлүнөт. Чыгыш бийинде толкун сымал көнүгүүлөр көп жасалгандыктан, курсак булчуңдары өз-өзүнчө бөлүнүп иштеп, майлар жоголот.
Бел булчуңдары бардык булчуңдардан күчтүү. Дегеним, бир чоң кишини бут менен көтөрө албайсың. Ал эми отурган абалда бел булчуңу менен көтөрүү мүмкүн. Бирок бел булчуңдары жаш өткөн сайын башка булчуңдарга караганда күчүн бат жоготот. Ошондуктан жаш кезде белди аяп, оор нерсени көп көтөрбөй, булчуңдарга туура көнүгүү жасоо зарыл. Мисалы, айылдагы апаларыбыз оор нерсе көп көтөргөндүктөн, белдери эрте эле бөкчөйүп калып жатышат. Жана да чыгыш бийи омурткалардын ийри өсүшүнө – сколиозго жол бербейт. Кыймылдаганда бел омурткалар жибип, түз өсүшүнө шарт түзөт.

Айсулуу:
«БУТУМ КӨРКТҮҮ БОЛСУН ДЕСЕҢИЗ...»
– Чыгыш бийинде буттун башы менен кыймылдоо балтырга таасир этет. Аз кыймылдаган айымдардын балтыр булчуңдары алсыз, көркү жок, түптүз болот. Бий менен алектенбеген айымдар “балтырыбыз көрктүү болсун” дешсе, күнүгө буттун учу менен 60-80 жолу өйдө-ылдый туруш керек.
Негизи, бут кетмени эттен эмес, тарамыштардан турат. Азиаттардын бут кетмендери жоон, томпок, көрксүз болот. Ошондуктан чыгыш бийи менен машыкса, бут кетмен ичке жана ийилчээк болуп өзгөрөт. Бут кетмендин тарамыштарын чоюу көп убакытты талап кылгандыктан, кыздарды 4 жашынан бийге берген жакшы.

“Рахат” бий театрынын
көркөм жетекчиси Камчыбек Асанов:
«МАКСАТЫБЫЗ – КЫРГЫЗ БИЙИН 1-ОРУНГА ЧЫГАРУУ»
– Учурда театрда чоң-кичине болуп, 220 окуучу бий үйрөнүп жатат. Бизде жогорку тажрыйбалуу, билимдүү хореографтар сабак беришет. Театрдын ачылганына 12 жыл болгондо, 2009-жылы өкмөт тараптан “Элдик бий театры” деген наамга ээ болгонбуз. Уюшулгандан бери кыргыз улуттук бийин өркүндөтүп, жылына бир-эки жолу чет өлкөгө чыгып, даңазалап келүүдөбүз. Бул жолу Түркиянын Бурса шаарында “Голден Кара көз” Эл аралык сынагына барганы жатабыз. Түрк тилдүү 24 өлкө катышкан сынак июль айынын 8инен 20сына чейин болот. Максатыбыз – сынакта кыргыз бийин 1-орунга чыгаруу. Биздин театрда таланттуу кыздар көп. Бирок чет өлкөгө барууга ар биринин эле каражаты жете бербейт. Ошол себептен балдардын майрамына карата 1-июнда “Балдар – биздин гүлүбүз” деген чоң программадагы концерт бергени жатабыз. Түркияга барып келүүгө көп каражат керек. Андыктан кыргыз бийин сүйгөн чыгаан уул-кыздарыбыз бизге колдоо көрсөтүп, демөөрчүлүк кылышса деген өтүнүчүмдү айтып кетким келет.

Сүйүн Кулматова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
24.05.2010. 19:07 
Тайпасы:
Кыймылы жок
Комментарийлердин саны:
45
Катталган:
10-04-2010
Соӊку аракети:
07-06-2010 16:08
Жынысы:
Белгисиз
0
зорго
26.05.2010. 11:58 
Тайпасы:
Кыймылы жок
Комментарийлердин саны:
12
Катталган:
17-05-2010
Соӊку аракети:
09-04-2017 00:04
Жынысы:
Белгисиз
0
uigilikterdi kaaalaibuz
26.05.2010. 20:12 
Тайпасы:
Кыймылы жок
Комментарийлердин саны:
16
Катталган:
04-04-2010
Соӊку аракети:
28-06-2010 19:49
Жынысы:
Белгисиз
0
азамат камчы ишин ийгиликтуу болсун сен бар рахат бар досун таалай екатеринбруг.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: