Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨКМӨТ БАШЧЫНЫН КҮТҮҮСҮЗ РЕЙДИНЕН КИЙИН «МАНАС» АЭРОПОРТУНДА ӨЗГӨРҮҮ БАРБЫ?

№790 22-28-декабрь



ЭЛ АРАЛЫК АЭРОПОРТТОН РЕПОРТАЖ
Мындан 2 ай мурун премьер-министр Сапар Исаков таңкы саат 6да "Манас" эл аралык аэропортун капыстан барып текшерүүгө алган. "Эшигин көрүп төрүнө өт" демекчи, борбордогу жалгыз авиабекеттеги кемчиликтерге нааразы болгон жарандардын үнү өкмөт башчыга жетип, текшерүүдөн соң бир катар аткарыла турган тапшырмалар берилген эле.
Тапшырмалар кагаз жүзүндө эле калып калган жокпу? Рейдден кийин кандай өзгөрүүлөр болду? Жүргүнчүлөрдү тейлөө жакшырдыбы? SUPER.KG порталынын кабарчылар тобу "Манас" эл аралык аэропортунда болуп кайтты.

Кире бериште аэропорттун кызматкерлери ал жакка кирген жарандарды текшерүүдөн өткөрөрү бышык. Мурда мындай посттон бирөө гана болчу. Посттон экөө болуп калгандыктан биздин топ экиге бөлүнүп текшерүүдөн өттүк. Босогодон "Манас" эл аралык аэропорту ААКсынын Бишкек филиалынын башчысынын орун басары Бакыт Бекбача уулу тосуп алды.
– Бир катар тапшырмаларды аткаруу иштери жүрүүдө. Мисалы, мониторлор жаңы коюлду. Жүргүнчүлөр булар аркылуу каттамдардын учуу кезеги жана убактысы тууралуу маалымат ала алышат. Шаар тараптан кирип келген жарандар бир эле текшерүүгө туруп, кезек күткөндөр чогулуп калышчу. Кезек күткөндөрдү азайтуу максатында дагы бир көзөмөлдөп өткөрүүчү жай коштук.


2-кабатка жол алдык. Байкабаган адамдар үчүн бул жаңылык. Биздин эл аралык аэропортубузда быйылкы жылга чейин лифт жок болчу. 2-кабатка тепкич менен эмес, жаңы лифт аркылуу көтөрүлдүк.


2-кабаттан жүргүнчүлөр бажы жана чек ара кызматынын көзөмөлүнөн өткөрүлөт. Жүргүнчүлөрдү ушул убакытка чейин түйшүккө салып келген маселе – бул кезек күтүү болуп келген. Премьердин рейдинде чек ара кызматынын көзөмөлүнө өткөрүүчү өтмөктүн тар жана ыңгайсыз экендиги айтылып, кеңейтүү сунушталган. Учурда эки кызматтын ортосун бөлүп турган дубал бүтүндөй алынып салыныптыр. Мындан улам залдын ичи жарык болуп, адамдар кенен өтүп калышканын байкадык.


Өкмөт башчы аэропорттун жүргүнчүлөрдү тейлөөдөгү башкы кемчиликтер катары кезекке туруу жана тейлөө маданиятындагы маселелерди айткан.


Рейдден кийин премьер: "Өлкө жарандарынын жана коноктордун даттануулары негиздүү. Чек ара жана бажы кызматтары менен аэропорт жетекчилиги тез арада азыркы көйгөйлөрдү чечиши керек. Тийиштүү кызматтар жүргүнчүлөргө сылык мамиле жасоо этикетин да эске алышсын",- деп билдирген. Ушул эле күнү өкмөттө кеңешме өткөрүп, аэропорттун ишин жакшыртуу боюнча бир катар тапшырмалар берилген.


Буга чейин аэропортко кирген жүргүнчүлөрдү каттоого алууда 6 кызматкер иштесе, эми катарынан 8 кызматкер иштеп жатат. Ал эми учуп кетүүчү залдагы чек ара кызматкерлери мурда 6 болсо, азыр 11ге көбөйгөн.


Кезекке турган аба жүргүнчүлөрү эми баш аламан тейлөөгө кабылышпайт деп ишендирди аэропорттун жетекчилиги. Алар кезексиз кызматкерге өтүп барышпасы үчүн атайын тасмалар тартылган. Ал эми балалуу жүргүнчүлөр үчүн өзүнчө тилке киргизилген. Балалуу жүргүнчү чек ара кызматкерине тийиштүү документтерин текшертип жатканда бөбөктөр алаксып турушу үчүн жумшак оюнчук коюлуптур.
Кийинки сапарыбыз чек ара кызматынын көзөмөлүнөн өткөндөн кийинки күтүү залдарына болду. Эң негизги байкаган жаңычылдык – бул ден соолугунун мүмкүнчүлүгү чектелген жүргүнчүлөр үчүн күтүү залына тепкич аркылуу көтөрүлө турган жабдык болду.
Бул жабдыктын орнотулганына аз эле убакыт болгон. Али ишке бериле элек, бирок колдонууга даяр дешти. Аэропорт кызматкерлеринин арасынан ден соолугунун мүмкүнчүлүгү чектелген адамдарды тейлөө үчүн атайын бөлүм да ачылыптыр.


3-кабатка көтөрүлүп андан ары сапарыбызды уладык. Бизнес-класста учууга билет алган жүргүнчүлөр үчүн зал, аны менен катарлаш эле эне жана балага арналган залга бет алдык.

Эне жана балага арналган зал 2 бөлмөдөн турат. Алгач эс тартып, ойноп калган балдар үчүн оюн залы, андан соң ымыркайлар үчүн эс алуучу жана уктоочу бөлмө, баланын тамагын даярдоого жана жалаяк алмаштырууга шарттар түзүлгөн. Бул бизнес-класстын жүргүнчүлөрү үчүн даярдалган залга удаа жайгашкан. Ошол себептен жүргүнчүлөр бул кызматтардан колдонуу үчүн бизнес-класска билет алуу керек деп ойлоп калышы мүмкүн. Эгер сиз балаңыз менен барып калсаңыз, балдарга ыңгайлашып жасалган залда бекер эс аларыңызды унутпаңыз.

Балдар бөлмөсүнөн чыгып, учактар конуучу аймакка жөнөдүк. Жаңы эле Москвадан келип конгон учактын жүргүнчүлөрү аэропорттун ичине кирип келишти. Аларды чек ара кызматынын текшерүүсүнө алып баруучу тасмаларга атайын 1 кызматкер багыттап турат. Буга чейин кезекке туруу үчүн атайын тасмалар жок болгондуктан, балалуу жана ден соолугунун мүмкүнчүлүгү чектелген жарандарды өз тилкесине багыттай турган кызматкер да болчу эмес. Тасмалар тартылганга чейин деле балалуу жана кары жүргүнчүлөр үчүн өзүнчө текшерүүчү кызматкер бөлүп тейлетип койсо боло турган иш болчу.

Жүргүнчүлөрдүн дагы бир дарты – бул жүктөргө болгон орой мамиле. Арыз-даттануулар бекер жерден чыкпаса керек. Чемодандары бырыйып, сынып, айрым учурда жүктөрү ачылып-чачылып кеткен жүргүнчүлөр бул маселени да көп көтөрүп келишет. "Аэропорттогу жүк түшүрүүчү кызматкерлер жүктөрдү ары-бери ыргытышат" дешет. Бул боюнча аэропорт жетекчилиги эмне дейт?

"Азыр жүк киргизилүүчү жайга көзөмөлдөөчү жабдыктар, бардык жерде камералар орнотулган. Атайын транспорт менен кызматкерлер жүктөрдү учактан түшүрүп алышып, жүк өткөрүүчү лентага коё беришет. Ал жактан чемодандарын күткөн жүргүнчүлөр тосуп алышат. Ошондой эле биздин кызматтан пайдаланчу жүргүнчүлөр өздөрү да жүктөрүнө бекем болуп, айрыкча алыс жолдон, чет жактан келе жаткандар болсо ооздорун бекемдеп бекитип, сыртынан плёнка менен оротуп алышса, маселе деле жаралмак эмес",- дейт Бакыт Бекбача уулу.


ЖАКЫНКЫ АРАЛЫКТА ДАГЫ КАНДАЙ ИШТЕР ЖАСАЛАТ?
"Азыркы учурда аэропорттун аянтын кеңейтүүнүн үстүндө иштеп жатабыз. Эл аралык каттамдар аркылуу чет жакка учкан жана ал жактан учуп келген жүргүнчүлөрдү өзүнчө залда тейлөө пландалууда. Бирок ал 2018-жылы ачылып, ишке берилет деп пландап жатабыз. Ал эми биз турган зал мурда эле бар болчу, бирок азыркыдан тар жана оңдоп-түзөөдөн өткөн эмес эле. Эми бул жайды заманбап шарттарга ылайыктап оңдоп, учуучу зал катары ишке беребиз. Ошондой эле азыр жүк өткөрүүчү лентадан экөө болсо, аянтты кеңейтип үчүнчү лентаны орнотобуз. Бул дагы 2018-жылы ишке аша турган план. Мунун негизинде жүккө кезекке туруунун убактысы кыскарат",- дейт Бакыт Бекбача уулу.

Ошентип эл аралык "Манас" аэропортуна болгон сапарыбыз аягына чыкты. Бир катар өзгөрүүлөр, жаңылануулар, жүргүнчүлөр үчүн түзүлгөн шарттар көңүл жылытты. Чатырынан суу тамып, дагара, чака коюп койгон мурунку жылдардагы маселелер көрүнбөдү. Эгер жогоруда айтылган пландар ишке ашса, дагы кыйла жакшырчудай.

Аэропорттун жетекчилиги өкмөт башчынын күтүүсүз рейдин күтпөй эле жүргүнчүлөрдү тейлөө боюнча тийиштүү шарттарды түзүүнү мындан ары да улантышы керек деген ой менен сапарыбызды жыйынтыктадык.


Гүлжан Асанкожоева
koom@super.kg



Балалуулар эми кезек күтпөйт. "Манас" аэропортунда дагы кандай жылыштар орун алууда?

Автор: Илим Туратбек уулу
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(8)
Super TV
20.12.2017. 19:48 
Тайпасы:
Жаран
Комментарийлердин саны:
34
Катталган:
23-10-2015
Соӊку аракети:
30-05-2018 04:25
Жынысы:
Белгисиз
+5
тообо сүйүнгөнүмдөн көзүмөн жаш тегеренип кетти го биздикилер деле ушинтип иштесе болот экен го деп
26.12.2017. 19:59 
Тайпасы:
Жаран
Комментарийлердин саны:
1
Катталган:
12-09-2016
Соӊку аракети:
01-11-2018 05:08
Жынысы:
Белгисиз
+2
Окмот Оштогу аэропортко келип да текшерип кетсе жакшы болмок. Аэропорт кызматкерлери орой, ар бир кадамында акча алып, бербесен учпай каласын деп коркутушат. Ичин ачып каалаган нерсесин уурдап дагы коюшат.
26.12.2017. 22:00 
Тайпасы:
Жаран
Комментарийлердин саны:
11
Катталган:
27-11-2015
Соӊку аракети:
31-10-2018 15:58
Жынысы:
Белгисиз
+1
Оштун аэропорту да кундон кунго чонойуп ондолуп тузолуп атат масква да бир кундо буткон эмес акырындык менен онолот буйруса
27.12.2017. 14:23 
Тайпасы:
Жаран
Комментарийлердин саны:
282
Катталган:
17-09-2010
Соӊку аракети:
14-11-2018 20:49
Жынысы:
Белгисиз
Калаасы:
Бишкек-Ankara
+1
Москванын аэропортунан да жукторду каалагандай ыргытып салыпатышканын коруп жиним келген, бизде эле эмес. 2 жыл мурда эле учуп келгенде балалууларды биринчи кое беришкен Манас аэропортунда.
28.12.2017. 14:26 
Тайпасы:
Жаран
Комментарийлердин саны:
39
Катталган:
05-01-2014
Соӊку аракети:
17-08-2018 10:37
Жынысы:
Белгисиз
+1
Жакшы болуптур,суйундум.Паспорт.контролдогулар саламдашсан жооп беришпейт го,башка жакка алардын акчасына барып келоткансып.
29.12.2017. 09:43 
Тайпасы:
Жаран
Комментарийлердин саны:
3
Катталган:
24-11-2017
Соӊку аракети:
10-03-2018 19:28
Жынысы:
Белгисиз
0
Азамат! Коз тийбесин жакшы иштейт экен. Ушул темпинен жазбасын! Ар бир чиновнигибиз ушинтип иштесе Кыргызстан онолмок! Кутуусуз саат 6 да барганы сонун болуптур. Бизде да ушундай министр бар экен деп умутум уланды. Акыркы кундору умутум узулуп калды эле. Ушинтип иштей берсе элдин суймончулугуно тез арада ээ болуп, элдин уулу аталат.
29.12.2017. 09:46 
Тайпасы:
Жаран
Комментарийлердин саны:
3
Катталган:
24-11-2017
Соӊку аракети:
10-03-2018 19:28
Жынысы:
Белгисиз
0
Жалал-Абадка келип да кутуусуз рейддерди откоруп кетти. Ушундай министрден 5-6 болсо кыйла жылса керек эле Кыргызстан.
30.12.2017. 03:49 
Тайпасы:
Жаран
Комментарийлердин саны:
2
Катталган:
22-03-2017
Соӊку аракети:
19-08-2018 05:51
Жынысы:
Белгисиз
0
Кудайга миң шүгүр Сапар Исаков жакшы иштеп атат.
Эми көрө албагандар эле буттан чалып, жок кылып ийишпесе болду
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: