ЖЫЛДЫЗ ТӨЛГӨ 15-январдан 21-январга чейин

КОЙ (21.03-20.04)
Акча табуу, жетекчилик менен иштешүү жааты жакшы жүрүп жатат, бирок буга манчыркап жатып албаңыз. Аракеттерди улантыңыз. Бул аптада достор, айрым бир ишканалар менен чогуу иш алып барасыз. Шашмалыкка алдырбасаңыз, баары сиз ойлогондой болот.

БУКАЧАР (21.04-20.05)
Өткөн аптадагы ийгиликтериңиз дагы да уланып жатканын байкайсыз. Аны менен чектелип калбаңыз. Алдыда сизди жетекчилик, жогорку рангдагы адамдардын колдоосу күтүүдө. Андыктан тартынбастан аларга жакындан жакшы мамиле жасаңыз.

ЭГИЗДЕР (21.05-21.06)
Жумуш жана акча табуу сиз ойлогондой жакшы жүрөт. Бирок бир орунда туруп калууга али эрте. Каржыны жана мүмкүнчүлүктү билим алууга, пайдалуу командировкага чыгууга жумшасаңыз жыйынтыгы жаман болбойт. Керектүү кеңеш алуу үчүн ишенген адамдарыңызга кайрылыңыз.

БӨЙӨН (22.06-22.07)
Балдар жана тааныштар менен өз ара алакалар жакшы бойдон сакталат. Эс алууга да убакыт табылат. Жакшы алакадагы адамдарды акчаны көбөйтүү багытында колдонсоңуз жыйынтыгы сизди кубантат. Анын таасири бир жума эмес, бир айга чейин созулат.

АРСТАН (23.07-23.08)
Үй чарба иштериңиз, жумушуңуз ойдогудай жүрөт. Ден соолукка көңүл буруп, оорулардын алдын алып, диагностикадан өтүп коюңуз. Жакшы мезгил. Алдыдагы бир ай жубайыңыз жана айрым өнөктөштөр менен мамиле кылууда өз ар түшүнүүчүлүктү алып келет.

БИЙКЕЧ (24.08-23.09)
Туугандар, сапарга чыгуу, эс алуу темалары сиз үчүн дагы да болсо актуалдуу бойдон калууда. Балдарыңыздын өнөрлөрүн көрүп элжирейсиз. Алдыдагы бир ай ден соолук, жумуш, кредиттен кутулуу, карыз акчаларды жыйноо үчүн эң ыңгайлуу мезгил.

ТАРАЗА (24.09-23.10)
Тиричилик, туугандар жана каржы маселеси сиз ойлогондой жүрөт. Үйүңүзгө конок келет. Алдыдагы бир ай чыгармачылык, сүйүү, эс алуу балдар темасына арналат. Айрым учурда көңүл көтөрүлгөн, айрым учурда чөккөн учурлар күтүлүүдө.

ЧАЯН (24.10-22.11)
Апта ичи лидерликти колго алсаңыз болот. Баары сизди угушат жана сыйлашат. Бир туугандар менен сүйлөшүүлөр көп болот. Кыска мөөнөттүү сапарга чыгасыз. Жакшы кабар угасыз. Жеке иштериңизди бүтүрүүгө мүмкүнчүлүктөр чыгат.


ЖААЧЫ (23.11-21.12)
Каржыны көбөйтүү үчүн аракетиңизди токтотпоңуз. Акча бир аз кечигүү менен келип жатса капаланбаңыз. Жакында баары өз ордуна түшөт. Ушул ай ичи бир туугандар менен көп сүйлөшүүлөр жүрөт. Жолго чыгуулар күтүлүүдө.

ТЕКЕЧЕР (22.12-20.01)
Жеке жана айрым достор, мекемелер менен чогуу иш алып барсаңыз, пландар сиз ойлогондой орундалат. Достор менен сайрандоону азайтып, жумушка көп көңүл бурсаңыз сизди акчалай сыйлыктар күтөт. Киреше кирүү бир айга созулат.

СУУ КУЯР (21.01-19.02)
Дагы да болсо жетекчилик, айрым жабык типтеги ишканалар менен жакшы иш алып барасыз. Көптөн бери көпчүлүккө табышмак болуп келген кандайдыр бир сыр бул жумада ачыкка чыгат.

БАЛЫК (20.02-20.03)
Сиз бул аптада дос, кесиптеш, текшерүүчү органдар менен жагымдуу сүйлөшүүлөрдү жүргүзөсүз. Дин, сапар, жогорку билим алууга умтулуу да өзүн актайт. Алдыдагы айды көбүнесе жалгыздыкта жана бир сырдуулукта өткөрөсүз.