Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАЙСЫ ПОРОДАДАГЫ КОЙДУ БАКСАҢЫЗ БАЙЫЙСЫЗ?

№808 27-апрель -3-май, 2018-ж.


Кыргыздар илгертен мал менен жан сактап келет. Сойсоң эт, сатсаң акча болуучу койлордун өлкөдө кандай породалары бар экендигин, кайсынысы этинен, жүнүнөн киреше алып келерин изилдеп көрдүк.

СТАТИСТИКА
2017-жылы...

  • Кыргызстанда 5 277 775 баш кой болгон.
  • 12 620 тонна жүн өндүрүлгөн.
  • Экспорт: 844 баш тирүү кой Ооганстанга, Казакстанга, Тажикстанга, 161 тонна кой эти Иран, Бириккен Араб Эмираттарына, 73 930 даана кой жана козу териси Түркияга, Пакистанга, ал эми 10 баш асыл тукум кой породасы Сауд Арабиясына экспорттолгон.


«ТЯНЬ-ШАНЬ ЖАРЫМ УЯҢ ЖҮНДҮҮ КОЙЛОР ТЕЗ ЖЕТИЛЕТ»
Асанбек Ажибеков, Кыргыз улуттук агрардык университетинин кафедра башчысы, айыл чарба илимдеринин доктору, профессор:
– Кыргызстанда койлордун ата мекендик 5 породасы бар. Булар боюнча кыскача түшүнүк берсем төмөндөгүдөй.

АТА МЕКЕНДИК 5 ПОРОДА


ПОРОДАЛАРДЫН АЙРЫМ ӨЗГӨЧӨЛҮКТӨРҮ
Тянь-Шань жарым уяң жүндүү койлор тез жетилет. Жакшы бакса 6-8 айында этке төксө болот. Эти – мрамордуу, ширелүү, жумшак эт. Мрамордуу эттер дүйнөдө эң жакшы бааланат. Кээ бир койлордун майы өзүнчө,эти өзүнчө катмар болуп турса, булардын майы аралаш болот. Башкача айтканда, майын булчуңдардын аралыгына чачат. Муну эл көп биле бербейт. Ушундай породадагы койду багып, этин жарнамалап кымбат сатып пайда табууга болот.

Алай жарым кылчык жүндүү койлор ак жүн берет. Килем токууга негизги сырьё. Мурун Кара-Балтадагы килем комбинаты ушул породадагы кой жүнүнөн килемдерди чыгарчу. Эл колго килем токушат. Ушул койлорду багып, жүнүн чет өлкөгө сатууга болот.
Кыргыз уяң жүндүү жана кыргыз тоо меринос породалары төлдү, ал эми айкөл кылчык жүндүү койлор этти көп берет.

«ЭТ, МАЙ БАГЫТЫНДАГЫ КОЙЛОР КИРЕШЕ АЛЫП КЕЛҮҮДӨ»
Мурат Ташмамбетов, Жайыт, мал жана балык чарба департаментинин асыл тукум ишин координациялоо бөлүмүнүн башчысы:
– Өлкөдө кой чарбасында төмөнкүдөй эт, май багытындагы 3 порода да жайылган.
Жайдары породасы. Тирүү салмагы 60 килограммга жетет. Түштүк аймактарда көп, башка аймактарда ар жерлерде кездешет.
Гиссар породасы. Тирүү салмагы 70-120 килограммга жетет. Жалал-Абад облусунда абдан көп, Баткен, Ош облусунда көбүрөөк, башка жактарда аз-аздан кездешет. Куйруктары 20 килограммга чейин жетет. Багып-кароо кадимкидей эле. Убагында жемин, чөбүн, суусун бересиң. Учурда мындай койлорду багып бизнес жасоо жайылууда.
Эдильбай породасы. Казакстандан чыгарылган, бат чоңоюп, бат ирденчү, чакан куйруктуу кой. Орточо салмагы 65-70 килограмм. Жакшы багылган чоң кочкорлордун салмагы 90-120 килограммга жетет. Талас облусунун Манас районунда көп кездешет. Муну да багып, сатып бизнес жасап жатышат.
Жогоруда айтылган 3 порода кабыргага көп май байлабайт. Төш менен куйругуна май байлашат. Анан дагы жүндөрүнө учурда суроо-талап жок болгондуктан өрттөп жатышат.
Чакан куйруктуу койлордун этин Арабия, Египет, Иран өлкөлөрү сатып алышат. Элде породасы билинбеген же кыйратып эт, же жүн, же төл бербеген кой түрлөрү көп. Кирешелүү болбогондуктан аларды багуу максатка ылайыксыз.
Эми уяң жана жарым уяң жүндөр эмнеге керектелет дегенге келсек. Уяң жүндөр текстилге, жарым уяң жүндөр килем, кийиз, шырдактарга колдонулат. Ал эми трикотажга эки жүн тең керек. Аларды Кыргызстандагы трикотаж фабрикасы, комбинаты сатып алат. Кытайлар килограммын 200 сомдон сатып алып кетүүдө. Андыктан ушундай жүндөрдү берчү койлорду баккан да туура. Этти көп берчү породаны баккандар да утушат. Мисалы, алардын этинин килограммын 280-300 сомдон өткөрүшсө деле акча болуп жатпайбы.

«БИЗДЕ ЖҮНҮ КЫМБАТ ЖАНА КӨП ТӨЛ БЕРҮҮЧҮ УЯҢ ЖҮНДҮҮ КОЙЛОР БАГЫЛАТ»
Марат Сүйүнтбеков, Талас облусунун Кара-Буура районундагы «Лущихин» атындагы асыл тукум кой өстүрүү заводунун директору:
– Биз көп төл берүүчү уяң жүндүү кой породасын өстүрөбүз. Учурда 5500 баш кой бар, алардын 4506сы тубар койлор. Жер шартына жана багуусуна жараша экиден бешке чейин төл бере алат. Биз 100 койдон 115-145ке чейин козу алып жатабыз. Ак жүнү дүйнөлүк рынокто кымбат бааланат, суроо-талап жогору. Анткени тыбыты коюу, жүнү ичке, узундугу 8-15 сантиметрге чейин жетет. Тубар койлор 4,5-5,5, ал эми эң ири кочкорлор 15 килограммга чейин жүн берип жатат. 2017-жылы 25 тонна жүн алып, 1 килограммын 185 сомдон өткөрсөк, быйыл да ошончо тонна алып, бирок 250 сомдон сатабыз деп турабыз. Жүндү Шанхайдагы (Кытай) жүн иштетүүчү фабрикага ортомчулар аркылуу сатуудабыз. Бизге Англиядан атайын адистер келишип, койлордун жүнү дүйнөлүк стандартка жооп берет деп аныкташкан. Тирүү салмагы тубар койдуку 55-60 килограмм болсо, кочкорлордуку 85-125ке чейин чыгат. Демек, этти да жакшы берет.
Бизде бул породадагы койлор сентябрь айында сатылат. Баасы келишим баада. Сатып алуучулар Нарындан, Ысык-Көлдөн, Чүйдөн бери келип жатышат. 
Уяң жүндүү койлордун асыл тукум «Оргочор» (Жети-Өгүз району), «Лущихин» (Кара-Буура району), «Катта-Талдык» (Кара-Суу району) заводдору бар.

«БИР ЖЫЛДА ГИССАР КОЙЛОРДОН 400 000 СОМДОН АШЫК ПАЙДА ТАБАМ»
Ысмайыл Сулайманов, Кадамжай районунун Сулайманабод айылынын тургуну, «Эркин» фермердик чарбасынын ээси, 71 жашта:
– 1995-жылы фермердик чарбаны ачып, анда ангор породасындагы эчкилерди багып, жүнүн өткөзүп жүрдүк. Кийин жүндүн баасы түшүп кеткен соң эчкилерди Өзбекстандан гиссар породасындагы 200 баш койго алмаштырып, аларды багып, көбөйтүүгө өткөнбүз. Азыр алардын башы 800гө жетти. 400дөн ашыгыраагы тубар кой. 5-6 айлык козуларын 5000-6000 сомго, бир жылдык кочкорлорун 15 000 сомго дейре сатабыз. 4-5 жылдык чоң кочкорлор 40 000 сомго дейре киреше берет. Жалпысынан 1 жылда 400 000 сомдон ашык пайда түшөт. Сойсоң койлор 60-70 килограммдан эт берет. Куйругу 20-25 килограммга чейин чыгат. Койлорду 3 уулум жана койчумандарым болуп багабыз.

Кыргыз тоо меринос жана роман породасындагы койлор.


Канымжан Усупбекова
kеnesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(5)
01.05.2018. 16:15 
Тайпасы:
Жаран
Комментарийлердин саны:
904
Катталган:
12-09-2017
Соӊку аракети:
24-09-2018 10:15
Жынысы:
Белгисиз
+5
Гиссар койлорду баксамбы деп жургом)))
03.05.2018. 03:57 
Тайпасы:
Жаран
Комментарийлердин саны:
399
Катталган:
10-04-2013
Соӊку аракети:
10-09-2018 16:12
Жынысы:
Белгисиз
+5
Сүрөттөрүн аталыштары менен жүктөп койсоңор жакшы болмок экен.
04.05.2018. 09:48 
Тайпасы:
Жаран
Комментарийлердин саны:
5
Катталган:
16-01-2014
Соӊку аракети:
03-08-2018 14:54
Жынысы:
Белгисиз
Калаасы:
Жалал-Абад
+3
Пайдалуу макала экен. Мен Тоок менен бизнес баштайын дегем. Урматтуу Супер-Инфо Тоок бизнесси жөнүндө да, толук макала чыгарыгачы сураныч, тооктордун пародасы жана кандай шартта багууга болорун, анан албетте кирешеси туурасында
04.05.2018. 15:44 
Тайпасы:
Жаран
Комментарийлердин саны:
13
Катталган:
24-04-2018
Соӊку аракети:
23-09-2018 20:32
Жынысы:
Белгисиз
+1
Пайдалуу кенеш соонун макала экен.
Рахмат Супер инфо.
Эң керектүү маалыматтар азыркы учурдагы .
05.05.2018. 23:51 
Тайпасы:
Жаран
Комментарийлердин саны:
61
Катталган:
22-01-2018
Соӊку аракети:
23-09-2018 22:24
Жынысы:
Белгисиз
+1
Кыргыздар айтмакчы Движение кылгыла дагы беш жылдан кийин деле карасан муштумду туйуп движение кылыш керек деп журосунор
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: