ТӨШӨКТӨ АЛСЫЗ КЫЛЧУ АЗЫКТАР

Сүйүктүүң менен кумарлуу түн өткөрүү алдында көп тоюп алууга болбойт! Ток курсак ныксыратып, уйкуга тартып, төшөк оюну экинчи планга жылып кетет. Бирок көп жеп тоюп албасаң да кыялдагыдай кечти бүлгүнгө учурата турган азыктар бар. Ошолор тууралуу кеп козгойбуз.


БУУРЧАК, БРОККОЛИ
Кумарлуу кечти пландап жатсаңыз, анда буурчак, нокот, брокколи дегендерди унутуңуз! Айтылган азыктар ичти көптүрүп, жел чыгарууга түртүп, шайыңды оодарып, планды бүлгүнгө учуратат.

ЧҮЧПАРА, ВАРЕНИКИ
Чүчпара, вареники, фрикадельки сыяктуу жарым фабрикаттар секс-марафонго жеткире турган энергия менен камсыз кыла албайт. Бирок ичти көптүрүп, алсыздыкты тартуулайт.

ФРИ КАРТОШКАСЫ
Фри картошкасы жана башка фаст-фуддар энергияны өтө тез бөлүп чыгарчу азыктар. Тамактан кийин өзүңдү сонун сезгениң менен, энергияң бат эле жоголуп, кайра эле ачка калгандай сезесиң. Анын үстүнө фаст-фудга эски же жаман май колдонулса, анда ашказаның салмактанып, көңүлүң да айланышы мүмкүн.

ЭТ
Канаттуулардын эти жеңил келерине талаш жок. Ал эми бодо малдын этин ар кимдин организми ар түрдүү көтөрөт. Мисалы, кээ бирөөлөр эттин курамындагы темирден улам энергия алса, айрымдардын ашказанын салмактантып, уйкусун келтирет.

ЖАЛБЫЗ
Жалбыздын курамындагы ментол (эфир майы), албетте, ооздун ичиндеги жагымсыз жытты жок кылат. Ичеги-карындын да иштөөсүнө оң салым кошот. Бирок ошол эле кезде тестостерондун деңгээлин түшүрөт. Демек, төшөккө болгон самоону солгундатат.

ТАТТУУЛАР
Шоколад, сормо момпосуйлар (леденцы) буларды каныкпаган майлар жана кант деп түшүнсөк болот. Кант адамды дароо энергия менен камсыздаганы менен, организмде эндорфин гормонунун деңгээли кескин түшүп кетет. Андыктан улам кумарга батып, чер жазуу оюңуз ишке ашпай калат.

СЫР
Сүт жана сүт азыктары денеде былжырды көбөйтүп жиберет. Дүйнө элдеринин көбү сүт азыктарынын курамындагы лактозаны сиңире албайт. Андыктан организмде дискомфорт жаралып, сүйүктүүңдү кучагыңда өрттөй турган төшөк оюну боло бербеши ыктымал.

ЭНЕРГЕТИКАЛЫК СУУСУНДУКТАР
Таттуу газдалган суусундуктардын курамында даамды күчөтүүчү зат – хинин болот. Ал сиздин сексуалдык каалооңузду кескин түрдө азайтат. Андыктан суу же бир аз шарап ичкениңиз оң.

Эскертүү: Бел кубатты күчөтүүчү азыктар тууралуу маалыматты мурун жарыялаган элек. Айта кетсек, аларга казы-карта, чучук, кымыздан тышкары сыр, жумуртка, грек жаңгагы, мисте, курма, банан жана башкалар кирет.

Астра Айдарова

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (31)
Aydaykizim
2018-01-03 12:48:52
Илгеркилер этти деп,кымызды ичип эле жашашкан,ондон балалуу болушуп,кайра кучтуроок тамак жееш керек.
+12
falkao
2018-01-03 17:13:58
Болбогон бир жоо жомок го
+10
suluktu
2018-01-03 18:13:11
Anda takyr tamaktanbash kerek ekenda)))
+5
ulanbeku47
2018-01-03 20:42:38
Аракетке берекет
0
nuri1
2018-01-04 08:02:55
Ушундай маалыматты кобуроок берип тургула. Негизи тошок кумары деген сонун да. Спорт негизи сексуалдык жашоого жакшы таасир берет.
0
Rajo100
2018-01-05 12:42:09

Cалам аудитория. Албетте жеп жаткан тамактан биздин организм коз каранды. Жеген тамак cекcyалдык кучко cозcyз тааcирин берет. Бирок биздин жыныcтык органдар ошондой эле башка органдар таза кандайдыр бир оорудан алыc болуш керек. Эгер ооруу же cekретный инфекциялар бар болco kyчтyy тамак эмеc граната жеcенда жара албайcын. Демек баары шайкеш болушу керек. Кызыккандар же алcыз болуп жаткандар болcо купуюга жазгыла кенири маалымат бергенге аракет кылам
+3
sds.nurr
2018-01-05 17:58:20
Эчтеке жебеш керек болуп калыптырго и.
0
Junpaipak
2018-01-06 06:51:31
Энергетик флештен ичип алсан зынылдап каласын коендой болуп
+4
batleybesh
2018-01-08 23:12:41
Ошондо эмне жеш керек экен,кызык ко?
0
Пифагор
2018-01-31 00:24:47
Кучтуу тамактарды жеш керек сухофрукты бадам писте баарын жеп туруш керек анан Жигиттер ат мингиле кобурок жайдак мингиле
+1
omurbekkutibaev77
2018-03-26 22:52:12
Секиске да озунчо дайарданыш керек экен
0
Kuvanio
2018-05-21 18:34:09
100 бастыргыла анда жебешкерек болсо
0
Ali01
2018-07-11 02:25:06
Эч нерсе жебей жатышка туура келет го анда
0
Komrad
2019-05-06 10:11:01
Сыр 2 жакта тен журот
0
Bale1111
2020-09-21 17:24:45
ой ой
0
№ 791, 28-декабрь-5-январь 2018-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА