Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАҢКЫ ЖЫЛДЫЗ – ЧУЛПАН ХАМАТОВА

№396 4-10-июнь, 2010-ж.


Чулпан Хаматованы көпчүлүк “Дүлөйлөрдүн өлкөсү” (“Страна глухих”) тасмасынан кийин жакшы таанышат. Ал эми кандын рак оорусунан жабыркаган жаш балдар жана алардын ата-энелери аны жакын адамындай көрүшөт. Алар Хаматованы атактуу актриса деп гана тааныбастан дайым жардам берүүчү, колдоочу периште катары жакшы билишет. Бул Хаматовага абдан жагат.

Толук аты-жөнү – Хаматова Чулпан Наилевна
Туулган жылы – 1975-жыл, 1-октябрь

Туулган жери – Татарстан, Казань шаары
Кесиби –
Кино жана театр актрисасы
Үй-бүлөлүк абалы – 3 баланын энеси

ТАТАР ЭЛИНИН ЧОЛПОНУ
Орусияда, негизи эле КМШ өлкөлөрүндө белгилүү болгон театр жана кино актрисасы Чулпан Хаматованын ысымын укканда эле “кайсы улуттун сулуусу болду экен?” деген суроо келбей койбойт. Татар үй-бүлөдө туулган Чулпан ата-энесинин көптөн күткөн перзенти. Ал жарыкка келгенде “таң атып келе жатканда жанган чолпон жылдызындай адам болсун!” деп Чулпан (Чолпон) коюшкан экен. “Бул ысым кайдан келип чыккан? Лакап атпы? Эмнени түшүндүрөт?” деген сыяктуу суроолор Хаматова көпчүлүккө жаңыдан тааныла баштаганда тынбай бериле берчү. Чулпан аларга “бул татарларда кенен жайылган ысым. Эч кандай лакап ат эмес” деп түшүндүрүп келген.

ЭКОНОМИСТ БОЛСО ДЕГЕН, БИРОК...
Инженердин үй-бүлөсүнөн чыккан Чулпанды ата-энеси келечекте актриса катары көрүүнү каалашкан эмес. Кичинекей Чулпандын да анда актриса болом деген ою жок эле. Хаматовдор кызын экономист катары көрүүнү самашчу. Ошондуктан аны математиканы тереңдетип окуткан мектепке киргизишкен.
Чулпанды ата-энеси музей, театрдан такыр калтырбай алып барып турушар эле. Мындай эс алуу кичинекей Чулпанга да аябай жакчу. Ушул сыяктуу иш-аракеттерди алар “интеллигенттердин үй-бүлөсүнөн чыккан, татыктуу тарбия көргөн кыз болсун!” деген кеп үчүн жасашчу.

ЖАШЫРУУН КАШЫК-ВИЛКА САТЫП...
Чулпан мектепти аяктаган соң ата-энесинин каалоосу менен Казандагы Каржы-экономикалык институтка тапшырат. Жакындарынын көңүлү үчүн тапшырып койгон окууга болочок актрисанын дили тартпай койгон. Акырындап ата-энесинен жашырып, театралдык курска бара баштайт. Үйүнөн жашыруун күмүш жалатылган кашык-вилкаларды алып чыгып сатып, курстун акчасын төлөчү экен. Ошентип жүрүп институтту таштап, Казандагы театралдык орто окуу жайга тапшырат.

“МОСКВАГА БАГЫНБАЙМ”
Хаматова мугалиминин “эгер чыныгы актриса болууну самасаң, Москвага бар. Ал жакта атактуулукка жетүүгө чоң мүмкүнчүлүк бар” деген кебине кулак салып, Москвага аттанат. Албетте, бул чечимине ата-энеси каршы чыгат. Бирок чоң энеси “бара берсин. Москвага баары эле чыдап окуп кете бербейт. Кыйынчылыкка урунат да кайтып келет” деп балдарын көндүрөт.Чоң энесинин мындай сөзүнөн улам Чулпан “кандай кыйынчылык болбосун үйдөгүлөргө билдирбейм. Мен Москвага багынбайм, тескерисинче, Москваны багындырам” деп өзүнө сөз берет. Ошентип, максатына жетүүнү көздөгөн сулуу кыйынчылыктарды басып өтүп тилегине жетет. Хаматованын алгачкы тартылган тасмасы “Бийчинин заманы” (“Время танцора”), ал эми атактуулукка алып келген тасма “Дүлөйлөрдүн өлкөсү” (“Страна глухих”).

КЫЗГАНЫЧТАН АЖЫРАШКАН
Москвада окуп жүргөндө курсташы Иван Волков (атактуу актриса Ольга Волкованын баласы) менен таанышып, жалындаган сүйүү менен ага турмушка чыккан. Экөөнүн үй-бүлөлүк жашоосу Чулпан ийгиликке жеткенче эң сонун болчу. “Современник” театрында иштеп, тасмага тартыла баштаганда мамилелерине доо кетет. Жолдошу аны кызганып, үйүнөн көп чыр чыкчу болот.
2002-жылы экөө Ариша аттуу кыздуу болушкан. Наристе Иван менен Чулпандын чырын азайта алган жок. Хаматова “ажырашам” деп калганда эле аны өз кызындай көргөн кайненеси Ольга Волкова: “Жок, бүлөдө мындай маселе боло берет. Менин башымдан деле мындай нерселер өткөн”,- деп токтотуп алып калчу.
Ариша бир жашка чыкканда Ася аттуу кыздуу болушат. Бул ирет актрисанын жолдошу Иван ачуусу менен “сен менин көзүмө чөп салгансың. Бул кыз меники эмес” деп үй-бүлөнүн ынтымагын биротоло жоготот. Хаматова баарын жыйыштырып, эки кызын жетелеп үйүнөн чыгып кетет.

СҮЙҮҮСҮН БААЛАБАГАН МЫРЗА
Волковдун кызгануусунун жөнү болсо керек. Себеби Чулпандын ишкер Алексей Дубин менен болгон мамилесин кесиптештери да жакшы билчү. Чулпан Алексей менен кайсы бир фестивалда таанышып, экөөндө сүйүү оту тутанат. 5 жыл жашыруун мамиле курушуп, анан ачыкка чыгышкан. Волков шектенгендей эле экинчи кызы Ася Дубиндин кызы болуп чыгат.
Дубин менен Хаматова жарандык никеде жашашчу. Расмий түрдө баш кошууга эмнегедир Алексей каршы болчу экен. Кийинчерээк бул каршылыгынын себеби билинген. Дубиндин Германияда үй-бүлөсү бар экен. Анын жубайы жана кызы барын Хаматова көпкө чейин билген эмес. Дубиндин үй-бүлөсү менен “мыйзамдуу түрдө ажырашпайм” дегени экөөнүн мамилесине чекит койгон.
Дубинди баш айланганча сүйүп, ал үчүн биринчи никесинен ажырашканы менен, мындай курмандыкка Дубиндин барбай койгону аябай өкүндүргөн. Ошондон кийин Хаматова жеке жашоосунда болуп жаткан жаңылыгы тууралуу маалымат берүүдөн баш тартат. Жеке жашоосунда болгон кыйынчылыкка сынбай, кайра баш көтөрүп жашап келген Хаматова апрель айында үчүнчү жолдошу Александр Шейнден үчүнчү баласын төрөдү. Жогоруда сөз болгондой эле режиссёр күйөөсү Шейн менен көптөн бери чогуу жашаганы бала төрөгөнчө жашыруун эле.

ООРУЛУУ БАЛДАРДЫН КОЛДООЧУ ПЕРИШТЕСИ
Чулпан Хаматова актриса катары гана белгилүү болбостон “Подари жизнь” аттуу кайрымдуулук фондунун башчысы катары да таанымал. Фонд кандын рагы менен ооруган жаш балдарга жардам берет. “Кандайча түзүлүп калган?” деген суроого актриса: “Эмнегедир баары фондду өз жашоосунда мындай илдетке туш болгону үчүн түзгөн деп ойлошот. Бул туура эмес. Бир жолу 1-Июнь балдар күнүнө карата кайрымдуулук концертин өткөрүп, түшкөн каражатты оорукчан балдарга өзүм алып барып бергем. Ата-энелери менен сүйлөшө келгенде оорулуу балдарга материалдык да, моралдык да жардам керегин билип, колдоо көрсөтөм деп аларга жана өзүмө сөз бергем”,- деп жооп берет.
Чулпан жыл сайын балдар күнүнө карата чоң масштабдагы кайрымдуулук концертин уюштуруп, оорулуу балдарга жардам берип келет. Бул жылы да 1-Июнга карата бул салтын бузган жок.

Сокушова Бактыгүл
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
08.06.2010. 03:26 
Тайпасы:
Жаран
Комментарийлердин саны:
37
Катталган:
07-02-2009
Соӊку аракети:
02-10-2018 22:47
Жынысы:
Белгисиз
Калаасы:
Нарын,
0
"Курама кылыч курч болот",деп ар кимден кураптырда балдарды.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: