Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«СУПЕР-ИНФОнун» КУБОГУН КИМ ЖЕҢЕТ?

№395 28-май - 3-июнь, 2010-ж.


Мына, “Супер-Инфонун” кубогу да эртең 29-майда ­старт алат. Өткөн сандарыбызда анын катышуучулары жөнүндө маалымат берилген. Учурда командалардын даярдыгы кандай? Ким чемпион болуу үчүн катуу бел байлады? Бул тууралуу катышуучулар эмне дешет? Ушул суроолорго жооп алдык.


Канат Бегалиев,

“Спорт жылдыздарынын” оюнчусу, балбан:
“СУПЕР-ИНФОДОН” РЕВАНШ АЛАБЫЗ”

– 2 жыл мурда спортчулар “суперчилерге” жеңилип калганда сиз майдан четинде элеңиз. Ошондо сиз да ойносоңуз, утат белеңер?
– Жок, антип айта албайм. Футбол – командалык оюн. Жалгыз аттын чаңы чыкпайт. Ошондо силер катуу даярданган экенсиңер.
– Мелдешке кыздардын катышканына кандай карайсыз?
– Мен ушуну колдобойм. Жалаң эркектер эркекче ойносок болмок. Аял киши деген өзүнө тиешелүү иш менен алектениши керек да.
– Кайсы командадан коркуп тура­сыңар?
– Коркуп эмес, “Супер-Инфонун” командасынан кичине чочулап турабыз . Эгер “Супер-Инфого” дал келсек, реванш аларыбызга толук ишенем. Анткени даярдыгыбыз жакшы.
– Сиздин оюңузча, ким же­ңет?
– Албетте, “Спорт жылдыздары”.


Урмат Усенов,

“Шоу-бизнестин” оюнчусу, ырчы:
“БУЛ ЖОЛУ “ШОУ-БИЗНЕС” ЖЕҢЕТ ДЕП ИШЕНЕМ”

– Кыздардын ойноп жатканына кандай карайсыз?
– Мен буга каршымын. Майданда эркекче оюн болушу керек. Балдар менен кошо кыздардын ойногону “несерьёзно” болуп калат го.
– Мурдагы жылы жеңилип калышыңардын себеби эмнеде?
– Анда командада күчтүү балдар болсо да, ойдогудай машыга алган эмеспиз. Ар бири өзүнчө кыйын болгону менен, командалык оюн көрсөтө алган эмеспиз.
– Ким жеңет деп ойлой­суз?
– Эми силер быйыл да жеңип алсаңар болбойт го. Жеңбейсиңер, ээ? Улуттук биринчи каналдын балдары ойноп жүргөнүн, күчтүү командасы бар экенин билем. Ошентсе да бул жолу биз жеңебиз деп ишенем.


Артур Шигабиев,

“Мегакомдун” машыктыруучусу,
Режим жана күзөт бөлүмүнүн жетекчиси:
“АЗЫРЫНЧА БАШКЫСЫ – КАТЫШУУ ДЕП ТУРАБЫЗ...”

– Компанияда буга чейин команда бар беле? Болсо, кандай ийгиликтерге жетишкенсиздер?
– Чоң футбол боюнча атайын командабыз жок болчу. Мини-футбол боюнча командабыз болгону менен, такай машыгып турушпайт. Мурдагы жылы КРнын Транспорт жана коммуникация министринин кубогуна катышканбыз.
– Учурда даярдык кандай? Эгер жеңсеңер, жетекчилик эмнени убада кылууда?
– Даярдык жакшы. Форма даярдап, машыгууларга киришкенбиз. Ал эми жетекчилик конкреттүү бирдеме убада кыла элек. Бирок кандай гана жетишкендик болбосун, сыйлыксыз калбайбыз. Ал жагы бизде салтка айланган.
– Мелдешке катышууда командага кандай милдет жүктөлдү?
– Ойноп жүргөн мыкты командабыз жок эле чемпион болобуз десек аша чапкандык болот. Азырынча башкысы – катышуу деп турабыз...


Улук Макешов,

“Улуттук биринчи каналдын” капитаны, оператор:
“ЧҮЧҮ КУЛАК БИЗДИ “СУПЕР-ИНФО” МЕНЕН КЕЗИКТИРСЕ...”

– Улуттук биринчи каналдын такай машыгып, мелдештерге катышып жүргөн күчтүү командасы бар деп угабыз. Ошол чынбы?
– Ооба, бир нече жылдардан бери чогуу ойноп келаткан командабыз бар.
– Буга чейин кайсы мелдештерге катышып, кандай ийгиликтерге жетишкенсиздер?
– Көп эле мелдештерге катыштык. Азырынча эң чоң жеңишибиз белгилүү бир партиянын кубогунда экинчи орунду алганыбыз болгон.
– Кайсы команда менен ойносок дейсиңер?
– Чүчү кулак бизди “Супер-Инфо” менен кезиктирсе жакшы болмок. Анткени бир-эки жылдан бери силер жөнүндө укканыбыз менен, күч сынашып ойной албай келебиз.
– Канчанчы орунду алууну максат кылдыңар?
– Башкы максатыбыз – катышуу. Ал эми калганын тоголок топ жана майдан көргөзөт.


Эрмек Нурбаев
,
“Тамашоунун” капитаны:
“ЧЕМПИОН БОЛУП, ЕГИПЕТКЕ БАРМАКЧЫБЫЗ”

– Эрмек, сен “Шоу-бизнес” менен жеңишке көзүң жетпегендиги үчүн өз командаң менен катышайын дедиңби?
– Шоу-бизнес – менин хоббим, а “Тамашоу” – менин жашоом. Андыктан тандоо болгондо жашоону тандайм.
– Мелдешке кандай максат кой­­­дуңар?
– Мен “Супер-Инфо” чемпион болгон командага Египетке эс алууга жолдомо берет экен” деп уктум. Учурда биз чемпион болобуз деп катуу даярданып жатабыз. Максатыбыз – буюрса, чемпион болуп, Египетке баруу.
– Кайсы команданы чемпион­дукка башкы талапкер деп эсеп­тейсиң?
– Биз эки эле командадан чочуп турабыз. Алар Бразилия жана Италия курама командалары. Калган командалар каалашса, футболчуларды кошуп алышсын. Биз коркпой, баары менен ойной беребиз.
– “Тамашоучулардан” майданда кандай сюрприздерди күтсөк болот?
– Ал күнгө бир-эки жаңы тамашаларды даярдап койгонбуз. Майданда футбол ойноп эле тим болбостон, оюндун жүрүшүндө тамашаларды да тартуулайбыз.


ОЙНОБОГОН ЫРЧЫЛАР ЫРДАП БЕРИШЕТ
Буга чейин айтылгандай,­ мелдеш концерттик шоу-программалар менен коштолот. Ачылышынан баштап экинчи күнү боло турган сыйлоо жана жабылыш аземине чейин концерттик номерлер орун алат. Алсак, Бек Борбиев, Гүлзинат Суранчиева, Мирбек Атабеков, Тата Улан, Каныкей, Кундуз Канатбек кызы жана Кумар Асанов өңдүү ырчылар көрүүчүлөргө ырларын тартуулап, кесиптештерин майдан четинде колдоп турушмакчы. Башкалар тууралуу ооз ачпай туралы. Сюрприз бойдон калсын...

АЙЛАСЫЗ АЛМАШУУЛАР
“Супер-Инфонун” кубогуна параллель түрдө 29-30-май күндөрү ушу саньда боюнча КРнын биринчилиги өтөт. Ага “Гермес-профинин” өкүлдөрү катышкандыктан, “Спорт жылдыздарынын” курамында жалаң грек-рим жана эркин күрөшчүлөрдөн түзүлгөн спортчулар ойномой болушту. “Шоу-бизнестин” курамы да өзгөрүүгө дуушар болуп, командага Бактияр Токторов, Мирбек Иманбеков, Айдин Шер, Айнура Салахидинова жана бийчи Атай Өмүрзаков кошулду.

ФИФАнын КАЛЫСЫ КӨЗ САЛАТ
Мелдеште адилеттүү калыстардын болушу чоң мааниге ээ. Андыктан мелдешке КРнын ФФсынан ФИФАнын калысы Дамир Жаныбеков жетектеген жогорку квалификациядагы калыстар тобу чакырылды.


Жергиликтүү кабарлардан

Футбол

БАЙМАТОВ АНГЛИЯ ПРЕМЬЕР-ЛИГАСЫНДА ОЙНОЙБУ?
Англиялык “Блэкпул” командасы 39 жылдык тыныгуудан кийин Англиянын Премьер-Лигасына кайрадан жолдомо алды. Бул үчүн ал тандап алуу оюнунда “Кардифф Ситини” 3:2 эсебинде жеңген. Мындай жаңылыкты берип жатканыбыздын себеби “Блэкпулдун” кожоюндарынын бири болуп Максим Бакиев саналат. Анан дагы февралда “дордойчу” Азамат Байматов “Блэкпулга” кароого чакырылып, бирок виза ала албай, барбай калган. Эми Азамат кайра Англияга кароого барабы же жокпу, убакыт көргөзөт.

Ушу

ӨЛКӨ ЧЕМПИОНДОРУ АНЫКТАЛДЫ
26-майда Бишкектеги “Жаштык” республикалык борборунда ушу таулу боюнча өлкөбүздүн чемпиондугу жыйынтыкталды. Анда чоңдор арасында Алмаз Тойчуев, жаштар арасында Рустам Менибаев жана балдар арасында Чыңгыз Бөрүбаев чемпион аталышты. Чемпиондуктун негизинде түзүлгөн улуттук курама командабыз күзүндө Азия оюндарына жа­на чыгыш уруш өнөрлөрү боюнча Дүйнө чемпиондугуна катышат.


Эл аралык кабарлардан

Хоккей

ОРУСИЯНЫ ЧЕХИЯ ТОКТОТТУ
Өткөн дем алышта хоккей боюнча жаңы Дүйнө чемпиону аныкталды. Германияда өткөн мелдеште Дүйнө кубогу быйыл да Европада кала тургандыгы билинди. Чечүүчү беттеште славяндар, тактап айтсак, Орусия менен Чехия беттешти. Буга чейин 2 жыл катары менен чемпиондукту бербей келген орустар бул жолу чехтерди жеңе албады. 2:1 эсебинде жеңишке жетишкен чехтердин бул өз алдынча өлкө болгондон бери (Чехословакияны эске албаганда) 6-жеңиши.

Футбол

«ИНТЕР» – ЕВРОПАНЫН ЧЕМПИОНУ
22-майда Мадридде клубдар арасында Европанын чемпиону аныкталды. УЕФАнын ЧЛсынын финалында италиялык “Интер” германиялык “Баварияны” 2:0 эсебинде тизе бүктүрдү. 2 голду тең өз эсебине жазып койгон “Интердин” аргентиналык чабуулчусу Диего Милито башкы каарман болду. А анын командасы акыркы жолу мындай жеңишке 45 жыл мурда жетишкен. Кызыгы, “Интер” италиялык команда болгонуна карабастан, негизги курамында бир да италиялык футболчу ойногон жок.
Финалдан көп өтпөй чемпиондун канча сыйлыкка ээ боло тургандыгы белгилүү болду. “Интер” баш-аягы 100 миллион евро акчага ээ болот. Анын 40 пайызын УЕФА төлөп берсе, калган кирешени билет сатуудан, жарнамадан жана демөөрчүлүк колдоодон түшкөн каражат түзөт.

Базарбек Абдураимов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
07.06.2010. 20:13 
Тайпасы:
Кыймылы жок
Комментарийлердин саны:
6
Катталган:
05-06-2010
Соӊку аракети:
24-10-2014 02:13
Жынысы:
Белгисиз
0
a gde teakvando tama BAKTYGYL SHERMATOVA
07.06.2010. 20:13 
Тайпасы:
Кыймылы жок
Комментарийлердин саны:
6
Катталган:
05-06-2010
Соӊку аракети:
24-10-2014 02:13
Жынысы:
Белгисиз
0
byla
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: