«ДО+ФА» ТАСМАСЫНЫН САУНДТРЕГИ ТАЛАШКА ТҮШТҮ

Кыздардан турган казакстандык «Жейран» тобу «До+Фа» тасмасына саундтрек катары жазылып, Арсен менен Раллиянын аткаруусунда элге тараган «Моменты» деген ырды казакча которуп, «Ыйлайсың дагы» деген аталышта ырдап чыгышкан. Казак аткаруучуларды угармандар «ыр кыргыздыкы, плагиат» деп сындап чыгышты. Топтун ырчылары сындагандарга «бизде автордук укук бар, ырга 5 жыл мурун ээлик кылганбыз» дешүүдө. Аткаруучулардын бири Арсендин менеджери: «Ырдын обонун, сөзүн, аранжировкасын жазууда бир нече адам катышкан. Алардын кимиси казактарга бергенин билбейбиз. Териштирүүгө деле кызыккан жокпуз»,- деди.
Ал эми «До+Фа» тасмасынын продюсери Эрнест Уметалиев ырды казактарга Азамат Такырбашев бергенин айтты. «Ырды «До+Фа» тасмасына саундтрек катары буюртма менен жаздырганбыз. Сөзүн Абир Касенов менен Акбар Сүйүнбаев, обонун Азамат Такырбашев менен Раллия жазган. Ырдын автордук укугу аткаруучуларда эмес, кино тартуучу топто. Аны казактарга берген Азамат Такырбашев тасманын продюсерлеринин бири. Чыгарма чыкканына 2-3 жыл болгондон кийин автордук укукка таянып, ырды кайрадан бирөөгө белек кылууга же сатууга биздин укугубуз бар. Биздин ырлардын казакча которулуп ырдалып жатканына сүйүнүшүбүз керек»,- деди.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Farm94

2018-04-24 11:15:41

Казакча вариянты деле жакшы чыккан алга Джейран тобу

cholpon119966

2018-04-24 11:16:45

Бири биринерден алышып беришип эле ырдап келе жатасынар бирок бул жолкусунда демек ырдын жаралуу тарыхы бизде жатат ондонот.

Комментарий калтыруу үчүн өз ысымыңыз менен кириңиз же каттоодон өтүңүз.

№ 807, 20-апрель -26-апрель, 2018-ж.