«Жылдын супер актёру»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Гүлшайыр Садыбакасова, Кыргыз Республикасынын Эл артисти: «АЙЫЛДА САДЫБАКАСТЫН ШАЙТАН КЫЗЫ АТКА КОНГОМ»

№798 16-22-февраль 2018-жыл


– Гүлшайыр эже, балалыгыңыз тууралуу айтып бериңизчи, кайсы жерде жарыкка келгенсиз?
– Мен 1953-жылы 10-декабрда Кызыл-Кыя шаарында жарыкка келгем. Апамдын тун баласы болгондугумданбы, айтор, кош бойлуу кезинде бир топ кыйналыптыр. Туздалган балыкка талгак болуп, атам Кызыл-Кыядан дайыма туздуу сельдь сатып келип турганын айтчу. Кичинекей кезимде өтө жоош болуптурмун. Апам Салия Өмүрзакова мугалим болуп иштечү. Бешикке бөлөп коюп мектепке барып келгиче ыйлачу эмес экенмин. Апамдын айтуусунда, мектепке баргандан тарта шоктугум башталган.

– Үй-бүлөдө канча бир туугансыз?
– Эки кыз удаа төрөлгөндүктөн, атам Садыбакас мага эркектердин ишин, сиңдим Гүлайга аялзатына тиешелүү иштерди тапшырчу. Атам талапты катуу койгон, тапшырманы жоопкерчилик менен аткарууну биринчи орунга койгон инсан эле. Эгерде атамдын айткан тапшырмасы аткарылбаса, катуу жазалачу. Ошондуктан бардык ишти так аткарууга аракеттенчүмүн. Атамдын чынчылдыгы, катуулугу, бетке сүйлөгөндүгү, апамдын мээримдүүлүгү, жумшактыгы, көтөрүмдүүлүгү, сабырдуулугу мени тырышчаактыкка, бышык болууга, эмгекти сүйүүгө, жашоодо ак менен каранын бар экендигин талдоого, күрөшүүгө, чыдамкайлыкка тарбиялады.
Бала кезимде «Чапаев», «Павлик Морозов», «Жаш гвардия» сыяктуу кинолорду көрүп чоңойдум. Балким, ошондон улам мүнөзүм эркек балдардыкына окшоп калгандыр. Туура эмес мамилени, жалган сөздөрдү, адилетсиздикти, эки жүздүүлүктү көтөрө албай, кээде мектепте балдар-кыздарды сабап койчумун. Азыр, албетте, сабабайм дечи, бирок эки жүздүүлүгүн билип калсам түз эле бетине айтып салмай бетке чабарлыгым бар. «Хоп» деп туруп котур ташын коюнуна каткандарды кечире албайм. Акыркы 15 жылда гана бир топ токтолдум окшойт.

– Мүнөзүңүз эркек балдардыкына окшош болсо, атаңызга жакын өссөңүз керек.
– Атама да апама да жакын элем. Алар мен окуган Стрельников мектебинде мугалим болуп эмгектенип, ошол эле учурда апам мектептин китепканасында иштечү. Апам кечинде күнүгө үйгө китеп алып келип «китепти көп оку, кийин өзүңө пайдасы тиет» деп айта берчү. Ошентип бала кезимде көптөгөн китептерди окудум. Токтогулдун, Алыкулдун ырларын сүйүп окуп, жаттачубуз.
Ата-энем менин кылган аракеттериме кадимкидей сүйүнүшчү. Мен да жөн турбай апамдын бутуна бут, колуна кол болуп өстүм. Биринчи классымдан эле базарга аралашып, үйдөгү тоок, үндүк, жумуртка, алма, жүзүм, шабдаалы, картошка, cарымсакты Кызыл-Кыя, Фергана, Маргалаң шаарларында сатып, каражат иштеп табууга үйрөндүм. Тапкан кирешем үй-бүлөбүздүн кем-карчына жумшалчу. Бала кездеги жашоонун ыргагынан калбаган тырышчаактыгымдын аркасында көп нерсеге жеттим. Өзүмдүн аракетим менен жогорку окуу жайга тапшырып, аны ийгиликтүү бүтүрдүм. Ини-сиңдилеримдин жогорку билимдүү болушуна салым кошуп, алар турмушка чыкканда, үйлөнгөндө чыгымдарын көтөрүп, ата-энеме аябай эле жардам бердим. Апам акыркы 15 жылдык өмүрүн мени менен жашап өткөрдү. Мени бүгүнкү күндөгү коомдогу ордума, кыргыз элинин кадырлоосуна, сый-урматына жеткирген атам менен апама чексиз ыраазымын.

– Ата-энеңиз экөө тең мугалим болсо, музыкага жакындыгыңыз кимден өттү?
– Биздин үйдө жекшемби күнү чоң майрам болчу. Атам Садыбакас комуз, апам темир комуз ойноп, артынан ырдап, чилдирманда (урма аспап) ойногондо биз тура калып бийлечүбүз. Апамдын чилдирманда ойногонун сыймыктануу, сагынуу менен эстейм. Ошол кездеги атам, апамдын аткарган чыгармалары мени жана бир туугандарымды музыка дүйнөсүнө жетелеп келди. Апамдын чилдирманда ойногону менин эстрадалык урма аспапты тандашыма түрткү болгон экен.

– Бала кез сүйүүсүз болбойт го...
– Биринчи жолу 9-класста Абиш деген классташымдан кат келсе, ызаланып үйгө чейин ыйлап баргам. Апам мени тынчтандырып, акыл-кебин айтып, менин чоңоюп келе жатканымды, окууну бүткөн соң күйөөгө чыгарымды, бала-чакалуу болорумду аябай түшүндүргөн. Ошондон кийин ыйлабай эле, кат келсе ошол балага сүйлөбөй койчумун. Ыраматылык Акбарали деген классташым орой тийише коём деп менден таяк жеп, ооруканага түшүп калган. Ошондон кийин жигиттерден келчү каттар да азайган.

– Мектепте активист белеңиз?
– Мектепте маданий сектордун жетекчиси болчумун. Ошол кезде эле мектептеги концерттик программаларды түзүп, таланттуу балдарды, агай-эжекелерди ырдатып, чуркап эле жүрчүмүн. Мени айыл аксакалдары жактырчу эмес. Себеби биз окуган мектепте 60-70-жылдары элдик каада-салт менен тарбиялоо күчтүү болуп, ата-энелер салт-санааны, үрп-адатты бекем кармачу. Мен ага баш ийбей, шаардан көрүп келгендеримди жасай коём деп далай жазаланып, сөз укчумун. Кыз бала болгонум менен, кыздар жасаган иштерден качып, эркек балдардын жасаган жумуштарына бара берчүмүн. Велосипед, мотоцикл, машина, трактор айдап, чал-кемпирлердин жакасын карматчумун. Айыл аксакалдары «кызыңды тый» деп атама айта берип, далай сабатышкан. Ошентип «Садыбакастын шайтан кызы» деген атка конгом.
Бир жолу 7-класста окуп жүргөндө тамеки отургузуу маалы башталып, бир машина толо окуучулар, 4-5 агай-эжей болуп айылдан 10 километр алыстыкта жайгашкан тамеки талаасына бардык. Айдоочу бизди түшүрүп коюп кайра кетип калды. Бир убакта Датка эжеке санын чаап эле сүйлөнүп калды. Көрсө, өзүбүз талаага келип, отургуза турган 4 ящик тамекинин көчөтү мектепте кала бериптир. Талаада суу сугарып жүргөн сугатчынын велосипединен башка транспорт жок эле. Түгөлбай агай «кана, велосипед менен ким барып, көчөттү алып келет?» деп балдарга кайрылды. Балдар башын жерге салып унчугушпайт. «Мен барам» дедим. Балдардын макул болбогонунун жөнү бар эле. Айылга кире бериште жолдун эки жагында эски мүрзөлөр жайгашкан, жаш балдар аны аралап өткөндөн коркчубуз. Мен да мүрзөгө жакындаган сайын жүрөгүм түрсүлдөп корко баштадым. «Кудай, өзүң сакта» деп улам келме келтирип жатып араң өттүм. Мектепке барып 4 ящик көчөттү алып кайра жөнөдүм. Ошондо Датка эжеке кубанганынан «сен Гаврошсуң» деди. Мен өзүмчө компоюп калдым. Агай-эжекелерим, улуу муундагы жердештерибиз азыр деле «кандайсың, Гаврош?» деп күлүп калышат.


Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(11)
20.02.2018. 09:39 
Тайпасы:
Жаран
Комментарийлердин саны:
95
Катталган:
21-10-2011
Соӊку аракети:
16-12-2018 04:04
Жынысы:
Белгисиз
Калаасы:
Океандын ары жагы
+14
Аябай уй булосун сыйлайм.
Жездемди кичинесинен апасы эмизип караган экен. Бир туугандай мамиле кылышат.
Тойлорунда катышып.
Эсимде жездем балдарына суннот той кылганда Салия эжеке тойду ачып берген.
Суйлогон создоруно толкунданып козумо жаш алган элем. Билимдуу аял болгон. Салия эжекенин жайы жаннат топурагы торко болсун.
20.02.2018. 12:48 
Тайпасы:
Жаран
Комментарийлердин саны:
29
Катталган:
10-06-2015
Соӊку аракети:
15-12-2018 19:23
Жынысы:
Белгисиз
+4
Гулшайыр эже, ийгилик каалайбыз. Канчалаган таланттуу кыз-келиндерди элге тааныттыныз, Алла ыраазы болсун!!!
20.02.2018. 17:30 
Тайпасы:
Жаран
Комментарийлердин саны:
118
Катталган:
24-10-2016
Соӊку аракети:
14-12-2018 16:32
Жынысы:
Белгисиз
+6
Айрым эркектерге караганда Гульшайыр эжебиз кыйын инсан. Ишинизге ийгилик, омурунуз узун болсун, тарсылдап эле журо бериниз. Сайкалды да жакшы тарбиялагансыз. Мыкты инсансыз
20.02.2018. 19:49 
Тайпасы:
Жаран
Комментарийлердин саны:
1
Катталган:
08-02-2018
Соӊку аракети:
16-12-2018 01:33
Жынысы:
Белгисиз
+3
Сыйлайм ушул эжени.
21.02.2018. 00:02 
Тайпасы:
Жаран
Комментарийлердин саны:
129
Катталган:
23-02-2013
Соӊку аракети:
16-12-2018 01:19
Жынысы:
Белгисиз
0
Сыйлайм
21.02.2018. 00:19 
Тайпасы:
Конок
Комментарийлердин саны:
1
Катталган:
31-01-2018
Соӊку аракети:
28-03-2018 06:04
Жынысы:
Белгисиз
+4
Гулшайыр эжени сыйлайм.Ушул эжедей президент болгондо Кыргызстан эчак онолмок.Ийгилик эже омурунуз узун болсун.
21.02.2018. 01:32 
Тайпасы:
Жаран
Комментарийлердин саны:
14
Катталган:
12-09-2017
Соӊку аракети:
15-12-2018 17:45
Жынысы:
Белгисиз
+2
Кучтуу аял
22.02.2018. 14:25 
Тайпасы:
Конок
Комментарийлердин саны:
7
Катталган:
17-01-2018
Соӊку аракети:
07-03-2018 04:43
Жынысы:
Белгисиз
+2
Мыкты эже сөзү өзү ордунда Айчурок эжем ушул адамдан үлгү алса болот мен минтим эле мен антим эле деп ар кимге нааразы болбойт кичинесинен колуна келип чоңоюп турмушка өзү узаткан Кенже эже деле эмне кылды унчукпай эле жүрөт Айчурок эжеде ушундай болсо чачын жулмак Анжелика дагы өзү кеткен
23.02.2018. 11:21 
Тайпасы:
Жаран
Комментарийлердин саны:
0
Катталган:
17-05-2017
Соӊку аракети:
06-11-2018 09:26
Жынысы:
Белгисиз
Калаасы:
Кыргызстаным-алтын бешигим.
0
Гулшайыр эжени уй булоосун аябай сыйлайм. Эже омурунуз узун, ден соолугунуз бекем болсун. Сайкал да аябай жонокой, жакшы кыз. Бул да болсо эженин тарбиясы. Ар дайым Аллахым озу колдосун сизди эжеке.
23.02.2018. 22:31 
Тайпасы:
Жаран
Комментарийлердин саны:
20
Катталган:
01-05-2017
Соӊку аракети:
06-06-2018 02:31
Жынысы:
Белгисиз
+1
Гулшайыр эженин суйлогогун карап отурсан да ошол жылдарга барып келгендей боллсун адам. Денсоолугунуз бекем болсун. Биз сиз менен сыймыктанабыз эже.
25.02.2018. 19:37 
Тайпасы:
Жаран
Комментарийлердин саны:
712
Катталган:
31-05-2017
Соӊку аракети:
14-12-2018 23:36
Жынысы:
Белгисиз
0
Кооз соз суйлогон жагынан мастер. Башка созум жок.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21592;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: