Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МЕНИН КЫЯЛЫМ» (Түркиядагы мигрант кыргыз кыздын тагдыры баяндалган сериал)

№802 16-март -22-март, 2018-ж.


(Башталышы өткөн сандарда)


Кызы минтип жаткан соң кайындарынын да оозу жабылды. Бирок кайнатасы Алибекти мындай чыгарып катуу эскертти. «Эгерде менин кызымдын көзүнөн бир тамчы жаш акса, ал сенин каның болот деп эсепте. Сени бул шаарда жашагыс кылам». Кайнатасы тамашалай турган адамдардан эмес эле. Анысынан деле корккон жок. Болгону алаканына араң баткан кызы менен убара. Аны көргөн өз энеси да жеңил дем алды. «Маркум атасы да ушундай баласаак болчу. Акылдуу келиним муну эми бала менен байлай турганына көзү жеткен экен. Эми баары өз нугуна түшө турган болду».
Жашоо кайсы бир учурда адамдар менен шакаба чегип жаткандай. Кайсы бир учурда кабыл алган чечимибизди дүйнөдөгү эң улуу чечим катары түшүнөбүз. Аттиң, туура деп ойлогон кадамдар ар дайым туура чыкса кана...


ххх


Нурилянын абалы жакшырып калды. Жандандыруу бөлүмүнөн чыгарып, палатага которушту. Жамиля ары-бери чуркап жүрүп атасы эмнегедир телефон чалбай жатканын ойлоду. Түндө үйүнө эс алганы кеткен боюнча кабарлашпады. Үйүнө чалса да эч ким жооп берген жок. Ошондо гана атасынын аялы илимий конференцияга Москвага кеткенин эстеди. Жүрөгү түпөйүл болуп чыкты.
– Апа, сен Нурилянын жанында бол. Эмреден көзүңдү алба. Мен атамдын үйүнө барып келбесем болбойт.
– Эмнеге?
– Телефонун албай жатат.
– Уктап жаткандыр.
– Билбейм. Сен бул жерде бол.
Эмре болбой апасын ээрчип алды. Үйүнө жакындаган сайын жүрөгү бат-баттан согуп калды. Эмнегедир алтынчы туюму менен уулун ал үйгө киргизгиси келбеди. Сыртка балдар ойноочу жерге таштап, өзү үйгө бет алды. Эмнегедир эшик ачык экен. Атасы жан талашып эшикке чуркап, бирок үлгүрбөй босогодо кулаптыр.
– Аа-аа!
Жамилянын ачуу кыйкырыгынан теребел селт дей түштү.
– Ата-аа!.. Атаке, ач көзүңдү. Мен жаныңдамын. Атасынын жансыз денесин кучактап боздоп ыйлап жатты. Жыты, кийген кийими, ак аралаган чачтары мурункудай. Болгону бакырайган көздөрү жумулуу. Дүйнөнүн бүтүн жакшылыгын ичине батырып алгандай мээримдүү көздөрү ачылбай жатты.
– Жок, мүмкүн эмес. Сен мени таштабайсың. Сен мени эч таштабайсың, ата...- деп зар какшап жатты. Аялы илимий конференцияга кеткен. Балким, жанында болсо дарысын бере салып жанын алып калмак беле? Жүрөгү ооруп жүргөн, бирок кыздарына айткан эмес эле. Акыркы окуялар анын ансыз да алсыз жүрөгүнө оор келген көрүнөт.


ххх


Жамиля телефонун албай жатканынан улам кабатыр болгон Алибек анын үйүнө жөнөдү. Эл көп экен. Бири кирип, бири чыгып жүрүшөт.
– Эмне болду?- деди үрөйү учкан ал айылдаштарынын бирин көрүп.
– Мурат байке кайтыш болду. «Жүрөгү токтоп калыптыр» дешти.
Кирип барып Жамиляны курчап отурган аялдарды көрдү. Эч кимди көзүнө илбей жанына барып кучактай берди.
– Жамиля!
Эмнегедир ал боюн ала качты. Кантсе да айылдаштары көп жүрөт, сөз болбосун деди окшойт. Жүзүнө да тиктебеди. Бир гана колун кысып койду. «Сен кете бер, көп сөз болот» деди ал акырын шыбырап. Алибек кете албады. Зыйнатынын башында туруп, эмне керек болсо баарын жасады. Сөөктү айылга алып кетип коюшту. Эки аялы тең кара кийип башында болушту. Дүйнөдөн бир Мурат деген адам өттү. Жакшылык гана жасаганды билген ак ниет бир адам эле.
Атасынан кийин Жамиля бүк түшүп калды. Бирок антип жатып алганга да шарты жок эле. Өмүрү үчүн күрөшкөн бир тууганы, нес болгон апасы, бул нерсенин баарынан жүрөгү түшкөн уулу бар болчу. Жетилигинен кийин шаарга кетиши керек эле, анткени Нуриляга атасы кайтыш болгонун айтыша элек болчу. Тегеректегилерди чакырып куран окутту. Алибек дагы эле шаарга кете элек экенин ошондо байкады. Эми чындап жини келди. Чет жакка чакырып катуу айтты.
– Сенин жардамың ушулбу?
– Кайсы?
– Элдин сөз кылганы эле экөөбүз. "Аялы, баласы бар адам эски сүйгөнүнүн атасынын өлүмүндө кызмат кылып жүрөт" деп жатышат. Сен жок дегенде мени ойло.
– Жамиля, мен сени таштап кете албадым. Арзуу жеңе «бир жумадан кийин кетет» деп айткандыктан чогуу кетели деп күтүп жаттым.
– Сени менен кетемби?
– Ооба.
– Алибек, мага сен эле жетпей жаттың эле. Кет, суранам, азыр сенден башка маселем толтура. Азыр машинаңа түш да, кет.
Жамиля айтканынан кайтпасын түшүнгөн Алибек аргасыз кетти.


ххх


Өйдө-ылдый, жакшы-жаман күндөр өтүп жатты. Жамиля үчүн эң оор күндөр эле. Нуриляны ооруканадан чыгарып келди. Эмре апасын жанынан чыгаргысы жок. Апасы Мураттын өлүмүнөн кийин таптакыр сүйлөбөй түнт тартып кетти. Үйдө буларды таштап чыгыш оор болсо да жумушка кайра чыкпаса болчудай эмес. Бул арада жумуштан чыгып калганын да билди. Эмне кылуу керек? Жашоосунун баш-аягын таппай жатканда Данияр байкеси телефон чалып калды.
– Жамиля, жеңең сени үйгө чакырып жатат. Чай ичип кетсин дейт.
– Мен...
– Жок деген сөздү кабыл албайм. Бир аз достор бар, жакын санаалаштар эле болот. Алибек да келет,- деп коюп койду.
– Үйдө биз менен отура берип жинди болуп кетпе, сен барып кел. Акыры биздин үйдүн жалгыз мотиватору сенсиң. Эмреден кам санаба, апам карап турат,- деди Нуриля алсыз. Апасы да кубаттап калды. Акыры бара турган болду. Даниярдын босогосун аттап бара жатып Алибектин үнүн угуп калды. Келет деп айтканы чын. Бирок...
– Ай, баатыр, кел,- деп алдынан тосуп чыккан Данияр да жарым сөздөн токтоду. Эмне дээрин билбей калды. Алибек Диана жана кызы менен келген эле. Ал окуя мындай болгон. Бир жакка уулу даярданып жатканын байкаган энеси акырын кеп баштап калды.
– Мындай жерге келинчегин да ала барат. Диана да барсын.
– Апа-а!
– Эмне, ботом? Сенин аялыңбы?
– Ал жерге эркектер чогулат.
– Эркектер чогулса, мен акырын чыгып кете берем. Кызыбыз төрөлгөнү эч кайда чыкпадык. Зериктим,- деди келинчеги да. Катуу жерден кармалды. Бирок бул жерге Жамиляны кошо чакырат деп эч ойлогон эмес.
– Мүйүз чыкса барчы, эй,- деп койгон эле. Так алдынан Жамиля чыгат деп эч ойлобогон эле. Көздөрү тостоюп кетти.
– Кандайсың?- деди Жамиля титиреп кеткен үнүн басмакка. Диана да дароо тааныды. Көз ирмем гана тиктеше калышты.
– Кана, коноктор, киргиле,- деп жиберди Данияр башка эч нерсе оюна келбей.
Бака-шака түшүп жаткан бул үй үчөө үчүн тозок эле. Жамиля туруп басып кетип калайын дейт, бирок элдин ансыз да бурулуп турган көңүлүн бургусу келбеди.
Диана болсо ызасын ичине жутуп бир нерсе болсо бакырып тура калчудай абалда. Алибектин абалы экөөнөн тең оор. Тердеп-тепчип айтылган сөздөр деле кулагына кирбеди...


(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Башка сандарда:
Комментарийлер(13)
20.03.2018. 09:04 
Тайпасы:
Жаран
Комментарийлердин саны:
3
Катталган:
07-05-2016
Соӊку аракети:
18-08-2018 23:44
Жынысы:
Белгисиз
Калаасы:
ГАЛАКТИКА
+5
Дагы күтүү... Эртерээк бүтпөдү ушул сериал.
20.03.2018. 09:50 
Тайпасы:
Жаран
Комментарийлердин саны:
130
Катталган:
05-03-2017
Соӊку аракети:
20-09-2018 23:55
Жынысы:
Белгисиз
+16
Керем кайда журот... Алибек менен Жамилянын былжырагандарына кыжырым келет...
20.03.2018. 18:06 
Тайпасы:
Жаран
Комментарийлердин саны:
147
Катталган:
20-04-2016
Соӊку аракети:
23-08-2018 13:02
Жынысы:
Белгисиз
+4
Алибек эркек эмес экен...бесит...керем нердесииииин)))))
Модератор admin_media түзөттү 2018-03-20 18:14:38
21.03.2018. 14:50 
Тайпасы:
Жаран
Комментарийлердин саны:
9
Катталган:
13-06-2017
Соӊку аракети:
12-05-2018 13:31
Жынысы:
Белгисиз
+1
stervella415,Алибекда Жамийланын даамын татып калды койо бериши кыйынго эми
20.03.2018. 18:46 
Тайпасы:
Жаран
Комментарийлердин саны:
217
Катталган:
16-03-2016
Соӊку аракети:
21-09-2018 20:02
Жынысы:
Белгисиз
+2
Даниярдын кылганы Туура эмес го же акыры эки кундош жолугушуш керек беле?!
20.03.2018. 20:56 
Тайпасы:
Жаран
Комментарийлердин саны:
1
Катталган:
26-04-2016
Соӊку аракети:
08-05-2018 17:34
Жынысы:
Белгисиз
+5
Алибек жакпай калды ээк эй, эркектей болбойбу, аялы менен кызын таштабай!
20.03.2018. 22:17 
Тайпасы:
Жаран
Комментарийлердин саны:
47
Катталган:
13-10-2017
Соӊку аракети:
11-09-2018 21:21
Жынысы:
Белгисиз
+2
Uwu jamil9 ozu dele ene go ozun ele ozumchul bolup oiloboi bawkalardy dele oilop koiso bolmok da Alibek kelinchegin suiup kyzyna bailanyp uibulosuno kaitsa eken uwu men kiiinki kundoru Jamil9ny jaktyrbai jurom Murattyn da Ahmedtin da olusun kaalabait elem jamil9 kaidan chykkan neme ozu degi ee uwul olso bolmok eken andan koro owo mn butmok tynchyrak bul chygarma
21.03.2018. 01:21 
Тайпасы:
Жаран
Комментарийлердин саны:
104
Катталган:
12-02-2015
Соӊку аракети:
21-09-2018 21:15
Жынысы:
Белгисиз
+3
Чын эле кызыксыз болуп кетти чыгарма. Автор сүйүүнү даңазалайм деп окурманды жийиркентип аларын билбесе керек.
21.03.2018. 14:48 
Тайпасы:
Жаран
Комментарийлердин саны:
9
Катталган:
13-06-2017
Соӊку аракети:
12-05-2018 13:31
Жынысы:
Белгисиз
+1
Окуугандай да болбойтам көп көп чыгарып койгулачы админ мазза кылып окуйн
21.03.2018. 17:41 
Тайпасы:
Жаран
Комментарийлердин саны:
125
Катталган:
09-11-2013
Соӊку аракети:
05-09-2018 22:08
Жынысы:
Белгисиз
0
Бул жагы фантастика болуп кетиптир го тим эле
only_progress түзөттү 2018-03-21 17:42:27
21.03.2018. 20:53 
Тайпасы:
Жаран
Комментарийлердин саны:
13
Катталган:
11-01-2014
Соӊку аракети:
14-09-2018 23:23
Жынысы:
Белгисиз
0
Уфф качан бутот кызыксыз болуп баратат
23.03.2018. 11:04 
Тайпасы:
Жаран
Комментарийлердин саны:
227
Катталган:
15-08-2017
Соӊку аракети:
21-09-2018 16:11
Жынысы:
Белгисиз
0
Жамилянын апасы деле "кой барба, Алибектин уй - булосу бар, аларга жолтоо болбо" - деп койсо болбойбу
25.03.2018. 11:21 
Тайпасы:
Жаран
Комментарийлердин саны:
9
Катталган:
18-03-2017
Соӊку аракети:
02-05-2018 07:42
Жынысы:
Белгисиз
0
Баардык сюжет илеалдуу боло берсе болбойт го ☺ бул- жашоо..
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: