ВИЦЕ-СПИКЕРЛИК КРЕСЛО «АТА МЕКЕНГЕ» ТИЕБИ ЖЕ «РАЖгабы»?

Жогорку Кеңештин «Республика-Ата Журт» фракциясынан депутат Алтынай Өмүрбекова парламенттин 6-декабрдагы жыйынында төраганын орун басары кызматынан өз каалоосу менен кетерин жарыялады. Эл өкүлдөрү анын өтүнүчүн канааттандырды. Өмүрбекова вице-спикерликти 1,5 жылдан бери аркалап келе жаткан.
Вице-спикердин ордуна учурда оппозициядагы эки фракция өз талапкерлерин сунуштаганы жатышат. «Ата Мекен» фракциясынан депутат Сайдулла Нышанов көрсөтүлөрү белгилүү болсо, «Республика-Ата Журттан» депутат Курманкул Зулушев сунушталмакчы. Бул маселени адегенде парламенттин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитети карап, кийин жалпы добуш берүүгө чыгарылат.

Бектур Токтоноев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 788, 8-14-декабрь, 2017-жыл