ЖЫЛДЫЗ ТӨЛГӨ 4-декабрдан 10-декабрга чейин

КОЙ (21.03-20.04)
Шашылыңыз. Сизди аптада ийгиликтер күтүп турат. Таасирдүү же эски тааныштардын жардамы аркасында мыйзамга байланыштуу маселелер жакшы чечилет. Алыскы шаарларда жашаган адамдардан жагымдуу кабар угасыз. Укук коргоо органдарын ынандыра аласыз.

БУКАЧАР (21.04-20.05)
Букачарлар бай келет деген сөзгө сиз эми ынанасыз. Апта ичи колуңузга аласа, насыялык же өнөктөштөр болуп иштеген иштерден акча келип түшөт. Сизден физикалык активдүүлүк гана талап кылынат. Антпесеңиз көп сумманы кыялданбай эле койгонуңуз оң.

ЭГИЗДЕР (21.05-21.06)
Адамдар менен өз ара мамилелер жакшырат. Учурдан пайдаланып көп жумуштарды бүтүрүп калууга аракет жасаңыз. Жубайыңыздын сизге, сиздин жубайыңызга болгон сезимдер күчөйт. Балдарыңызга да мээримиңиз төгүлөт.

БӨЙӨН (22.06-22.07)
Жумушуңуз жана үй-бүлөлүк турмушуңуз өз нугуна түшөт. Жакын арада күтүлүп жаткан келишимдер боюнча өнөктөштөрдү тандайсыз. Туугандар, айрым кесиптештер менен биргеликте пайдалуу жумуштарды бүтүрөсүз.

АРСТАН (23.07-23.08)
Балдар, эс алуу, чыгармачылык жаатында көп иш алып барасыз. Өз талантыңызды көргөзөсүз, сүйүүдөгү жеке мамиле да четте калбайт. Демек, ийгиликтер сөзсүз кубантат. Андыктан даяр болуңуз. Жолго чыксаңыз жагымдуу нерсенин болушун күтө бериңиз.

БИЙКЕЧ (24.08-23.09)
Бул жумада үйүңүзгө сөзсүз конок келет. Андыктан сый көрсөтүүгө акча даярдап коюңуз. Баса, акча жагы да бул күндөрү жаман болбойт. Жолго чыгуу маселеси да ойлондурушу мүмкүн. Конок кеткен соң балдарыңызга биринчи кезекте көңүл бурасыз.

ТАРАЗА (24.09-23.10)
Сизди апта ичи кыска мөөнөттүү сапар күтөт. Жагымдуу кабар угасыз. Жакынкы чөйрөдөгү адамдар менен жагымдуу сүйлөшүүлөр жүрөт. Мындай сүйлөшүүлөр туугандар арасында жакшы ой-пикир жаратат. Активдүүлүгүңүз күчөп, кадырыңыз өсөт.

ЧАЯН (24.10-22.11)
Капчыгыңызды даярдаңыз. Колуңузга акча тиет. Канчалык активдүү болсоңуз колго тийчү акчанын суммасы ошончолук чоң болот. Андыктан «алма быш, оозума түш» деген сөз бул аптада сиз үчүн эмес. Жакынкы күндөрү жолго чыгуу жана бир туугандар менен сүйлөшүүлөр күтүлөт.

ЖААЧЫ (23.11-21.12)
Бул аптада кадыр-баркыңыз көтөрүлөт. Достор, айрым бир мекемелер менен жакшы иш алып барасыз. Адаттагы активдүүлүгүңүздү бир аз күчөтсөңүз акчанын колго тийиши турган иш. Киреше алып келүүнүн жолдорун ойлонуңуз. Жыйынтыгы сизди көп күттүрбөйт.

ТЕКЕЧЕР (22.12-20.01)
Жетекчилик, жакын санаалаштар менен жагымдуу сүйлөшүүлөр жүрөт. Кайсы бир максатыңызга жетесиз, тилегиңиз орундалат. Планды жакшы деңгээлде орундатуу үчүн купуя аракетте болуңуз. Эч кимге сыр билгизбеңиз.

СУУ КУЯР (21.01-19.02)
Башка шаарда жашаган адамдар, текшерүү органдары, кесиптештер менен жагымдуу сүйлөшүүлөр жүрөт. Ортодогу жалпы кызыкчылыктар оң жагына чечилет. Зарыл учурда достордун жардамына таянууну да унутта калтырбаңыз.

БАЛЫК (20.02-20.03)
Өткөн күндөрдө жетекчиликтен айланып качкан болсоңуз, тескерисинче, бул жумада аларга жакын болуңуз. Жетекчиликтин сизге болгон көз карашы жакшы деңгээлде болмокчу. Жылдыздар бул жаатта кепилдик беришет.