Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БОИНГ КЫРСЫГЫНА БИР ЖЫЛ. Жакындарынан ажыраган эне:«БЕЙИТТЕРИНЕ БАРЫП КЕЛМЕЙИНЧЕ БУГУМ ЖАЗЫЛБАЙТ»

№793 12-18-январь


39 адамдын өмүрүн алган учак кырсыгына 16-январда бир жыл толот. Былтыр дал ушул күнү Бишкектин четиндеги дачалар жайгашкан аймакка учак кулап түшүп, жергиликтүү тургундардын өмүрүн алган. Жакынынан айрылган мекендештерибиздин али да болсо көз жаштары кургай элек, айрымдары кырсыктан алган жарааттары менен дале күрөшүп келүүдө. Биз жабыркаган адамдардан кабар алып, ал-жайын сурап кайттык.


«УУЛУМ МЕНЕН КЕЛИНИМ БИРИ-БИРИНЕН АЖЫРАГЫСЫ КЕЛЧҮ ЭМЕС. МИНТИП ТОБУ МЕНЕН КЕТИШТИ»
26 жаштагы ата-энеси, эки карындашы апаатта каза болгон Жакшылыктын чоң энеси Токтайым апа небересин карап Бишкек шаарында жашоодо. Уулунан калган жалгыз туягынын жакшы окушу үчүн болгон күчүн жумшап жатканын айтат. Эне кырсыкта каза болгон уулун, неберелерин, келинин эстеп бир саамга ыйлап да алды:
– Балам Уларбек 1990-жылы туулган. 11-классты бүтөрү менен классташ кызына үйлөнүп алган. Жашсыңар деп бир топко каршы да болдук. Алар 8 жыл чогуу бактылуу жашашты. Жакшылык биздин биринчи неберебиз. Ал төрөлгөн учурда чоң атасына операция жасалып, ооруканадан чогуу чыгышкан. Ошондо биздин аяштар жолдошумду көргөнгө ооруканага келишип, арты жакшылык болсун деп неберемдин атын Жакшылык коюшкан. Садагасы болоюн, Уларбегим шайыр мүнөз, кабагын бүркөбөгөн жан эле. 15-январь күнү жубайы, балдары менен чогуу манты жейбиз деп үйгө келишиптир. Ушул үйдө бапырап түнкү 1 жарымга чейин отурдук. Түн жарымда башкача коштошуп үйүнө кетишкен. Эртеси биз саат 11лерге чейин учак кулаганын деле билбептирбиз. Анан эле суук кабар келди. Андан аркысын билбей деле калдым.
Жакшылыгыма Кудайдын боору ооруса керек, кандайдыр бир күч аны кошунасынын үйүн көздөй чуркатыптыр. Эгер башка тарапка чуркаса ал деле аман калмак эмес. Өзү «Мени Гүлзина эже ойготту. Бирок апамдарды ойготкон жок» деп айтып калат. Балким, түшүнө киргендир, анысы табышмак. Уларбегим Бишкек шаарында маршруттук кичи автобус айдачу. Азыр көчөдөн ал иштеген номердеги кичи автобустарды көрсөм эле эске түшөт. Чогуу иштешкен досторуна кезигип калсам, уулум жөнүндө сүйлөсө экен дей берем. Анан бейшемби, жума күндөрү сөзсүз бейиттерине барып келмейинче бугум жазылбайт. Анан дагы бул күндөрү аларга жолукчудай күтүп алганымды айт.
Келиним менен уулум болгону 8 жыл бирге өмүр сүрүштү, дайыма бири-биринен ажырабай ынак болушчу. Жакшылыктан кийин төрөлгөн 2 кызын уулум ушунчалык жакшы көрчү. Азыр өзүмдү «булар тобу менен кетти, анткени бири-биринен ажырай алышмак эмес» деп сооротуп коём. Эмнегедир Жакшылыкты бизге көндүрүп, өздөрүн сагынбагыдай кылып өстүргөнүнө да таң калып кетем. Келиним жаш болсо дагы өйдө-төмөндү көтөрө билген, түшүнүктүү жан эле. Балдардын жамандыгын ата-энеге көргөзбөсүн, биз эми гана өзүбүзгө келип, Жакшылыкка алаксый баштадык.

«МЕКТЕПТЕ ДОСТОРУМ ТОЛТУРА»
Үй-бүлө мүчөлөрүнүн ичинен жалгыз аман калган Жакшылык баарыбыздын эсибизде. Учурда ал «Сапат» билим берүү мектебиндеги мыкты окуучулардын бири. Чоңойгондо президент болгусу келет:
– Мен учурда 1-класста окуп жатам. Окууларым жакшы, мага математика жана менталдык арифметика жана музыка сабактары жагат. Мектепте менин досторум толтура. Аттары: Дима, Алинур, Арслан, Абдугапар, Умар. Биз кечке эле футбол ойной беребиз. Мен сабактан чыгып каратэ, шахмат, футбол, математика боюнча ийримдерге барам. Үй тапшырмаларын эжекем экөөбүз аткарабыз. Мен чоңойгондо жоокер, анан президент болгум келет. Алар элди башкарышат.

«МУУНУП АЛГАН КЫЗЫМДЫ АМАН АЛЫП КАЛДЫК»
Мастура Исаеванын кызы кырсыкта катуу коркуп калгандыктан, ушул күнгө чейин ооруп келет. Ал кызынын түйшүгүн тартып жүрүп, жолдошум дагы ооруга чалдыгып калды дейт:
– Кырсыктан кийин кызымдын тагдыры бизди катуу ойлонтууда. Оорунун айынан ал окубай да калды. Быйыл 9-классты бүтмөк. Ал учак кырсыгына чейин ооруган эмес. Сабакты жакшы окуп, журналист болом деген тилеги бар болчу. Азыр андай ой-максаттар менен иши да жок. Кырсык болгондон кийин аны текшерген врачтар бир канча дарыларды берген. Оорусу кармай баштаганда эле ичирип койсок, уктап калчу. Көрсө, кызыбызды кадимкидей эле баңги кылып алыптырбыз. Кийин кошуна-колоң, туугандар «дары бербей эле койгула, зыян» дешкенинен токтотуп койсок, көздөрү кызарып, тура албай калды. Ошондо биз кызыбыз дарыга муктаж болуп калганын билип отурбайбызбы. 2 ай мурун кызым эртең менен короого барып муунуп алыптыр. Кичүү неберем көрүп калып, аны аман алып калдык. Өзү эмне кылып жатканын да билбейт. Анан кан чыгарып ырымдап, кызымдын атын башка койдук. Бишкек шаарынан батир таап, ошол күндөн бери ал жерде эжелеринин көзөмөлүндө жүрөт. Эки кызым кезектешип карай турган болуп сүйлөшүп алышкан. Жалгыз калтыргандан коркуп жатабыз. Дача-СУга алып келбей жатабыз. Бул жакка келсе эле учак түшкөн жерди көргөндө ыйлап «мени чакырып жатышат» дей берет. Күн сайын оорусу кармап, көздөрү кызарып, ары-бери чуркай баштайт. Анын үстүнө биз кырсык болгон жерге абдан жакын болуп жатпайбызбы. Көчүп кетүүгө шартыбыз жок, жок дегенде ушул 6 үйдү көчүрүп койсо жакшы болмок (ред.: учак кулаган жерге жакын турган үйлөрдү көрсөтүп). Кызымдын түйшүгү атасын да оорукчан кылып койду.

«АПАМ БАЛАСЫНЫН ЖҮРӨГҮ КАРМАП ЖЫГЫЛГАН ЖЕРИНЕ БАРА БЕРИП АРТЫНАН КЕТЕ БЕРДИ»

Учак кулаган аймакта жашаган Зарипа Ташматованын иниси Арзымамат Ташматов да кырсыкта каза болгон:
– Өзүм Дача-СУда жашайм. Иним «Ош базарында» араба түртүп иштечү. Былтыркы январь айы абдан суук болгондуктан, инимди «эс ал, суукта иштебей эле тур» деп үйгө алып келип алгам. Үй-бүлөсү менен 12 жыл мурун ажырашып кеткен. Анан 16-январда кырсык болуп кетти. Мен балдарыма "сыртка чыгып жардам бергиле" дедим. Ал эми Арзыматка «сен чыкпагын, сага болбойт» дегем. Сыртта кыямат болуп жатса кантип отурмак эле, эл менен кошо аралашып жиликтенип калган сөөктөрдү чогултуп мүшөккө салышкан экен. Каза болгондордун бирин иним көтөрө калса, мээси агып кетиптир. Ошондо инимдин жүрөгү кармап, ооруканага жетпей жан бериптир. Инимдин сөөгүн айылга алып барып жерге бердик. Бул жактан уулу менен кызын кошо ала баргам. Ошол учурда бизге эч кандай жардам берилген эмес. Эмнегедир инимдин фамилиясы туура эмес жазылып калып, кийин ал үчүн да ызы-чуу болдук. Бизди алдап жатасыңар дегендей кылышты. 12 жыл мурун инимдин жубайы нике күбөлүгүн, тийиштүү документтерин өзү менен кошо ала кеткен окшойт. Кийин жардамдар ага көрсөтүлдү. Мен инимдин атына берилген жардамдардын бирин да алганым жок. Кейигеним, баласынын күйүтүнө чыдабай апам да каза болуп калды. Баласынын жүрөгү кармап жыгылган жерине барып, куран, намаз окуп жатып эле бул жашоо менен кош айтышып кете берди.
Мектепке баруу үчүн аялдамада автобус күтүп жатып учак кулаганын көргөн Султан үй-бүлө мүчөлөрүнөн жалгыз өзү аман калган. Абалын билүү үчүн үйүнө барганыбызда, ал кышкы каникулда эс алууга туугандарына кеткен экен. Чоң атасы Рахат Сыдыковдун айтымында, Султан 3-класста жакшы бааларга окуп жатат.


Айсалкын Качкынбекова,
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
16.01.2018. 09:03 
Тайпасы:
Жаран
Комментарийлердин саны:
110
Катталган:
14-02-2016
Соӊку аракети:
17-11-2018 09:47
Жынысы:
Белгисиз
Калаасы:
Кыялдарда
+4
Эххх.Жакындарына сабыр.Ошол бойдок жазасыз калып кетти куноолулор
16.01.2018. 09:30 
Тайпасы:
Жаран
Комментарийлердин саны:
17
Катталган:
11-09-2013
Соӊку аракети:
02-10-2018 09:59
Жынысы:
Белгисиз
Калаасы:
Бишкек
+8
Эстелик тургузгандан коро,кандуу жуктун ээлерин тапса туура болмок. Ушул бойдон унутулуп калбаса экен...
16.01.2018. 09:54 
Тайпасы:
Жаран
Комментарийлердин саны:
53
Катталган:
29-10-2013
Соӊку аракети:
16-11-2018 21:42
Жынысы:
Белгисиз
+10
Психолог деген нерсе жок бизде озу...Жакындарын жоготкондорго,жогорудагы жаш кыз-балдарга ошол психологдор жардам берсе кыйла дух бермек деп ойлойм.Эми эмне дейбиз,сабыр тилейм баарына!Козу откондордун бейиши болсун!
16.01.2018. 15:31 
Тайпасы:
Жаран
Комментарийлердин саны:
16
Катталган:
04-03-2017
Соӊку аракети:
30-04-2018 07:32
Жынысы:
Белгисиз
Калаасы:
Москва
+3
Жакшылыкты корсом ыйлагым келе берет. Аман эсен чоноюп, тилегине жеткин. Бактылуу балалык каалаймын.
Leilek-razzakov түзөттү 2018-01-16 16:02:18
16.01.2018. 16:51 
Тайпасы:
Конок
Комментарийлердин саны:
34
Катталган:
02-01-2018
Соӊку аракети:
06-03-2018 18:14
Жынысы:
Белгисиз
+5
Кайдагы турктордун самолёту ушунча жоготуу кылса дагы лох болуп отурушатко оозун шамал тозуп дагы бир жерин тосупда берет булар..
16.01.2018. 18:11 
Тайпасы:
Жаран
Комментарийлердин саны:
9
Катталган:
26-12-2017
Соӊку аракети:
14-11-2018 08:00
Жынысы:
Белгисиз
+4
Жакшылыкты корсом эле ыйлагым келет! Жакындарынан ажырагандарга сабыр берсин! Отуп кеткендерди сураксыз бейишке кируучулордон кылсын Аллахым.
Nur96fat0000 түзөттү 2018-01-16 18:12:36
17.01.2018. 21:56 
Тайпасы:
Жаран
Комментарийлердин саны:
374
Катталган:
05-04-2017
Соӊку аракети:
17-11-2018 22:04
Жынысы:
Белгисиз
+1
Баарын окуп алып ыйлагым келип жаман болдум,айрыкча Уларбек дегенге жаман башым ооруду,анткени менин да каза болгон инимдин аты Уларбек болчу,озумун Уларбегим эсиме тушуп ыйлагым Келли,кантседа конулум тушту,Кудайым аай баарынын жаткан жерлери жайлуу болуусун чын конулумдон тилеймин,билем 1 жакыныны жоготуу кандай оор экенин,оз башыман откон,Кудай мындан кийин салбасын деп тилейм башыма,ата-энеге эле кыйын,эч качан эненин алдында бала кетбесинчи,баланын айынан эне бутот,оорулу болуп калат
17.01.2018. 22:00 
Тайпасы:
Жаран
Комментарийлердин саны:
374
Катталган:
05-04-2017
Соӊку аракети:
17-11-2018 22:04
Жынысы:
Белгисиз
+1
1 оору башка ооруну чыкырат,жанада бир-тууганды бири-биринен ажыратбасынчы Кудай,бир-туугандында куйуту жаман,неси болсода Кудайым баарынын жайларын Жаннаттан кылсын,апа-аталарыбызга Сабыр берсин Аллахым,аман калган балдарынын омурлорун узун кылсын,бактылуу таалайлуу болсун,Диндаркой-Исламкой балдардан болсун деп тилеймин.
22.01.2018. 11:19 
Тайпасы:
Жаран
Комментарийлердин саны:
1008
Катталган:
20-10-2016
Соӊку аракети:
25-10-2018 21:46
Жынысы:
Белгисиз
0
Самалеттун ээси журот эээн эркин
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: