реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

Борончу Кудайбергенов, куудул: «МЕНИН ТОЗОК ЖАШООМ ӨЗ АТА-ЭНЕМДИН КОЛУНА БАРГАНДА БАШТАЛДЫ»

№787 1-7-декабрь, 2017-ж.


«АТАМДЫН УКРАИНАЛЫК АЯЛЫН КУБАЛАП ЖИБЕРИШКЕН»
– Балалыгыма кайрылардан мурун кимдин баласы экениме бир аз токтолоюн. Атам Улуу Ата Мекендик согушка катышкан киши, эки жолу немистердин колуна түшүп, аман калган. Концлагерден кутулуп чыккандан кийин бутунан жарадар болуп бир айылда калып калса, ал айылды да немистер басып алыптыр. Кинодогудай бүт айыл элин чогултуп сарайга камап, эшик, терезелерин жыгач менен кагып бекитип, өрттөп жиберишкен экен. Сарайдын бир жагы жакшы күйбөй түтөй баштаганда атам дагы бирөө менен ошол жакты бузуп качып чыккан экен. Ажалы жок экен да. Согуш бүткөндө атам Кыргызстанда деле согуш болуп немистер басып алса керек деп, Украинада үйлөнүп, ошол жакта калып калат. Үйдөгүлөргө кат жазып, бул жакта согуш болбогонун, тууган-урук аман-эсен экенин билет. Аялы менен Нарынга келсе, «бул каапыр болуп кетиптир» деп туугандар баласы Курманбек байкебизди алып калып, энесин кетирип жиберишет. Ал киши ошол учурда каякка кетерин деле билбесе керек, Жумгалдын борборунда жашап жүрүп каза болду. Турмушка да чыккан жок.
Кийин туугандар атабызга биздин апабызды алып беришкен. Апам атамдан 20 жашка кичүү. Апам биринчи аялын билет да, кээде тамашалап «майрамдарда куттуктап койсоң боло, барып келбейсиңби» деп атама тийишип калчу. Ал ансайын атам «жөн турчу, ай» деп калчу. Атам трактор айдап, чабан болуп жүрдү. Мен ата-энемдин чабан кезиндеги төрөлгөн ортончу баласымын.

«ЖЕТИГЕ ЧЫККАНДА КАТУУ СЫНДЫМ»
– Төрөлгөнүмө 2 ай болгондо «тоодон кыйналабыз» деп мени атамдын көзү өтүп кеткен агасынын байбичесине берип коюшуптур. Ал кемпир суранса «бага албайт болуш керек, кайра берет» деп тоодон бешикке бөлөп, бешиги менен берип жиберишет. Бир күн күтүшөт жок, үч күн күтүшөт жок. Ырысбүбү апамдын мени бала кылып алганын түшүнүп, өзүмдүн апам Асый ыйлаптыр. Мен чоң апамды апам деп билчүмүн. Азыр ойлосом, мени бирөөнүн баласы дебей, өзү жебегенди жедирип, кийбегенди кийгизип эрке өстүрүптүр. Баланын шагы сынып калат дебей айрымдар «муну эмне мынча чоёктотосуң, бер өзүнүн ата-энесине. Бул чоңойгуча сен өлүп каласың. Сени бакпагандан кийин муну эмне багасың?» дей беришчү. Апам алар менен урушат. Өз балдарынан мени артык көргөн окшойт, алар да мени жаман көрүшчү. Апамдын улуу баласы мен эс тартып калганда аял алды. Жеңем мени жакшы көрүп эркелетейин десе керек, көтөргөндө ыйлап буттарын тепкилеп салыптырмын. Анан ал келин ыйлап, «мен кетем же бул баланы бергиле ата-энесине» деп шарт коёт. Байкуш апам жаңы алган келинин кетирип жибермек беле, мени кетирет да.
Мен чоңойгон үй менен өз ата-энемдин үйүн бир эле кошунабыз бөлүп турчу. Менин тозок жашоом өз ата-энеме кайрылып келгенде башталды. Бир туугандарымды бир тууган дей албайм, алар дагы мени чоочундай кабыл алышты. Уруша кеткенде «өзүңдүн балдарың биринчи тийишти, өзүңдүн балдарыңды кой дебейсиңби» деп айтам. Эрке өскөн бала элем, ошентип жетиге чыкканда катуу сындым. Ырысбүбү апам экөөбүз ортодогу кошунабыздын эшигинин алдынан жолукчубуз. Бир туугандарым «тур, сени чакырып жатат» дешет, апам келгенин дароо түшүнүп көчөгө чыгам. Чөнтөгүнө момпосуйларын салып келет, «мени минтишти, тигинтишти, алып кет» деп ыйлайм. Ал да ыйлайт. Бул көрүнүш күнүгө кайталанчу. Ошентип жүрүп жүрөгү ооруду окшойт, жарым жылдан кийин каза болуп калды. Баягы таянар тоом, даттанар адамым жок калды. Ким ыза кылса эле жашынып алып ыйлайм. Ошол күндөн тарта башкача чоңойдум. Куудул болуп калганымдын да бир себеби ушул болсо керек. Башымдан кайгылуу күндөрдү көп өткөргөндүктөн, элдин жылмайып жүрүшүн каалап калдым.

«АПАМДЫН ТИЗЕСИНЕ БАШЫМДЫ КОЮП ЖАТКЫМ КЕЛЧҮ»
– Бир туугандарым, ата-энем да мени өздөрүнөн алыс кармашты. Балким, өздөрүнө билинбейт. Момпосуй, кийим алып келсе көнгөнүндөй эле байкеме, иниме берет. Мага ашса берет, ашпаса бербейт. Апам бир жактан келе жатканда бир туугандарым «апам келе жатат» деп алдынан тосуп чуркашса, мен чуркай албайм. Жүгүрүп барган күндө деле «ушул деле балам» деп мээримин төгүп, башымдан сылабайт эле. Башкалар «апам мага муну алып берди, атам минтип айтты» деп мактанышса мен жетим баладай болуп четте турам. Кадимкидей апамдын тизесине башымды коюп жаткым келчү. Апам да ачык эле «мен тиги баламды жакшы көрөм. Бетиңе эле айтайын, Борончу, сени жакшы көрбөйм» деп калчу.

«КОЛХОЗГО ЖАРДАМ БЕРИП, ГЕРМАНИЯГА ДА БАРМАЙ БОЛГОНБУЗ»
– Апам жакшы көрсө экен деп үйдөгү жумуштардын баарын, тамактын түрүн жасачумун. Классташтарым көрбөсүн деп кой короого кирип алып, үйүлгөн шейшептерди жууйм. Камыр жууруп, нан жасайм. Бир күнү камыр жууруп коюп сабакка бардым. Экинчи агамдын келинчеги мугалим болчу. Класска кирип келгенде баарыбыз «саламатсызбы?» деп ордубуздан турганда эле «саламатчылык, отургула. Борончу, сен үйгө бар, камыр ачып калды, нан сал» деди. Классташтардын баары күлүп ийишти, мен кызарган боюнча үйгө кеттим.
7-8-класста окуп калганымда колхозго жардам берип, кыркынга, чөп чабыкка барып иштеп жүрдүк. 18 баланын бригадири элем. Биз жакшы иштегендиктен Германияга жолдомо бермей болушту. Суусамырда "Данияр менен Жамиля" деген бизге окшогон балдар, кыздардын эмгекчил тобу чыгып, алар да колхозго жардам кылышыптыр. Алар бизге караганда акылдуулук кылып тобунун атын Чыңгыз Айтматовдун чыгармасындагы каармандардын атынан коюшуптур. Кыскасы, саясат болуп кетти окшойт, Германияга биз эмес, алар кетишти. Бирок биздин эмгек акыбызды колго карматып, автобус менен Ысык-Көлдү айланып эс алып келгиле деп,
3 кой да салып беришкен.

«БИР ТОПКО ЧЕЙИН АРТИСТ ЭКЕНИМДИ КАБЫЛ АЛБАЙ ЖҮРҮШТҮ»
– Азыр жамандык, жакшылык болсо деле башка бир туугандарым чогула калып кеңешишет. Менин бар-жогумду бир туугандарым капарга деле алышпайт. Апам ыраматылык айылдан шаарга келгенде башка балдарына баштык көтөрүп келет да, мага алып келбейт эле. Мени туугандарыбызга 2 айлык кезимде берген өздөрү, кайра мени күнөөлүү кылып коюшкандарына эч түшүнчү эмесмин. Шаардан айылга барганымда апам жадырап-жайнап тосуп алчу эмес. Үйлөнгөндөн кийин деле чоочун бирөөнүн үйүнө баргандай болуп жүрчүмүн. Жакшы тосуп алса экен, көңүлү көтөрүлсүн деп адегенде баламды киргизип «чоң апа, мен келдим» дедиртчүмүн. Мени өтө капа кылганы, экинчи баламдын атын куудул, олуя атабыздын атынан Куйручук деп койбодум беле. Куудулга куран окутуп, айыл аксакалдарынан бата алайын деп айыл элин үйгө чакыргам. Анда ата-энемдин көзү өтүп кеткен, агам «сен өз ата-энеңе куран окутпай бирөөнүн атасына куран окутасың» деп казанда бышып жаткан эт менен кошо баккан апамдын үйүнө кубалаганы жүрөгүмдө. Мен намаз окуйм, аны милдет кылбайм, намаз окуган сайын ата-энеме куран окуйм.

"Жайлоодо бороон-чапкында төрөлүп, атымды Борончу коюшуптур".
"Апам кийин келинчегимди жакшы көрүп калды".


Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  9 
Комментарийлер(44)
05.12.2017. 12:51 
Тайпасы:
Жаран
Комментарийлердин саны:
37
Катталган:
25-01-2016
Соӊку аракети:
12-12-2017 19:01
Жынысы:
Белгисиз
+31
Окуп алып ыйлагым келди
05.12.2017. 13:28 
Тайпасы:
Жаран
Комментарийлердин саны:
118
Катталган:
28-01-2012
Соӊку аракети:
16-12-2017 01:32
Жынысы:
Белгисиз
Калаасы:
белгисиз
+7
rayana2015,мен дагы. Биздин да бир агабыз таэнемин колунда осуп, 4-классында "жетим " калган. Курган бизге кошула албай, бугунку кунго чейин "башка". Жетим болчу ушундай. Эстесем боорум ооруйт дагы эле.
05.12.2017. 13:36 
Тайпасы:
Жаран
Комментарийлердин саны:
299
Катталган:
23-10-2011
Соӊку аракети:
15-12-2017 21:43
Жынысы:
Белгисиз
+27
Жаңы келген женеси кызык го, жаш балага тенелип, алдап койсо болот эле да. Бир туугандары да абдан начар экен бышып жаткан этти алдыртып. Баарына ыйман берсин.
05.12.2017. 13:48 
Тайпасы:
Жаран
Комментарийлердин саны:
46
Катталган:
04-06-2011
Соӊку аракети:
16-12-2017 03:26
Жынысы:
Белгисиз
Калаасы:
россия москва
+11
Туура айтыптыр Борончу, ата эне бергенда кичинесинде куноолуу албетте, мен да он айында бердим кызымды чон энесине шартка байланыштуу азыр башка балдарым жанымда ал алыста, мурун ыйлай берчум азыр журогумо муз тонгон сыяктуу, мээрим бере албайм, себебин билбейм, барган сайын кичинелериме болуша кетем мени жакшы корбойсуз дей берет ал дагы кичине бирдеме болсо эле, сезеттир да,же басканын корбодум же биринчи суйлогонун же биринчи класска жетелеп барбадым,сен куноолусун дейм куйоомо,айла жок
05.12.2017. 13:57 
Тайпасы:
Жаран
Комментарийлердин саны:
121
Катталган:
05-11-2016
Соӊку аракети:
15-12-2017 23:51
Жынысы:
Белгисиз
+18
Ата энелер деле кызыктай болушат озу. Балдарын болуп жарып.
05.12.2017. 15:09 
Тайпасы:
Жаран
Комментарийлердин саны:
14
Катталган:
07-01-2012
Соӊку аракети:
13-12-2017 15:15
Жынысы:
Белгисиз
Калаасы:
bishkek
+13
Жазыксыз балада эмне күнөө. Ата-энеси туура эмес кылышыптыр.Борончу байке ата-энеден албай калган мээримиңизди уул-кызыңызга төгүңүз. Алар бактылуу болуп чоңоюшсун. Алардын мээрими сизге кайтат
05.12.2017. 15:40 
Тайпасы:
Жаран
Комментарийлердин саны:
17
Катталган:
23-10-2015
Соӊку аракети:
16-12-2017 02:53
Жынысы:
Белгисиз
+13
апасына таарынычы күч экен.таарынгандай эле кылыптыр апасы.
05.12.2017. 15:42 
Тайпасы:
Жаран
Комментарийлердин саны:
38
Катталган:
31-12-2016
Соӊку аракети:
13-12-2017 20:49
Жынысы:
Белгисиз
-7
Бирок, чын да. Ата энесине куран окутпай туруп, каяктагы кишиге окутат. Эми аты бар, элге таанымал кишидир. Бирок, ата энесичи? Жаман болсо деле биринчи ата энесине куран окутуп, анан"идеалына" кааласа, Көкөтөйдүн ашын берсин. Ата энеси дагы өз баласын бөлгөн туура эмес.
05.12.2017. 23:18 
Тайпасы:
Жаран
Комментарийлердин саны:
120
Катталган:
20-04-2016
Соӊку аракети:
13-12-2017 16:34
Жынысы:
Белгисиз
+8
radostmoya,кайдан билдин ата энесине куран окутпаганын?? Окутуп эле жургондур...ошо куну куйручука окутайын дептир жа...туура эмес кылган бир туугандары ата энеси
05.12.2017. 17:37 
Тайпасы:
Жаран
Комментарийлердин саны:
51
Катталган:
18-03-2011
Соӊку аракети:
15-12-2017 18:27
Жынысы:
Белгисиз
Калаасы:
Бишкек
+1
Бир чети, дуйнодо мен кыйын дегендер ата-энесинин мээримине тойбой, жакшы корунуш учун аракетчил болуп, ошол бойдон коп нерсеге жетишкендер. Кудай ушундай тагдырды жазыптыр мандайына, балким мындай нерсени башынан откорбогондо катардагы эле адам бойдон калып, аты чыкмак эместир.
05.12.2017. 18:55 
Тайпасы:
Жаран
Комментарийлердин саны:
7
Катталган:
14-02-2017
Соӊку аракети:
15-12-2017 22:35
Жынысы:
Белгисиз
+9
Боорум ооруду. Бирок жашоодо унушдай учурлар бар, менда тушунбойм. Баланы оздору таштап, анданда болуп конул буруп калышат. Балада эмне куноо
05.12.2017. 22:18 
Тайпасы:
Жаран
Комментарийлердин саны:
176
Катталган:
14-11-2013
Соӊку аракети:
16-12-2017 01:06
Жынысы:
Белгисиз
+12
Окуп отуруп аябай кайгырдым. Сизди ушундай кыйынчылыкта чонойду деп эч ойлогон эмесмин. Кулуп жадырап журсо жакшы турмушта оссо керек деп ойлогом.
06.12.2017. 00:14 
Тайпасы:
Жаран
Комментарийлердин саны:
198
Катталган:
14-11-2015
Соӊку аракети:
14-12-2017 11:50
Жынысы:
Белгисиз
Калаасы:
Шахризааданын жомогу
+2
Ата-энесинин кылганы албетте туура эмес. Ата эне ошентип жээрип атса,алардан УлГУ алган балдар деле бир боорум эле деп чекесинен сыламак беле.Куноо кобуроок энесинде болчу экен.Алла куноолорун кечирген болсун!
06.12.2017. 00:22 
Тайпасы:
Жаран
Комментарийлердин саны:
198
Катталган:
14-11-2015
Соӊку аракети:
14-12-2017 11:50
Жынысы:
Белгисиз
Калаасы:
Шахризааданын жомогу
+10
Тиги женелерине эмне бар эле дейм да. Бири уйдон кууп чыгып,бири классташтарынын алдында нан бышыр деп,шагын сындырып. Азыр келиндерде уят жок, тастандап дейбиз. Ар доордо ушундай сасыткылар бар болгон,боло берет. Кайненеси деле арасат оттун ортосунда калып,эзилип жүрүп каза болдуда. Жеңе сөөрөй себепкер болгонун абийири сезген бекен кеч болсода. Боорум ооруп кетти Борончу байкеге
Shahrizaada түзөттү 2017-12-06 00:25:57
06.12.2017. 00:34 
Тайпасы:
Жаран
Комментарийлердин саны:
121
Катталган:
22-10-2013
Соӊку аракети:
15-12-2017 23:53
Жынысы:
Белгисиз
Калаасы:
Кыргызстан.
-3
Тагдыр дейт муну. Көңүлүңүз өтө ооруган экен. Сизге бул сабак болуп, балдарыңызга, неберелериңизге мээримиңизди төгүңүз, намазыңыз кабыл болсун.
06.12.2017. 01:55 
Тайпасы:
Жаран
Комментарийлердин саны:
33
Катталган:
16-05-2012
Соӊку аракети:
11-12-2017 18:32
Жынысы:
Белгисиз
Калаасы:
osh obl.karasuu rai.jarooz ayili
+1
Оа турмушта көрүп жүрбөйбүзү ушундай бөлүп жарган аталарды же апаларды сөзсүз кезиктиресин.биринчи турмушунан бузулган балдары болсо аларга аз көңүл буруп жашап жаткан күйөөсүнүн балдарын аздектеп бапестеп баккандан бар.ата энеге билинбейт мүмкүн бирок бала сезет.бул нерсени өз көзүбүз м.н кезиктиребиз.аттиң ээх психологиясын бала кезинен эле өлтүргөнго.Бирок кандай болгон күндө да апаны атабызды сыйлаш керек,айла жок бир күн өз катасын түшүнөтүр.кудайым озү таразалап коёт баарысын
mairamkan2011 түзөттү 2017-12-06 02:01:20
06.12.2017. 01:58 
Тайпасы:
Жаран
Комментарийлердин саны:
53
Катталган:
12-07-2011
Соӊку аракети:
15-12-2017 13:29
Жынысы:
Белгисиз
Калаасы:
Бишкек
+1
Мен теманы окуганда ойлогом,куудулдугуна салып бир окуяны айткан го деп,корсо сахнада кулгрну менен ,жеке жашоодо ызаланып журот экен да агабыз...Аялыныз бала чаканыз менен бирге бакубат омур сурунуз!!!
06.12.2017. 04:55 
Тайпасы:
Жаран
Комментарийлердин саны:
12
Катталган:
29-11-2011
Соӊку аракети:
13-12-2017 05:57
Жынысы:
Белгисиз
Калаасы:
ош
+6
Мен да окуп алып ыйладым.менин да уулум ата энемде жакында алып келем жаныма.озум мээрим тогуп остуром буйруса.
06.12.2017. 17:07 
Тайпасы:
Жаран
Комментарийлердин саны:
31
Катталган:
13-08-2017
Соӊку аракети:
16-12-2017 04:32
Жынысы:
Белгисиз
+2
Арманы аттын башындай экен да шордуунун
06.12.2017. 18:46 
Тайпасы:
Жаран
Комментарийлердин саны:
1
Катталган:
15-05-2016
Соӊку аракети:
15-12-2017 13:17
Жынысы:
Белгисиз
+6
Ыйлап алдым окуп,менин да башымдан ушундай кундор отту,эстесем азыр да ыйлайм,эмнеге берген оздору дагы эмнеге балдардын арасынан болуп турат деп.
07.12.2017. 08:54 
Тайпасы:
Жаран
Комментарийлердин саны:
37
Катталган:
03-01-2016
Соӊку аракети:
15-12-2017 09:17
Жынысы:
Белгисиз
Калаасы:
Ош шаары
+5
Уйго алам эмес кучук,мышык алып келип баксанда мээрим менен банасынго.7жашар балада эмне куноо.Торогон апасынын дээринде мэжрими жок экен да.Торогон балан эмес Кочодо кетип жаткан ьалаыйлап калсада ыйлагын келет го
07.12.2017. 20:21 
Тайпасы:
Жаран
Комментарийлердин саны:
169
Катталган:
16-03-2014
Соӊку аракети:
16-12-2017 02:37
Жынысы:
Белгисиз
Калаасы:
Кыргызстан.
+2
Элди кулдуруп куудул болгону менен, басып откон жаштыгы конул жылытаарлык эмес экенда.
07.12.2017. 20:49 
Тайпасы:
Жаран
Комментарийлердин саны:
81
Катталган:
07-01-2012
Соӊку аракети:
14-12-2017 13:57
Жынысы:
Белгисиз
+2
Боке боюнуз даагы жакшы ушунча өсүптүр,башка адам болгондо куудул болмок турсун жашоодон да тажап асынып алат беле ийгилик
07.12.2017. 21:43 
Тайпасы:
Жаран
Комментарийлердин саны:
31
Катталган:
06-02-2012
Соӊку аракети:
14-12-2017 07:49
Жынысы:
Белгисиз
0
Илгеери балага катуу эле мамиле кылышчу экен..азыркыдай тайтактаган балдар аз болчу
08.12.2017. 18:26 
Тайпасы:
Жаран
Комментарийлердин саны:
77
Катталган:
10-08-2016
Соӊку аракети:
16-12-2017 04:08
Жынысы:
Белгисиз
+1
Kroxa,ошентсе да башка балдарынан болуп карабаш керек болчу да,эркелетпесе да жээригени жаман болуптур.
08.12.2017. 18:25 
Тайпасы:
Жаран
Комментарийлердин саны:
77
Катталган:
10-08-2016
Соӊку аракети:
16-12-2017 04:08
Жынысы:
Белгисиз
+5
Жеткинчек баланын сарайдын ичинде додо кирлерди жууп атканын,турлоп тамак жасап атканын (ата-энесине жагайын деп)элестетип алып зээним кейип козумо жаш тегеренди...апасынын суйкумдуу коз карашына бир ирет ээ болоюн деп зарыккандырсыз...
Бороончу байкени мурда сыйласам азыр эки эсе урмат менен башкача коз менен карап калдым,сизге ийгилик,уй-булолук бакыт жана ден-соолук каалайм!Онорунуз оркундой берсин!
08.12.2017. 20:23 
Тайпасы:
Конок
Комментарийлердин саны:
13
Катталган:
27-09-2017
Соӊку аракети:
13-12-2017 12:18
Жынысы:
Белгисиз
+3
Кандай окунучтуу
08.12.2017. 23:01 
Тайпасы:
Жаран
Комментарийлердин саны:
35
Катталган:
09-11-2016
Соӊку аракети:
15-12-2017 22:28
Жынысы:
Белгисиз
+4
Ушул макаланы окугандан бери,ой басып ушунчалык боорум ооруду Борончу байкеге.
09.12.2017. 01:18 
Тайпасы:
Конок
Комментарийлердин саны:
3
Катталган:
09-10-2017
Соӊку аракети:
14-12-2017 21:20
Жынысы:
Белгисиз
+2
Байке ботон жерде чоноюп оз бир туугандардан алыс чонойгондо ошондой болуп калат экен мен дагы 4жашымда тайне таятанын колунда чоноюп куйоого тийгенче ошол кишилердин колунда болдум, бирок тилеке каршы таятам 10классымда каза болуп калды,озум таятамдын эрке кызы элем аябай оор болду(((( тайнем мени особо деле жакшы корчу эмес жээрип саяксын деп, мен дагы Жумгалдын Байзак деген айылынан болом тубум,бирок тайларда Сокулукта чонойдум.Таятам каза болгондо ошондо билдим мен жалгыздык эмне экенин
09.12.2017. 01:21 
Тайпасы:
Конок
Комментарийлердин саны:
3
Катталган:
09-10-2017
Соӊку аракети:
14-12-2017 21:20
Жынысы:
Белгисиз
+1
Курсагын,сагынуу жалгызсыроо,озунду эч кимге кереги жок сезуу деген сыноо мени бир заматта токтоо муноз ойчул кылып койду болбосо шайыр,ачык айрым,тарсылдаган кыз элем
09.12.2017. 01:28 
Тайпасы:
Конок
Комментарийлердин саны:
3
Катталган:
09-10-2017
Соӊку аракети:
14-12-2017 21:20
Жынысы:
Белгисиз
+3
Сизди мен аябай тушунуп жатам озумдой элестетип кеттим,кичинекей кезимде мамамды атамды куткон кундор,менин алсыздыгымды пайдаланып таежемен сабоо жегенимди,кичинекей болсом да уйдогулорго жагыш учун кылган эмгегим мээнетимди эстесем элге жагыныш учун кылып жургон оокаттардан азыр аябай конул калган бирок жашоого быштым баарынан тын кыз болдум эрки кучтуу,эч кимден коркпогон ташбоор кыз болдум эне мээрими деген эмне экенин билбей чонойгон ошого карабай дайыма кулуп жаркылдаган кыз болдум
09.12.2017. 21:45 
Тайпасы:
Жаран
Комментарийлердин саны:
13
Катталган:
03-08-2017
Соӊку аракети:
15-12-2017 23:22
Жынысы:
Белгисиз
0
Жаркылдап журсон телегейи тегиз корунот эле тагдырдын оор жолун откорупсун бирок турмушка бышыпсын Эми балдарынды мээримге бологуло аялын экоон кийнки жашоон жакшы болсун кыргызда макал бар мурун байыган байыбайт кийин бацыган тайыбайт
10.12.2017. 21:13 
Тайпасы:
Жаран
Комментарийлердин саны:
28
Катталган:
05-04-2017
Соӊку аракети:
15-12-2017 22:28
Жынысы:
Белгисиз
+1
Эх бул Берген маегин окуп алып козумо тамчы жаш келди,бул байке 7 жашында оз ата-энесинин колдуна барса,менин иним журогумдун жарымы болгон Уларбегим 7 жашында башка бироонун уйуно коноко барган бойдон келбей калды,эх ошол кундор иними канча жолу алайлы деп аракет кылсак да ыйлакташып бизге бергиле деп туруп алгандары козумон кетбейт,7 жашка чейин бизде болсо 7 жыл аларда болду калган жылы эчкимге буйрубады,шум ажал алып кете Берли 14 жашында,быйыл 19 чыкмак эле айласыздан кондук жоктугуна.
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макалага кирди:

Макалалардын саны:
19955;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: