Нурлан Насип, ырчы: «КИЧИНЕМДЕ АЯЗ АТА КАЙДА КЕТТИ ДЕП ОЙЛОНО БЕРЧҮМҮН»
– Кандайсың, Нурлан? Ар адам жыл алмашарда артта калган өмүрүнө саресеп салып, эмнеге жетиштим, эмнени аткара албай калдым деп анализ жасаса керек. Сенин быйылкы жылыңа берген бааң кандай болду? – Өтүп бара жаткан жылыбыз мен үчүн өтө жакшы жылдардан болду. Кичинемден берки кыялым ишке ашып, бир нече өлкөнү кыдырып келдим. Жыл башында эле Түштүк Кореяга бардык, андан кийин Европанын бир нече мамлекетинде болдук.Түркияда, Дубайда, Орусиянын бир нече шаарларында жана Кыргызстандын жети облусуна да концерт гана бербестен көңүлдөгүдөй эс алууга жетиштик. Кыскасы, учакта, унаада эле жүргөн жыл болду. Андан сырткары чыгармачылыкта хит ырларды жараттык. Көптөн бери планымда жүргөн ишимди ойдогудай жүзөгө ашырып, сентябрь айында Бишкек шаарында жеке концертимди бердим.
– Ит жылын кандай тосоюн деп жатасың? – Келе жаткан жылы мындан да катуу иштейин, жакшы чыгармаларды жаздырайын деп жатам. Менин азыркы жашоомду чагылдырып кино тарталы деген сунуштар түшүп жатат. Кино жаатында да жаңылыктар болот окшойт деп турам. Окурмандар «бул үйүн качан бүтөт?» деп жатышат болуш керек. Үй салып жатпадым беле, майда-чүйдөсү бүтпөйт экен. Жаңы жылга чейин толук бүтүрүп, үй-бүлө мүчөлөрү баарыбыз чогуу тосолу деп жатабыз. Буга чейин деле чогуу тосчубуз, бирок турмушка чыккан эжелерим келчү эмес. Мен да ишиме байланыштуу көп учурда үйдө болбой калчумун. Кичинекей кезиңди сагынат экенсиң. Эсимде, анда азыркыдай барчылык эмес, тартыш заман. Короодо өскөн алмаларды кагазга ороп, Жаңы жылда жейбиз деп жашиктерге салып сактачубуз. Апам «Жаңы жылда жейсиңер» деп салаттарды банкаларга жапчу. Торт, шире, шоколад дегендерди Жаңы жылда эле көрчүбүз. Апам буларды сатып келгенде кудуңдап сүйүнүп, качан кеч кирет деп улам тортту карап, апам жокто четинен чукуп жеп көргөн күндөр өткөн. Анда-санда жегенде таттуу болот окшойт. Торттун таттуулугун айтпаңыз. Айттырбай апама жардам берип, алмаларды аарчып, салаттарды табактарга салып чуркап калчу элем. Анан апам ар бирибизге белек берчү. Аяз атаны мектептен, анан сыналгыдан эле көрчүмүн. Аяз атага жагып, момпосуй алсам экен деп өтө аракет кылып ырдачумун. Кадимкидей ошол күндөрдү сагынам.
– Азыр үйдө кичинекей балдар көп болсо керек, аларга майрам уюштуруп берейин деген ойлор барбы? – Айта берейин, алар кичинекей, гезит окушпайт. Чын эле эже, байкелеримдин балдары көп. Аларга буюртма менен Аяз ата чакырып, мүшөгүнөн оюнчук, таттууларды таратып берсе деп жатам. Эми алар ишенеби, ишенбейби билбейм. Азыркы балдар баарын билишет го. Мен кичинемде Аяз атага өтө ишенип, жаңы жылдык майрамдар бүткөндөн кийин Аяз ата каякка кетти деп ойлоно берчүмүн. Жанына барганда сүрдөп, момпосуй берсе сүйүнүп, айтор, керемет күндөр өтүптүр.
– Кийинки Жаңы жылды жубайың менен тосуп калышың мүмкүнбү? – Акыркы эки жылдан бери үйлөнүү тууралуу суроолор ата-эне, тууган-урук тарабынан көп бериле баштады. Чындыгында убакыт келип калды. 2018-жылы үйлөнсөмбү деп ниет кылып жатам. Буюрса, бул эң негизги пландарымдын бири.
2018-жылы Нурлан Насип үйлөнсө, Айымжан алгачкы альбомун чыгарат
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (22)
bond02
2017-12-26 10:42:28
Мунун жашоосу кимге кызык, телефонуна тартсын да жакындарына корсото берсин, же бул легенда болбосо.
+7
girls
2017-12-26 16:23:16
bond02,ичин куйсо туз жала молча завидувуй ушу кыргыздар бироонун ийгилигин такыр көрө албайбыз аман эле бол. Нурлан так держат алга жана алга!!!
-2
Nanei
2017-12-26 20:18:46
girls,эл болгонун айтат. Канча омур жол басвп жибериптир бул ырчы кино тарта турган???соз калбай калганда эле молча завидуй деп каласынар. Эч Ким ичи куйбойт.
+4
bond02
2017-12-26 22:42:28
girls, ХХХХХ ХХХХХХ
+5
admin_media
2017-12-27 10:25:14
bond02, коомдук этикага туура келбеген сөздөрдү жазууга тыюу салынат! 10 күн БАНга!
-4
korul.alai001
2017-12-27 22:09:45
bond02,бироонун жашоосу бироого туман дегендей,балким кино тарта тургандай жашоодо жашап жаткандыр, кайдан кулак чыгарса казанчынын оз эрки эмесби
-1
Bagdayim
2017-12-26 12:02:19
Кимге керек деп алып,киносу чыгып калса кудундап кино театрга карап жугуруп каласынар
+19
gulaza
2017-12-26 12:47:15
Аябай актердук чеберчилиги бар деп айта албайм уялуу тартынуу сезимдери байкалып турат
+4
love_you
2017-12-26 13:33:09
Анжеликанын тагдырын чагылдырган кино коруп калдым, тумар каналдан. уялганымдан олуп кала жаздадым эй. Браво деген деле анча эмес, эми ар бир жылдыз оз жашоосун тартат го, по ходу мода болду окшойт го
+17
Bakytbekova777
2017-12-26 16:38:28
Коро албастыктын эмне кереги бар? Жакшы созунор жок болсо жазбай эле койгулада же жон гана ийгилик каалап койгула!!!
0
Bakytbekova777
2017-12-26 16:40:19
Мындан да бийик даражага которулунуз. Молодец
+3
lazygirl
2017-12-26 17:52:15
Жаш балдарды аяз ата менен алдабай эле койгон оң го дейм. Ийгилик сизге!
+3
Meerimka2019
2017-12-26 19:49:41
Нурлан чыгармачылыгыңа ийгилик! Бешенеңе өзүңө окшогон жөнөкөй жар туш болсун!
+2
aiturgasha
2017-12-27 19:54:50
Кичинекей кезибиздеги жаны жыл тосконубузду эстеп кеттим. Чынында карангы киришин кутуп, тортту 10жолу карап, качан жейт экенбиз деп)) ийгилик сизге Нурлан
+2
Benazir08
2017-12-27 23:59:56
Нурлан Насип тишин ондотутуптур байкадынарбы?
0
Ne.vajno
2017-12-28 00:28:36
Нурлан молодец жакшы кызга уйлонуп ал! Асель аябай жакшы кыз балким тагдырынар бирдир. Айыма красавица желаю успехов!
+1
Birimdik5555
2017-12-28 02:00:53
Нурлан ото жонокой бала да ийгилик,азаматсын.Асель менен парасынар деп ойлойм
0
Nurkyz1977
2017-12-28 10:40:38
Аракет кылсан берекет дегендей канчалаган туйшуктун артынан ушундай ийгилике жетип атат да оо кыргыз элим коро албастыктын чеги барго. Тартыла элек киного эмне эле озунорчо кыйналып жатасынар? Силерди ар биринер коргуло деп кыйнап жатабы? Ким кааласа корот,каалабагандар корбогуло. Башка адамдын ийгиликтерин коргусу келбеген ичи тар адамга эч качан ийгилик жылмайбайт. Пейили тар адам бай болбойт. Нурлан иним ийгилик каалайм бар бол аман бол эн негизгиси адам бол!
+2
bahabaike
2017-12-28 23:34:46
Улуу актер С. Чокморов же болбосо Чолпонбай Тулобердиевтин жашоосун чагылдырган кино барбы? айткылачы?! Азыркы чала режисер болумуштар да акча учун да ушу баланын жашоосун тартам деп.
-2
Alman__kg
2017-12-30 16:54:15
Кайрат нуртас деле екинчи жолу кино тартпадывы озунун жашоосун мына нурлан Насип деле тартса жаман болбос анын емнеси бар киносу чыкса коруп коёбузда
0
Комментарий калтыруу үчүн өз ысымыңыз менен кириңиз же каттоодон өтүңүз.
– Кандайсың, Нурлан? Ар адам жыл алмашарда артта калган өмүрүнө саресеп салып, эмнеге жетиштим, эмнени аткара албай калдым деп анализ жасаса керек. Сенин быйылкы жылыңа берген бааң кандай болду?