Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАРА ӨЗГӨЙ ПИАР. АЛ ЭМНЕ?

№396 4-10-июнь, 2010-ж.


Силер билесиңерби?

Шайлоо күндөрү жакындаган сайын пиардын түрдүү түсү көрүнө баштады. Өткөн аптада Азимбек Бекназаров өзүнө карата кара өзгөй пиардын (чёрный пиар) башталганын айтып өткөн. “Кара өзгөй пиар деген эмне?” жана ал кандай максатты көздөөрү жөнүндө материалды сунуштайбыз.

ПИАР ДЕГЕН ЭМНЕ?
Пиар – “Public relations” деген англис сөзүнүн баш тамгаларынан куралган түшүнүк. Ал “коом менен байланыш” дегенди билдирет. Америкалык президент Томас Жефферсон 1807-жылы Конгресске карата айтылган 7-кайрылуусунда бул терминди алгачкы жолу пайдаланган.

КАРАЛОО КАНТИП БАШТАЛГАН?
“Жакшы товар жарнамага муктаж эмес” дешет. Эгерде жарнамалык компанияны жүргүзүүгө убакыт, күч жана каражат жетпесе, анда кара өзгөй пиарды пайдаланышат. Кара өзгөй пиар кеңири түрдө 20-кылымдын 70-жылдарында АКШда өнүгө баштаган. Ал эми постсоветтик аймакта 1990-жылдардан тарта менчиктештирүү башталганда, аталган ишти аркалагандардын кызматын пайдалангандар чыккан. Бирок каралоону колдонгондор көбөйүп кеткендиктен, жыйынтыгында аткаминерлер өзү жөнүндө кандай жаман сөз укпасын, маани да бербей калышкан. Ошентсе да кара пиар токтоп калбай, күн санап кулачын жайып келет.

ИТ ҮРӨ БЕРЕТ, КЕРБЕН ЖҮРӨ БЕРЕТ
Атаандашын алсыздатуу же жок кылуу үчүн жамандоого кайрылгандар жыл сайын көбөйүп барат. Айрыкча бул процесс түрдүү шайлоо алдында күч алат. Талапкерлер бири-бирин чукуп, анын атын жамандаган маалымат чогултат да, ММКларга таратат. Азыркы учурда “кара өзгөй пиар деле – пиар” деген сөз өзүнчө макалга айланган. Анткени көбүнчө кара өзгөй пиар адамдын үрөйүн учурган маалыматтан туруп, ал калк арасында бат таркалат. Жыйынтыгында каралоону буюрткан адам душманын белгилүү да кыла алат.

КАРА ӨЗГӨЙ ПИАР. ЫКМАСЫ ЖАНА МАКСАТЫ
Дүйнөдө пиар, анын ичинде кара өзгөй пиар менен алектенген атайын компаниялар иштейт. Алардын кызматына төмөнкү максаттар менен кайрылышат. Кардар душмандын кадыр-баркын түшүргүсү келет же кандайдыр бир маселе боюнча макулдугун алуу үчүн "жарга такоону" каалайт. Кээде кардар душманын кичине коркутуп коюусун да суранат. Пиардын баасы жарнамага караганда бир кыйла кымбат болот. Анын адистеринин да милдети түрдүү болорун белгилөө зарыл.

ЖАМАНАТТЫ БОЛУУ ҮЧҮН ТАЗГА АЙЛАНГАН ЖЫЛДЫЗ
Каралоону көп колдонуучулардын катарына, албетте, атактуу жылдыздар да кирет. Мисалы, ырчы Бритни Спирс пиар боюнча алдына эч кимди чыгарбайт. 2008-жылы ал көптөгөн уюмдардын арасынан “Жылдын эң мыкты кара өзгөй пиарын колдонуучу” деген сыйлыкты алган. Ал бир жыл ичинде эле реабилитациялык борбордо дарыланып, чачын кырдырып, күйөөсү менен ажырашып, баласын тарттырып жиберип, жылдын соңунда ыр альбомун чыгарууга жетишкен.

ШАЙЛОО АЛДЫНДАГЫ КЫРГЫЗЧА КАРА ӨЗГӨЙ ПИАР
Буга чейинки коомчулуктун чоң кызыкчылыгын жараткан аты чыккан саясатчылардын телефон аркылуу сүйлөшүүлөрү кокусунан пайда болгон жайы жок. Кыргызстанда башка өлкөлөргө салыштырмалуу пиар жакшы өнүкпөсө да, 7-апрелдеги окуядан кийинки абалдын туруксуздугунан пиардын түрдүү түсү пайдаланыла баштады.

PR-адис Толгонай Стамалиева Кыргызстандагы пиар тууралуу төмөндөгүлөрдү айтып берди:
– Биздин өлкөдө пиар багыты шайлоо алдында эле жакшы байкалат. Башка учурларда солгун абалда турат. Мен Жаныш Бакиев менен Максим Бакиев жана Убактылуу өкмөттүн мүчөлөрүнүн телефон аркылуу сүйлөшүүлөрүнүн жазылып алып жарыяланышы үчүнчү күчтөр тарабынан жасалды деп ойлойм. Анткени Бакиевдердин телефон аркылуу сүйлөшүүсү эски болгонуна карабастан алар бир убакытта чыкты. Менимче, сенсация жаратуучу окуялар дагы алдыда.

КЫСКАЧА МААЛЫМАТ
Кара өзгөй пиар – кимдир бирөөнү же нерсени жамандоо жана каралоо. Бирок бул жерде сөзсүз эле ага карата калп сөздөр айтылбайт. Кара өзгөй пиардан тышкары “таза пиар” (жалаң мактоо) жана “кыйыр пиар” (кыйыр түрүндө) деген түшүнүктөр да бар.


ЮРИСТТИН АЙТУУСУ БОЮНЧА...
Кара өзгөй пиар түшүнүгү биздин мыйзамда түздөн-түз берилбесе да, төмөнкү беренелер боюнча жоопкерчиликке тартылат:
1. КРнын Жарандык кодексинин 18-беренеси боюнча, жаран өзүнүн кадыр-баркын түшүргөн маалыматты сот аркылуу жокко чыгарууга укуктуу. Андан сырткары ал келтирилген материалдык жана моралдык зыяндын ордун толтурууну талап кыла алат.
2. КРнын Кылмыш-Жаза кодексинин 127-беренеси боюнча, ушак, адамды маскаралоочу, чындыкка туура келбеген калпты билип туруп таркатуу акчалай айып менен жазаланат.

Суроого “Статут” юридикалык компаниясынын президенти, профессор
Бопоев Назаркул БОПОЕВИЧ жооп берди.
Дареги: Турусбеков көч. 86. Байланыш тел: (0543) 94-05-90


Жылмайып коюңуз!

Бек Борбиевдин күндөлүгүнөн:
2003-жыл, 17-октябрь. "Эми акыркы жолу концерт берип алайын. Андан соң сахна менен коштошом деп сөз берем".

"Бек Борбиевдин фанаттары" КВН командасы.

Эльвира Караева
koom@super.kg


«Супердин» сурак бурчу

КАРА ӨЗГӨЙ ПИАРГА КАРШЫ КУРАЛЫҢЫЗ БАРБЫ?

Элмира Ибраимова,
УӨнүн социалдык сектору боюнча координатору:
– Бир адамды түбөлүккө алдап койсо болот. Бирок бардык элди алдай албайсың. Бул убактылуу гана нерсе деп айтар элем. Ошондуктан сабырдуулук – менин кара өзгөй пиарга каршы куралым.

Өмүрбек Текебаев,
Убактылуу өкмөттүн төрайымынын орун басары:
– Ооба, куралым бар. Бул – убакыт. Бекеринен элибизде “калптын казаны кайнабайт, күнү кыска” деп айтылып калган эмес. Канчалык калп сөздөр менен каралашпасын, ак экениң бир күнү баары бир далилденет.

Бегалы Наргозуев,
ЖКнын экс-депутаты:
– Кара өзгөй пиар деле – пиар. Төңкөрүштөн кийин мен жөнүндө жаман-жакшы сөздөр айтылып жатат. Чет мамлекетте мындай нерселерди атайын жасашат. Бизде пиарды бекер эле уюштуруп беришет. Ошондуктан кара өзгөй пиарга чычалабайм.

Эдил Байсалов,
Убактылуу өкмөттүн төрайымынын аппарат башчысы:
– Мен кара өзгөй пиардын курмандыгымын. Мынакей, мени Акаев менен Бакиев 7 жыл бою ЦРУнун агенти кылып келди. Ушундан бери кара өзгөй пиардын курмандыгы болуп келе жатам.

Иса Өмүркулов,
Бишкек шаарынын мэринин милдетин аткаруучу:
– Мындай нерселерден коргонуунун куралы бул – ак, таза эмгек. Элге кылган эмгегиң ак, таза, баскан-турганың түз болсо, эч кандай кара өзгөй пиар сенин аброюңа шек келтире албайт.

Адахан Мадумаров,
“Бүтүн Кыргызстан” партиясынын лидери:
– Ар бир адамдын абийири жана актыгы күрөшө алат. Мына, менин кара өзгөй пиарга каршы куралым ушул. Абийирим ак болсо, эч кандай кара күч мени жеңе албайт. "Ак ийилет, бирок сынбайт" деп бекеринен айтылбаган.

Динара Молдошева,
ЖКнын экс-депутаты:
– Саясатта жүргөндө көптөгөн сөздөр, ушак-айыңдар чыга берет экен. Ошондуктан мындай кырдаал болуп калганда “ит үрө берет, кербен жүрө берет” дегендей мамиле кылам.

Бахияна Сатылганова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
07.06.2010. 14:09 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Эл суйлосо да,ушу обу жок Байсалов суйлобосунчу.Блютендерди уурдаганынан,дагы ушуга окшош былыктарын айынан.Оч,кыскасы!
07.06.2010. 15:42 
Тайпасы:
Кыймылы жок
Комментарийлердин саны:
16
Катталган:
04-04-2010
Соӊку аракети:
28-06-2010 19:49
Жынысы:
Белгисиз
0
imperator дос Байсаловдукундай мее жок сенде кыйын болбой еле койчу уурдаса Бакиевдикин уурдагандыр мен деле жардам бермекмин так что сен оч.
07.06.2010. 16:05 
Тайпасы:
Администраторы
Комментарийлердин саны:
138
Катталган:
14-08-2006
Соӊку аракети:
24-09-2018 16:56
Жынысы:
Белгисиз
Калаасы:
Бишкек шаары, Фрунзе көчөсү 402 (Исанов көчөсү менен кесилиште)
0
Бул жерге бири-бирибиз менен айтышпай, материал тууралуу оюбузду билдирсек!!!
07.06.2010. 16:12 
Тайпасы:
Кыймылы жок
Комментарийлердин саны:
45
Катталган:
10-04-2010
Соӊку аракети:
07-06-2010 16:08
Жынысы:
Белгисиз
0
))) кыргыздар ынтымактуу бололу )!
07.06.2010. 16:27 
Тайпасы:
Жаран
Комментарийлердин саны:
14
Катталган:
10-11-2008
Соӊку аракети:
19-04-2017 13:09
Жынысы:
Белгисиз
Калаасы:
Бишкек
0
ОО алдыда дагы коптогон интргалар жана бири бирине болгон кара озгойлук пиарлар алдыдаа. УО ким ким экени ошондо ачык калк алдында элекке тушот.
08.06.2010. 13:14 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Байсаловдукундай мээ жок болуп эмне ал Марстан тушуптурбу?же IQsu 200го басат бекен.Тоокчолук мээси болсо ушинтип кылгылыкты кылып коюп,мен курмандыгымын дебейт эле.
09.06.2010. 13:38 
Тайпасы:
Жаран
Комментарийлердин саны:
16
Катталган:
06-05-2008
Соӊку аракети:
21-09-2018 21:51
Жынысы:
Белгисиз
Калаасы:
Izmir шаары
0
император деген ким озу?
15.08.2010. 12:43 
Тайпасы:
Кыймылы жок
Комментарийлердин саны:
16
Катталган:
14-08-2010
Соӊку аракети:
01-12-2011 18:59
Жынысы:
Белгисиз
Калаасы:
Korea Seul
0
bul nerse ech kahcn butpoit, ideal'nyi adam jok da
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: