Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Жабырлануучунун апасы: “УУЛУМ БАССЕЙНГЕ ТҮШҮП ЖАТЫП ОМУРТКАСЫ СЫНЫП КЕТТИ”

№795 26-январь -1-февраль, 2018-ж.


25 жаштагы Фархад мындан 2 жыл мурун Бишкек шаарындагы “Ала-Тоо” эс алуу жайынын аквапаркына барып жаракат алган. Аквапарктын горкасына түшүп жатып омурткасы сынган Фархаддын учурда көкүрөгүнөн өйдөсү гана кыймылдайт.


“СУУ ИЧИНЕН ЭЛЕ ДЕНЕМ КЫЙМЫЛДАБАЙ КАЛДЫ”
Кантип омурткасы сынып калганы тууралуу Фархад Сталбек уулу төмөнкүчө айтып берди:
– 2016-жылдын 24-июлу болчу. Жекшемби, дем алыш күн болгондуктан эс алуу үчүн туугандарым менен “Ала-Тоо” аквапаркына барганбыз. Кетерге жакын экинчи кабаттагы горкадан башымды ылдый каратып түшкөм. Сууга кирген соң башым жерге тийип, эч нерсе сезбей калдым. “Тез жардам” аркылуу 4-шаардык ооруканага келдик. Моюнумдун 5-омурткасы сынып кеткен экен, эртеси операция жасалды. Дарыгерлер “жакшы болуп кетет, күткүлө” дешкен. Бирок 2 айдан кийин томографияга тартканда жүлүн дагы деле омурткага кысылып туруптур. Экинчи жолу операция жасалып, моюнума темир коюлду. Бир жыл күттүк, дагы деле жылыш болгон жок. Акыректен ылдый эч нерсени сезбейм. Колумдун өйдө тарабы эч нерсе сезбейт, манжаларым гана бир аз кыймылга келет. Дагы текшерилсем, жаракаттан улам жүлүнүмдө киста пайда болуптур, 3 ай мурун кистаны алдырдык. Эми ошонун натыйжасын күтүп жатабыз. Кырсык болгонго чейин ишкерлик менен алектенип, жогорку окуу жайлардын биринде экономист кесиби боюнча 4-курста сырттан окучумун. Эми анын баары токтоп калды.

“ЧЕТ ӨЛКӨГӨ АЛЫП БАРЫП ДАРЫЛАТСАМ УУЛУМ БУТУНА ТУРУП КЕТЕБИ ДЕП ҮМҮТ КЫЛАМ”
Фархаддын энеси Алтын уулун дарылатууга “Ала-Тоо” аквапаркынын жетекчилиги да жардам берсе дейт:
– Фархад экинчи балам. Буга чейин бир да ооруп көргөн эмес. Түрк лицейин бүтүрүп, жогорку окуу жайда сырттан окуп, өзү ачкан бизнеси менен алек болуп жүрчү. Ошол каргашалуу күнү уулум горкадан түшүп жатып омурткасынан жаракат алган. Уулума белгилүү дарыгер Сабырбек Жумабеков операция жасады. Операция оор болду, уулум 10 күн жандандыруу бөлүмүндө жатты. Ал убакта мен “Ала-Тоо” аквапаркынын администрациясына телефон чалып окуя тууралуу айткам, бирок эч кимиси абалыбызды сурап да койгон жок. Экинчи ирет операция жасалганда гана аквапарктын жетекчилиги 1 жарым миң доллар берди. Аларга “баламдын келечеги бүдөмүк, айыгып кеткиче ден соолугуна каралашып турасыңар” дегем. Бирок андан кийин алардан жооп болгон жок. Уулум өзү заара кыла албайт, заарасын аппараттын жардамы менен чыгарабыз. Бармагына кашыкты ороп берип коём, өзү тамак ичет. 2 күндө бир клизма жасайбыз. Баламдын бул абалын көрүп отуруп жаным кейийт (ыйлап)...
Ооруканадан тышкары санаторийлерге алып барып дарылатып турабыз. Кыймылдай албаган соң иммунитети да түшүп кеткен, дайыма дары-дармек, витамин алып берип турабыз. Уулума 3 жолу оор операция жасалды. Балам басып кетсе болду эле, башкасынын баарына көз жумат элем. Дарыгерлер “күткүлө” дейт, күтүп эле жатабыз, жыйынтык жок. Мындай ооруну Кытайда, Кореяда айыктыруу мүмкүнчүлүгү бар экен. Кореяга жиберген катыбызга жакында жооп келди. Уулумду текшерүү 10 күнгө созулат экен, текшерген соң гана айыктыруу тууралуу сүйлөшөрүн айтышыптыр. Барып текшерилгенге эле Фархадга 10 миң доллар керек экен. Өзү жалгыз бара алмак беле, уулум менен кошо барышым керек. Ошого бир аз жеңилдиктер болобу деп Саламаттыкты сактоо министрлигине да кайрылдык. Министрдин өзүнө кире албай жатабыз. Квота берилип калса жакшы болмок.
Угушубузга караганда, дал ушундай оору менен ооруган бир жигит Түркияга барып операция жасатып келиптир, азыр бутун бир-эки шилтеп калыптыр. Түркияга алып барып дарылатууга макул болдук, бирок быйылкы жылкыга квота бүтүп калыптыр. “Кийинки жылга барып дарылатуу үчүн кезекке туруп койгула” дешти. Ал деле качан берилерин билбейбиз.
“Ала-Тоо” аквапаркынын кожоюндарына, администрациясына койгон талабым – уулум айыгып кеткиче дарыланышына жардам беришсин. Жашоого, өмүргө тоё элек кезинде уулум минтип жатып калды. Ошол убакта аквапаркта инструктор да жок болгон экен, уулумдун жанындагы тууганыбыз суудан алып чыгып медпунктка жеткирип, анан “Тез жардам” алып кеткен. Бассейн тайыз болгон экен, “суу курсагыбыздан келчү” дешти балдар. Ошол учурда Фархад менен чуркап жүрүп эч бирибиз сүрөткө деле тартып калбаптырбыз. Кийин аквапарк өрттөнүп кетип, кайра курулду деп уктук. Демек, ал жердеги техникалык талаптарга жооп бербеген жерлерди оңдоп коюштубу деген ойлор келет. Мен доомат кылып жамандагым деле келбейт, бирок ал мекеме деле уулумдун айыгып кеткенине жардам берсе дейм.

“ЭРЕЖЕ САКТАБАЙ ГОРКАДАН БАШЫ МЕНЕН ТҮШҮП КЕТКЕН”
Аталган аквапаркка барып, ошол убакта администратор болуп иштеген Асылбек Осмоналиевге жолугуп, төмөнкүдөй жооп алдык:
– Мен ошол күнү нөөмөттө болчумун. Фархад ошол күнү туугандары менен саат 11лер чамасында аквапаркка келген. Кырсык 18:15тер чамасында болгон. Өзүңүздөр көргөндөй, аквапарктын кассасынан баштап ичине чейин эмнелерге тыюу салынган, сууга кантип туура түшүү керек деген эскертмелер илинген. Аттракциондор бар, ал жигит ошол горканын экинчи кабатынан башы менен сууга түшкөн. Баш менен түшүүгө болбойт деген белгилер горканын жанында илинип турган, эрежеге баш ийбей башы менен түшкөн. Жабырлануучунун энеси ал жерде эч ким болбогонун айтууда. Ал жигитти суудан биздин куткаруучу Фархаддын тууганы менен биргеликте алып чыккан. Ошол күнкү видео сакталуу турат, ошол жерден деле көрсөңөр болот.
Биздин аквапарк дүйнөлүк стандартка туураланып көп текшерилүүдөн өтүп туруп курулган. Тереңдиги 1 метр 20 сантиметр. Бул дүйнөлүк норма. Андан терең болсо кичине балдар чөгүп кетиши мүмкүн, ал эми чоң кишилер буту менен түшсө эч кандай коркунуч жок. Коопсуздук эске алынган. Окуя болгондо эле бул тууралуу жетекчиликке айтылган. Алар да оорукананын жетекчилери менен сүйлөшүп жардам берип жатышты. Администрация тарабынан материалдык жардам берилди. Бул коркуп же башка үчүн эмес, жаш жигиттин кырсыктап калгандан улам адамгерчилик кылып чогултуп бергенбиз.
Өрттөлүп кеткенден кийин деле мурунку менен кийинки курулгандын эч кандай айырмасы жок. Дал ошондой бойдон калды. Горка, бассейндин узун-туурасы, көлөмү, бийиктиги, баары мурункудай. Болгону жаңысын орноттук.



Нуржамал Жийдебаева
koom@super.kg



"Оюндан от чыкты". Аквапарктан кырсыктап майып болгон жигиттин тагдыры

Автор: Кенжебай Сатканалиев
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(11)
30.01.2018. 10:43 
Тайпасы:
Жаран
Комментарийлердин саны:
545
Катталган:
09-04-2014
Соӊку аракети:
19-11-2018 11:33
Жынысы:
Белгисиз
Калаасы:
Жолдошумдун айылы.
+15
Кырсык экен.Аман эсен айыгып кетсин.Аллах куч бер ушул балага!
Бирок аквапаркты деле куноолой берген болбойтда.Акыл эстуу жигит озу секирсе,аларда эмне куноо?!
30.01.2018. 12:48 
Тайпасы:
Жаран
Комментарийлердин саны:
178
Катталган:
13-05-2016
Соӊку аракети:
19-11-2018 14:38
Жынысы:
Белгисиз
-4
Аквапаркты да куноосу бар ,баары эле эреже боюнча тушууго жана окуп карабай жаш балдар тушушот,ал жерде созсуз бир адам козомолдо туруу керек жана чогуп кеткендерге бироо туруп куткаруу керек.Акчасын ошончо ашыгы менен толоп жатпайбызбы аларга ишенип балдардын оздорун жонотуп коюп,дагы кичине соопчулук учун жардам берип коюшса жакшы болмок
30.01.2018. 12:53 
Тайпасы:
Жаран
Комментарийлердин саны:
85
Катталган:
18-10-2017
Соӊку аракети:
25-03-2018 18:49
Жынысы:
Белгисиз
+10
Аллах шыпаасын берсин,жигит жакшы болуп кетсин ылайым.Аквапарктын администрациясы 1.500 доллар берди деп жатат го эже,жакшы беришиптир эми кайра кайра бере беришпесе керек менимче. Оорудан айыктыруучу жалгыз Аллах!
30.01.2018. 13:50 
Тайпасы:
Жаран
Комментарийлердин саны:
13
Катталган:
12-10-2017
Соӊку аракети:
31-01-2018 11:09
Жынысы:
Белгисиз
+1
Буюрса айыгып кетээр, бирок ушундай шайтандын азгырыгындай болгон парк сарктары жок эле тынч эле журолучу, бассейн деген да баляя болду
Super TV
30.01.2018. 18:36 
Тайпасы:
Жаран
Комментарийлердин саны:
72
Катталган:
11-01-2014
Соӊку аракети:
23-10-2018 08:42
Жынысы:
Белгисиз
+5
Бул жерде аквапарктын куноосу жок деп ойлойм анткени ал жака бала озу барган да же алар туртуп жибербесе дагы жардамда беришиптир го.кырсык каш кабактын ортосунда Аллахым шыпаасын берип айыгып кетсин эже
30.01.2018. 20:58 
Тайпасы:
Жаран
Комментарийлердин саны:
464
Катталган:
20-04-2017
Соӊку аракети:
19-11-2018 09:53
Жынысы:
Белгисиз
+4
Аквапарктын эч кандай күнөөсү жок баардык эрежелер илиниптир күнөө өзүбүздо эрежелерди туура сактабаган түшөт десе ой келди тушобуз бала жаштык кылып өз ден соолугуна зыян келтириптир айыгып кетсин апасына сабыр берсин
30.01.2018. 22:08 
Тайпасы:
Жаран
Комментарийлердин саны:
637
Катталган:
01-02-2017
Соӊку аракети:
19-11-2018 14:32
Жынысы:
Белгисиз
+5
Аквапарктын куноосу жок деп ойлойм. Бир жолу мен да кой десе болбой Ошто бассейнге секиргем. Бетим чым деп эле сезбей калгам. Башымдан оозума чейин чымырап дуулдап 15мин отургам. Инструктор нары караганда чыга калгам. Албетте мен озум куноолумун. Ал эми жогорудагы окуя бул кырсык дейт элем. Айыгып кетсин
Tyty1990 түзөттү 2018-01-30 22:09:24
Super TV
31.01.2018. 12:25 
Тайпасы:
Жаран
Комментарийлердин саны:
1
Катталган:
11-12-2017
Соӊку аракети:
22-06-2018 21:50
Жынысы:
Белгисиз
+5
Саламатсыздарбы мындай операцияларды жасайт Москвада мен окууган жерде.келсениздер жаздам берейин
31.01.2018. 13:47 
Тайпасы:
Жаран
Комментарийлердин саны:
300
Катталган:
14-11-2013
Соӊку аракети:
19-11-2018 10:45
Жынысы:
Белгисиз
Калаасы:
Бишкекстан
+3
Дагы жакшы 1 жарым мин доллар бериптир. Ошого да шугур кылыш керек. Бербей койсо кантмек эленер? Озу башы менен тушкон турбайбы
Super TV
01.02.2018. 02:42 
Тайпасы:
Жаран
Комментарийлердин саны:
132
Катталган:
08-03-2016
Соӊку аракети:
19-11-2018 10:40
Жынысы:
Белгисиз
0
Аква парк,баллонго түшкөн абдан кооптуу
02.02.2018. 12:18 
Тайпасы:
Жаран
Комментарийлердин саны:
12
Катталган:
14-11-2015
Соӊку аракети:
26-10-2018 02:13
Жынысы:
Белгисиз
Калаасы:
Шахризааданын жомогу
0
Аквапаркта куноо жок менимче
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: