Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Гүлсина Чотонова, актриса: «МЕН АКТРИСА ЭМЕСМИН, КИНО СҮЙҮҮЧҮМҮН»

№791 29-декабрь-4-январь 2018-ж.


Бул актрисаны баарыбыз «Карагыз» тасмасынан жакшы тааныйбыз. Фильмде чачы жок, өзгөчө эмоция менен майып кыздын ролун ойногон актриса Гүлсина Чотонова чыгармачылыктагы жолу, жашоосундагы кызыктар тууралуу айтып берди.

КААРМАН ТУУРАЛУУ
Чотонова Гүлсина Баймырзаевна
1975-жылы 11-январда туулган.
1992-жылдан 1996-жылга чейин азыркы Б.Бейшеналиева атындагы Маданият жана искусство университетинде билим алган.
1997-жылы алгачкы эмгек жолун Т.Абдумомунов атындагы Кыргыз драма театрында баштайт.
«Метомарфоза», «Карагыз», «Исход», «Сулайман-Тоо» , «Туздуу талаа», «Көпөлөк» жана башка тасмаларда тартылган.

«БЕШ ЭРКЕКТИН АРАСЫНДА ЖАЛГЫЗ ЧОҢОЙДУМ»
-Өзүм Аксы районунун Сыны айылында төрөлгөм. Сыныда булак суулары чогулуп чоң сайдан агат, ошол сайды жээктеп түзүлгөн айыл. Кээ бир айылдар таштак болот эмеспи, биздин айылдын көчөлөрүндө топурак асманга сапырылчу. Көчөдөн машина өтүп кеткенден кийин бир карыш топурак үйүлүп калчу. Секелек кезде балдар менен жылаңаяк чаңды сапыра жарышып ойноп, боз топуракка оонап эле жатып калчумун. Университетте окуп жүргөндө Таалай Бектурганов менен курсташ болдум. Бир жолу Таалай Кербенге концерт коюп, андан ары мага жолугам деп айылыбызга келген экен. Алыстан карасам эле чаңдан бир караан көрүнөт, жакшылап карасам костюм-шым кийген кычыраган жигит биздин айылды көздөй басып келе жатат. Ичимден «биздин айылда мындай жигит жок эле» деп коём. Көрсө, Кербенден бери автобус менен биздин айылды таппай жүрүп сураштырып келиптир. Шымы тизесине чейин чаң, көрүп алып боорум ооруган.
Биздин айылда Кара-Жыгач деген орто мектеп бар, ал мектепке башка айылдын окуучулары да келип окушчу. Жазуучу Төлөгөн Касымбеков да биздин мектепте окуп кеткен дешет.
Үй-бүлөдө алты бир тууганбыз, беш эркек, анан мен жалгыз кыз. Беш эркектин арасында чоңойдум. Ал кезде кыздар көчөгө чыгып ойночу эмес. Мен эле эркектерге теңелип көчөнү сапырып жүрчү элем. Эркек бир туугандарым менен чогуу жатып, чогуу турчумун. Апам дагы бир кыз төрөп алайын деп мага куурчак алып келе берчү. Аны мен ойносомчу, колу-бутун жулуп, сайга агызып салат элем. Апам «чоңойгондо эркек балдардын сага кылган мамилесин электен өткөрө алар бекенсиң, турмушта аял менен эркектин ортосундагы ажырымды айырмалай алар бекенсиң?..» деп эле кабатыр боло берчү.


«АКТРИСА БОЛОМ ДЕСЕМ АЙЫЛДАН КЕЛГЕН АПАМ ТААРЫНЫП КЕТИП КАЛГАН»
-5-классты бүткөндөн кийин Бишкекке келип мектеп-интернатта окуп калдым. Биздин мектепте түрдүү ийримдер көп болчу, театрга көп алып барышчу. Мендеги актрисалык кесипке болгон кызыгуу ошондо ойгонгон болуш керек. Мектепти бүтүп, актрисанын окуусуна тапшырам дегенде ата-энем аябай каршы болушкан. «Искусство университетине тапшырам» дегенимди уккан апам атайын айылдан келген жеринен кайра таарынып кетип калган. «Сенин актриса болом дегениңди атаң укса эмне дейт?» деп капа болгон. Атам мени «экономист болосуң» дечү. «Карагыз» тасмасында ойноп чачым жок сүрөттөр гезитке чыкса, атам уялып гезиттерди чогултуп үйдөгүлөргө «бул гезиттерди чогултуп эч кимге көрсөтпөй катып койгула» дептир.


«ӨЗҮМДҮ АКТРИСАМЫН ДЕГЕНДЕН УЯЛАМ»
-Окуумду аяктагандан кийин театрда иштеп калдым. Ошол жактан Бакен Кыдыкеева сыяктуу залкарларды көрдүм. Өзүмдү актрисамын дегенден уялам, анткени мен театрдан эмне деген заманыбыздын залкар таланттуу адамдарын көрдүм, иштештим. Алардын астында жөн эле толкундун чачырандысы болуп калам. Мен актриса эмесмин, кино сүйүүчүмүн.
Ошентип бир жылга жетпей театрдагы жумуштан кеткенге туура келди. Анткени айлык акы аз болчу. Театр суук, жука кийимдер менен репетиция кыласың, шарты катаал болчу. Спектакль көргөнү эл келбей калган. 1996-жылы КТРКга «Арноо концерти» берүүсүнө режиссёр болуп келдим. Өзүмчө режиссёр катары да дараметимди сынап көрөйүн деп клип, кино тартып көргөм. «Кыз-Бурак» тобунун «Андай жигит мырзасы эмес кыргызымдын», Токтобек Асаналиевдин «Боогачың сенин болоюн» деген ырларынын клибин мен тарткам. 2010-жылы «Бактылуу болгум келет» деген тасма тарттым.
Режиссёрлук кесипти улантып кино тарткым келет. Бирок жаштыгың өткөн сайын адамдын курчтугу мокоп, жүрөктөгү жалын өчүп, бет дагы жукарып калат экен. Жаш кезде бет калың болот эмеспи. «Чымчык сойсо да касапчы сойсун» деп коёт го, бизде таланттуу режиссёрлор көп эмеспи, ошолордун эмгектерине эле суктанып туралычы. Анан да үй-бүлөнүн очогун тутантуу аялга таандык энчи. Бир убакта жерди төңкөрчү энергияң болот, бирок ал нерсенин кумары убактылуу эле тура. Мезгилдин анча-мынча сыноолорунан кийин жумшарып калат экенсиң. Мезгил бардык нерсеге даба да, жара да болот экен.


«КАРАГЫЗДА» МЫКТЫ ОЙНОДУМ ДЕП АЙТА АЛБАЙМ»
-«Карагыз» тасмасы – бул менин актриса катары кинодогу дебютум. КТРКда иштеп жүргөндө кокусунан Геннадий Базаров мени ашканадан көрүп, мага ассистентин жөнөтүптүр. Жанына барсам «киного тартылгың келеби?» деп сурап калды. Мен тамашалап эле «ооба» деп жооп берип койдум. «Анда кастингге чачыңды кырып кел» деди. Кастингге барсам «эмне чачыңды кырбай келдиң?» деп жатпайбы. Кастингге келген кыздардын баары чачын кырып келишсе, мен ролго өтпөй калсам чачым жок жүрмөк белем деп кырктырбай баргам. Анан чачтарачка барып, чачымды кырдырып келдим. Чачымды кырган эже улам «эмне, ооруйсуңбу?» деп сурап коёт. Ошентип чачымды кырдырып барсам Геннадий агай чочуп кетти окшойт. Мага өзү кийин айтты, «сен чачыңды кырдырып келгенде коркуп кеттим, «проба кылып алсам болмок экен, аткара албай калса жаш кыз канча убакыт чачы жок жүрөт?» деп кабатырландым» деди. «Карагызда» мыкты роль аткардым деп айта албайм. Геннадий агай мага кандай үйрөтсө, ошондой аткардым. Режиссёрдон да көп нерсе көз каранды, ошол тасмада мени режиссёр жакшы ийлеп, талантымды ачып бере алды.


«АЯЛ КАТАРЫ БАКТЫЛУУМУН»
-Жолдошум экөөбүз 3 балабызды тарбиялап келебиз. 2 уул, 1 кызыбыз бар. Өзүм турмушка кеч чыктым. Жолдошума күйөөгө чыкканда 30га чыгып калган элем. Аял киши эгер каалоосу, мүмкүнчүлүгү болсо турмушка чыкканга чейин карьерасын түптөп алганы туура окшойт. Кийин жолдошуна «баштаган ишимди улантышым керек» деп айтканга оңоюраак болот.
Үй-бүлөлүк шарт деген такыр башка экен. Аял киши өзүңдүн эне, келин, жубай катары милдетиңди аткарышың керек. Бир мезгилде такыр эле шаардан алыстап короо-жай тазалап, айылдын жай турмушун каалап кетип калгам. Жолдошум тамашалап «аял кишини отуз жаштан кийин экрандан карап отуруу анчалык деле мырзаларга ырахат алып келбейт» деп калат. Ал мага «намёк» кылганы «экран жаштыкты сүйөт» деп. Бирок актрисалыкта ар бир жаштын өзүнүн керемети болот эмеспи, ар бир куракка жараша роль болот.

"Аткарган ролдорум балам сыяктуу эле, ар бирин өзгөчө жакшы көрөм".


Лунара Бекиева
star@super.kg



"Чачымды кырып алып кастингден өтпөй каламбы деп коркком" дейт актриса Гүлсина Чотонова

Автор: Максат Орозумбетов
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(15)
02.01.2018. 11:07 
Тайпасы:
Жаран
Комментарийлердин саны:
94
Катталган:
18-05-2007
Соӊку аракети:
10-11-2018 23:29
Жынысы:
Белгисиз
+6
Хюрремдин добушун коштогон эжеби? Аябай уну жагат!
02.01.2018. 12:08 
Тайпасы:
Жаран
Комментарийлердин саны:
37
Катталган:
22-03-2014
Соӊку аракети:
10-08-2018 05:35
Жынысы:
Белгисиз
-2
aijan,
Кыргызчасын ушу актриса суйлгонбу
02.01.2018. 11:54 
Тайпасы:
Жаран
Комментарийлердин саны:
37
Катталган:
31-12-2017
Соӊку аракети:
06-11-2018 17:30
Жынысы:
Белгисиз
+1
Абдан жакшы.
02.01.2018. 14:52 
Тайпасы:
Жаран
Комментарийлердин саны:
703
Катталган:
26-01-2017
Соӊку аракети:
14-09-2018 13:16
Жынысы:
Белгисиз
+2
Ал Кыял Төрөгулова Хюрремге үн кошкон.
03.01.2018. 01:19 
Тайпасы:
Жаран
Комментарийлердин саны:
3
Катталган:
04-03-2017
Соӊку аракети:
13-11-2018 20:04
Жынысы:
Белгисиз
+3
Ушул эженин коздору жагатта
03.01.2018. 01:45 
Тайпасы:
Жаран
Комментарийлердин саны:
94
Катталган:
10-05-2017
Соӊку аракети:
13-11-2018 23:42
Жынысы:
Белгисиз
Калаасы:
Жер жузу
+7
Карагылачы кандай сонун суйлогон. Жасалмалуулук жок баардык создорундо жонокойлук байкалат.Жылдыз оорусунун ээлери сабак алгыла.
03.01.2018. 15:14 
Тайпасы:
Жаран
Комментарийлердин саны:
157
Катталган:
20-11-2010
Соӊку аракети:
14-11-2018 00:23
Жынысы:
Белгисиз
Калаасы:
Жалал-Абад
+11
Кичине бир эпизод аткарып алышып озун актриса сезгендер уялсын. Карагызды укмуш ойносо да озун актриса деп эсептебейт экен.
03.01.2018. 19:28 
Тайпасы:
Жаран
Комментарийлердин саны:
81
Катталган:
16-02-2016
Соӊку аракети:
14-11-2018 01:02
Жынысы:
Белгисиз
Калаасы:
Город 3722
+7
Тарткан клиптери мыкты чыккан Боогачын сенин болоюн деген ырдын клиби ото жогорку денгелде тартылган деп ойлойм. Эн негизгиси аял катары Б актылуу экенсиз эжеке эч качан бактыныз боксорбосун.
03.01.2018. 23:08 
Тайпасы:
Жаран
Комментарийлердин саны:
182
Катталган:
08-07-2016
Соӊку аракети:
13-11-2018 17:54
Жынысы:
Белгисиз
-6
Бул ким болуп кетти?
04.01.2018. 07:58 
Тайпасы:
Жаран
Комментарийлердин саны:
3
Катталган:
23-12-2017
Соӊку аракети:
13-11-2018 14:26
Жынысы:
Белгисиз
+3
Сулуу айым экен.
04.01.2018. 17:18 
Тайпасы:
Жаран
Комментарийлердин саны:
102
Катталган:
15-11-2012
Соӊку аракети:
27-04-2018 08:04
Жынысы:
Белгисиз
+11
Сонун эже, ичинде кири жок,шалтак эттирип бетке айтмай да сапаты жок, соз баккан,жумшак,Элпек, байкап адамдын конулуно карап суйлогон эже. Мен кыйын,мен атактуумун, коро албагандар коп деп озуно душман чакыра бербеген айым. Калгандары ушул эжеден улгу алыш керек!
04.01.2018. 19:50 
Тайпасы:
Жаран
Комментарийлердин саны:
117
Катталган:
06-11-2016
Соӊку аракети:
06-11-2018 13:59
Жынысы:
Белгисиз
+4
жаттама создорду суйлоп, репликада утурдун ордун алмаштырып тантырактаган " актрисаларыбыз":улгу алгыла. эптеп- септеп жаттап суйлоп коюп эле актрисамын деп жер баспай калышат десен.
Super TV
05.01.2018. 21:04 
Тайпасы:
Жаран
Комментарийлердин саны:
226
Катталган:
31-05-2017
Соӊку аракети:
13-11-2018 16:33
Жынысы:
Белгисиз
+3
"Кополок" деген кинодо да роль жараткан.Аябай сымбаттуу аял.Бактылуу болсун ар дайым.
Super TV
05.01.2018. 22:31 
Тайпасы:
Жаран
Комментарийлердин саны:
76
Катталган:
11-12-2010
Соӊку аракети:
13-11-2018 08:02
Жынысы:
Белгисиз
Калаасы:
Ош
+2
Аябай жакты жонокой ишинизге ийгилик!
06.01.2018. 11:32 
Тайпасы:
Жаран
Комментарийлердин саны:
2
Катталган:
04-01-2018
Соӊку аракети:
11-06-2018 09:05
Жынысы:
Белгисиз
+3
Уну жагат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: