Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№793 12-18-январь


– Эмне жыргайсың?- даараткана тараптан күлмүңдөп чыга калган Айсулууну көрүп Тимур суроолуу карады. А кыз болсо табышмактуу гана жылмайып колун аркасына алып бир нерсени сүйүнчүлөчүдөй турду.
– Муну көрдүңбү?- деди анан Тимурдун жанына жакын келип, колундагы ичке кагазды көрсөтүп.
– Бул эмне?
– Тест.
– Эмне тест?
– Боюнда бар же жогун билүүчү тест.
– Анан?
– Анан 2 сызык...
– Түшүнбөдүм
– Менин боюмда бар, сүйүнчү!
– Эмне?- Тимур чочуп кетти.
– Сүйүнчү, биз балалуу болобуз!- Айсулуу күлүмсүрөдү. Тимур болсо дивандан тура калып ары-бери максатсыз баса баштады. Эч эле кубангандай түрү жок.
– Алдыр!- деди бир маалда тык токтоп.
– Ыя?!
– Боюңдан алдыр дейм.
– Эмнеге?- жаңы эле кубанычы коюнуна батпай турган Айсулуу көздөрүн алайтып, Тимурдан уккан сөздөргө ишенбей дапдаарып туруп калды.
– Эмнеге дейсиң да, экөөбүз Москвада батирде жашайбыз. Анын үстүнө эрди-катын да эмеспиз.
– Үйлөнөбүз да...- Айсулуу башка сөз таба албай калды.
– Үйлөнөбүз. Үйлөнгөнчө курсагың чандайып чыгып калса, шерменде болбойбузбу.
– Койчу, Тимур. Көбү эле Москвадан үйлөнүп жашап жатышпайбы. Нике кыйдырып, үйдөгүлөргө кабарлап койсок болот го.
– Жок, баланы алдырып сал! Биз аны бага албайбыз.
– Ар бир бала өз ырыскысы менен төрөлөт.
– Төрөбөйсүң, алдырып сал!
– Алдырбайм!- кыздын үнү чечкиндүү чыкты.
– Деги бала чын эле меникиби?
– Эмне?- кыз калтырап кетти.
– Ким билет? Мен түндө иштейм. Сен бул бөлмөдө жалгыз каласың.
– Анан?
– Анан ким билет? Коңшу бөлмөдө да жигиттер жашайт.
– Эш-шек,- кыз шарт бурулуп бөлмөнүн эшигин тарс эттире жаап чыгып кетти. Ызасына муунуп, көзүнөн жаш кетти.
– Ким эшек?- жинденип чыккан Тимур артынан сая түшүп эле Айсулууну билегинен тартты.
– Сен эшек, кайсы бетиң менен айтып жатасың?! Бул сенин балаң.
– Э-нең,- кызды жаак талаштыра чаап жиберди. «Көрсөтөм мен сага эшекти» деп катуу соккудан бетин басып отуруп калган кызды кайра бөлмөгө сүйрөп кирди.
– Тилиңден көрөсүң сен дайыма. Эш-шек дейт... Эшек менен эмне жашайсың?- жулкунтуп келип диванга түртүп жиберди.
– Жогол, акмак,- ары-бери жулкулдатканга чачтары саксая түшкөн кыз тура калып кыйкырды.
– Вай, энең. Жогол деп калыптырсың да, ээ? Жогол дечи,- жинденген бойдон барып Тимур шкафтагы кийимдерин алып кара сумкасына тыгып сала баштады.
– Тууй бер каалашыңча,- эшикти тарс жаап чыгып кетти. Кыз болсо ыйлап кала берди. Мындай уруштар алардын арасында маал-маалы менен болуп турат. Ооба, кээде жигит кызга кол көтөрүп да жиберет. Бирок Тимур кетчү эмес. Бул жолу чыгып кетти. Келер бекен? «Жалдырап келет, курсактагы баласы үчүн келет» деп жоруду. "Келбей койсочу, баланы алдырыш керекпи?" деген күмөндүү ойлорун алыс кубалады.
Арадан бир жума заматта өттү. Айсулуу жумушуна барат, келет. Тимурдан кабар жок. Күн сайын бир нече жолу кыз жигитинин номурун телефондон терип чалмакчы болуп барып, кийин намысы жол бербей токтоп калат.
«Чапкан өзү, келип кечирим сурасын. Эмнеге мен биринчи чалышым керек? Негизи өзүм жаман көндүрдүм. Дайыма бир нерсе болсо өзүм баштап кечирим сурай берем. Ал да күнөөсүн сезсин. Баланы болсо алдырбайм. Эртеби-кечпи Тимур баары бир балага келет» деп ал өзүн жооткотот.
Бирок Тимурдан дале кабар жок болчу. Айсулуу эптеп он күндөй чыдады. Акыры чалууга аргасыз болду. Сагынып кетти. Анын үстүнө чындап тынчсыздана баштады. "Чын эле келбей койсо эмне кылам? Москвадан эрсиз төрөп алыптыр дегенди укса атам тирүүлөй өрттөп жиберет. Уф, Тимур чалып кечирим сурап койсоң эмне болот элең?"- көңүлсүз Тимурдун номурун терди. Жигитинин ордуна «Мындай номур жок» деген орус кыздын үнүн угуп селдейе түштү. Жигиттин Эрлан деген жакын досу бар. Ошого чалуусу керек. Кудай жалгап, ага чалуу кетти. Кыз аз да болсо жеңилдей түштү.
– Алло, Эрлан, кандайсың?
Сен Тимур кайда билбейсиңби?
– Сочиге иштегени кетти го...
– Эмне, мага телефон номурун бер!
– Мен да байланыша албай жатам, өчүрүлүү.
– Ал анан качан келет?
– Негизи "жумуш жакшы болсо жарым жылдай иштеп, анан Кыргызстанга кетем" деген болчу.
– Мага анын номурун таап бер!
– Ал мага сен жөнүндө"баары бүттү" деп айткан.
– Башымды оорутпасын. Мен анын баласын көтөрүп жүрөм.
– Чын эле Тимурдун баласыбы?
– Эмне?
– Болгону Тимур башкача айтты эле...
– Акмак,- кыз ыйлап жиберди. Телефонун коюп салды. Анын үмүт шамдары бүлбүлдөп өчүп бара жатты. Кайдан да ушул жигитке ашык болду эле? Ооба, Айсулуу Тимурду бир көрүп эле жактырып калган. Кыргыздар дайыма барчу кафеге ал курбулары менен барган күнү азыр эле сүйлөшкөн Эрлан, Тимур дагы бир топ достору болуп келишкен экен. Кыздарга коңшу столдо отуруп калышкан. Ал сылаң короздонгон, чачын жалтырата тараган, жүзү сүйкүмдүү, шуулдак жигит менен көпкө чейин алыстан тиктешип отурушту. Кийин бий аянтчада таанышты. Андан кийин көп болсо 5-6 жолу жолугушуп, кийин чогуу жашай башташкан. Акылсыздык кылыптыр. Бирок Тимур адамды ишендирип сүйлөй алчу. «Үйлөнөбүз, көп балалуу болобуз» дей берчү. Айткан сөзүнүн бири жок. Биринчи сыноодо эле изин суутуп жок болду.


ххх


– Эмне, сенин боюңда барбы?!- Айсулуунун чогуу иштеген курбусу Назик көздөрүн чакчайтты.
– Ооба...
– Канча ай?
– 2 айдан өттү.
– Тимурбу?
– Анан ким болмок эле?
– Ал билеби?
– Билет, билип качып кетти.
Экөө тең бир саамга унчукпай туруп калды.
– Анан эмне кылайын деп жатасың?
– Билбейм.
– Алдырыш керек го? Бирок өзүң билесиң да...
– Назик, баланы алдыртып таштасам, Тимур анда биротоло келбей коёт го?
– Эмне? Айка, ал эми сага келбейт.
– Баласы үчүн келеби деп жатам да.
– Жо-ок, Айка. Ал деген Тимур. Келбейт андай неме.
– Келет. Мен алдырбайм. Алдырсам Тимурдан биротоло ажырайм. Мен аны сүйөм, түшүнсөң?
– Кайдагы сүйүү? Мээң ордундабы? Догурунуп эптеп тийип алсам болду деп ойлонуп жатасыңбы? Жок болуп жатпайбы аның.
– Келет...
– Жок дегенде телефон менен сүйлөштүңбү?
– ...
– Келбейт аның. Алдырып сал!
– Келет!
Айсулууну үмүт жетелей берди.


ххх


Бирок арадан дагы 3 ай өтүп кетти. Арыкчырай кыздын курсагы дөмпөйүп даана билинип калды. Тимур болсо таптакыр дайынсыз.
– Айка,- деди Назик терезени үнсүз тиктеп турган, көздөрүнүн нуру өчкөн курбусун карап "Айка, болду, бүттү, келбейт. Дайынсыз жок. Достору айтпай жатышат. Алдырып сал!" деди.
– Эми алдырганга кеч, Назик,- Айсулуу үшкүрүнүп алды.
– Айка анда Кыргызстанга кетүүң керек го. Үйдөгүлөр түшүнөттүр...
– Барбай эле кой десе болбой келгем ушул жакка. Эми минтип барсам мени үйгө киргизишпейт...
– Айка,- бир нерсени ойлоп тапкандай ордунан тура калды.Бир аз толмочунан келген, бул кара тору кыз чочуганда же бир жаңылык айтарда ушинтип үнүн бийик чыгарып жиберчү.
– Өх, эмне? Чочутуп жибердиң.
– Азаматка тийип ал да.
– Эмне?!
– Билесиң, ал сени жакшы көрөт. Элейип эле сени карап катып кала берет. Жоош дагы. Сен тием десең эле алып кете турган.
– Мээң ордундабы, Назик?!
– Айка, бойдон алдырууга кеч. Түшүнүп жатам алдыргың да келбей жатат. Үйдөгүлөр абалыңды билсе башыңды жулушат. Атаң өлтүрөт. Тимуруң болсо келбейт. Азаматка тийип алсаң абийириң менен каласың.
– Сен тамашалап жатасыңбы?
– Кайдагы тамаша?
– Жанагы зөөкүр чалыш немеге тий деген турасыңбы?
– Эмнеге зөөкүр чалыш? Ал болгону аз сүйлөйт, аз күлөт. Көз карашы бир аз олуттуу. Ошон үчүн эле зөөкүр дей беришет. Чынында андай эмес, жоош жакшы бала. Кебетеси деле жакшынакай. Ал сен тууралуу менин Айбегимден көп сурайт экен. Айбек экөөлөп аны жөн эле көндүрөт элек. Чын, эрсиз төрөптүр дегенден көрө...
– Анан өмүр бою ошол зөөкүр менен жашаймбы?
– Таптакыр жакпаса төрөп алгандан кийин ажырашып кет!

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Башка сандарда:
Комментарийлер(13)
16.01.2018. 09:37 
Тайпасы:
Жаран
Комментарийлердин саны:
36
Катталган:
09-04-2017
Соӊку аракети:
24-09-2018 17:22
Жынысы:
Белгисиз
-1
Мен биринчи!
16.01.2018. 10:04 
Тайпасы:
Жаран
Комментарийлердин саны:
130
Катталган:
05-03-2017
Соӊку аракети:
24-09-2018 03:38
Жынысы:
Белгисиз
+6
Мммм... Дагы байкуш Москвада жургон кыздарды каралаган сериял экенда. Темселеп жургону аз келгенсип жоопкерчиликсиз чыныгы зоокур бироого алданат экен.....
16.01.2018. 10:21 
Тайпасы:
Жаран
Комментарийлердин саны:
26
Катталган:
04-06-2016
Соӊку аракети:
24-09-2018 13:03
Жынысы:
Белгисиз
+4
Ото деле кызыктуу эместей же коктейлге конуп алгангабы же ушуга окшогон окуяларды коп уккангабы...
16.01.2018. 10:35 
Тайпасы:
Жаран
Комментарийлердин саны:
52
Катталган:
07-05-2016
Соӊку аракети:
18-08-2018 23:44
Жынысы:
Белгисиз
Калаасы:
ГАЛАКТИКА
+1
Кыз-жигит болуп жургондун кесепети...
16.01.2018. 11:06 
Тайпасы:
Жаран
Комментарийлердин саны:
31
Катталган:
16-06-2011
Соӊку аракети:
24-09-2018 17:34
Жынысы:
Белгисиз
Калаасы:
Москва
+7
Тообо Тимурлардн баары сылан короз болобу же ошол мен тааныган Тимур жөнүндө сөз болуп жатабы. Аябай окшоштуруп сүрөттөптүр.. хе.хе хее
17.01.2018. 15:14 
Тайпасы:
Жаран
Комментарийлердин саны:
43
Катталган:
19-09-2017
Соӊку аракети:
18-09-2018 14:03
Жынысы:
Белгисиз
Калаасы:
Ордолуу Ош
+1
Supsuluu,
Мен тааныган Тммурларда сылан короз хехеее
20.01.2018. 14:32 
Тайпасы:
Жаран
Комментарийлердин саны:
172
Катталган:
25-08-2013
Соӊку аракети:
24-09-2018 14:21
Жынысы:
Белгисиз
Калаасы:
Сүлүктү
0
alisha00,Мен тааныган Тимурлар дагы сылан короз
16.01.2018. 11:45 
Тайпасы:
Конок
Комментарийлердин саны:
69
Катталган:
11-01-2018
Соӊку аракети:
06-04-2018 04:21
Жынысы:
Белгисиз
+2
Тажик озбектерден торогону канча
16.01.2018. 16:03 
Тайпасы:
Жаран
Комментарийлердин саны:
18
Катталган:
18-05-2017
Соӊку аракети:
14-08-2018 18:03
Жынысы:
Белгисиз
+2
Биздин кыргыз кыздары чын эле ушинтип ойлоп калган турмушту оюнчук сезишет торогондон кийин ажырашып кет деп коёт нике ыйык бир кун жашасанда ошол адамга байланып каласын
16.01.2018. 16:19 
Тайпасы:
Жаран
Комментарийлердин саны:
212
Катталган:
15-08-2017
Соӊку аракети:
22-09-2018 18:23
Жынысы:
Белгисиз
+1
Жакшы чыгарма экен. Жашоодо чындыгында ушундайлар толтура
16.01.2018. 23:24 
Тайпасы:
Жаран
Комментарийлердин саны:
273
Катталган:
16-02-2014
Соӊку аракети:
01-03-2018 13:18
Жынысы:
Белгисиз
Калаасы:
Бишкек
0
Коктейль2 деп чыгарбайсынарбы
19.01.2018. 19:23 
Тайпасы:
Жаран
Комментарийлердин саны:
1
Катталган:
25-11-2014
Соӊку аракети:
02-06-2018 03:28
Жынысы:
Белгисиз
0
ээ жеңил ойлуулук мунун баары бир кана кыздардын эмес жигиттердин дагы жоопкерсиздигинен намысы жоктугунан.
20.01.2018. 14:34 
Тайпасы:
Жаран
Комментарийлердин саны:
172
Катталган:
25-08-2013
Соӊку аракети:
24-09-2018 14:21
Жынысы:
Белгисиз
Калаасы:
Сүлүктү
0
Негизи аял заты ширин создорго бат алданабыз. Анан аябай эле ишенчээк келебиз. Бул кыз дагы ишенчээгинин курманы болду окшойт
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: