ЖЫЛДЫЗ ТӨЛГӨ 5-марттан 11-мартка чейин

КОЙ (21.03-20.04)
Негизги максаттарыңызды ишке ашыруу, жетекчилик менен жакындан мамиле түзүү үчүн эң ыңгайлуу убак. Бул жагымдуу мезгил эки аптага чейин созулат. Андыктан ойгонуңуз. Купуя иш-аракеттерди жасоого да ылайыктуу кез.

БУКАЧАР (21.04-20.05)
Көздөгөн ой-максаттарыңызга жетүү үчүн курбуңузга, башка шаардык өнөктөштөргө, текшерүүчү органдарга кайрылууга аргасыз болосуз. Аракеттениңиз, көптөгөн көйгөйлөрдү чечүүгө жетишесиз. Көктүгүңүздү ооздуктасаңыз жакшы таасирлер, оң жыйынтыктар он беш күнгө чейин уланат.


ЭГИЗДЕР (21.05-21.06)
Капчыгыңыздарды даярдаңыздар! Себеби акчанын агымы эки жума бою сиздер тарапты көздөй акмакчы. Ал акчалар негизинен жетекчилик, жумуш тарабынан келет. Кокус кирешенин өлчөмү аз болуп калса, өзүңүздүн ишенчээктигиңизден көрүңүз. Сыр сактаңыз.

БӨЙӨН (22.06-22.07)
Мамлекеттик органдар, алыскы шаардагы өнөктөштөр, кайын журтка байланыштуу көйгөйлөр болсо жакынкы он беш күн ичи чечип үлгүрүңүз. Алар менен бул күндөрү эң жакшы тил табышасыз. Маселелер мыкты чечилиши үчүн жубайыңыздын кеңешин сөзсүз эске алыңыз.

АРСТАН (23.07-23.08)
Жумуш жана каржы жааты эки жума бою сиз ойлогондой болот. Албетте, колдоону, мактоону көп күтпөй, көп аракеттенсеңиз гана. Медициналык кароодон, диагностикадан өтүп коюу үчүн да эң жагымдуу мезгил. Бирөөлөр менен айтышуудан карманыңыз.

БИЙКЕЧ (24.08-23.09)
Балдар, жан шерик, чыгармачылык маселеси жана жаштар темасы менен эки жумага жакын алагды болосуз. Аталгандардын бардык жагында жагымдуу атмосфера өкүм сүрөт. Эс алуу жааты жакшы уюштурулат. Кыйкымчылдыкты көрсөтпөңүз.

ТАРАЗА (24.09-23.10)
Жумуш, ден соолук, үй тиричилик маселелери жакынкы он беш күн ичинде сиз ойлогондой чечилет. Үйүңүзгө эмерек, буюмдарды алууңуз күтүлүүдө. Аталгандарды алууда чечкиндүү болуу керектелет.

ЧАЯН (24.10-22.11)
Унаа маселеси жана керектүү документтерди толтуруу, алуу иштери ойдогудай орундалат. Туугандар ортосунда акча, буюм, аманат маселелери талкууга алынат. Балдарыңызга камкордук көрөсүз, чыгармачылык эргүү да келет.


ЖААЧЫ (23.11-21.12)
Каржы маселеси жакшы чечилет. Соода-сатык жүргүзүү үчүн дүкөн ачууга да эң жагымдуу мезгил. Үй-бүлөдөгү атмосфера жагымдуу абалда болот. Ата-энеңизге телефон чалып кабар алып койсоңуз жыйынтыгы кубанарлык болот.

ТЕКЕЧЕР (22.12-20.01)
Жакынкы эки апта ичинде лидер болуп чыга келесиз. Сизге көп көңүл бурушат. Ойлогон оюңуздун, сүйлөгөн сөзүңүздүн көбү акча, буюм, байлык жөнүндө болмокчу. Көптөгөн кызыктуу талкууларга катышасыз.


СУУ КУЯР (21.01-19.02)
Жакынкы эки апта бою жабык типтеги ишканаларга (оорукана, аскер жана жаза өтөө бөлүктөрү) каттайсыз. Ал жактарга баруу менен аманат, акча, буюмга тиешелүү маселелерди эң жакшы чечүүгө жетишесиз. Сизге баары ишенишет. Колуңузга акча тиет.

БАЛЫК (20.02-20.03)
Мекеме жетекчилери, дос, кесиптештер тараптан колдоолор болот. Жүрөк өйүгөн көйгөйлөрүңүз болсо аларга тартынбай кайрылыңыз. Азыркы кезде сизге жок дешпейт. Кайсы бир үмүт-тилегиңиз орундалат. Лидерлик сапаттарыңыз ачык байкалат.