Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«Жарайт сити» долбоорундагы Мыкы: «НУРСУЛТАНДЫН МУРУТУ ӨСПӨЙ КАЛЫП, «ЖАРАЙТ СИТИНИ» ТАРТПАЙ ТУРГАН БОЛДУК»

№791 28-декабрь-5-январь 2018-ж.


Жаңы жыл алдында SUPER.KG порталынын түз эфирине «мурутчан агай» менен «спорт комментатору» келип шаңдуу маек куруп кетишти. Алар ким деп жатсаңыз, сиздерге күлкү тартуулаган «Жарайт сити» долбоорунун жигиттери, тамашоучулар, актёрлор Нурсултан Курсанали уулу жана Мыктыбек Мукаев (Мыкы). Мырзалар күйөрмандарынан келген суроолорго юмор менен жооп берип, эфирден тамаша да аткарышты.

– Турмуштук окуялардын негизинде тартылган юмор менен элди күлдүрүү оорбу?
Мыкы: – Бардык тамашаларыбыз турмуштук окуялардан эле алынат. Бирок окуянын негизинде скетч тартуу менен элди күлдүрө албайсың. Андыктан айрым учурларда апыртып коёбуз. 500-600дөй тамаша жазабыз, алардын 100дөн ашууну гана элге тартууланат. Тамашаларды редакторубуз «бул жарайт, бул жарабайт» деп иргеп чыгат.

– «Жарайт ситинин» ар бир чыгарылышын калтырбай көрчүмүн. Эми силерди көрбөй калабызбы?
Нурсултан: – «Жарайт ситинин» акыркы сезону болгондуктан көрө албайсыз. Башка «Жарайт сити» болбойт деп ойлойм. Ал эми бизди башка долбоорлордон көрө аласыздар.
М.: – Ар бир сезондо 12 чыгарылыш бар. Демек, долбоордун акыркы сезону болгону менен, 12 чыгарылышты тартуулап, башыңарды бир топко чейин оорутабыз.

– Нурсултан, мурутуңду эмнеге алып салгансың? Жаш баладай болуп калыпсың...
Н.: – Мен негизи эле жашмын, сулуумун, бойдокмун (күлүп). Мурут коюп жүрсөм чоң кишидей көрүнүп, улуу эжелер тийишип баштайт экен.

– Чынын айткылачы, акча үчүн долбоордон кетип жатасыңарбы?
М.: – Бул болбогон сөз. Долбоорго келгенде бир сом да албай иштегенбиз. Тар бөлмөдө эле тамаша жазып, бир самсаны төрткө бөлүп жеп жүрдүк.

– Келе жаткан Жаңы жылыңар менен! «Жарайт сити» скетчкомунун акыркы сезонун тартып жатыптырсыңар. Бул күйөрмандарыңар үчүн күтүүсүз болду. Долбоордун таркашына эмне себеп болду? Идея түгөнүп, кризис башталдыбы?
М.: – Негизги себеп – Нурсултандын муруту өспөй калды (күлүп). «Идея түгөндүбү, кризис башталдыбы?» деп жатасыз, сөздөрүңүздүн чындыгы бар. Баягы бир жерге картошка эге берсең, жыл сайын түшүмү азаят эмеспи. Биз дагы тамаша жаратабыз деп издене берип жан дүйнөбүз ырахат албай баштады. Ошондуктан мындан аркы скетчкомдорду кызыксыз кылбай, жыйынтыктап коюуну туура көрдүк.

– Жигиттер, мага Бишкектеги жолдордун жаңы аталышына арналган тамашаңар абдан жаккан. Суроом, саясат тууралуу тамаша жаратуудан чочулабайсыңарбы?
М.: – Жолдор тууралуу тартылган скетч биздин да эсибизде калган. Анткени «Жарайт ситинин» биринчи сезонунда тартсак окшошпой калып, экинчи сезонунда кайра тартканбыз. Ал эми саясат тууралуу скетч тартуудан чочулабайбыз. Өзүбүздүн ордубузду билип, чектен ашкан эмеспиз.

– Силер тартылган долбоор популярдуу эле, бирок «Эл эмне дейт?» долбооруна популярдуулугуңарды алдырып койдуңар. Күйөрмандарыңар «Эл эмне дейтке» ооп кетиштиби?
М.: – Биз башында кыргыз, орус тилинде тамаша жазчубуз. Бирок орус тилинде гана алып чыкчубуз. Кийин продюсерибиз менен «Эл эмне дейт?» кыргызча тамашаларды аткарып чыксын» деп сүйлөшкөнбүз. Анан популярдуу элек, алдырып койдук дегидей атактуулуктун артынан жүгүргөн эмеспиз, жүгүрбөйбүз дагы. Кыргызстанда кыргыз тилдүү долбоор популярдуу болушу боло турган иш да.
Н.: – Туура, «Эл эмне дейт?» мыкты долбоор. Кыргыз тилиндеги тамашаларды карапайым калк жакшы кабыл алышат. Интернеттеги кароолорун деле карасаңар миллиондорду чапчыйт.

– «Эл эмне дейт?» менен «Жарайт сити» долбоорунун ортосунда чоң атаандаштык бар дешет. Бириңер орус тилдүү, бириңер кыргыз тилдүү юморлорду көрсөтөсүңөр, ортодогу атаандаштык эмнеде?
Н.: – Бар, бар. Биз «Эл эмне дейтти» жаман көрөбүз (күлүшүп).
М.: – Эки долбоордун ортосунда эч кандай атаандаштык жок. Анткени «Эл эмне дейт?» менен «Жарайт сити» бир атанын балдарындай. Продюсерибиз бир, чогуу иштейбиз. Биз болгону кыргыз тилдүү видеолорго тартылбайбыз. Тамаша жаратууда эле «мен тигиден жакшы жазышым керек» деп атаандашышыбыз мүмкүн.

– Нурсултан, Мыкы, «Жарайт сити» силерди жакшы эле атактуу кылды. Долбоорго тартылбай калсаңар атыңар унутулуп калат. Эми өзүңөрдү пиарлоо үчүн кандай иштерди жасайсыңар?
М.: – Мен кашымды боёп, чачымды тургузуп ырдай баштайм. Балким, «Эл эмне дейтке» кетип калам, кыргызча жакшы эле сүйлөйм да (күлүп). Эми башка долбоорлордо иштеп баштайм.
Н.: – А мен болсо лашмейкер болом. Мыкынын кирпигин жасап, кашын боёп турам. Сен ушинтип сатып кетмексиң да (тамашалап).

– Нурсултан, сен мэрдин ролунда болуп, коомчулукту тазалыкты сактоого үндөгөн ролик тарткан элеңер. Ошол үгүт ишиңер үчүн мэрия тарабынан ыраазычылык болдубу?
М.: – Эми ыраазычылык десе эле сөзсүз дасторкон жайыш керек эмес. Милдетин так аткарып, иштеп турганынын өзү ыраазычылык го. Мисалы, мен жашаган районду анча-мынча оңдоп-түзөдү. Ушундай ыкма менен ыраазычылык айтып жатат го деп ойлоп калдым.

– Нурсултан, сени тамада катары да билебиз. Мыкты тамадалардын катарына кошулгуң келеби? Ал эми Мыкыны болсо спорт комментатору катары үнүн уккум келет. Эгер «спорт комментатору бол» деген сунуш түшсө макул болот белең?
Н.: – Мага Бакыт Байсариев жазды окшойт, ээ? Негизи өзүбүздүн студиябыз бар. Ал жакка иш-чараларды уюштуруп бергиле деп кайрылгандар көп. Азырынча жөнөкөй эле алпаруучу болуп жүрөм. Албетте, мыкты тамадалардын катарына кошулгум келет. Ал үчүн иштеш керек.
М.: – Бул суроону спорт каналында иштегендер узатышты окшойт. Негизи комментатор болоюн деген оюм бар, бирок убактым жок. «Жарайт ситидеги» Илгиз Куватбек дагы комментатор болгусу келет. Экөөбүз отуруп алып футболдук беттештерди жөн көрбөстөн комментарий берип көргөндөн ырахат алабыз. Кастинг болсо катышып, комментатор болуп иштеп калышыбыз мүмкүн.

– Нурсултан, сага улуу эжелерден башка тийишкендер барбы, башкача айтканда, жүрөгүң бошпу?
Н.: – Жүрөгүмдүн ээсин таап, бир бийкеч менен сүйлөшүп баштадым. Ошондон кийин эч ким тийишпей калды.

– Нурсултан, сенин бир тууган иниң дагы «Жарайт ситиде» өзүнүн өнөрүн көрсөтүп калды эле. Ага катары иниңе кандай кеңештериңди бересиң?
Н.: – Бир жолу роликке мага окшош, бирок менден кичүү бала керек болуп калды. Бишкек шаары боюнча менин иним эле бар, калгандары мага окшошпойт. Баса, индустар бар, бирок алар кыргызча билишпейт экен. Ошентип долбоорго тартылып калган. Андан кийин жергиликтүү КВНдерге катышып баштаган. Окуусу начарлап кеткенинен «баарын жыйыштырып, окуй турган маалда оку» деген кеңешимди бергем. Буюрса, быйыл орто мектепти аяктайт.


Бактыгүл Момбекова
star@super.kg



"Жарайт ситинин" актёру: "Мурут таксам улуу аялдар эле карайт экен"

Автор: Максат Орозумбетов
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
Super TV
27.12.2017. 15:16 
Тайпасы:
Жаран
Комментарийлердин саны:
0
Катталган:
20-12-2017
Соӊку аракети:
01-05-2018 10:48
Жынысы:
Белгисиз
+1
Assalom aleikum jigitter
02.01.2018. 23:22 
Тайпасы:
Конок
Комментарийлердин саны:
1
Катталган:
10-11-2017
Соӊку аракети:
03-01-2018 00:11
Жынысы:
Белгисиз
0
Алга жарайт сити ишинерге ийгилик,биздин уй булоо кызыгуу менен корот
05.01.2018. 13:01 
Тайпасы:
Жаран
Комментарийлердин саны:
69
Катталган:
05-11-2015
Соӊку аракети:
16-11-2018 13:39
Жынысы:
Белгисиз
Калаасы:
Екатеринбург
0
Эл эмне дейт баары бир алдыда да. Айылда бу жарайт ситини көрүшпөйт деле.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: