Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ОШ БАЗАРЫ» 3 ЖОЛУ ӨРТТӨНДҮ. АНЫ АТАЙЫН ӨРТТӨП ЖАТЫШАБЫ?

№807 20-апрель -26-апрель, 2018-ж.


«Ош базарында» ушул жылы үчүнчү жолу өрт чыкты. Мындан улам аны атайын эле бирөө өрттөп жатабы деген суроо туулат. Бул боюнча кылмыш иши козголуп, тергөө иштери жүрүп жатат. Окуядан кийин эле шаар мэри Албек Ибраимов базардын башка жакка көчүрүлө тургандыгын айтып чыкты. Миллиондогон акчаларды күлгө айлантып соодагерлердин көз жашын көл кылган өрттөр эмнеден кабар берет?

«БЕРЕКЕТ» БАЗАРЫ БОЮНЧА ҮЧ ВЕРСИЯ КАРАЛУУДА»
12-апрелден 13-апрелге караган түнү Бишкектин «Ош базарындагы» «Берекет» кичи базарынан өрт чыгып, ал жүздөгөн ишкерлердин нанын тартып алды. Жалын 5400 чарчы метр аянтты каптады. Келтирилген чыгымдар так эсептелип бүтө элек. ӨКМнын өрт сыноо лабораториясы тарабынан өрт иликтөө иш-чаралары жүргүзүлүүдө. Окуя боюнча Кылмыш-жаза кодексинин 174 (мүлктү атайылап жок кылуу же зыянга учуратуу) жана 238-беренелери (өрт коопсуздугунун эрежелерин бузуу) менен кылмыш иши козголуп, тергөө жүрүп жатат. Кылмыш иши 3 версиянын негизинде тергелип жатат. Алар – атайын өрттөө, өрт коопсуздугунун эрежелерин сактабоо, «кызыкдар болгон атаандаштар тарабынан уюштурулушу мүмкүн» деген версиялар. Базарда ошол күнү 3 жерден бир учурда өрт чыккан. Андыктан атайын өрттөө версиясы негизги катары каралууда.
Өрт башталгандан 50 мүнөттөн кийин гана өрт өчүрүүчүлөргө кабар келген. Кубатбек Боронов депутаттардын суроолоруна жооп берип жатып «50 мүнөт өрттүн жайылышын күтүшкөнбү деген да ойго түртүп жатат» деди.
Ушуну менен «Ош базарынан» ушул эле жылы үчүнчү жолу өрт чыгып жатат. Буга чейин 30-январда жана 5-мартта да өрт чыгып, андан «Сейтек» жана «Берекет плюс» кичи базарлары өрттөнгөн.
Ушул эле түнү Жалал-Абад шаарындагы борбордук базарда да өрт чыгып, 1344 чарчы метр аянт күйгөн.

«ӨРТ КООПСУЗДУГУНА ЖЕКЕ ИШКЕР ӨЗҮ ЖООПТУУ»
Өрт коопсуздугун Экологиялык техникалык инспекциясы текшерет. «Берекет» базары бир жылда бир жолу текшерилчү объекттердин катарында. Бирок текшерүү пландуу жүргөндүктөн текшерүүчүлөрдүн келери базардагыларга маалым болот жана алар даярданып алышат. Эреже бузуулар аныкталган маалда да айып пулдарды төлөп коюп, андан ары иштей беришет. Бул тууралуу өрт маселеси каралганда Кубатбек Боронов айтты. Ал эми «Берекет» базарындагы текшерүүлөр тууралуу экотехинспекциянын өрт коопсуздугу боюнча башкармалыгынын башчысы Таалай Өмүрзаков төмөнкүлөрдү айтып берди:
– Ушул жылдын 23-мартында «Берекет» базарын текшергенибизде 18 пункттан турган эреже бузуу табылып, эскертүү берилген. Апрелдин аягында контролдук текшерүү болмок. Бирок ага жетпей өрт чыгып кетти. Мындан бир жыл мурда текшергенибизде дагы эреже бузуулар катталып,
50 миң сом айып салынган эле. Негизинен базарда унаа өтүүгө тоскоолдук көп жаралат. Өрт коопсуздугуна жеке ишкананын кожоюну толук кандуу жоопкерчиликтүү экендиги мыйзамда так жазылган.

«3 БАЛАМ МЕНЕН ТАЛААДА КАЛГАНЫ ЖАТАМ»
«Ош базарындагы» өрттөн улам 9 миллион сомдой акчамдан ажырадым» деген Алтынай Асаналиева 10 күн мурун эле абалынын мынчалык оор болуп каларын ойлогон эмес.
– Базар өрттөнүп жаткандыгы тууралуу түндө угуп, саат 3:40тарда барып калдык. Барсак, идиш-аяк саткан жер күйүп жатыптыр. Биздин орундар Киев көчөсү жакта болчу. Ал жакка өрт жете электе бир нерсебизди сактап калалы деп ошол жактагы милиция кызматкерлерине жалдырасак да «силер бир нерсе болсоңор, биз жооп беребиз да» деп көнбөй коюшту. Милиция, «Тез жардам» бар экен. Өрт өчүрүүчүлөр биз баргандан кийин жарым сааттан кийин келишти. Ага чейин баары өрттөндү, эч нерсебиз калган жок. Айрым документтерибиз да күйүп кетти. Бул окуядан кийин бутум баспай калган. Дарыланып, азыр басып калдым. Бирок азыр деле абалым жакшы эмес. Бир учурда баарынан айрылып калыш өтө оор экен.
Жолдошум «Ош базарында» 24 жылдай иштеди. Экөөбүз баш кошуп, ушул эле базардан нан таап келгенбиз. Бирок ушул жылдын февраль айында жолдошум каза болуп калган. Аны жерге берип, кыркын өткөрүп, башка жумуштарды бүтүрүп айылдан келгенимдин эртеси күнү ушул окуя болду. Биздин ал базарда эки чоң дүкөнүбүз жана 11 кичинекей орунубуз бар болчу. Айына 90 миң сом ижара акысын төлөчүбүз. Тумак, чепкен сатат элек. Мунун баарын күйөөм экөөбүз эч кимден жардам албай күнү-түнү иштеп тапканбыз.
Быйыл эле үйүбүз бүтүп, той берген элек. Бирок үйүбүз күрөөдө. Өзүбүздүн гана эмес, дагы бир курдашыбыздын үйүн күрөөгө коюп бир жарым миллион сом насыя алганбыз. Жалпы 9 миллион сомго жакын товарым өрттөндү. Мен эми эч нерсем жок кантип жашайм? Үч балам бар. Азыр аларга жол киреге да акча таппай калган абалдамын. Азыр бизге орун берсе деле менин сата турган эч нерсем жок. Компенсация төлөп берсе деп бийликтен жардам сурап жатабыз. Насыямды жаап алсам, пол жуусам да балдарымды багып кетет элем. Азыр мындай абал менен үйүмдөн айрылып, 3 балам менен талаада калганы жатам.

«ОШ БАЗАР» «ТУРБАЗАНЫН» ТАГДЫРЫН КАЙТАЛАЙБЫ?
1990-жылдары Бишкекте 500дөй соодагерди баккан «Турбаза» деген базар бар болчу. 2001-2002-жылдары бул базарда 3 өрт катталган. Акыркысы 2002-жылдын февраль айында катталып, базардын баарын жок кылган. Бул окуялардан кийин ал жактагы соодагерлер «Мадина» базарына көчүшкөн.
«Ош базарындагы» акыркы убакыттагы өрттөн кийин калаа башчы Албек Ибраимов базарды шаардын четине, чоң жолдордун боюна көчүрүү тууралуу планы бар экенин айтты. Бирок соодагерлер «шаардын четине ким барып соода кылат?» деп базардын көчүрүлүшүнө каршы экендиктерин айтышты. Базарды көчүрүү маселеси буга чейин да талкууланып, бирок ишке ашпай келген. Соодагерлердин арасында «атайын өрттөө болушу мүмкүн» деген версияны кармангандар да бар. Алар муну шаарда заманбап шарттардагы соода түйүндөрүнүн көбөйүп жаткандыгы менен байланыштырышат.
Базар жетекчилиги базарды толугу менен өзүнүн каражатына тургузуп берерин Албек Ибраимов соодагерлерди кабыл алган учурда айтты.


Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
25.04.2018. 04:40 
Тайпасы:
Жаран
Комментарийлердин саны:
464
Катталган:
20-04-2017
Соӊку аракети:
18-11-2018 00:30
Жынысы:
Белгисиз
0
Кырсыктын алдын албагандан ушундай окуя кайталанып жатат эбак эле оңдоп баарын текшерүүдон өткөрүп коопсуздук сакталса мынчалык болмок эмес кичине акчасын аяшып опол тоодой өздөрүнө түйшүк арттырышты
25.04.2018. 04:42 
Тайпасы:
Жаран
Комментарийлердин саны:
464
Катталган:
20-04-2017
Соӊку аракети:
18-11-2018 00:30
Жынысы:
Белгисиз
0
Кимге күч келиптир дейсинер түн ортосунда барып 1 эмес 3 жолу өрт койгонго. Просто баары эски коопсуздук сакталган эмес аягы ушул болду
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: