Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ЖОЛДОШУМ КАМАЛЫП КЕТТИ, ЭМИ АЛИМЕНТТИ КИМ ТӨЛӨЙТ?»

№800 2-март -8-март, 2018-ж.


Укуктук жаатта окурмандардан келген суроолорго юрист Калыйнур Батыралиев жооп берет.


– Жолдошум экөөбүз ажырашкандан кийин ал балабызга алимент төлөп жүргөн. Бир айдан ашып калды, ал мыйзам бузуп камалып кетиптир. Эми алиментти кантип алам, ким төлөйт?

Жийде, Кара-Балта шаары

– Жолдошуңуздун эркинен ажыратылышы аны алимент төлөө милдетинен ажыратпайт. Учурда камакта жатып төлөөгө мүмкүнчүлүгү жок болсо, жолдошуңуздун наамына катталган мүлккө алименттик карыздарды мүлк менен өндүрүп алуу боюнча арыз менен сотко кайрылсаңыз болот. Бул учурда Кыргыз Республикасынын Үй-бүлө кодексинин 117-беренесине ылайык, жолдошуңузга тиешелүү мүлктүн эсебинен алименттик карызды өндүрүп алууга мүмкүнчүлүк жаралат.


«БАЛДАРДЫН БИРИН АГАМ, БИРИН ЖЕҢЕМ БӨЛҮП БАГЫП АЛЫШСА БОЛОБУ?»
– Саламатсызбы? Сурайын дегеним, менин агам менен жеңем ажырашканы жатышат. Ортолорунда 2 бала бар, улуусу 3тө, кичүүсү 1 жашта. Агам Орусиянын жараны, бирок учурда Кыргызстанда жашайт, эч жерде иштебейт. Эгер ажырашып кетишсе агам балдарына алиментти кандай, канча суммада төлөшү керек? Балдардын бирин агам, бирин жеңем бөлүп багып алышса болобу? Кеңеш берип коюңузчу.

Манзура, Кызыл-Кыя шаары

– Үй-бүлө кодексинин 70-беренесине ылайык: Балдардын жашай турган жери ата-энелердин макулдашуусу менен белгиленет. Макулдашуу жок болгон учурда, талаш-тартыш балдардын кызыкчылыгын, ой-пикирин эсепке алып, сот аркылуу чечилет. Мында сот баланын ата-энесинин, эркек менен кыз бир туугандарынын ар бирине жакындыгы, баланын жашын, ата-энесинин жекече сапаттарын, ата-эненин ар биринин бала менен мамилелери, баланы тарбиялап өстүрүү шарттарын түзүү мүмкүнчүлүгүн эске алып балдардын ким менен кала тургандыгын аныктайт.
Алимент өлчөмү тууралуу: Алимент төлөө жөнүндө макулдашуу болбогондо жашы жетпеген балдарга ата-эненин иштеп тапканынын жана дагы башка кирешесинин үчтөн бири өлчөмүндө эки балага ай сайын өндүрүп алынат. Эгер алимент төлөөчү эч бир жерде айлык маяна алып иштебесе, бул учурда алимент төлөөчү жашаган аймактын орточо айлык маянасы эске алынып өндүрүлөт.


«АЛИМЕНТТИ КЫЗЫ ӨЗҮНҮН ФАМИЛИЯСЫНДА БОЛБОСО ДА ТӨЛӨШҮ КЕРЕКПИ?»
– Байкем менен жеңем урушуп, жеңем төркүнүнө кетип калган. Кеткенинде 8 ай боюнда бар болчу. Төрөгөндө кызын өзүнүн фамилиясына каттатып алган. Кийин соттун чечими менен байкем экөө ажырашты. Соту болгондо алимент кесилген эмес. Кийин жеңем «кызыбызга алимент төлө» деп жатат. Байкем кыздын фамилиясын өзгөрт десе макул болгон жок. Байкем алиментти кызы өзүнүн фамилиясында болбосо да төлөшү керекпи?

Майрам, Аксы району

– Эгер байкеңиз кызынын туулгандыгы тууралуу күбөлүгүндө атасы катары көрсөтүлсө, кыздын фамилиясы кимге жазылган болсо дагы алимент төлөөгө милдеттүү.


«ЖАРАНДЫК НИКЕДЕГИ АЯЛЫМА КАТТАЛГАН ҮЙҮБҮЗДӨН ӨЗ ҮЛҮШҮМДҮ КАНТИП АЛАМ?»
– Аялым экөөбүз жарандык никеде жашачубуз. Үй сатып алып, аны аялымдын атына жаздырган элек. Экөөбүз чырдаша кеттик. Үйдү экөөбүз чогуу акча чогултуп алган элек да, мен өз үлүшүмдү кантип алам?

Бакыт, Каракол шаары

– Жубайлар нике тууралуу күбөлүгүн алган учурдан тартып гана мыйзамдуу түрдө аял жана күйөө болуп эсептелишет. Мыйзамдуу никеде турбагандан кийин ал үйдө сиздин үлүшүңүз болбойт, бирок үйгө кеткен чыгымдарыңызды далилдей алсаңыз, сотко кайрылып өндүрүп алууга мүмкүнчүлүгүңүз бар.


«КЫЗЫМДЫН АТАСЫ ЖАЙЫНДА КӨП, КЫШЫНДА АЗ АЙЛЫК АЛГАН ЖУМУШТА ИШТЕЙТ. ОШОНДО АЛИМЕНТ КАНДАЙ ТӨЛӨНӨТ?»
– Кызым эки жарым жашта, атасы менен ажырашып кеткендиктен андан алимент алсамбы дегем. Алименттин суммасы атасынын айлык маянасына карап чыгат дегенди уккам. Кызымдын атасы жайында көп, кышында аз айлык алган жумушта иштейт. Ошондо алимент кандай төлөнөт?

Гүлүмкан, Кочкор району

– Алиментти өндүрүүдөгү анын өлчөмү алимент төлөөчүнүн айлык акысы аз же көп болсо дагы жана кайсы мезгилде болсо дагы бир балага айлык акынын төрттөн бир бөлүгү каралат.


«ЖОЛДОШУМ «АЛ МЕНИН БАЛАМ ЭМЕС» ДЕП ТАНЫП ЖАТАТ...»
– Жолдошум менен боюмда бар кезде эле ажырашып кеткем. Ортобузда ЗАГС кагазы жок. Бала төрөлгөндө сотко кайрылгам, бирок жолдошум «ал менин балам эмес» деп танып жатат. ДНК тесттен өтүү өтө кымбат болгондуктан ал акчаны таба алган жокмун, башка жолдору барбы атасы экенин аныкташ үчүн?

Медина, Нарын шаары

– ДНК тесттен өтүү көп сумманы талап кылса, соттук биологиялык экспертиза дайындатууга болот. Иштин калган жагы экспертизанын жыйынтыгына жана дагы атасы экендигин тастыктай турган далилдерге жараша болот.


«КЫЗЫМДЫН ЭКИНЧИ ЖОЛДОШУ БАЛАНЫ ӨЗҮНӨ КАТТАТЫП АЛСА БОЛОБУ?»
– Саламатсызбы? Менин кызым күйөөсү менен ажырашканына беш жыл болду. Ортолорунда бир бала бар, алар ажырашкан маалда 1,5 жашта болчу, азыр 1-класска барып калды. Күйөөсү баласына бир да жолу алимент төлөгөн эмес. Эми кызым башка турмушка чыккан, азыркы жолдошу баланы өзүмө каттатып алайын деп жатыптыр. Буга мыйзам жол береби?

Бегай, Бишкек шаары

– Эгерде биринчи жолдошунан соттун чечими аркылуу алимент өндүрүлгөн болсо, анда сот аткаруучулар бөлүмүнө кайрылууңуз керек. Эгер алимент өндүрүү боюнча соттун чечими чыккан эмес болсо, сотко алимент өндүрүү жөнүндө арыз менен кайрылууңуз зарыл. Баланы кызыңыздын экинчи жолдошуна каттоо – бул баланы мыйзамдуу түрдө асырап алуу деп аталат. Ал үчүн баланын ата-энесинин макулдугу сөзсүз керек.


«ЖОЛДОШУМ МОСКВАДА ТУРУП КЫРГЫЗСТАНДАГЫ БИРИНЧИ АЯЛЫ МЕНЕН АЖЫРАША АЛАБЫ?»
– Күйөөм менен жашаганыбызга 5 жыл болду. Ортобузда 3 жашар кызыбыз бар. Күйөөм биринчи аялы менен расмий түрдө ажыраша элек. Биз азыр Москвада жашайбыз, кантип бул жакта туруп расмий ажыраштырып, кайра экөөбүз ЗАГСка турсак болот?

Махабат, Москва шаары

– Москвада туруп ажырашуу үчүн Кыргызстандан ажырашуу ишин алып барганга ишеним кат аркылуу өкүл же жактоочу алышыңыз керек болот. Никени жокко чыгаруу жөнүндөгү соттун чечими күчүнө киргенден соң аны ЗАГС органдарында каттап, расмий түрдө ажыраштыруу керек. Москвадан никеге туруш үчүн Москвадагы дипломатиялык өкүлчөлүктөргө жана консулдук мекемелерге никеге турууну каттап берүү арызы менен кайрылсаңыздар болот.


Окурман, сиз укуктук жактан коргоого муктажсызбы? Анда биздин «Адистин кеңеши» рубрикабыз кызматыңызда. Сиздин тынчыңызды алган суроолорго тажрыйбалуу адистер жооп беришет. Кат жазыңыз, кеңеш сураңыз! Суроолорду (0312) 32 33 26 номери, 0557756319 WhatsApp номери аркылуу берсеңиздер болот же kenesh@super.kg дарегине кат жазыңыз.


Асыл Орозбекова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
10.03.2018. 00:58 
Тайпасы:
Жаран
Комментарийлердин саны:
27
Катталган:
25-08-2011
Соӊку аракети:
09-09-2018 11:39
Жынысы:
Белгисиз
0
Урматтуу Махабат Кыргызстанга келип эле ажырашып кетсе эң оной жолу го Эмне учун келип ажырашып кетпейт
10.03.2018. 04:05 
Тайпасы:
Жаран
Комментарийлердин саны:
11
Катталган:
25-01-2018
Соӊку аракети:
22-09-2018 04:56
Жынысы:
Белгисиз
+1
Galia,мен айтайынбы озу бироонун куйоосун тартып алса, кайра алдырып коюудан коркот да
10.03.2018. 12:00 
Тайпасы:
Жаран
Комментарийлердин саны:
32
Катталган:
26-11-2016
Соӊку аракети:
20-09-2018 19:29
Жынысы:
Белгисиз
0
Баары алмиенттен качкандар уят эмеспи, олуп баратсанарда, тайэнесин-фамилиясында болсода баланбы толода?! Эркек уят!!! Ар намыс жок!!
10.03.2018. 19:18 
Тайпасы:
Жаран
Комментарийлердин саны:
3
Катталган:
24-11-2017
Соӊку аракети:
10-03-2018 19:28
Жынысы:
Белгисиз
0
Бироонун расмий куйоосун тартып алып эми ажыраштыргысы келип журотда. Бул жакта балдары жетим калганы менен иши жок
10.03.2018. 20:03 
Тайпасы:
Жаран
Комментарийлердин саны:
43
Катталган:
24-12-2015
Соӊку аракети:
21-09-2018 14:30
Жынысы:
Белгисиз
Калаасы:
Москва.
0
Көптөр алимент өндүрө албай убара болушса, а мен алимент алганга каршымын. Ушунча жыл чогуу жашаган күндөрдүн урматына алимент албай деле койсок болот. Мен 2 баламды өзүм эле бир тыйын албай багып жатам.Эркектин "балам"деген жоопкерчилиги көңүлүндө болсо берсин, болбосо жок. Кимге кандай билбейм, мен алимент төлөткөндөн уялам. Бир убактарда жакшы үй бүлө болуп, анан тагдырдын жазмышы болуп ажырашып кетсе эле алимент төлөтүп алуу милдет эмес болсо керек. Кыскасы, мен намыстанам.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: