Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«КЫЗ БАЛА МУРАСКЕР БОЛО АЛБАЙБЫ?»

№788 8-14-декабрь


Окурмандардан келген суроолорго юрист Калыйнур Батыралиев жооп берет.

– Саламатсыздарбы, менин ата-энемдин үйүн алардын көзү өткөн соң атамдын бир тууган карындашынын талашууга укугу барбы? «Сен кызсың, мураскер боло албайсың» деп үйүбүздү талашып жатат. Анын 3 үйү, жалгыз уулу, 3 кызы бар. Чоң энемдин өзүнүн үйү бар. Ата-энем салган үйдү энем "сеники" десе деле болбой, эжем энемди өзүнүн таламын талашууга үндөп жатат. Эжемдин максаты – ата-энем салган үйдү жең ичинен атамдын инисине сатуу. Ата-энемдин уул баласы жок деген шылтоо менен үйдү өздөрүнө жаздырып алса болобу?

Нургүл, Баткен шаары

– Атаңыздын карындашынын үйдү талашууга укугу жок. Себеби Кыргыз Республикасынын Жарандык кодексинин 1142-беренесине ылайык, маркумдун ата-энеси, келинчеги жана балдары биринчи кезектеги мураскерлер болуп саналышат. Алар жок болгон учурда гана бир туугандары мураскер катары чыга алат. Маркумдан калган буюмдар же мүлктөр биринчи кезектеги мураскерлерге (маркумдун ата-энеси, келинчеги жана балдарына) тең бөлүнөт. Мыйзамда кыз же уул деп бөлүнбөйт, баары мураскер деп аталат. Чоң энеңиздин өзүнүн үйү болсо дагы баласынан калган үйдүн өзүнө тиешелүү бөлүгүн алганга укугу бар, ал эми эжеңиздин укугу жок. Атаңыз каза болгондон кийин 6 айлык мөөнөттү өткөрбөй мамлекеттик нотариуска мурасты кабыл алууга күбөлүк алуу үчүн арыз жазууңуз керек, антпесеңиз мөөнөттү өткөрүп жибересиз.

«МАШИНАМДЫН АКЧАСЫН ТОЛУК БЕРБЕЙ ЖАТАТ. WHATSAPP`ТАГЫ СҮЙЛӨШҮҮЛӨР ДАЛИЛ БОЛО АЛАБЫ?»
– Мен Тойота Виш үлгүсүндөгү унаамды шылуундарга алдырып жибердим. Машинаны 3500 долларга баалагам. Алган адам анын 2 миңин берип, калган 1500 долларды 1 айда берем деген боюнча качып жүрөт. Менин кемчилигим – тил кат (расписка) жаздырып албаптырмын. Бирок WhatsApp`та жазышкан сөздөрүбүз, алдап кеткен баланын сүрөтү бар, булар далил болуп бере алабы? Ушул маселе боюнча кимге кайрылышым керек, акчаны өндүрө аламбы?

Талант, Ат-Башы району

– Тактай кетчү маселе, кандай келишимдин негизинде саттыңыз эле? Эгер машинаны анын наамына келишим аркылуу каттап өткөрүп берген болбосоңуз, техникалык паспорт боюнча ээси сиз болсоңуз, анда машинанын мыйзамдуу ээси сиз болуп саналасыз. Бул учурда машинаны башка бирөөнүн мыйзамсыз колдонуусунан кайтарып алуу тууралуу сотко арыз менен кайрыласыз. Бирок ал берген акчаны кайрып бересиз.

«КАЙЫН СИҢДИМ БАЛАМ ЭКӨӨБҮЗДҮ ҮЙДӨН КУУП ЧЫКТЫ»
– Мен Оштон болом. Жолдошум менен ажырашып кеткем, ортодо бир балабыз бар. Кайын сиңдим үйдү талашып, мени акеси менен жашатпай кууп чыккан, айла жок төркүнүмө келе бергем. Жолдошум алимент төлөбөйт, ата-энем берген септи да кайра бербей жатышат. Балабызга туулгандыгы тууралуу күбөлүк да алган эмеспиз, ошондуктан ооруп калганда ооруканага алып барсам карашпайт. Балам экөөбүз кыйналып жашап жатабыз, эмне кылсам болот?

Гүлшайыр, Ош шаары

– Сиздин маселеге бир нече жооп бар:
1. Эгерде алимент өндүрөм десеңиз, баланын туулгандыгы тууралуу күбөлүк алып, анда атасы ким экендиги көрсөтүлүшү шарт. Ал эми күбөлүк алуу үчүн баланын туулгандыгы тууралуу медициналык тактама (төрөт үйүнөн аласыз) керек.
2. Эгер атасы өзүн баланын атасы катары көрсөтүүдөн баш тартса, аны сот аркылуу аныктоо керек.
3. Атасы ким экенин мыйзамдуу түрдө тактаган соң атасынан алимент өндүрүүгө болот.

«БАЛДАРДЫН АПАСЫ ЖОК БОЛСО ДЕЛЕ АНЫ ЭНЕЛИК УКУКТАН АЖЫРАТСА БОЛОБУ?»
– Менин агам каза болгон, артында 3 баласы калды, аларды ата-энем багат, баары мектепте окуйт. Жеңем турмушка чыгып кеткен, быйыл 3 жыл болот. Сурайын дегеним, жеңем балдардын жөлөк пулун (пособие) өзү алат, телефон чалып сурап да койбойт. Балдарды кантип өзүбүзгө жаздырып алсак болот? Балдардын апасы жаныбызда жок болсо деле аны энелик укуктан ажыратууга мүмкүнбү?

Асел, Кант шаары

– Кыргыз Республикасынын Үй-бүлөлүк кодексинин 74-беренесине ылайык, өз милдеттерин аткарбай жаткан учурда ата-энелик укугунан ажыратса болот. Энелик укуктан ажыратуу боюнча маселени сот карап чечет. Соттун ата-энелик укуктан ажыратуу тууралуу чечиминде бала кимге (опекун) берилип жаткандыгы тууралуу көрсөтүлүшү керек. Эгер камкордукка алчу киши белгилене элек болсо, бала Балдарды жана үй-бүлөнү коргоо боюнча органга берилет. Эгер баланын туугандары камкордукка алуучу катары белгиленген болсо, ушул учурда гана бала туугандарына берилет. Камкордукка алуучу адамды белгилеп алган соң энесинин баласына карабай жаткандыгы тууралуу так далилдерди топтоп жана жөлөк пул алып жаткандыгы тууралуу дагы далилди тактап, анан сотко кайрылууга болот.

«ЖОЛДОШУМ МЕНИН МАКУЛДУГУМСУЗ КЫЗЫМДЫН ФАМИЛИЯСЫН ӨЗГӨРТӨ АЛАБЫ?»
– Күйөөм менен ажырашып кеткем, кызым бар. Кызым менин фамилиямда, эми атасы өзүнүн фамилиясына өткөзөм деп жатат. Мен буга каршымын, менин макулдугумсуз жолдошум өзүнүн фамилиясына өткөзүп ала алабы?

Бермет, Ош шаары

– Жолдошуңуз сиздин макулдугуңуз жок баланын фамилиясын өзгөртө албайт.
Бул маселеге байланыштуу Кыргыз Республикасынын Үй-бүлө кодексинин 64-беренесинде «Жашы жете элек 16 жашка чейинки балдардын фамилиясын ата-энеси фамилиясын өзгөрткөндө же экөөнүн бирөөсү фамилиясын өзгөрткөндө, же ата-энесинин экөөнүн тең суранычы менен ЗАГС органдарынан өзгөртүүгө болот» деп жазылган.

«ЖЕРИБИЗДИ ИЖАРАГА АЛГАН АДАМ АНЫ ӨЗҮНӨ КАТТАТЫП АЛЫПТЫР...»
– Бизде үлүш жер бар эле, атам 20 жылга ижарага берген. Ижара убактысы бүтөрүнө 1 жыл калган. Нотариус аркылуу алдым-бердим кылганбыз, бирок ижарага алган киши кызыл китепти сурап алып калган. Нотариустун оригинал барагы бизде, биз китепти сурап барсак, жерди өзүнө каттатып алыптыр. Кантип кайтарып алсак болот?

Эльнура, Ысык-Ата району

– Эгер сиздер жерди ижара келишими аркылуу колдонгонго берсеңиздер, ижарага алган киши кандай жол менен өзүнө каттатып алды, ошону такташыңыз керек. Ал киши кандайдыр бир келишим аркылуу же соттун чечими жана башка ушу сыяктуу укукту бекитүүчү документтер менен өзүнө каттап алышы мүмкүн. Бул жөнүндө маалыматты, ижарага берген жер кайсы районго караса, ошол аймактын Мамлекеттик каттоо органынан ала аласыздар. Эгер каттоону чын эле укук бузуу менен болгон деп ойлосоңуздар, анда сотко укукту бекитүүчү документтерди жокко чыгаруу маселеси менен кайрылсаңыздар болот.

 

Окурман, сиз укуктук жактан коргоого муктажсызбы? Анда биздин «Адистин кеңеши» рубрикабыз кызматыңызда. Сиздин тынчыңызды алган суроолорго тажрыйбалуу адистер жооп беришет. Кат жазыңыз, кеңеш сураңыз! Суроолорду (0312) 32 33 26 номери, 0557756319 WhatsApp номери аркылуу берсеңиздер болот же kenesh@super.kg дарегине кат жазыңыз.


Асыл Орозбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
13.12.2017. 13:27 
Тайпасы:
Жаран
Комментарийлердин саны:
69
Катталган:
05-11-2015
Соӊку аракети:
14-11-2018 10:22
Жынысы:
Белгисиз
Калаасы:
Екатеринбург
+5
Менин балам да менин фамилямда эле. Менден сурабай эле менин паспортумду алып барып мен кол койчу жерлерге кайненем кол коюп өзгөртүп коюшуптур го.
14.12.2017. 18:10 
Тайпасы:
Жаран
Комментарийлердин саны:
168
Катталган:
22-03-2007
Соӊку аракети:
29-10-2018 22:16
Жынысы:
Белгисиз
Калаасы:
Жалалабат
+2
aizirek...,эчтеке болбойт сенда кайнене болосун ошондо тушуносун, ананда кыз турмушка чыкканда да атасынын фамилиясында калуусу керек. Бул салт - санаа - ислам шариятынын шайкештиги
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: