Чемпиондор Лигасы: ПАРИЖ МАДРИДГЕ ТЕҢ ЭМЕС

Бул аптада Чемпиондор Лигасынын жарым чейрек финалдык оюндарынын жооптук беттештери орун алды.

ҮЙДҮ КОНОКТОР ТЕЙЛЕДИ

«ПСЖ» – «Реал» 1:2
Голдор: Роналду (51-мүнөт), Каземиро (80-мүнөт) – Кавани (71-мүнөт)
Биринчи беттеш – 1:3
Чемпиондор Лигасын жарнама кыла турган оюндардын бири саналган бул беттеш Париж Мадридге тең келеби деген суроого жооп тапмак. Тең келбейт экен. Азырынча. Неймардан 3 айга кол жууган «ПСЖ» чабуулда дымагын көрсөтө алган жок. Париж бразилиялык чабуулчуга көз каранды болуп калгандыгы аны алмаштырган Ди Мария эч жыйынтык көрсөтө албай койгондугунан көрүндү. 1-таймда коргонууну көбүрөөк ойлогон Зидандын командасы 2-бөлүктө чабуулга баруудан тартынган жок. Роналду бул Чемпиондор Лигасындагы 12-голун киргизип, бомбардирлик атакты бекемдеди. Нерви жука Верратиден айрылган «ПСЖ» Каванинин голу менен эсепти теңегени менен, Каземиро жеңишти «Реалга» алып келди. «Реалга" жеңилүү уят эмес, бирок жарым чейрек финалда мелдештен четтөө ыза кылат» деп ойго чөмүлдү «ПСЖнын» насаатчысы Унаи Эмери.

АРГЕНТИНА ЧАБУУЛЧУЛАРЫ "ЮВЕНТУСТУ" САКТАДЫ
«Тоттенхэм» – «Ювентус» – 1:2
Голдор: Сон Хен Мин (39-мүнөт) – Игуаин (64-мүнөт), Дибала (67-мүнөт).
Биринчи оюндун жыйынтыгы – 2:2
Италиянын чемпиону «Ювентус» конокто англиялык «Тоттенхэмдин» сыноосунан ийгиликтүү өтө алды. 1-таймда оюндун ыгын таба албай коюшканы менен, экинчи бөлүктө 3 мүнөттүн ичинде беттештин жыйынтыгын түп тамырынан өзгөртүп коюшту. Англиялык клуб калган мүнөттөрдө чабуулдан башы чыккан жок. Бирок Кьеллини менен Буффон жана дарбазанын сол темири бул күнү «Ювеге» экинчи голго каршы тура алышты. Аргентиналык чабуулчулар Туринди сактады. Лондондук клубдун бул Чемпиондор Лигасындагы жүрүшү жакшы дагы, жаман дагы эмес болду.

Калган оюндар:
«Манчестер Сити» –»Базель» – 1:2
Голдор: Жезус (8-мүнөт) – Эльюнусси (17-мүнөт), Ланг (71-мүнөт)
Биринчи оюндун жыйынтыгы – 4:0

«Ливерпуль» – «Порту» – 0:0
Биринчи беттеш – 5:0

Адилет Керимбек уулу
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (19)

portugalia

2018-03-14 12:46:03

Реал вперёд!

+11

Kanybek121195

2018-03-14 16:06:05

Реал 3-жолу чемпион болуп дүйнө жүзүн таң калтырат буйруса. Роналду 6 жолу алтын топтун ээси болот.Алга Реал Хала Мадрид

+11

Daniyar02

2018-03-14 17:16:51

Алга Real Madrid алга
Реалдын фундаменти жакшы

roni.07

2018-03-15 14:27:58

Реал Мадрид

Farhat25

2018-03-15 14:59:14

Урматтуу автор ошондо сиздин оюнуз боюнча Неймар жаракат алып калып ПСЖ утулуп калды деген ойдосузго дейм. Биринчи оюнда Неймар бар эле 3-1ге утулуштуго

dair_17

2018-03-15 17:32:34

Реал 1/4 эле токтойт

-4

dair_17

2018-03-15 17:35:09

Бавария Ювентус финал

-3

Jigit.1982

2018-03-18 12:10:51

dair_17,Деп элестетесинби

sagynbek.asranov

2018-03-15 19:02:25

Ливерпульду да унутпагыла ал жакта дагы мыкты оюнчулар бар мисалы: Салах, Мане, Фиримино ж.б

King_239622

2018-03-15 20:36:06

Быйыл барса утат буйурса

-4

demo009

2018-03-16 18:01:02

Real madrid alga!

demo009

2018-03-16 18:01:23

Real madrid alga,,

Aman0301

2018-03-17 11:44:45

Барса утат кудай буйурса

-1

madrid7000

2018-03-17 19:50:15

Реал алга!Буюрса женет быйыл да ЧЛсын!

S.A.J.R

2018-03-20 15:09:51

Реал чемпион буйруса

Sabette

2018-03-24 10:49:27

Реал чемпион быйылда билинип калды оюнунан

Комментарий калтыруу үчүн өз ысымыңыз менен кириңиз же каттоодон өтүңүз.

№ 801, 9-март -15-март, 2018-ж.