Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МЕДИЦИНАЛЫК ОКУУ ЖАЙДЫН ДИРЕКТОРУН КИМ ӨЛТҮРДҮ ЭЛЕ? КАРАКОЛ ШААРДЫК СОТУ КИШИ ӨЛТҮРДҮ ДЕП ШЕКТЕЛИП КАРМАЛГАН АЯЛДЫ АКТАДЫ.

№796 2-8-февраль 2018-жыл


Каракол шаарындагы медициналык окуу жайдын директору Анарбүбү Апсалиеванын киши колдуу болуп каза болгонуна бир жылдан ашты. 2017-жылдын 15-ноябрында Каракол шаардык соту директордун өлүмүнө шектелип кармалган аялды актаган өкүм чыгарды. Буга каршы болгон маркумдун жакындары облустук сотко кайрылышкан.

ТҮРДҮҮ КӨРСӨТМӨЛӨР
2016-жылдын 17-ноябрында Каракол шаарындагы Иса Ахунбаев атындагы медициналык окуу жайдын директору, 1957-жылы туулган Анарбүбү Апсалиеванын жансыз денеси өз үйүнөн табылган. Маркум бычактан алган жаракатынан улам каза болгон. Экспертизалардын жыйынтыгында маркумга 27 жолу бычак сайылганы аныкталган. 3 күн өткөн соң анын өлүмүнө шектүү катары ошол эле окуу жайдын 40 жаштагы эсепчиси Р.М. аттуу аял кармалган. Ал тергөө маалыматтары боюнча, алгач «Мен бул окуу жайда эсепчи болуп 2013-жылдан бери иштейм. Анарбүбү эже жетекчим катары көп тилдечү, өзү көп иччү. 17-ноябрь күнү эженин үйүнө бардым. Чай ичип отурган экен. Ал мага берилген жумуштарды убагында аткарбаганым үчүн оозго алгыс сөздөрдү айтып, тилдеп кирди. Столдо бычак турган экен, ала калып Анарбүбү эжени сайгылап салыптырмын. Өзүм да эмне болуп кеткенин билбейм. Эсимди жыйсам, колума бычак кармап калтырап туруптурмун» деп көрсөтмө берген. Көп өтпөй ал «Алгачкы суракта нес абалда болгондуктан эмнелерди айтканымды билбейм. Тергөөдө берген көрсөтмөм жалган» деп чыккан.
Ал эми сотто «Анарбүбү эже каза болгон күнү анын үйүнө барганым чындык. Ошол күнү Анарбүбү эжени жумуштан таппай коюп үйүнө баргам, себеби акча беришим керек болчу. Кирсем үйүнүн каалгасы ачык экен, өзү ашканада кыйшайып отуруптур. "Анара эже" десем унчукпай койду. Түртүп көрдүм, кыймылдабады. Анан мас окшойт деп кетип калгам. Андан кийин эле "милициядан келдик" деп мени кармап кетишти. Ал жакта мени тергөөчүлөр оозго алгыс сөздөр менен коркутушуп, "Эгер ачуулуу абалда болгондуктан өлтүргөм деп моюнуңа алсаң, 3 эле жылга соттолосуң. Иш жабылат" дешти. Эсепчилик кызматта турганда жасаган мыйзамсыз иштеримди моюнума алам. Бирок Анарбүбү эжени мен өлтүргөн эмесмин» деп айтып чыккан.

ЭСЕПЧИ БАШКА КЫЛМЫШТАРГА КҮНӨӨЛҮҮ ДЕП ТАБЫЛДЫ
2017-жылдын 15-ноябрында Каракол шаардык соту соттолуучу Р.Мны адам өлтүрүү кылмышы боюнча тагылган айыптан актады. Бирок медициналык окуу жайдын эсепчиси болуп турганда кызмат абалынан кыянаттык менен пайдаланып, акча каражаттарын өзүнө ыйгарып алган деп тапкан. Кылмыш-жаза кодексинин 304-беренеси (кызматтык абалынан кыянаттык менен пайдалануу) боюнча 3 жылга, 171-беренесинин (ишенип берилген мүлктү ыйгарып алуу) негизинде 5 жылга эркинен ажыратылган. Ошентип Кыргыз Республикасынын Конституциясындагы 59-берененин негизинде ага белгиленген жазалар жарым-жартылай кошулуп, жалпы 6 жылга эркиндигинен ажыратылды. Ошондой эле соттолуучунун 2005-жылы туулган баласы бар экени эске алынып, Конституциянын 72-беренесине ылайык, айыпталуучунун баласы 14 жашка чыккандан кийин гана жогорудагы өкүмдөр күчүнө кирмекчи.

«ОКУУ ЖАЙГА ТИЙИШТҮҮ 213 МИҢ СОМ ЭЖЕМДИН ӨЛҮМҮНӨ АЛЫП КЕЛГЕН»
Маркум Анарбүбү Апсалиеванын сиңдиси Айсулуу Апсалиева эжесинин өлүмү боюнча төмөнкүлөрдү айтып берди:
-Эжемдин өлтүрүлгөнүнө бир жылдан ашты. Ошондон бери кылмыштын бетинин ачылышына, анын өлүмүнө күнөөлүү өз жазасын алышына аракет кылып келдик. Бирок ал аялдын жакындары кандайдыр бир жолун тапкан окшойт, далилдер турса дагы Каракол шаардык соту чыгарган чечим баарыбызды айран таң кылды. Анын киши өлтүргөнү унутулуп, кызматынан кыянаттык менен пайдаланган деп соттоп жатат. Анда эмнеге эжемдин өлүмүнө күнөөлүү башка бирөөлөрдү издешпейт? Экспертизадан эжемди өлтүргөн аял кийип жүргөн кийиминен алынган кандар эжеме таандык болуп чыкты. Бул эмне далил эмеспи? Иш чала тергелип калыптыр деп жатат, анда кайра ишти тергебейби, ким кой деп жатат.
Мен ошол каргашадан кийин эжемдин үйүнө баргам. Ошондо анын кийимдери суу, раковинанын жанында болсо кандын тамчылары бар болчу. Эжемди өлтүргөнгө шектүү аял кармалып, аны үйгө милиция кызматкерлери алып келгенде ал ошол жерден «бычакты жууп, кандарды тазалагам» деп айткан. Анын окуу жайдын акчаларын ар кандай жолдор менен алып жүргөнүн эжем жакшы билген. Ал ошол иштеринин артын жабыш үчүн эжемдин көзүн тазалаган. 16-ноябрь күнү ал аял колледжге тийиштүү 213 миң сомду банктан алып алганы эжемдин өлүмүнө себеп болду окшойт. Эжемди өлтүргөн аялдын туугандары малын сатып, аны чыгарып алганга чуркап жүргөнүн көрүп эле жатабыз. Шаардык сот чыгарган өкүм ал баласы 14 жашка чыкканда күчүнө кирет экен. Соттор деле ойлошсо болбойбу, анын баласынын атасы тирүү да. А биздин кызчы, томолой жетим калды. Анын кийинки тагдыры кандай болот? Ошол үчүн бардык тийиштүү жерлерге арыз менен кайрылдык. Эжемдин өлүмүнө тиешеси бар адамдар табылып, өз жазасын ала турган акыйкат чечим чыгышын талап кылабыз.

«ЖУБАЙЫМДЫ УРУП-СОГУП, КҮНӨӨНҮ МОЮНУНА АЛДЫРЫП КОЮШКАН»
Кылмышка шектелип кармалган аялдын жолдошу Нурлан Бейшембиев аялынын киши өлтүрүүгө тиешеси жок деп эсептейт:
-Менин жубайым өзүн милиция кызматкерлери кармап кеткенде эле нес болуп калган. Тергөөчүлөр ар түрдүү кыйноо, уруп-согуу жолу менен күнөөнү моюнуна алдырып коюшкан. Мен бул боюнча Каракол шаардык прокуратурасына арыз жазып, бирок алар ишти жаап коюшкан. Ошол учурда жактоочунун катышуусунда гана сурак жүргүзүш керек экенин мен дагы билген эмесмин. Кийин гана жубайым бир аз эсине келип анан жактоочуга чындыкты айтып берди. Ошондо тергөөчү жубайым экөөбүзгө «Эмне эле секирип жатасыңар? Андан көрө ишти моюнуна алсын, көп болсо 3 жылга соттолот» деди. Ошондо гана мен да чуркап баштадым. Тигил тарап кийиминде кан бар деп айтып жатат, экспертизадан кан жок деп чыгып келген. Адам өлтүрүүгө бир дагы далил болбогондуктан, шаардык сотто аялым акталып чыкты да. Ал эми кызмат абалынан кыянаттык менен пайдаланган дегени деле жубайыма жабылган жалаа болуп калды. 2016-жылдын жай айларында окуу жайдын бюджетин текшерүүгө алышып, бир канча акчага жөнү жок айып тагып кетишкен. Ал акча акыры аялымдын моюнуна илинип, биз аны төлөп да бердик. Эми маркум эженин сиңдиси мени сотторду сатып алды деп айтып жатат. Далили болсо алып чыксын да. Мен айлыкка иштеген адаммын. Сотту сатып алууга акчам да жок. Болгону аялымдын ак экенин далилдеп, болгон күч-аракетимди жумшап жатам. Жыйынтыгында аялым акталып чыкты, эми облустук сотто деле ушундай болот деп күтүп жатам. Ал эми жубайымдын абалы учурда оор. Себеби абакта жаткандыктан жүрөгү улам кармап, эки буту баспай калды. Дарыланып деле жатат, бирок жыйынтык жок. Укук коргоо органдары өз иштерин так аткарып иштегенде мынчалык ызы-чуу болбойт эле. Мен дагы чыныгы кылмышкерди кармап, ким ак, ким кара экенин дадилдеп берүүсүн суранам.
Чубактын кунундай чубалган бул иш Ысык-Көл облустук сотуна өткөрүлүп берилди. Бул иште суроолор да көп. Эмне үчүн милиция ишти толук тергебей сотко өткөрүп берген? Эгерде милиция кызматкерлери кыйнап кылмышты моюнуна алдырган болсо, анда алар ага жооп беришеби? Эгерде эсепчи күнөөлүү болбосо, анда директорду ким өлтүргөн?


Айсалкын Качкынбекова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(8)
06.02.2018. 11:36 
Тайпасы:
Жаран
Комментарийлердин саны:
61
Катталган:
18-01-2018
Соӊку аракети:
14-08-2018 09:57
Жынысы:
Белгисиз
+3
Кудай сактасын баарынан, Ким куноолу Ким ак экенин Аллах билет,каза болгон адам учун жакшы болсун десенер Кудайга салгыла баарын?
06.02.2018. 14:00 
Тайпасы:
Жаран
Комментарийлердин саны:
1
Катталган:
14-11-2013
Соӊку аракети:
19-09-2018 14:02
Жынысы:
Белгисиз
Калаасы:
Бишкекстан
0
Соттолду деп даздынар го? Эмне болуп атасынар?
06.02.2018. 19:05 
Тайпасы:
Жаран
Комментарийлердин саны:
147
Катталган:
20-04-2016
Соӊку аракети:
23-08-2018 13:02
Жынысы:
Белгисиз
0
aman0296,олтургон эмес деп акталыптыр...ал жумушу боюнча башка немеге кармалыптыр...кассир болуп жургондо окуу жайдын акчасын пр кандай тур менен билгизбей пайдаланып жургону учун...еще баласы 14 жашка чыккандан кийин отурат екен турмого..жагы бир жылдан кийин
06.02.2018. 14:37 
Тайпасы:
Жаран
Комментарийлердин саны:
71
Катталган:
17-04-2013
Соӊку аракети:
19-09-2018 15:16
Жынысы:
Белгисиз
Калаасы:
Баткен
+1
Ким күнөөлү ал бир кудайга белгилүү. Бирок күнөөсүн моюнуна алдыруу үчүн башына пакет кийгизип кыйнап эле кылмышты моюнуна алдырып коёт деп угуп эле жүрөбүз. Андайда эч кандай так болбой кыйнаганын далилдей албайт экенсин.
06.02.2018. 19:06 
Тайпасы:
Жаран
Комментарийлердин саны:
147
Катталган:
20-04-2016
Соӊку аракети:
23-08-2018 13:02
Жынысы:
Белгисиз
0
Баласы 14 чыккыча жагы ар кандай шылтоолор менен бошотулатда.иш кайра каралды деп...а эженин жаткан жери жайлуу болсун...эххх...эжем ошо окуужайдан буткон..жакшы эже болчу дейт
06.02.2018. 22:53 
Тайпасы:
Жаран
Комментарийлердин саны:
47
Катталган:
31-01-2013
Соӊку аракети:
06-08-2018 00:07
Жынысы:
Белгисиз
0
Облустук сот куноолу деп татыбы админ сылкасын жиберип койосунарбы
07.02.2018. 10:18 
Тайпасы:
Супермодератор
Комментарийлердин саны:
2057
Катталган:
22-02-2011
Соӊку аракети:
19-09-2018 15:39
Жынысы:
Белгисиз
Калаасы:
...
0
daiyrbek01,
Саламатсызбы! Шилтеме менен өтүңүз: https://www.super.kg/kabar/news/218417/
09.02.2018. 08:36 
Тайпасы:
Жаран
Комментарийлердин саны:
40
Катталган:
09-11-2013
Соӊку аракети:
05-09-2018 22:08
Жынысы:
Белгисиз
+2
Биздин соттор качан эле таза иштечу эле озу?!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: