Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

№806 13-апрель -19-апрель, 2018-ж.


Замирбек Сооронбаев, Кыргыз Республикасынын Эл артисти:
«МЕН КААРМАНДАРЫМДЫ, АЛАР МЕНИ САГЫНЫП УШИНТИП ОТУРУП КАЛДЫК»


– Замирбек байке, ден соолугуңуз жакшыбы? Бул илдет кантип жабышты?
– 2015-жылы Каракол шаарына баргам. Кан басымым көтөрүлүп турган экен, капысынан инсульт болуп калдым. Убагында алгачкы жардамды жакшы көрсөтүп аман алып калышты. Жандандыруу бөлүмүнө 10 күн жаттым. Мына үч жыл болду, үйдөмүн. Азыр жакшымын, болгону баса албай жүрөм.

– Айыгып кетиңиз. Актёрдук кесипке айрымдар кокусунан келип калышат экен, айрымдар ушул кесипти сүйүп келип калышат экен. Сиз кайсынысына киресиз?
– Бала кезимде актёрлукка үйрөтө турган кесип бар экенин билген эмесмин. Тек кызыгуум бар эле. Бизде Нарын шаарында облустук театр бар болчу. Ал жактан спектакль көргүм келе берчү. Таенемдин колунда чоңойдум. Ал киши өзү да, тукуму да өнөрлүү, сөзмөр адамдар болгон. Таенемдин таасири болду окшойт. Борборго келип 2 жылдык актёрдукка даярдоо курсуна окуп, кийин Ташкентке театралдык окуу жайына өтүп кеттим. Окууну бүтүп келгенде Кыргыз драма театрына бөлүндүк. Ошодон бери ушул жердемин.

– Залкар актёрлордон кимдер менен иштешип калдыңыз?
– Мен бул жашоодо өтө бактылуумун. Анткени театрдын залкарларынын түбүн ичтим, театрда чогуу ойнодум, акылын уктум. Даркүл Күйүкова, Арсен Өмүралиев, Бакен Кыдыкеева, Муратбек Рыскулов, Таттыбүбү Турсунбаева, эми алар укмуш талант эле да. Ал кезде театрдын дүркүрөп турган кези. Алардын арбагына таазим кылам, улуу муун акчасыз эле бакандай кыргыз актёрлук мектебин түзүп кетишти.

– Атаандашуу театр дүйнөсүндө өзгөчө болот деп угам...
– Атаандашуу алмустактан болуп келген, боло берет. Ал учурда укмуш болгон, бирок азыркыдай эмес. Азыр курулай атак-даңк, арзан наам, керт башынын кызыкчылыгы биринчи орунда. Ал кезде биринин аркасынан көз көрүнөө жамандап, маданиятсыз нерселерди жазып кетип, курулай каралоо деген нерсе жок эле. Кээде Сабира Күмүшалиевадан сынап сурап калчумун. «Эже, Бакен эже кандай эле жашоодо?» десем, ал «Бакен деген Бакен да» деп койчу. Улуулугу ушунда эмеспи.

– Бакен эже тууралуу сөз болуп калбадыбы, эженин трагедиялуу өлүмүнө ар ким ар кандай кеп айтып жүрүшөт го?..
– Мен эжени «ичип калган, театрдан куулган, тиги-бу» деген сөздөргө такыр кошулбайм. Эч далили жок. Эже ден соолугу жакшы болбой, иштей албай калган. Эми ден соолуктун кепилдиги жок экен. Андай тагдырды ал сатып же сурап алган жок. Бакен Кыдыкееванын туулганына жүз жылга жакындап калды, андай талант төрөлө элек, төрөлүшү да күмөн.

– Ал кезде маданияттын эпохасы болуп турган үчүн ошондой талантты өстүрүп чыгаргандыр. Азыр деле жакшылап карасак Таттыбүбүлөр, Бакендер бардыр...
– Мүмкүн. Коомду өзүбүз бузуп алдык. Талантты көрүү үчүн ошол кездеги баалуулуктар керек. Баалуулуктар өзгөрдү. Башка нерселер менен алектенип калдык. Руханий жактан жардыбыз. Ошол ачарчылыкты тойгузмайынча биз талантты көрө албасак керек.

– Сиз Семетейдин ролун 25 жыл бою ойногонуңузду уктум, бир ролду ушунча убакыт ойногон сейрек кездешсе керек?
– Театрга келген 40 жылдан бери мен жалаң оң каармандарды ойнодум. Өтө эле көп ролдорду ойнодум. Үч жылдан бери үйдө отуруп, каармандарым мени сагынып, мен аларды сагынып отурган кезибиз. Сен айткандай, Семетейдин ролун 25 жыл ойнодум. Азыр деле ойногум келет, бирок...

– Үй-бүлөңүз тууралуу айтып берсеңиз...
– Жубайым Калича Сейдалиева актриса. Экөөбүз төрт жыл сүйлөшүп жүрүп үйлөнгөнбүз. Бир уул, бир кызым бар. Неберем биздин колубузда чоңойду. Айбекти (ред.: ырчы Айбек Замирбек уулу)билесиңер. Ал жөнүндө журналисттер кеп кылса эле, "качан үйлөнөт?" деп сурайбы деп коркуп кетем. Үйлөнсө дегенде эки көзүбүз төрт. Сурасак, жыл сайын «быйыл» деп коёт. Сөзгө сараң, сырын да айтпайт.

– Уулуңуздан ырчы чыгарын билгенсизби?
– Жок, кайдан? 9-классты бүтүп жатканда «окубайм, техникумга кирем» деди. Классташтарынан бою узун болчу, ошого уялып жаткан го деп макул болдум. Техникумда окуп жүрүп «ата, иштейм» деп калды. «Мейли» десем түндө бир-экиде, кээде үчтө келет. «Эй, сен күндө эле иштей бересиңби, официант деген нөөмөт менен иштейт да?» десем, «Ким айтты мени официант деп?» деди. «Анан эмне, ресторандын директорусуңбу?» десем, «музыкантымын» деди. Ошондо билип жүрбөйүмбү. Кийин кайсы кафеде иштээрин билип алып апасы экөөбүз айтпай бардык. Айтып барсак келбей койчудай. Барып жашынып туруп уксам үнү аябай жакты.

– Жубайыңызды Ноорузда Умай эне катары билебиз. Бул идея кайдан чыккан?
– 1991-жылы Ноорузду майрамдап баштагандан эле Кыргыз Республикасынын Эмгек сиңирген «Умай энеси» (күлүп). Негизи Аскар Акаевдин уулу үйлөнгөндө тоюнда Умай эне кылабыз деп чакырышкан. Идея ошондон келген. Кийин мэрия чакырып, аянтта болгон иш-чараларга катыша баштады. Элге да, өзүнө да жагып калды.

– Артист үй-бүлөгө туруксуз деген стереотип эмнеден келип чыккан деп ойлойсуз? Сиздердин үлгүңүздө үй-бүлөнү кантип сактоо керек?
– Бул сөз эми кыргыздын караңгылыгы деп ойлойм. Артисттерде себеп көп, эл көзүндө, талаа-түздө көп болот. Менин деле аялым актриса болбосо ким чыдайт эле билбейм. Биз чогуу окудук, чогуу иштеп келе жатабыз, бир толкундабыз. Ошондуктан сакталып калдык окшойт.

– Акыркы жолу эмнеге аябай кейидиңиз?
– Кыздарга. Өткөндө телевизордон көрдүм. Бир аял чет жакта жүргөн кыздардын көбү боюнан алдырып жатканын айтты. Эми бул табияттын талабы да. Солкулдаган кезинде чет жакка чыгып кетип жатышат. Каралбай жатышат. Анан эле ким эрте турса ошолорду боктоп жатып калышат. Биринин жашоосун билбей туруп айтып коюш жеңил, аны ал жашоодон куткарып алуу оор.

– Арманыңыз барбы?
– 6 бир тууганмын. 4 эркек, эки кыз. 52 жашка чейин эркелеп жүрдүм. Мен үчүн баарын агаларым бүтүрүп койчу. Атам 1983-жылы каза болду, апам андан кийин каза болду. Улуу агам 40 жыл автобазанын жетекчиси, экинчиси отставкадагы полковник, үчүнчүсү скульптор болчу. 2008-жылы сүйлөшүп алгансып үчөө тең 8 айдын ичинде каза болушту. Ушундан кийин кадимкидей картайып кеттим. Жакында туугандарымды чакырып куран окутам деп турам. «Эмне болду?» дешет. «Бир үйдүн эркеси элем, эми бир уруунун аксакалы болуп калдым, туугандарды чогултуп ата-бабаларга куран окутайын» дедим. Арманым ушул – жакындарымды жоготконум.

– Сакайып сахнага кайтыңыз.



"Жубайым экөөбүздү кызым "үйдөн жок дегенде театрды сүйлөшпөгүлөчү" деп урушчу".
"Кинодо, театрда да залкарлар менен иштештим".
"Уулум Айбек кичинесинен бир сырдуу, анын мүнөзүн өзүмдүн атама окшоштурам"


Нуржамал Жийдебаева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  10 
Комментарийлер(14)
17.04.2018. 09:18 
Тайпасы:
Жаран
Комментарийлердин саны:
24
Катталган:
17-05-2011
Соӊку аракети:
30-06-2018 10:12
Жынысы:
Белгисиз
Калаасы:
osh
+17
Мен сыйлаган актер, Алла шыпаасын берип, тезинен айыгып сүйүктүү сахнасына кайтсын.
17.04.2018. 10:11 
Тайпасы:
Жаран
Комментарийлердин саны:
76
Катталган:
14-03-2009
Соӊку аракети:
20-09-2018 10:08
Жынысы:
Белгисиз
+10
ООруп атса каткырып кулуп эле журот агай, ылайым айгып кетсин
17.04.2018. 10:21 
Тайпасы:
Жаран
Комментарийлердин саны:
324
Катталган:
21-07-2014
Соӊку аракети:
20-09-2018 09:49
Жынысы:
Белгисиз
Калаасы:
Деңиз жээгинде.
+7
Алла шыпаа берсин!
17.04.2018. 12:36 
Тайпасы:
Жаран
Комментарийлердин саны:
164
Катталган:
08-07-2013
Соӊку аракети:
16-07-2018 03:10
Жынысы:
Белгисиз
+6
Жаш кезиндеги суроту Ахматбек Келдибековго окшош экен
17.04.2018. 12:53 
Тайпасы:
Жаран
Комментарийлердин саны:
43
Катталган:
04-05-2013
Соӊку аракети:
21-09-2018 00:30
Жынысы:
Белгисиз
Калаасы:
Мен туулган жер!
+5
Айыгып кетиниз, мен сыйлаган актер.
17.04.2018. 17:34 
Тайпасы:
Жаран
Комментарийлердин саны:
102
Катталган:
26-03-2014
Соӊку аракети:
18-09-2018 21:38
Жынысы:
Белгисиз
+4
Ден-соолук каалайм!
17.04.2018. 18:59 
Тайпасы:
Жаран
Комментарийлердин саны:
5
Катталган:
03-04-2017
Соӊку аракети:
31-07-2018 14:19
Жынысы:
Белгисиз
+4
Ото мыкты актёр.Аллахым шыпаасын берсин
18.04.2018. 05:40 
Тайпасы:
Жаран
Комментарийлердин саны:
159
Катталган:
05-11-2016
Соӊку аракети:
20-09-2018 21:30
Жынысы:
Белгисиз
+1
Тааныбай калыпмын. Кесибинин эгизи. Сымбаттуу актер агай.
18.04.2018. 19:19 
Тайпасы:
Жаран
Комментарийлердин саны:
109
Катталган:
22-05-2012
Соӊку аракети:
21-09-2018 11:15
Жынысы:
Белгисиз
+1
Мен баалаган актер. Айыгып кетиниз
18.04.2018. 20:26 
Тайпасы:
Жаран
Комментарийлердин саны:
77
Катталган:
21-01-2015
Соӊку аракети:
20-09-2018 23:02
Жынысы:
Белгисиз
Калаасы:
Кыргызстан-Москва
0
Анан эмне ресторандын директорусунбу? деген созу жакты да
19.04.2018. 01:07 
Тайпасы:
Жаран
Комментарийлердин саны:
44
Катталган:
07-12-2013
Соӊку аракети:
19-04-2018 01:19
Жынысы:
Белгисиз
-1
Бул Замирбек мырза спектакльдин премьерасы болот деп,атасы каза болгондо топурак салганы да барбай койгонун айтбаптыр го?
23.04.2018. 11:24 
Тайпасы:
Жаран
Комментарийлердин саны:
77
Катталган:
21-08-2014
Соӊку аракети:
20-09-2018 23:08
Жынысы:
Белгисиз
+1
alina79, _((( cозсуз жазып чыгыш керек беле?
20.04.2018. 10:37 
Тайпасы:
Жаран
Комментарийлердин саны:
161
Катталган:
13-05-2016
Соӊку аракети:
21-09-2018 09:45
Жынысы:
Белгисиз
0
Союз мезгилиндеги суйуктуу актер,жакшы болуп кетсин.
20.04.2018. 23:16 
Тайпасы:
Жаран
Комментарийлердин саны:
52
Катталган:
04-01-2018
Соӊку аракети:
03-07-2018 13:36
Жынысы:
Белгисиз
+1
Сакайып кетиниз агай алла шыпаасын берсин
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: