Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Камчы Сарыбаев, актёр: «ТОЙДО ӨПКӨНҮ ДА, СӨККӨНҮ ДА БОЛОТ»

№794 19 - 25-январь, 2018-ж.


Мүнөзү заматта өзгөрүп, чарт-чурт этип, кайра жазыла түшкөн актёр Камчы Сарыбаев SUPER. KG порталынын түз эфиринде конок болду. Тасмадагы эпизоддук роль болсо дагы ийине жеткире аткарып, көрк кошкон актёр жеке жашоосу тууралуу айтып берди. Кыраан-каткырык коштогон 1 сааттык эфир көрөрмандарга жакшы маанай тартуулады.

– Камчы байке, сизди көргөндө жүзүмдө жылмаюу пайда болот. Кызыңызды «4 тонналык чылк алтыным» деп эркелетет экенсиз. А балдарыңызды кантип эркелетесиз?
– Улуу баламды кичинекей кезинде «каган» деп эркелетчүмүн. Бир аз чоңойгондо «чоң канатым» деп калдым. Кичүү баламды «оң канатым» дейм. Кызымды «4 тонналык алтыным» деп өзгөчө эркелетем. Анткени кыз бала атага жакын болот экен. Келинчегим көчөдөн азык-түлүк алып келери менен кызына берет. А кызым жүгүрүп «атаке» деп мага сунат, мен ооз тийип «чоң кыз бол» деп берип коём. Апасы өөп койчу десе мени өбөт. Антсе апасы «мен төрөсөм, сен атам дейт экенсиң» деп кызганып кетет. Үйдөн сыртка кадам таштаганда эле кызымды сагынып баштайм.

– Биринчи балалуу болгондо кандай сезимдер болду эле?
– Ал убакта Спорт ордосунда «Дем» театрынын 5 жылдык концертин өткөрөлү деп даярдык көрүп жатканбыз. Уулду болгонумду угуп, бакырып, сүйүнгөнүмдөн төрөт үйүнө жөнөдүм. Барып кире албай, терезеден шыкаалап карасам көрүнбөйт. Түптүз эле кирип баратсам бир эже «ай, кайда барасың?» деп кыйкырат. Палатага кирип «кыздар, мен силерди көргөн жокмун, мен балама келдим» деп аралап кирдим. Карасам мага окшош сапсары бирөө жатат. Колума алып жыттадым да, сүйүнгөн бойдон театрга жөнөдүм. Азыр Барсбегим 11ге чыгып калды.

– Уулуңуз Барсбек актёрдук талант жагынан сизден ашып түшчүдөй. Эмитен эле сизге сын айтып калабы?
– Радиодо иштеп жүргөндө кесиптешим Чыңгыз Мырзаев үйгө конокко келип калды. Барсбек менен учурашып, «Камчы байке, Барсбекти өпкөндө сизди өпкөндөй болдум, жаман окшош турбайсыздарбы» деп таң калган. Мен өзүмдүн бала күндөрүмдү уулумдан көрөм. Актёрдук таланты күчтүү, мени сындаганга жарап калды. Тасмадагы эпизоддорумду көрүп «ата, сиз минтип койсоңуз болмок да» деп калат.

– Уулуңуз роль жаратып жүрөбү?
– «Кемпир» деген кыска метраждуу тасмага тартылган. Ыраматылык Мукамбет Токтобаев агайыбыз абдан шайыр эмес беле. Ал киши Барсбекти алдына отургузуп алып «тигини сөк, муну сөк, мындай сөк» деп Таластын кайрыктарынан үйрөтүп койчу. Ошентип режиссёр кандай кыл десе айткандарын аткарды. Тасмага тартылып бүткөндөн кийин мага эмес, уулума көп гонорар берип жатпайбы. "Эмнеге?» десем, «баланы карасаң, жасалмалуулугу жок аткарды, оригиналдуу көрүнөт» деген. Андан бери 4-5 тасмада роль жаратты. Клиптерге да тартылган. Барсбек эмитен эле актёрлукка башын байлап койду. Кийинки балам көп ооруп, ооруканага көп баргандыктанбы дарыгер болом деп жүрөт.

– Камчы байке, бардык тасмаларда телегейи тегиз, ток пейил адамдын ролун жаратасыз. Бир образга сиңип калуудан чочулабайсызбы?
– Мындай да, режиссёр кайсы образды ачып бер десе ошону аткарасың. Бирок айланып келип эле бир типтеги образдарды аткарып калам. Башка образда таанылганды каалайм. Азыр театрда ток пейил эмес, башкача образды жаратып жүрөм.

– Кошумча каражат алып келген булагыңыз барбы?
– Ооба, бар, болуш керек. Анткени театрдан алган акча менен үй-бүлөңдү бага албайсың. Мен тойдо тамадалык кылам, андан тышкары чакан ишкерлигим бар.

– «Театрдын айлыгы аз» деп нааразы болосуздар. Эмнеге кетип калбайсыздар анда?
– Кичинекей кезимден бери актёр болом деген эңсөөм болгон. Анын үстүнө мен сүйүп аткарган жумушум болуп жатса кантип кетип калам? Өзүмдү башка тармакта иштеп жатканымды элестете албайм, менин ордум театрда. Театрда азыр бир гана фанаттар иштешет.

– Тойлордо урушуп-талашкан учур көп болобу?
– Мисалы, тойлорго барганда ар кандай адамдар туш болот. Жүрөгү таза адамдар бар, келип бетиңден өөп кеткени, сөгүп кеткени болот дегендей. Ошондой учурда алардын мага карата жасаган мамилесине жооп кылып ойноп коём. Демек, бир учурда эле актёрдук талантымды пайдаланам. «Мас кишиден жинди качып кутулуптур» дейт. Антип тийишкендер көп болот. Мындай учурда «алтыным , сеники туура» деп жолуна салып коём. Элестет, ит сени каап жатса, сен итти каап алмак белең? Кээде чыдабай кеткенде «өөп» коёсуң, Таластын кайрыктарынан кошуп.

– Тасмаларда сөгүнүп сүйлөй бересиз, реалдуу жашоодо да сөгүнөсүзбү?
– Мен деле жөнөкөй кишимин да. Эл катары сөгүнүп коём. Тасмада андай сөздөрдү атайын кошобуз. Ал эми реалдуу жашоодо ачуумду сыртка чыгарыш үчүн колдонуп, кадимкидей эс алып калам. Муну танбайм, болбосо азыр эле досторум чалып «койчу Камчы, эмне деп жатасың?» деп чыгышат.

– Киного тартылганда сценарийдеги сөздөрдү айтасызбы же камера иштеп баштаганда импровизация кылып, тузуңузду, кантыңызды да кошуп кетесизби?
– Тамакка отурганда табитиң ачылат деп коёт го. Анын сыңарындай эле тасма талаасында деле сөздүн түпкү маанисин жоготпой айтып кете берем. Айрым учурда сценарийдеги сөздү айтканга туура келет.

– «Каранын жини келгенче, сарынын жаны чыгат» дейт. Ачууңуз чукул экен, катуу сүйлөп алганда абалдан кантип чыгасыз?
– Мен сабырдуураакмын. 3 жолу кой деп айтам, эгер укпаса, өзүнө жараша каап алам. Көңүлүм калган киши менен мамилемди уланта албайм. Адамдын көңүлү назик болот эмеспи, ошондуктан көңүлдү оорутуп албаганга аракет кылам. Такыр эле чыр болуп жатса «көңүлүңдөн жарака кетпесе тешилип калсын» деп басып кетем.

– Сиз эл көзүнө толук Камчы катары таанылгансыз. Арыктаганга аракет кылып көрдүңүз беле?
– Былтыр 134 килограмм салмактан 94 килограммга арыктагам. Көргөндөр «эмне арыктап кеткенсиң, ооруп жатасыңбы?» дешет. Ошондон кийин салмак кошоюн деп 102 килограмм болсом «эмне семирип кеткенсиң?» дешет. Көрсө, адамдар өзү башкача экен, баары эле сынчы болуп кетиптир.

– Тойдогу «ставкаңыз» канча?
– Аны ачык айтпайм. Бекерден асманга чейин. 4 тойдо бекер кызмат көрсөткөм. Ал балдардын ата-энеси жок болчу. Эсимде, 3 жыл мурда болгон окуя. Үйлөнгөн бала оорукчан экен, тоюн жакшы уюштуруп берген элем. Жакында ошол баланы жолуктуруп аябай ыраазы болдум, чакан ишкана ачып алыптыр.

– Кырктын кырына чыгып калсаңыз да энергияңыз ашып-ташып турат. Мынча энергияны кайдан аласыз?
– Кышында болобу, жайында болобу эртең менен муздак сууга жуунам. Анан суу ичип турам, ал арыктаганга да жардам берет. Ашып жаткан энергияны жерден, күндөн, анан суудан эле алам.

– Сизге ашпозчу болгон да жакшы жарашат. Үйдө келинчегиңиз мыкты ашпозчубу же сизби?
– Келинчегим мыкты ашпозчу. Ошондон улам 134 килограмм болдум да. А мен шишкебек, эт рулети, куурдак, барбекю жасоонун чеберимин. Тамак жасоо боюнча алдыма киши салдырбайм. Үйгө конок чакырсак өзүмдүн колумдан жасалган тамактарымды сунам. Адамдын көзү алдабайт эмеспи, даам сызгандардын көздөрүн карап отуруп калам.

– Ийгиликтүү эркектин артында күчтүү аялзаты турат. Жубайыңыздын кайсы сапатын баалайсыз? Эмне менен алектенет?
– 100 пайыз кошулам ушул сөзгө. Эгерде тылдагы аял күчтүү болсо, эркек да күчтүү болот. Келинчегим күчтүү аялзаты, мен аны менен сыймыктанам. Апам дагы күчтүү аял. Менин мотиваторлорум апам, жубайым жана кызым. Жубайым Элнура үйдө отурса жинди болуп кетпейби, чакан ишканасы бар. Ошону иштетет.


Бактыгүл Момбекова
Адилет Бектуров
star@super.kg



Камчы Сарыбаев: "Уулум менин ролдорумду сындап турат"

Автор: Максат Орозумбетов
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(12)
Super TV
17.01.2018. 18:21 
Тайпасы:
Жаран
Комментарийлердин саны:
20
Катталган:
01-11-2017
Соӊку аракети:
31-10-2018 16:32
Жынысы:
Белгисиз
+2
Азыр да ойдо элесин турат, деген саптар Бек Борбиевге тийешелуу эмес.Ал маркум Таалай Бектургановдун чыгармасы. Сизде талант бар.
Super TV
17.01.2018. 18:24 
Тайпасы:
Жаран
Комментарийлердин саны:
20
Катталган:
01-11-2017
Соӊку аракети:
31-10-2018 16:32
Жынысы:
Белгисиз
+2
Эмнеге эле Таластын кайрыктары деп кайра кайра кайталайсыз? Отурушта отургандай. Эл адамы болгондон кийин, жок дегенде маек берип жатканда озунузду, созунузду байкасаныз.
Super TV
18.01.2018. 09:19 
Тайпасы:
Жаран
Комментарийлердин саны:
151
Катталган:
31-08-2017
Соӊку аракети:
13-11-2018 22:41
Жынысы:
Белгисиз
+1
Камчы алга!
23.01.2018. 11:40 
Тайпасы:
Жаран
Комментарийлердин саны:
209
Катталган:
19-04-2011
Соӊку аракети:
03-11-2018 22:27
Жынысы:
Белгисиз
+9
Уйбулоосун аябай сыйлайт .Орусча айтканда семьянин!!!!
23.01.2018. 12:48 
Тайпасы:
Жаран
Комментарийлердин саны:
25
Катталган:
17-04-2017
Соӊку аракети:
24-02-2018 19:42
Жынысы:
Белгисиз
+1
mela,+
23.01.2018. 22:16 
Тайпасы:
Жаран
Комментарийлердин саны:
15
Катталган:
19-11-2014
Соӊку аракети:
07-08-2018 17:53
Жынысы:
Белгисиз
+6
эн жонокой эн таза адамдай корунот. сонун адам да
24.01.2018. 00:47 
Тайпасы:
Жаран
Комментарийлердин саны:
31
Катталган:
07-10-2017
Соӊку аракети:
08-10-2018 11:11
Жынысы:
Белгисиз
+3
Ото таланттуу киши,жонокой киши, онорунуз оркундой берсин.
24.01.2018. 11:06 
Тайпасы:
Жаран
Комментарийлердин саны:
93
Катталган:
16-02-2016
Соӊку аракети:
15-11-2018 18:55
Жынысы:
Белгисиз
Калаасы:
Город 3722
+5
Ото жонокой мыкты адамдай корунот. Кайсы бир беруудо айтканы эсимде ондон ашык окул баласы бар экен. ЖАКШЫ киши болгон учун деп койгом. Талантынызга таазим. Уй булонузго бакыт.
24.01.2018. 19:14 
Тайпасы:
Жаран
Комментарийлердин саны:
0
Катталган:
19-11-2017
Соӊку аракети:
16-09-2018 11:44
Жынысы:
Белгисиз
Калаасы:
Кооз жайларда ....
+3
Мен сыйлаган актер ИЙГИЛИК.
29.01.2018. 11:46 
Тайпасы:
Жаран
Комментарийлердин саны:
1
Катталган:
09-01-2018
Соӊку аракети:
13-11-2018 10:44
Жынысы:
Белгисиз
+2
Мен сыйлаган жактырган актер. Аявай тартылган кинолорун жактырам.
29.01.2018. 13:36 
Тайпасы:
Жаран
Комментарийлердин саны:
147
Катталган:
10-08-2016
Соӊку аракети:
08-10-2018 11:54
Жынысы:
Белгисиз
+1
Таланттуу актер жана ичинде кири жок жакшы адам жкени жузунон корунуп турат)
Ден-соолук жана ийгилик каалайм!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: