Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТҮРКИЯДА ЖУМУШ: ЖОГОРКУ МАЯНА, ТИЛ ҮЙРӨНҮҮ МҮМКҮНЧҮЛҮГҮ ЖАНА КЕПИЛДИК

№801 9-март -15-март, 2018-ж.


Учурда кыргыз жарандарын чет өлкөгө жумушка орноштуруучу агенттиктер көбөйүп кетти. Бирок кээ бир учурларда мигранттардын укуктары бузулуп, кулчулукка кабылгандары да бар. Бул багытта түркиялык Өзер Арджан "АППАК консалтинг" аттуу жумушка орноштуруучу жаңы компания ачып, кыргызстандыктарды иш менен камсыз кылуу боюнча иш баштаган. Өзер мырза компаниясын мыйзамдуу жана коопсуз кызмат көрсөтөт дейт.

– Саламатсызбы, Өзер мырза? Алгач өзүңүз тууралуу айта кетсеңиз.
– Мен 1973-жылы Түркияда туулгам. 6 балам бар. 3 уул, 3 кыз. Алгач Орусиянын Челябинск шаарында филология адистигине ээ болуп, кийин Ростов-на-Дону шаарында экономика адистиги боюнча билим алгам. Акыркы 4 жылдан бери үй-бүлөм менен Кыргызстанда жашап жатам.
– «АППАК консалтинг» компаниясы негизинен эмне менен алектенет?
– Биздин "АППАК консалтинг" компаниябыз жарандарды Түркияга мыйзамдуу түрдө ишке орноштуруу боюнча иш алып барат. Бул боюнча атайын лицензияга да ээбиз. Компаниябызды 2015-жылы ачканбыз, бирок Түркияга жарандарды жумушка орноштурууну быйыл баштадык.
– Мындай идея кайдан келди сизге?
– Мага Аланья шаарындагы 5 жылдыздуу мейманканадан чет элдик жарандарды ишке орноштуруучу компания ачуу сунушу түшкөн. Ал мейманканада 2 миң адам иштейт экен. Кызматкерлеринин баары түркиялыктар. Түркиянын мыйзамына ылайык, мейманканалар жумуш орунунун 20 пайызына чет өлкөлүктөрдү алууга укуктуу. Ушул себептүү чет өлкөлүктөрдү, айрыкча кыргызстандыктарды ишке орноштурууну чечтим.
– Эмне үчүн кыргызстандыктарды гана?
– Кыргызстандык эмгек мигранттары чынчыл, жоопкерчиликтүү, токтоо болуп, жаңы жумушка тез ыңгайлашышат. Туризм тармагында мындай сапаттар өтө жогору бааланат. Туризм ызы-чууну, тополоңду сүйбөйт. Кыргызстандыктар андай эмес.
– Сиздер кандай жумуштарды сунуштап жатасыздар? Кандай өзгөчөлүктөр каралган?
– Жумушка кыргызстандыктарды кабыл алуу боюнча Аланья шаарындагы 5 жылдыздуу 4-5 мейманкана менен келишим түзгөнбүз. Жаш курагы 18ден 35 жашка чейин болуш керек. Негизинен, мейманканада тейлөө тармагында иштешет. Суткасына жумуш убактысы 8 сааттык. Жумасына 1 күн дем алыш. Күнүнө 3 маал бекер тамак жана жумушчулар үчүн мейманканадан жай берилет. Медициналык камсыздандыруучу компания тарабынан камсыздандырылат.
Албетте, кайсы жумушка орношуусуна анын буга чейинки жыйнаган тажрыйбасы таасир этет. Эгер буга чейин тейлөө тармагында иштебеген болсо катардагы официант болуп ишин баштайт. Алгач официанттын жардамчысы, официант, бармен жана башка кызматтарда иштей алат. Биздин Appak.kg деген расмий сайтыбыз, юристибиз, нотариусубуз, авиакассабыз бар.
– Айлык маянасы канча болот?
– Кыргызстанда банк кызматкерлери жакшы маяна алышат. Бир ирет банкта акча которуу жагында иштеп жаткан татынакай кызга барып, маянасын сурасам 10 миң сомдун тегерегин айтты. Ал эми күн сайын колунан миллиондорду өткөрүп жаткан кассирге барып маянасын сурасам 15 миң сомдун тегерегин айтты. Жадакалса алардын тамак-ашы, жол киреси жана жашаган жери да бекер эмес. Биз эң жакшы мүмкүнчүлүк түзүп жатабыз. Биз сунуштап жаткан жумушта 420 доллардан 750 долларга чейин айлык ала алышат.
– Жубайлар да барып иштесе болобу?
– Биздин компанияга Түркияга иштөөнү каалаган 10 чакты жубай келди. Бирок аларга өзүнчө жашоого шарт жок экенин түшүндүрдүк. Алар биз койгон шарттарга макул болду. Жумуш учурунда жолуга албашы мүмкүн, бирок дем алыш күндөрү бирге сейилдеп, эс алганга шарт түзүлгөн.
Жумушчу визасын даярдаганга орточо 3-4 апта керек болот. Алгачкы топту биз ушул жылдын апрель айынын аягына чейин жөнөтүүнү пландап жатабыз. Биз колдон келишинче 20-40 адамды бирге жөнөткөнгө аракет кылабыз. Ишенбөөчүлүк болбошу үчүн кеңсебизге бардык жакындары менен келип, шарттар тууралуу маалымат алып кетсе болот. Биздин кызмат эң коопсуз.
– Жумушка орношууну каалаган жарандардан жалпы канча каражат керектелет?
– Виза ачуу, учактын жол киреси сыяктуу кызматтарды кошкондо 240 доллар керек болот. Ал эми андан сырткары биздин кызмат үчүн 100 доллар төлөшөт. Жалпы чыгаша 340 долларды чапчыйт. Жумушчулардын айлык маяналары түрк лирасы менен атайын ачылган картага түшөт. Аны ошол эле замат каалаган валютасына алмаштырып алса болот. Эгер биздин кызмат үчүн берилчү 100 долларды башында төлөй албаса, анда алгачкы айлыгынан төлөп койсо да болот. Бул да биздин өзгөчөлүгүбүз.
Алгач жарандар керектүү документтерди биздин компанияга беришет. Биз аларды түркчө которуп, Түркиянын Кыргызстандагы элчилигине тапшырабыз. Элчилик бизге атайын код берет. Коддорду Түркиядагы жумуш берүүчү мейманканаларга жиберебиз. Алар кайра бизге 3-4 апта ичинде жумушчуларды тандап, кат жолдошот. Чакырылган жарандарга элчилик даяр болгон 1 жылдык визаны тапшырышат.
– Түрк тилин билбегендер да барып иштей алышабы?
– Түрк тилин билүү шарт эмес. Андан көрө англисче, орусча, немисче же арабча билгендер болсо жакшыраак болот. Себеби Аланья шаарындагы мейманканаларга жылына 2 миллиондон ашык турист келип кетет. Тескерисинче, тил билбеген жаштар барса өздөрү үчүн аябай пайда. Себеби жумушта болгон 6-7 ай бою түрк жана англис тилин практика жүзүндө үйрөнүп алат. Бул өтө сонун мүмкүнчүлүк. Акча иштегенче тил да үйрөнүп алышат.
– Стажировкага канча убакыт берилет?
– Стажировкага убакыт берилбейт. Жумушту жасап жатып эле утурлай үйрөнүп кете беришет. Себеби убакыт тар. Түркия тейлөө кызматы боюнча дүйнөдө лидер. Бул багытта Түркияга Кипр, Греция, Испания сыяктуу мамлекеттерден атайын келип окуудан өтүп кетишет. Мындан улам алар жаңы кызматкерлерге ыңгайлуу жана оңой жолдор менен тез эле үйрөтүп коё алышат.
– Эмгек келишими канча убакытка түзүлөт?
– Эмгек келишими туристтик сезонго ылайыктап 7 айга түзүлөт. Тагыраагы, апрелден баштап ноябрдын башына чейинки убакка. Келишим мөөнөтү аяктагандан кийин мейманкана жетекчилиги жумушчуга Кыргызстанга кайтчу билетин алып берет. Жумушчулар таратылгандан кийин мейманканада кийинки сезон үчүн оңдоп-түзөө иштери жүрөт.
– Мейманкалар жайгашкан Аланья шаары тууралуу айта кетсеңиз...
– Аланья шаары Түркиянын түштүгүндө, Анталиядан анча алыс эмес жерде жайгашкан. Менимче, Анталиядан ары 2 сааттык жол. Кооз жана тынч аймактан орун алган. Быйыл жаңы баштагандыктан өтө көп кишини жумушка орноштура албайбыз. Бул жылы орточо 450-500 жумушчу жөнөтүүнү пландадык. Учурда бизге кайрылгандар да көп болууда.
– Эгерде жумушчу келишимди аягына чыгарбай кетүүнү кааласа эмне болот?
– Келишимди түзүп жатканда эки тараптуу милдеттер жана шарттар коюлат. Коюлган шарттарга макул болсо гана келишим түзүлөт. Жумуш сезон учурунда гана болгондуктан, ар бир күн баалуу. Ошондуктан бара турган адам башында эле ойлонушу керек. Эгер эч эле болбой келишимди буза турган болсо, анда кайтуусу үчүн мейманкана билет алып бербейт.
– Алдыда кандай пландарыңыз бар?
– Буюрса, биздин "АППАК консалтинг" компаниябыз мындан ары да кулачын кенен жаят. Жарандарды жумушка орноштурууну көбөйтөбүз. 2019-жылы 1500-2000 жаранды ишке орноштурууга аракет кылабыз. Ушул тармакта баарынан мыкты болууну ниет кылганбыз. Андан сырткары жаңы кызмат көрсөтүү багыттарын ишке киргизебиз. Кыргызстандагы кесиптештерибиз менен да кызматташууга даярбыз.


КЕРЕКТЕЛҮҮЧҮ ДОКУМЕНТТЕР:

  • Жалпы жарандык паспорт
  • Соттолбогондугу тууралуу маалымдама
  • Жашаган жеринен маалымдама
  • 5х6 өлчөмүндөгү 4 даана сүрөт
  • Тулку бою чагылдырылган 10х15 өлчөмүндөгү сүрөт

Биздин өнөктөштөр:

► «Кыргызинстрах» жабык акционердик коому. Биз бул компания менен расмий түрдө кызматташабыз. Алар жумушка орношуучуларды камсыздандыруу иштеринде көмөк көрсөтөт.
► Түркиянын Кыргызстандагы элчилиги. Мен аталган элчиликтен котормо иштерин жүргүзүү укугун дагы алганмын. Мага жасаган колдоосу жана ишеними үчүн элчи Жеңгиз Камил Фырат мырзага ыраазычылык билдирем. Ал жакында кызматка киришсе да өтө жакшы иштеп жатат.
► Түркиянын өкмөтүнө караштуу ТИКА агенттиги. Аталган агенттикке да биздин компанияга көрсөткөн колдоосу үчүн терең ыраазычылык билдирем.

«Биздин чакан жана ынтымактуу команда».

www.appak.kg
О! +996 505 066 777
Мегаком +996 553 066 777
Билайн +996 775 066 777
Бишкек ш., Москва көч., 73


Бектур Токтоноев
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(10)
13.03.2018. 15:24 
Тайпасы:
Жаран
Комментарийлердин саны:
49
Катталган:
08-07-2016
Соӊку аракети:
14-11-2018 17:14
Жынысы:
Белгисиз
+7
Ушундай компаниялар кобоюп кетиптир Мен Турцияга барганда келишимде 500 доллар деп жазылган Анан иш жузундо 380 доллардан ашык алган жокмун Булар ар бир жумушчунун айлыгынан 100 доллар жейт экен Бирок аны моюндарына албайт Ото арзан 8 сааттан коп иштетет Англис ж.б тилдерди билсе андан коро Дубайга кеткен жакшы
13.03.2018. 15:34 
Тайпасы:
Жаран
Комментарийлердин саны:
66
Катталган:
05-02-2016
Соӊку аракети:
15-11-2018 20:52
Жынысы:
Белгисиз
Калаасы:
Бишкек
+4
Кимдер ишенип барышат экен, такыр тушунбойм.
13.03.2018. 15:37 
Тайпасы:
Жаран
Комментарийлердин саны:
66
Катталган:
05-02-2016
Соӊку аракети:
15-11-2018 20:52
Жынысы:
Белгисиз
Калаасы:
Бишкек
+5
Тил билуу зарыл эмес деп реклама кылып жатышат.Тил билбей кантип иштешет?
14.03.2018. 00:27 
Тайпасы:
Жаран
Комментарийлердин саны:
43
Катталган:
25-04-2017
Соӊку аракети:
04-07-2018 14:27
Жынысы:
Белгисиз
+5
Кудай озу сактасын Кыргыз элимди, жеримди. Ишениш кыйын акыркы убактарда
14.03.2018. 15:45 
Тайпасы:
Жаран
Комментарийлердин саны:
121
Катталган:
17-12-2017
Соӊку аракети:
02-08-2018 12:02
Жынысы:
Белгисиз
+2
kalp ele jakwi kiwi bolup kairan turktor,birinchi ozunordun kizikchiliginardi oilodunarda.
14.03.2018. 21:09 
Тайпасы:
Жаран
Комментарийлердин саны:
39
Катталган:
05-01-2014
Соӊку аракети:
17-08-2018 10:37
Жынысы:
Белгисиз
+2
Кыргыздар аз айлыкка,коп саат жумушка макул болуп иштей беришет ошого алышат да.Турк ооой оной менен жедирбейт.
14.03.2018. 22:12 
Тайпасы:
Жаран
Комментарийлердин саны:
27
Катталган:
14-04-2017
Соӊку аракети:
06-08-2018 19:58
Жынысы:
Белгисиз
+2
Зарплата азго расияда 25000р алышат ен аазы булардын зарплатасы ошого тенго
14.03.2018. 22:13 
Тайпасы:
Жаран
Комментарийлердин саны:
27
Катталган:
14-04-2017
Соӊку аракети:
06-08-2018 19:58
Жынысы:
Белгисиз
+2
Зарплата азго
14.03.2018. 22:55 
Тайпасы:
Жаран
Комментарийлердин саны:
0
Катталган:
09-10-2017
Соӊку аракети:
19-09-2018 15:02
Жынысы:
Белгисиз
+4
Булардын максаты оздорунун мейманканаларын арзан жумушчу кучу менен камсыз кылуу
20.03.2018. 03:35 
Тайпасы:
Тартип бузгандар
Комментарийлердин саны:
109
Катталган:
16-10-2011
Соӊку аракети:
08-11-2018 18:02
Жынысы:
Белгисиз
Калаасы:
Москва
0
Турктор эс качан акчаны жон бербейт.500 доллар учун эки эсе оор жумуш берет.Экинчиден,ал жакта иш берген адамдар кандай мамиле кылат.Ошого жооп бере алабы?Иш бергендер кордук корсотсо куткара алабы?Моральный,материальный чыгымдарын ондуруп бере алабы?Жалан кыздарды алат экен да ошондо ээ?
Ойлонгула кыздар.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: