Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№806 13-апрель -19-апрель, 2018-ж.


(Башы өткөн сандарда)

– Ал кандай болуп калды экен? Азыр 2 жашка чыкмак, - Айсулуу улутуна сүйлөдү. Тимур үндөгөн жок. Жумуштан чарчап келгенге маанайы суз болчу. Анын үстүнө акыркы күндөрү ал бул сөздөрдөн тажап баратат.
– Ал сага куюп койгондой окшош эле.
– Айсулуу! Эми ушинте бергенден бир нерсе чыгабы? Турсаң Айназик, отурсаң Айназик!..
– Мен энемин, Тимур. Кантип кызымды эстебейм?
– Эсте, каршылык жок. Бирок эми чеги менен да.
– Ал табылбай жатат. Мен санаадан өлөйүн деп калдым.
– Уф! Эми ачык айтканда, ал табылбай калса же табылган күндө да, атасы менен калса сен эмне кыласың?
– Антип айтпа! Сенсиң анын атасы.
– Айназик табылбаса биз жашашыбыз керек да андан ары. Табылат деп үмүт кылалы, издей берели. Бирок эми кечке Айназик деп ыйлап-сыктап отура берген болбойт го. Сен кечке санаа тартып отуруп, карачы, боюңдан да түшүп калды... Кичине өзүбүздү колго алышыбыз керек да.
– Сен таш боорсуң, Тимур!
– Таптакыр айтканды укпайт экенсиң.
– Айназик деп бир да санаа тарткан жоксуң, аны эстесем дароо сиркең суу көтөрбөй ачууланып чыгасың. Таш боорсуң.
– Сен да таш боорсуң, эгер ошончолук уккуң келсе. Эмнеге таштайсың кызды? Эмнеге? Сен кызыңды жоготтум деп жатасың, тиякта бир аял энесинин, инисинин көзү тирүүбү-жокпу билбей жүрөт. Ишенчээк бир адамга тийип алып анын жашоосун да талкаладың. Мунун баарына сен күнөөлүүсүң, эгер билсең!
– Мен сен деп келгенимди унутуп салдың.
– Келбей эле койсоң болмок. Эмнеге келдиң? Жашообуз тозок болмой болду. Экөөбүзгө каргыш тийди чынында.
– Акмаксың сен!
– Жаагыңды жаап кал! Өзүмдү араң кармап турам!- столду тарс уруп ордунан тура калды Тимур. Айсулуу үндөбөй калды. Анын сүйүүсү өткөн күздөн калган жалбырак сымал турмуштун шамалына ушаланып баратты.


ххх


– Назик, эшик тыкылдап жатат. Карап койчу?- Айбек ашканадан үн салды. Каалганын көзөнөгүнөн Назик ыйлап көздөрү шишиген Айсулууну көрдү. Келе элегине көп болгон. Акыркы окуялардан кийин экөөнүн ортолору алыстап кеткен болчу. Бирок ачпай коюуга арга жок эле. Каалганы ачты. Айсулуу араң турган экен, Назиктин моюнунан кучактап эле кеп-сөзгө келбей ыйлап баштады.
– Тынччылыкпы, Айка? Эмне болду?
– Мен кимге барарымды билбей калдым. Ичиме бук толуп батпай кетти. Жок дегенде сен кубалаба, Назик.
– Эмнеге кубалайм? Кирчи бас. Эмне, Тимур бир нерсе дедиби?
– Эх, Назик! Эмне мынча жашоо татаал, айтчы?- Назик эми гана Айсулуунун мас экенин билди. Аны жетелеп ашканага алып кирди.
– Эй, эмне ыйлап, Тимуруң бир нерсе дедиби?- Айбек чочуп кетти.
– Сен жөн турчу,- Назик аны кагып койду.
– Айка, Айка... Мен сага кандай сонун күйөө таап бердим эле? Азыр Азамат болгондо...
– Эй, сен жөн турчу. Тур, жумушка кеткени жатпадың беле? Кет,- Назик Айбектин сөздөрү үчүн ыңгайсыз болуп кетти.
– Ооба, кетсинчи, Назик! Биз бүгүн чер жазыша сүйлөшөлүчү. Армандарыбызды айтышалы.
А эркектер жок болушсун!
– Биротоло жок бололубу?- Айбек кайсарланып жооп берди. Ал өзүнөн-өзү эле ачууланып жатты.
– Эй, кетчи тур! Эмне эле болуп жатасың?
– Сен курбуңа күйсөң, мен досума күйүп жатам. Анын эмнеси бар экен?- Айбек сүйлөнүп ашканадан чыгып кетти.
– Билесиңби, Назик, мен жалгыз калдым. Жапжалгыз. Атам менен
1 жылдан өттү таптакыр сүйлөшө элекмин. Кечирим сурасам да болбойт. "Сендей кызым жок" дейт. Ушундай болмок беле? Таптакыр түшүнбөйм. Менин деле бактым үчүн күрөшкөнгө акым бар да, туурабы? Мен бактылуу болгонго аракет кылдым. Эмне, ошон үчүн күнөөлүүмүнбү?- бышактап ыйлап баштады Айсулуу.
– Айка, өзүңө кел. Көп эле ыйлай бербе. Көптөн бери көрүшпөй сагынышып калган окшойбуз. Эреркеп калыптырбыз экөөбүз тең. Шашпай сүйлөшүп отуралы.
– Ошентеличи. Айымдарды айымдар гана түшүнөт. Ичкенге бир нерсе барбы?
– Мен ичпейм го билесиң.
– Ушинтип айтарыңды билгем. Билгем да, ала келгем,- дайыма көтөрүп жүрүүчү кара сумкасынан шарапты сууруп чыкты. Аз өтпөй бокалдарга жарым-жартылай шарап куюлду.
– Сен дале мени жаман көрүп жүрөсүңбү?- Айсулуу күнөөлүүдөй Назикке карады.
– Эмнеге жаман көрмөк элем?
– Тимурга кеткениме, Азаматты алдаганыма. Сен жиндендиң, түшүнөм. Бирок, Назик, мен болгону бакыт издедим. Бактым, сүйүүм Тимур окшойт дедим. Көзүмдөн анын карааны учуп туруп алды. Менде башка жол жок болчу.
Билесиңби, мени бир да адам аяп койгон жок. Баары эле Азаматты айтышат. Бирок мен аны сүйө албай койдум. Ага карата таптакыр сезим жок болчу, түшүнсөң. Өмүр бою кантип жашайт элем, айтчы? Ооба, ал аябай жакшы киши, мага толтура жакшылык кылды. Бирок жүрөгүмдү козгой албай койду. Сүйдүрө албай койду.
– Эмичи, сүйгөнүң менен, Тимуруң менен бактылуусуңбу?
– Жок, ошол силер аяп жаткан Азамат баарын бузду. Кызымды жөн эле берип койсо болбойт беле? Мына 1 жылдан ашып баратат, таптакыр дайынсыз. Айназигим болгондо биз бактылуу үй-бүлө болмокпуз. Азамат менин жашоомду талкалап салды. Ал билет го кыз аныкы эмес экенин. Ал атайын өч алуу үчүн ушундай кылды. Жөн эле берип койсо болбойт беле?
– Балким, ал чындап эле Айназикти жакшы көрөттүр. Ансыз жашоосун элестете албай калгандыр.
– Азаматпы? Мына, аны менен 1 жылдай жашап ким экенин мен билем. Аны айылда баары "зөөкүр" дешет. Түшүнүп жатасыңбы, зөөкүр. Ал чындап эле ошондой. Айылда аброю да жок. Өзү менен өзү болуп эптеп жүрөт.
– Зөөкүр деп жатасың, сага бир жолу кол көтөрдүбү же кыйкырып уруштубу?
– Жок.
– Анда эмнеси зөөкүр?
– Эми жинди да. Эл ошентип айтат.
– Мисалы, мына, сени Тимур чааптыр. Көзүң көгөрүп жүрөт, аны эптеп косметика менен жашырыптырсың. Эми айтсаң, сага бир да жолу кол көтөрбөгөн Азамат жиндиби же көзүңдү көгөрткөн Тимурбу?
Саамга ойлонуп туруп калды Айсулуу. Бокалдагы шарапты бир дем менен жутуп жиберип «Мен... Мен жиндимин» деди ыйлап жиберчүдөй.
– Мен жөн гана бактылуу болгум келди. Тимурга жетсем эле бакытка жеткен болом, кызыбызды экөөбүз эркелетип, сонун кылып чоңойтобуз деп ойлодум. Ооба, Азаматка чыккынчылык кылдым. Эми жол таппай калдым... Эмне кылам? Жапжалгызмын. Турмуш ушунчалык татаал экен. Мен жөн эле кыялдар менен жашай бериптирмин. Алым кетип калды.
– Билесиңби, Айсулуу, сага катуу тийиши мүмкүн, бирок Айназиктин Азамат менен жүргөнүн ылайыктуу көрөм. Ал кызын кандай жакшы көрөрүн мен билем. Аны менен Айназик коопсуз чоңоёт.
– Кайсы бир күнү ал кармалат. Мен аны түрмөнүн түбүндө чиритем.
– А мен табылбай калсын деп тилейм.
– Билесиңби, Назик, сен жана мени жаман көрүп, Азаматты аяп жаткан башка адамдар силер чийинден чыккандан корккон адамдарсыңар. Силер коомчулук көрсөтүп берип койгон же атадан балага өтүп келе жаткан кандайдыр бир эрежелер менен гана жашайсыңар. Бактыңарды сынап көргүңөр келбейт. Мен сыяктуу адамдар силердин көзүңөргө желмогуз көрүнөт. Бирок мен болгону бакыт издеген адаммын. Ооба, чийинден чыгып кетем. Силер болсо бактыңарды сынагыңар келбей эле коркуп камалып отура бересиңер. Бакыт издегендерди көрө албайсыңар...
– Бирөөнүн көңүлүн калтырып, чыккынчылык кылып, көзүнө чөп салып туруп, анан ушунун баарын "мен бакытты издеп жатам" деп актанганы турасыңбы? Айка, бирөөнү бактысыз кылуу менен бакытка жеткенге болобу? Балким, тескерисинче болуп жүрбөсүн. Башканы бактылуу кылуу менен бактылуу болууга болоттур.
Айсулуу ордунан тура калды. Чыдабай кетти. Шарапты алды да, эшикти карс жаап чыгып кетти...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(12)
17.04.2018. 09:02 
Тайпасы:
Жаран
Комментарийлердин саны:
184
Катталган:
30-01-2012
Соӊку аракети:
17-11-2018 12:46
Жынысы:
Белгисиз
-2
Биринчи
17.04.2018. 09:09 
Тайпасы:
Жаран
Комментарийлердин саны:
9
Катталган:
02-02-2017
Соӊку аракети:
16-11-2018 23:28
Жынысы:
Белгисиз
-2
мен биринчииии))
17.04.2018. 09:21 
Тайпасы:
Жаран
Комментарийлердин саны:
17
Катталган:
17-10-2017
Соӊку аракети:
13-11-2018 13:14
Жынысы:
Белгисиз
+3
Самара Каримованы да карабай биринчи ушул эки сериалды окуйм го)))
17.04.2018. 09:27 
Тайпасы:
Жаран
Комментарийлердин саны:
137
Катталган:
07-05-2016
Соӊку аракети:
17-11-2018 00:47
Жынысы:
Белгисиз
Калаасы:
ГАЛАКТИКА
+3
Эч качан бироонун коз жашына бакыт кура албайсын деген ушул!
17.04.2018. 10:20 
Тайпасы:
Жаран
Комментарийлердин саны:
42
Катталган:
08-06-2015
Соӊку аракети:
16-11-2018 08:00
Жынысы:
Белгисиз
+2
Акылың менен да Жүрөгүң менен да суйсоң кандай сонун ээ)))
17.04.2018. 10:50 
Тайпасы:
Жаран
Комментарийлердин саны:
140
Катталган:
15-02-2013
Соӊку аракети:
17-11-2018 16:25
Жынысы:
Белгисиз
Калаасы:
Бишкек Новосибирск
+3
Аааа Айсулуу копту коросунго дагы
17.04.2018. 11:26 
Тайпасы:
Жаран
Комментарийлердин саны:
19
Катталган:
04-01-2018
Соӊку аракети:
18-11-2018 00:28
Жынысы:
Белгисиз
+2
Чындыкты уккусу келбейико
17.04.2018. 12:54 
Тайпасы:
Жаран
Комментарийлердин саны:
15
Катталган:
03-02-2012
Соӊку аракети:
24-04-2018 12:49
Жынысы:
Белгисиз
Калаасы:
москва
0
Сураныч коп коп жазгылачы,тойбой калган баладай эле болуп жаланып калабыз.
17.04.2018. 14:21 
Тайпасы:
Жаран
Комментарийлердин саны:
48
Катталган:
12-12-2017
Соӊку аракети:
16-11-2018 10:55
Жынысы:
Белгисиз
Калаасы:
KG.
+1
Ыым, чындык ушундай ачуу болот, уккуң келет, бирок ишенгиң келбейт... (((
17.04.2018. 15:37 
Тайпасы:
Жаран
Комментарийлердин саны:
149
Катталган:
10-03-2016
Соӊку аракети:
13-11-2018 22:50
Жынысы:
Белгисиз
Калаасы:
Кыргызстан
+1
Азамат красавчик
17.04.2018. 15:40 
Тайпасы:
Жаран
Комментарийлердин саны:
115
Катталган:
26-03-2014
Соӊку аракети:
18-11-2018 00:02
Жынысы:
Белгисиз
+1
Ээхх мээси жок катын
18.04.2018. 11:34 
Тайпасы:
Жаран
Комментарийлердин саны:
4
Катталган:
04-03-2018
Соӊку аракети:
16-11-2018 20:23
Жынысы:
Белгисиз
0
Shokoladka94,айтпаныз даана жинди экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: