Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ЭМЧЕКТИН МАСТОПАТИЯ ЖАНА РАК ООРУЛАРЫН КОФЕ, ШОКОЛАД, МАЙЛУУ ТАМАК КҮЧӨТҮП ЖИБЕРЕТ»

№793 12-18-январь


Бишкектеги Улуттук онкологиялык жана гематологиялык борбордун алдындагы Маммологиялык борбордун хирургия бөлүмүнүн жетекчиси, медицина илимдеринин кандидаты Сергей Буюклянов эмчектин рак жана мастопатия оорулары тууралуу маалымат берет.


 

 

ЭМЧЕК ГОРМОНДОРГО КӨЗ КАРАНДЫ БОЛГОН ОРГАН.

РАК ООРУСУ
Дарттын белгилери:

• Эмчектин бири чоңоюп, ылдый болуп калат.
• Үрптүн тегерегинде бүдүрлүү темгилдер болот.
• Бир же эки үрптөн тең суюктук чыгат.
• Үрптүн тегерегинде чуңкурча же бүгүштөр жаралат.
• Эмчек ткандары калыңдайт, текшергенде шишиктин бар экени билинет.
• Дамамат оорутуу байкалат.

Дарттын себепкерлери:

• Эрте бойго бүтүү.
• Семирип кетүү.
• Бат-баттан аборт жасатуу.
• Аз төрөт.
• Бойго бүтүрбөөчү гормоналдык каражаттарды өз алдынча колдонуу.
• Эмчекке коюлуучу имплантаттар.
• Тукум куучулук.
• Ичкилик ичүү жана тамеки тартуу.


МАСТОПАТИЯ
Мунун 2 түрү бар.
Диффуздуу түрүнүн белгилери:

• Алгачкы убактарда этек кир келерден бир нече күн мурун эмчек бир аз шишип, оорутат.
• Эмчектин ткандары калыңдайт, майда бүдүрчөлөр жаралат.
• Этек кир келип бүткөндөн кийин оорутпай калат, эмчек калыбына келет.
• Кийинчерээк этек кир бүткөндөн кийин деле эмчек жумшарбаган бойдон калып баштайт.
• Оорутуу сакталат.
• Эмчектен суюктуктун чыгуусу мүмкүн.


Дарттын себепкерлери:

• Организмде эстроген гормонунун көбөйүшү.
• Улам-улам аборт жасатуу.
• Этек кирдин эрте келиши.
• 30 жашка чейин төрөбөө, стресс.
• Эмчектен жаракат алуу (жыгылып, кулап).
• Бойго бүтүрбөөчү гормоналдык каражаттарды өз алдынча колдонуу.
• Ички бездердин (калкан сымал бездин, эн безинин жана башка) оорулары.
• Жатындын миомасы.

Эскертүү: Эгер дарылабаса дарт түйүндүү мастопатияга өтүп кетет.


ТҮЙҮНДҮҮ (УЗЛОВАЯ) МАСТОПАТИЯ.

Оору белгилери:

• Эмчектин ткандарынын калыңдоосу күчөйт.
• Оорутуу басылбай баштайт.
• Эмчекте 1 эле чоң түйүн болот.


"АБОРТ – ЭМЧЕК ООРУЛАРЫНЫН КҮНӨӨКӨРҮ"

– Сергей мырза, өлкөдө 1 жылда канча аял эмчектин рак илдетине кабылат?
– 1 жылда 1000дей аял эмчектин рагы менен ооруса, анын ичинен 400дөйү көз жумат. Биздин маммологиялык борбордо 2017-жылы 805 аялга, анын ичинде эмчектин залалдуу шишигине 200, залалдуу эмес шишигине 605 операция жасалды. Мурун залалдуу шишик менен ооругандардын эмчегин толук кесип салсак, кийинки кездерде ракты гана алып, эмчекти болушунча сактап калууга өтүп жатабыз. Буга, албетте, медицина менен техниканын өнүгүшү себепкер.
Рактын 4 стадиясы бар.
I-II стадиясында аялдардын 98 пайызын айыктырууга болот. III-IV стадиясында рак коңшу органдарга чейин тарап (метастаз) баштаган же тарап кеткен болот. Андыктан бул стадиядагылардын өмүрүн узартып гана тура албасаң, өмүрүн сактап кала албайсың.

– Рак илдети кийинки жылдарда жашарып баратканы билинүүдө...
– Ооба, дарт 10-15 жашка жашарды. 20 жаштан тартып карыларга чейин ооруп жатышат. Өткөн жылы бизге 20-22 жаштардагы 3 кыз рак менен келди. Менин тажрыйбамда велосипед тээп баратып кулап, кийин жаракат алган жерине рак өсүп кеткен кыз кездешкен. Андыктан жаракат алганда врачка сөзсүз текшерилүү кажет.
Азыркы кезде жаштар жыныстык жашоону эрте баштап жатышат. Сактанууну билбеген, үй-бүлө курууга даяр эмес кыздар, албетте, боюнан алдырышат. Алардын кээ бирлери, ошондой эле карьера жасайм деген айрым келиндер абортту улам-улам жасатышат. Мунун жыйынтыгында гормондордун тең салмагы бузулуп отуруп ракка чейин жеткирүүдө.
Учурда жаштар да, улуулар да кофе, кара шоколад, майлуу тамак дегендерди көп жеп-ичишет. Аталган азыктар жана буурчакты көп колдонгондо организмдеги эстроген гормону (аялдардын эн бези иштеп чыгарат) көбөйүп кетип, мастопатияны, ракты күчөтөт. Демек, кимде мастопатия болсо, аталган азыктарды өтө аз, ал эми рак болсо таптакыр колдонбоо керек.
Эмчек имплантатынын сапатсызы коркунучтуу. Имплантатты мындан кийин төрөбөйм дегендер, эмчегинин бири тубаса кичинелер, рактан улам эмчегин кестирип салгандар колдонсо оң.
Тамеки тарткан кыз-келиндер да көбөйдү. Аларда жүрүп отуруп эмнеге эмчектин рагы жаралат? Анткени тамеки тарткандарда ракты жаратуучу стресс гормону – катехоламин көбүрөөк бөлүнүп чыгат. Андыктан тамеки тартпоо зарыл.

– Анда кайсы азыктарды рак менен мастопатиянын алдын алуу, эгер оорулар бар болсо, өркүндөтпөй кармап туруу үчүн жеп-ичсе болот?
– Организмдеги эстроген гормонунун ашыкчасын чыгарып турчу азыктарды: алма, сабиз, кызылча, капуста, помидор, болгар калемпири, көк чай, шалгам, чамгырды дайыма жеши зарыл.

– Рак оорусуна диагноз коюу үчүн эмнелер керек?
– Биопсия (рак клеткасынан кичине үзүп алып, текшерүү), маммография, УЗИ, магниттик-резонанстык томография сыяктуулар керектелет. Айта кетчү нерсе, 30 жашка чейинкилер эмчегин УЗИде, 30 жаштан кийин маммограф аппаратына 1 жылда 2 ирет текшерилүү медицинанын талабы.

– Дарылоо кандайча жүргүзүлөт?
– Дарылоодо нур терапиясы, химиялык терапия (дары-дармек менен) жана операциялык жол бар. Оорунун стадиясына жана рактын келип чыгуу себебине жараша аталгандардын бири же экөөсү тандалып алынат. Иммунитетти көтөрүүчү каражаттар да сунушталат. Аял ысыкта жүрбөй, күнгө кактанбай, кыскасы, врачтын айткандарын сактоосу зарыл.

– Эми эмчектин залалдуу эмес шишик оорулары тууралуу сөз кылсак...
– Эмчек безинин залалдуу эмес шишик ооруларына: фиброаденома, киста , абсцесс, мастопатия (толугу фиброздуу-кистоздуу мастопатия), липома оорулары кирет. Эң көп жолукканы – мастопатия. Бул латын тилинен которгондо «сүт безинин патологиясы» дегенди билдирет. Өлкөдөгү аялдардын 60-65 пайызга жакынында кездешет. Мастопатиянын диффуздуу түрүн дарыласа толугу менен айыгууга болот.
Диффуздуу түрүн дарылабаса түйүндүү мастопатияга айланат. Түйүндүү мастопатияда дарыланбаса залалдуу ракка өтөт. Дарттын 2 түрүндө тең анализдердин жыйынтыгына карап гормоналдык каражат, гель, крем, таблетка, суюк дары жазылып берилиши мүмкүн. Туз, кантты өтө аз, ал эми уксусту, колтукка себилчү күчтүү дезодорантты колдонбоо, тар же кенен бюстгальтерди кийбөө керек. Бюстгальтерди түндө чечип, эмчекти эс алдыруу зарыл.

– Кээ бирлер мастопатияда эмчегине капуста тартышат. Жардам береби?
– Капуста эмчектин калыңдап, катуулап кеткен ткандарын кандайдыр бир деңгээлде жумшартат. Бирок айыгууга жардам бербейт. Элдик дарыгерлерге ишенип алардан дарылануу – убакыттан утулуу. Ошентип бизге кеч келишип, эрте көз жумууга аргасыз болушат.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(10)
16.01.2018. 11:11 
Тайпасы:
Жаран
Комментарийлердин саны:
85
Катталган:
13-06-2016
Соӊку аракети:
23-09-2018 01:18
Жынысы:
Белгисиз
+6
Мен бир ай болду мастопатиянын женил туру мн ооруп дарыланып жатам кенен маалымат учун рахмааат
16.01.2018. 17:13 
Тайпасы:
Жаран
Комментарийлердин саны:
10
Катталган:
27-11-2017
Соӊку аракети:
16-05-2018 13:41
Жынысы:
Белгисиз
+2
Мастопатия деген бала эмгизгенде эмчекте калып калган суттон пайда болобу?
16.01.2018. 18:24 
Тайпасы:
Жаран
Комментарийлердин саны:
575
Катталган:
08-02-2015
Соӊку аракети:
22-09-2018 20:20
Жынысы:
Белгисиз
+2
Кудай сактасын. Мен бала эмизем чоочуп нетсемда көкүрөгүм сүтү без болуп катый түшөт. Аны укалап сылап жатып кайтарам кайтып кетет. Без түшкөндө ооруйт.
16.01.2018. 20:41 
Тайпасы:
Жаран
Комментарийлердин саны:
42
Катталган:
12-04-2017
Соӊку аракети:
19-09-2018 22:52
Жынысы:
Белгисиз
+2
Диффуздуу туру менен оорудум леч кылсамда айыкпай жатамго
16.01.2018. 20:50 
Тайпасы:
Жаран
Комментарийлердин саны:
42
Катталган:
12-04-2017
Соӊку аракети:
19-09-2018 22:52
Жынысы:
Белгисиз
+1
Сергей Б менен кантип байланышсак болот админ
16.01.2018. 22:12 
Тайпасы:
Жаран
Комментарийлердин саны:
33
Катталган:
07-12-2015
Соӊку аракети:
22-09-2018 16:51
Жынысы:
Белгисиз
+2
Эмчеги ооруганда тороп бала эмизсе оорудан айыгып кетет деген соз чындыкка дал келеби?
16.01.2018. 22:28 
Тайпасы:
Жаран
Комментарийлердин саны:
42
Катталган:
12-04-2017
Соӊку аракети:
19-09-2018 22:52
Жынысы:
Белгисиз
+2
nurii, Мени торосон кайтып кетиши мумкун деген бирок анык айткан эмес айыгат деп
17.01.2018. 21:53 
Тайпасы:
Жаран
Комментарийлердин саны:
222
Катталган:
14-11-2013
Соӊку аракети:
22-09-2018 15:49
Жынысы:
Белгисиз
Калаасы:
Бишкекстан
+5
Ким ушул дарт менен, же тууганынар ооруса тезинен больницага баргыла. Коз ачык, чоп дары, без операция айыктырабыз дегендерге барбагыла. Жон эле убакытты откоруп, рак башка органдарга тарап кете электе. Чуркап онкологияга баргыла
21.01.2018. 13:15 
Тайпасы:
Жаран
Комментарийлердин саны:
30
Катталган:
31-12-2011
Соӊку аракети:
31-05-2018 17:31
Жынысы:
Белгисиз
+5
Мени торосон кетет деген,тороп ошол ооруган кокурогумду коп эмиздим,туура эле экен кетип калды баары жакшы буюрса,торт жыл болду
22.01.2018. 13:09 
Тайпасы:
Жаран
Комментарийлердин саны:
4
Катталган:
04-05-2014
Соӊку аракети:
06-03-2018 13:14
Жынысы:
Белгисиз
0
мактанып жарымын коргозуп албай жылуу кармаш керек эмчекти, ото назик орган, тез ооруйт
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: