ЖЫЛДЫЗ ТӨЛГӨ 25-декабрдан 31-декабрга чейин

КОЙ (21.03-20.04)
Көйгөйлөр артта калууда. Бул жумада колуңузга акча тийип кубанасыз. Айрым мекемелер менен купуя аракеттерди көбүрөөк жасаңыз. Активдүү, эрктүү болуңуз. Жыйынтыгы сизди капа кылбайт.

БУКАЧАР (21.04-20.05)
Көңүлүңүздүн тынчын алып келген негизги көйгөйлөрдү ушул аптада бүтүрүп үлгүрүңүз. Ыңгайлуу мезгил. Маселелерди чечүүдө дос, кесиптеш, өнөктөштөрдүн жардамына таянганыңыз оң. Жубайыңыздын кеңешин да четке какпаңыз.

ЭГИЗДЕР (21.05-21.06)
Өткөн апталарда кесиптештер арасында болгон таарынычтар калыпка түшө баштайт. Мурчуйбаңыз, кабагыңызды ачыңыз. Бул аптада бирге иштегендер гана эмес, жетекчиликтин да сизге болгон көз карашы оңолот.

БӨЙӨН (22.06-22.07)
Башка шаарларда жашаган балдарыңыздын келиши же сиздин аларга барышыңыз күтүлөт. Эс алуу, романтика, чыгармачылык да четте калбайт. Алыскы жол, көзөмөл органдары, кайын журт маселеси да жөнгө салынат. Жолугушуулар болот.

АРСТАН (23.07-23.08)
Үй тиричилик, жеке иштериңизди өзүңүз ойлогондой орундатасыз. Үй-бүлө мүчөлөрү менен жагымдуу сүйлөшүүлөр жүрөт. Ата-энеңизден кабар алып койсоңуз да жыйынтыгы жаман болбойт. Кирешенин кириши күтүлүүдө.

БИЙКЕЧ (24.08-23.09)
Сизди бул аптада кыска мөөнөттүү сапар күтөт. Туугандар, кошуналар менен активдүү алакада болосуз. Документ иштерин ийгиликтүү бүтүрөсүз. Жакшы кабар угасыз. Жубайыңыз сизге өтө сонун мамиле кылса таң калбаңыз.

ТАРАЗА (24.09-23.10)
Өткөн аптада жаралган көйгөйлөр акырындап бүтүүдө. Бул жумада активдүүлүк жана чыгармачылык менен иштөө оң жыйынтыктарга алып келет. Жуманын орто чендеринде колуңузга акча тиет. Кесиптештердин сый-урматына ээ болосуз.

ЧАЯН (24.10-22.11)
Тоскоолдуктар азайып, кадыр-баркыңыз жогорулап жатканын байкайсыз. Эс алууларга, романтикалык кечелерге күбө болосуз. Балдарыңыздын ийгилиги кубантат. Аларды көп сагынасыз. Спирт ичимдигинен таттуу нерсени өйдө коюу максатка ылайыктуу.

ЖААЧЫ (23.11-21.12)
Үй иштерин уюштуруу, бүтүрүүнү өз колуңузга алганыңыз оң. Көп жумушту жалгыз жасоого туура келет. Жабык типтеги мекемелерден кабар алып коюңуз. Купуя аракеттердин астында негизги жумуштарды бүтүрүүгө болот.

ТЕКЕЧЕР (22.12-20.01)
Көптөн бери көксөгөн максатыңызга жетесиз. Ал үчүн сизден активдүүлүк, чечкиндүүлүк талап кылынат. Курбу, кесиптештердин, айрым ишкана жетекчилеринин колдоосуна ээ болосуз. Туугандар менен жагымдуу сүйлөшүүлөр жүрөт.

СУУ КУЯР (21.01-19.02)
Башка учурларда жетекчинин эшигинен оолактап качсаңыз бул аптада, тескерисинче, ал жерден көп өтүүгө аракет жасаңыз. Анткени анын сизге болгон көз карашы эң жакшы. Айлык акыңыздын жогорулашы же сыйлык акчанын берилиши күтүлүүдө.

БАЛЫК (20.02-20.03)
Бул аптада алыскы сапарга чыгасыз жана ал кызыктуу өтөт. Көзөмөл органдары менен болгон мамиле өзгөрмөлүү болот. Жакшы жагын тандаңыз. Алыскы шаарларда жашаган туугандар жана кайын журтуңуз сизди баалашат. Көп макташса, манчыркабаңыз.