Жакындан бери актёрдук кесипке кызыккан адамдарды «Жал» кинотеатрында актёрдук чеберчилик боюнча окутуп, ал жакта окугандарды киного тартам деген режиссёр Ырыс Жоомартова элге дагы бир эмгегин тартуулаганы турат. 25-январдан баштап Кыргызстандын бардык кинотеатрларында режиссёрдун жаңы тартылган «Менин ырым хит болот» аттуу комедия жанрындагы тасмасы көрсөтүлө баштайт. Бул тууралуу Ырыс Жоомартова: «Менин ырым хит болот» тасмасында буга чейин менин «Шаардык келин Шарапат» деген тасмамда тартылган актёр Өмүрбек Нурдинов башкы ролду ойнойт. Комедияда куудул айымдар Гүлжайна Атаканова менен Сакиш жана өзүм да роль аткардым. Биздин эмгегибизди көргүсү келген кино сүйүүчүлөрдүн баарын бул комедияны көрүп кетүүгө чакырам»,- дейт.