Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ООРУБАЙ, УЗАК ЖАШАЙМ ДЕСЕҢИЗ, КҮНҮНӨ 2 ИРЕТ 15 МҮНӨТ КӨНҮГҮҮ ЖАСАҢЫЗ!

№793 12-18-январь


Көп жумуштар замандын жана техниканын өнүгүшү менен кыймылды аз талап кылган жумуштар менен алмашты. Жумуш процесси жеңилдегени менен, кыймылдын аздыгынан оорулардын «гүлдестеси» да жаралды. Көпчүлүк оорулардын алдын алуу үчүн сөзсүз эле спорт залга барып, акча коротуунун кереги жок. Сизден каалоо жана убакыт гана талап кылынат. Каалаган убакта, каалаган жерде жасалчу оңой көнүгүүлөрдү «Биспорт» фитнес-клубунун машыктыруучусу Мирбек Буларкиев көрсөтүп бермекчи.


ОТУРУП ИШТЕГЕНДЕРДЕ КЕЗДЕШЧҮ НЕГИЗГИ МАСЕЛЕЛЕР:
Кеңсе кызматкерлери, тикмечилер, айдоочулар, сатуучулар жана башкалар үчүн.

1. Көп кыймылдабагандан ич чыгат. Курсакта пайда болгон ашыкча майлардан улам ички органдар кысылып, органдардын иштөөсү бузулат. Адам басып баратканда демигип, бат чарчап, көп тердейт. Бара-бара жүрөк-кан тамыр оорулары жарала башташы мүмкүн.
2. Простатит (урук безинин сезгениши). Отуруп иштеген эркектерде кан жана зат алмашуу бузулгандыктан бул ооруга көп кабылышат.
3. Остеохондроз.
4. Өнөкөт ич катуу.
5. Геморрой.
6. Өнөкөт эстөө. Организмге таза аба жетпегендиктен адам оозун ачып көп эстейт.


АЛДЫН АЛУУ

1. Ар 2 саат сайын туруп, 10 мүнөт ары-бери жай басуу керек.
2. Тамак рационуңуздан майлуу, туздуу, таттуу азыктарды азайтканга аракет кылыңыз.


КҮНҮ БОЮ ТУРУП ИШТЕГЕНДЕРДЕ КЕЗДЕШЧҮ МАСЕЛЕЛЕР:
Официант, ашпозчу, тамада, аскер кызматкерлери жана башкалар үчүн.

1. Муун оорулары жаралат.
2. Кан тамырлар кеңейип, варикоз келип чыгат.
3. Бөйрөк, омуртка (анын ичинде бел) оорулары пайда болот.
4. Бут-колдун иштөөсү бузулуп, оорулар жаралат.


АЛДЫН АЛУУ

1. Ар 2 саат сайын 10 мүнөттөн отуруп же жатып бутуңузду эс алдырганга аракет кылыңыз.
2. Кечинде үйгө келгенде бутуңузду 15-20 градуска өйдө көтөрүп (мисалы, алдына бир нерсе коюп) 15-20 мүнөт тынч жатыңыз.
3. Тамандан баштап тизеңизге чейин 10-15 мүнөт укалаганды унутпаңыз.
4. Бутту-колду сергитип, эс алдыруучу жана калыпка келтирүүчү ванналарды кабыл алыңыз же атайын дары май, кремдерди пайдаланыңыз.

Күнүнө 2 жолу 10-15 мүнөт көнүгүү жасаңыз да, «бир мүшөк» оорунун алдын алыңыз. Төмөндөгү көнүгүүлөр отуруп да, туруп да иштегендер үчүн. Бирок жаш куракка карай: 36 жашка чейинки жана кийинки болуп бөлүнөт.

36 ЖАШКА ЧЕЙИНКИЛЕР ҮЧҮН КӨНҮГҮҮЛӨР

1. Оң бутту бүгүп, сол бутту артка сунуп, сол буттун тизесин ылдыйлатып жерге 10 сантиметр жеткирбей бүгүп, кайра туруу керек. Эки колуңузга алгач 0,5 кийин 1-1,5 литр суу куюлган бөтөлкөлөрдү кармап алыңыз. Ар бир бутка 10 жолудан 4 ирет кайталоо керек.


2. Эки колго 1-1,5 литрлик суусу бар бөтөлкөлөрдү көкүрөк туштан жылдырбай кармайбыз. Эки буттун аралыгы 30 сантиметрдей ачык болушу шарт. Отургучта отургандай абалга чейин гана отурабыз, бүгүлгөн тизе буттун учунан алдыга чыгып кетпеши керек. Көнүгүүнү 20 жолудан 4 ирет кайталоо керек.


3. Полго тизелеп туруп, буттун бүгүлгөн жерине ичинде суусу бар 1,5 литрлик бөтөлкөнү коёбуз да, ошол бутту өйдө көтөрүп, кайра түшүрөбүз. Бул анан экинчи бутка кайталанат. Ар бир бутка 10 жолудан 5 ирет кайталоо керек.


4. Ийинди түз кармап, эки колго ичинде суусу бар бөтөлкө алып алдыга сунуп, отургучта отургандай абалда отуруу керек. Отурган сайын колдор тизеге түшөт. 20 жолудан 4-5 ирет кайталоо кажет.


36 ЖАШТАН КИЙИНКИЛЕР ҮЧҮН КӨНҮГҮҮЛӨР

1. Сөзсүз түрдө отургуч керек. Отургучка түз отуруп, колго 1-1,5 литрлик бөтөлкөлөрдү алып, кулачты кенен жайып, колдорду кайра алдыга түз сунабыз. Бул көнүгүүнү 20 жолудан 4 ирет кайталоо керек.


2. Отургучка артыңыздан эки кол менен таянып, ылдый отуруп-туруу керек. 20 жолу 4 ирет кайталайбыз.


3. Отургучтун жанына капталыңыздан туруп, бир кол менен аны таянып, бир бутту бүгөбүз да, экинчи бут артка сунулуп, жерге 10 сантиметр жеткирбей отуруп-туруу керек. 20 жолудан 4 ирет кайталайбыз.


4. Отургучка отуруп, колго узун шыргый (таяк) алып ийинге коёбуз. Таякты өйдө-ылдый түшүрүп 20 жолу 4 ирет кайталоо керек.


5. Эң оңой көнүгүү – бул басуу. Өзгөчө 60тан ашып калган куракта канчалык көп бассаң, ошончолук муундар, булчуңдар бекемделет. Күнүгө эртең менен 10 мүнөттөн улам убакытты көбөйтүп жай басуу (чуркабай!) керек. Кечки тамакты ичкенден кийин да короону 2-3 жай айланып басып келиңиз. Күнүгө кайталасаңыз, сергек, дени сак жашоонун булагын таптым дей бериңиз.

Айзада Жамгырчиева, алып баруучу: «СЕРГЕК ЖАШОО ҮЧҮН ЭЛДИ СПОРТ МЕНЕН МАШЫГУУГА ЧАКЫРАМ»
– Өзгөчө биздин кесиптин ээлерине бир күндүк телеберүүнү даярдаш үчүн суткалап монтаж менен алек болуп бир орунда отурууга туура келет. Ошол жерде чай ичип, тамак жеп дегендей же тескерисинче, 5-6 саат тикебизден тик туруп калабыз. Албетте, мындай иш графиги арка-белге,бутка терс таасирин тийгизет. Азыркы көнүгүүлөрдү биринчи жолу жасап жатам, оңой экен, бирок натыйжасы дароо эле сезилип жатат. Ошондуктан бүткүл кыргыз элимди жаш-карысына карабай узак жана сергек жашоо үчүн өзүбүзгө кам көрөлү, спорт менен машыгалы деп чакырып кетким келет. Өзүм бокс менен машыкчу элем, эми бул көнүгүүлөрдү да күнүгө жасайм деп турам.


Урмат Борченов, алып баруучу, тамада: «ДЕНИ САК АДАМ ӨЗҮНӨ ЭЛЕ ЭМЕС, КООМГО ДА ЧОҢ ПАЙДА АЛЫП КЕЛЕТ»
– Быйылкы жылды мен үчүн өзгөрүүнүн жылы болсун деп максат кылып жатам. Эң биринчи өз келбетимден, ден соолугумдан баштайын, болгондо да эртең же бир айдан кийин эмес, бүгүнтөн башташ керек деп турам. Өз ден соолугубуз өзүбүздүн колубузда эмеспи, тиги-бу деп шылтоолоп өзүбүзгө көңүл бурбай жүрө берип ооруканага барабыз, акча коротуп дары-дармек ичебиз дегендей. Дарылардын да терс таасирлери болот. Мунун баарын алдын алса болот. Дени сак адам өзүнө эле эмес, коомго да чоң пайда алып келет. Ал үчүн күнүгө өзүбүзгө кам көрүп, бир аз убакыт бөлүү керек.


Асыл Орозбекова
Адилет Бектуров
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(3)
16.01.2018. 12:09 
Тайпасы:
Жаран
Комментарийлердин саны:
80
Катталган:
09-01-2017
Соӊку аракети:
24-09-2018 18:35
Жынысы:
Белгисиз
+2
кыйын конугуулор экен боюнда бар аялдар учун кооптуу.
16.01.2018. 22:38 
Тайпасы:
Жаран
Комментарийлердин саны:
114
Катталган:
06-11-2016
Соӊку аракети:
24-09-2018 08:20
Жынысы:
Белгисиз
+3
админ, бойдо бар мезгилде жасалуучу конуугулордон чыгаргылачы. бел, кыр арка аябай талып ооруйт го агы, катуу кыймылдабагандан кан айлануу да начарлайт, ошону жакшыртчу конугуулор тууралууда. ии баса, толгоо учурунда дем алуу ж.б. кош бойлуулукка керек нерселер ждо байма- бай жазгылачы
17.01.2018. 11:00 
Тайпасы:
Супермодератор
Комментарийлердин саны:
7530
Катталган:
22-02-2011
Соӊку аракети:
24-09-2018 18:03
Жынысы:
Белгисиз
Калаасы:
...
+4
love_you,
Саламатсызбы! Гезитибиздин кийинки сандарынан окуй аласыз, сунушуңузга рахмат!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: