Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бекчоро: «ЖЕРДЕШТЕРИМ МЕНИ ЖЕРГЕ БЕРЕЛИ ДЕП КАЛЫШЫПТЫР»

№394 21-27-май, 2010-ж.


Түз байланыш

“Супер-Инфо” гезитинин тандоосу боюнча “2009-жылдын стилдүү ырчысы” наамынын жеңүүчүсү Бекчоро концерт берүү үчүн Түштүк Кореяга 19-майда сапар алды. Бул сапардан эки күн мурун ырчы күйөрмандары менен түз байланышта баарлашкан эле, анда чогуу окуйлу.

Саадат, 12 жашта:
– Кийингениңиз мага абдан жагат. Кийимдериңизди, көз айнектериңизди кайдан аласыз?
– Кийимди борбордогу соода түйүндөрүнөн алам жана атайын заказ менен Түркиядан алдыртам. Ал эми көз айнектеримди досторум Италиядан, Орусиядан, Түркиядан алып келип беришкен. Анан, албетте, Бишкектен алынгандары да бар.

Бермет, 18 жашта:
– Өзүңүз жана үй-бүлөңүз тууралуу айтып берсеңиз. Мен дагы ырдап, сахнага чыгайын дедим эле, жардам бере аласызбы?
– Мен 1984-жылы Тогуз-Торо районундагы Казарман айылында 14-ноябрда туулгам. Ошол жердин суусун ичип, тузун татып чоңойгом. Сегиз бир туугандын алтынчысымын. Ырдап чыгам дегениңиз жакшы. Продюсер болбогондон кийин ыр жаздырып, форма тиктирип жардам бере албайм, бирок кеп-кеңешимди айта алам.
– Ильяз Абдыразаков менен мамилеңиз кандай?
– Ильяз экөөбүз элге тааныла электе эле ага-ини катары жакшы мамиледе болчубуз. Азыр ошол кездеги кызыктуу күндөрдү эстеп, каткырып калабыз. Мамилебиз учурда абдан жакшы.

Айжаркын, 21 жашта:
– Качан үйлөнөсүз?
– Үйлөнөм деп айта берип тажап кеттим. Өткөн күздө эле үйлөнөйүн дегем, каржы жагы туура келбей артка жылган. Эсептесем, тойго келүүчүлөрдүн саны 400дөй болуп кетти. Байкелерим “кыргызча эле сөйкө салып, нике кыйдырып үйлөнө бер. Күзүндө чоң той беребиз” деп жатышат. Бул ойго мен да кошулдум. Анткени намаз окуган адам кыздарга жолобошу керек. Эркек болгондон кийин кыздарга кызыгууң артпай койбойт экен. Көчөдөн сулуу кыздарды көргөндө өзүмдү жоготуп, көзүм токтоп калып жатат. Ошон үчүн бир айга жетпей үйлөнөм, буюрса.

Бегайым, 20 жашта:
– Сизге кандай кыздар жагат?
– Айрым кыздар өзүнүн байлыгы, бийлиги менен мактанып, жигиттерге кыйын боло беришет. Мындай кыздар эркектерге жагымдуу маанай алып келбейт. Байлыгы, бийлиги жок назик, уяң кыздар байлыгына чиренген кыздардан жогору турат деп ойлойм. Мага жөнөкөй, чачы узун, назик кыздар жагат.

Акжуурат, 18 жашта:
– Намаз окуган адам ырдабайт да. Сиз ырдамак түгүл клибиңизге жарым жылаңач кыздарды тарткансыз, бул күнөө эмеспи?
– Ал клиптер мен намаз окуганга чейин тартылган. Азыр клип тартсам андайга жол бербейм. Ал эми намаз окуган адамдын ырдашы күнөө эмес экен. Илимдүү аалымдардан кеңеш сураганы барсам, “ыр дүйнөсүнө аралашканыңа көп болуптур, дароо таштоо сага оор болуп калат. Намаз окуган адам ырдабасын деп Куранда жазылган эмес. Ырдап жүрө бер, бирок беш убак намазыңды таштаба" дешти.

Элянура, 20 жашта:
– Намаз окушуңузга эмне түрткү болгон?
– Азиз Жетигенов жана бир тууган иним түрткү болгон. Аларга кошулуп дааватка биринчи жолу 2009-жылы 5-январда чыккам. Ал эми беш убак намаз окуп, дин жолуна түшкөнүмө бир жыл болду.

Айназик, 30 жашта:
– 7-апрелде аянтка барды­ңызбы?
– Ал күнү аянтка барбай коё албадым. Бир аз жүрүп, анан үйгө кетүүгө туура келди. Аянтта жүргөнүмдү көргөн жердештерим казармандыктарга телефон чалып “Бекчорону атып салышты. Сөөк жолдо баратат” деп салышыптыр. Казармандыктар “бир ырчыбыз болсо, аны атып салат деген эмне?!” деп ызы-чуу болуп, мени жерге берүүгө камынып калышыптыр. Апам телефондон үнүмдү угуп алып “тирүүсүңбү?” деп ыйлап жиберди. Ушундай ушактарды ким, кантип таратат, түшүнбөйм.
– Көзүңүз жакшы эле көрөбү?
– Көз айнек тагынсам эле көзү бүтүк, көрүүсү начар дей беришет экен. Бирок көзүм эл катары көрөт, татынакай деп койбоюнбу. Көз айнек тандоодо көрүүгө терс таасирин тийгизбейби, биринчи ушул жагын карайм. Сапаттуусун кымбатына карабай алам. 133 көз айнегимдин ичинен эң кымбаты 250 долларга түшкөн.

Айгүл, 17 жашта:
– Жашоодо эмнеден коркосуз?
– Жашоодо аябай коркконум – Алла Таала. Эгер адам Алла Тааладан корксо, анда арстандан, жыландан же жер титирөөдөн коркуу сыяктуу сезимдери жок болот.
– Кимди кумир тутасыз?
– Негизи кумир туткан адамым жок. Бирок Жастин Тимберлейк жана Ашер жагат.

Бегимай, 19 жашта:
– Стилиңиз башка ырчылардан өзгөчө. Эмнеге мындай стилди тандап алгансыз?
– Батыштын жылдыздарын байкап, биздин кыргыз шоу-бизнесине алардыкына окшошураак өзгөчө стиль жетишпесин билдим. Ошондон тарта Кыргызстанга кийинүү, сахнада өзүн алып жүрүү, ырдоо жагынан жаңылык киргизгим келген.

Жанэл, 24 жашта:
– Чыгармачылыгыңызда кандай жаңылыктар бар?
– Жаңы эле жазып бүткөн “Сагындым” деген ырыма мурунку продюсерим Семетей экөөбүз клип тартсакпы деп турабыз. Бул ырды WWW.SUPER.KG сайтындагы медиа-порталга кирип уга аласыз. Ырдын тексти аябай көп убакыт иштелди. Аранжировкасы менен обону жаралары менен эле жаккан. Кыскасы, “Сагындымды” башкача эргүү менен ырдадым. Негизи, бул ыр сүйлөшкөн кызыма арналып жазылган. Клиптин бир жеринен көз айнегимди алып, кызыма сүйүүмдү билдирейин деп турам.
– Анда клиптен кийин көз айнегиңизди таптакыр алат турбайсызбы?
– Аны убакыт көргөзөт. Бирок таптакыр алайын деген оюм жок.
– Сүйлөшкөн кызыңыз тууралуу айтып бербейсизби?
– Назгүл үй-бүлөдөгү жалгыз кыз. Ата-энеси ар кандай келишпестиктен улам ажырашып кетишиптир. Болочок кайненем менен таанышкам. Мени ырчы эмес, өз баласындай жакшы көрөт.

Гүлкайыр, 16 жашта:
– Канча жашыңыздан тарта ырдап келе жатасыз?
– Кичинекей кезимде эле мектептен “Апакем” деген ырды созуп калчумун. Бирок 6-класстан спортко кызыгып кетип, таштап койгом. 11-класстан кайрадан ырга кызыктым. Борборго келгени бир нече кафеде иштеп жүрүп, көп кыйынчылык менен араң шоу-бизнеске аралашкам. Мени элге тааныткан биринчи ырым “Мен үчүн белең?”
– Токмок шаарына качан концерт коюп келесиз?
– Оюмду окуп койдуңуз го. Буюрса, сиз айтмакчы, Токмокко барсакпы деген пландар бар.

Назик, 15 жашта:
– Мода кубалайсызбы?
– Модага айылда жүргөндө эле кичине кезимден кызыкчумун. Бул сапатым борборго келгенде өнүгүп кетти. Бирок эл кубалаган модадан оолакмын. Мисалы, кайсы шым менен кандай көйнөк жарашарын алдын-ала көрүп турам. Сизге модага байланышкан кызыктуу бир окуяны айтып берейинби? Кадимкидей эле шым кийип алып, Казарманга бардым. Чемоданга эки тизеси жыртык шымымды салып алгам. Апам кийимдеримди кагып-силкип жатып, баягы тизелери айрык шымды көрүп калат. Анан “байкуш балам, жыртык шым менен жүргөн турбайбы” деп бир тешигин жамап, экинчи тешигине "кол салганы" жаткан жеринен кармап алгам. Ал шымымды апама мода деп араң түшүндүргөм.

Айсалкын, 23 жашта:
– Табышмак айтсам табасызбы? Эки сегиз, бир тогуз, качан болот он тогуз?
– Булар он тогуз болбойт да. Аа, таптым, экиге сегизди кошсо он болот, анан тогузду кошуп койсок, он тогуз чыгат.
– Туура таптыңыз. Экинчи суроом, апаңызга жакынсызбы же атаңызгабы?
– Атамдын дүйнөдөн өтүп кеткенине көп болгон. Негизи, экөөнө тең жакын болчумун. Атама бөлүнгөн жакшы көрүү сезимимди азыр апама арнап калгам. Апам болсо өзүнүн да, атамдын да ордуна мээримин төгүп келет.

БЕКЧОРО 1 СААТ ИЧИНДЕ
35 күйөрманынын суроолоруна жооп берди. Алардын ичинен кайталанма суроолор гезит бетине жарыяланган жок.


Жылмайып коюңуз!

8-апрель. Түнкү саат 02.00. Бекчорого досу телефон чалып, дүкөндөрдү тоноп жаткандарын айтып, “келип кал” дейт.
– Баргым келбей турат, маанай жок. "Динь-Чинге" барсам, көз айнектерди талап кетишиптир.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(5)
24.05.2010. 11:42 
Тайпасы:
Жаран
Комментарийлердин саны:
14
Катталган:
23-04-2007
Соӊку аракети:
03-09-2017 18:03
Жынысы:
Белгисиз
0
Кыздарды баалаган сапатыныз жакты, ар дайым бар болунуз
24.05.2010. 18:48 
Тайпасы:
Кыймылы жок
Комментарийлердин саны:
0
Катталган:
26-04-2010
Соӊку аракети:
14-05-2016 07:22
Жынысы:
Белгисиз
Калаасы:
Талас
0
Чыгармачылыгынызга ийгилик,осо бериниз!
27.05.2010. 16:20 
Тайпасы:
Кыймылы жок
Комментарийлердин саны:
3
Катталган:
27-12-2008
Соӊку аракети:
24-01-2013 16:12
Жынысы:
Белгисиз
0
Сага ийгилик Бекчоро! Оркундой бер!
27.05.2010. 18:09 
Тайпасы:
Кыймылы жок
Комментарийлердин саны:
12
Катталган:
17-05-2010
Соӊку аракети:
09-04-2017 00:04
Жынысы:
Белгисиз
0
ax bek choro uigilik saga//////////////////

29.05.2010. 15:41 
Тайпасы:
Кыймылы жок
Комментарийлердин саны:
5
Катталган:
20-09-2008
Соӊку аракети:
21-06-2013 16:00
Жынысы:
Белгисиз
0
кыргыз эстрадасында жанып турган жылдыз бол
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: