Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Турусбек Жумалиев Кыргыз Республикасынын Эмгек сиңирген артисти: «АПАМДЫ ЖОГОТКОНДОН БЕРИ ӨЗҮМДҮ ТАБА АЛБАЙ КЕЛЕМ»

№808 27-апрель -3-май, 2018-ж.


Эне менен бала үчүн жаш, убакыт маанилүү эмес болсо керек. Чоңойдум, жетилдим деген күндө да эненин колдоосу, сүйүүсү, мээрими жетишпейт. Турусбек ага көз жашына мууна апасын эскерип отурду.


«АПАМ ОТУРГАН ЖЕР БОШ ЭКЕН...»
-Апам менин бир да концертимди калтырган эмес. Былтыр декабрь айында концерт берип жаткам. Башталарына аз калганда улуу эжем чалып «апам жандандыруу бөлүмүнө түшүп калды» деди. Эмне дээримди билбей калдым. Концерт башталганы турат. Сахна жасалгасы, башкалар...
Апам Токмок шаарында эжемдин колунда болчу. Барып келе калайын десем жетишчүдөй эмесмин. Эжем «абалы жакшы эле, сен концертиңди өткөрө бер» деди. Концерт башталып, сахнага чыгып сүйлөп жатып ар дайым апам отурчу жер бош турганын көрдүм. «Апам эмнеге жок, кеч калганбы?» деп ойлоп коём. Ооруканада жатканын көз ирмемге эсимден чыгарып коюптурмун. Сөзүмдү араң бүтүрүп сахнанын аркасына бардым, уулум келип «ата, концерт жакшы өтпөй жатабы? Эмне маанайыңыз жок?» деп сурады. Буулугуп эмне дээримди билбейм. Абалы начарлап баратканын билсе да, байкушум «Турусбекке чалбагыла, ал өзүн таштап жиберет» деп айттырбай коюптур. Адатынча мени аябай күтүптүр. Мен жеткенде каза болду.

«ИНИМ МЕНИ ДЕЛЕ ТҮШҮҢДӨ КӨРЧҮ ДЕП СУРАНЫПТЫР»
-Мен апама өзгөчө жакын болгонум үчүнбү, же алыс жакта көп жүргөнүм үчүнбү, же көңүлүнө караганым үчүнбү, эмнегедир апам балдарынын ичинен мени жакшы көрчү. «Башкаң бир тең, Турусбегим бир тең» десе, тамашалап «апа, антип айтпа, буларың мени жаман көрүп калбайбы» десем күлүп калчу.
Кичүү инимдин колунда көп жүрүп калды. Анан күндө эле чай ичип отуруп мени түшүндө көргөнүн айта берчү экен. Иним тажап кетип «апа, отуз күн үйүмдө болсоң ошол отуз күндүн баарында Турусбегиңди көрө бересиңби? Акча деле берейин, бир күн мени деле түшүңдө көрүп койчу» деп тамашалаптыр.
Туулган күнүмдө ар дайым өз колу менен жасаган нанын оротуп алып, таң атпай менин үйүмө келип калчу. «Кеч эле келбейсизби» десем уктай албай койдум деп коёр эле.
Дүйнө жүзүндө болуп жаткан жагдайлар тууралуу пикирлешип, талашып отурганды жакшы көрчү. Апамдын эс-тутумуна азыр да таң калам. Балдарынын, небере, чөбөрөлөрүнүн туулган күндөрүн, белгилүү даталарды унутпай мээсинде сактачу. «Тиги эжеңдин небересинин туулган күнү, унутпай чалып кой» деп эстетип турчу.
Ооруп калганда ооруканага чогуу барып көтөрүп, кийимдерин которуп, жуунтуп жүрсөм, бир күнү «Мени караганга эжеңди чакыр. Сени эркек дейт. Мени аял киши караганы жакшы» деди. Мен эмнегедир апамды аял катары карабаптырмын, ал менин апам да деп ойлогом. Ал менден кысынчу тура.
Артисттердин жашоосу эми аягы бүтпөгөн сапар да. Бир күнү Орусияга кетем же Казакстанга, же Ошко чакыруулар болуп калат. Мен келмейинче апам мени күтө берчү. Түндө бутумдун учу менен басып акырын жатып калайын десем да, апам үн чыгарып «и-ий, кагылайын, келдиңби, сени күтүп уктай албай койдум» деп калчу. Ал учурда аялым менен балдарым коңурукту кош тартып эле уктап жаткан болот (күлүп). «Мынча күтүптүрсүз, эми туруңуз, чай ичели» деп тургузуп алып чай ичип көпкө отуруп, анан уктачубуз.
Ойлоп көрсөм, апам экөөбүздүн ортобузда пикир келишпестик деле болбоптур. Бир жолу каникулга келсем, апам акча тартыштыгына байланыштуу Москвага «поезд менен эле кет» деди. Мен «учак менен эле кетем, акча таап бериңиз» деп туруп алгам. Айла жок акча таап учак менен узаткан эле.

«АПАМ ҮЧҮН ГЕЗИТТИ КАЙДАН БОЛСО ДА ТАПЧУБУЗ»
-Апамды жоготконума 4 ай болот. Ошол убактан бери өзүмдү таппай жүрөм. Кудайга шүгүр, балдарым, неберелерим, жубайым бар. Бирок дүйнөдө ээн калгандаймын. Менин ийгиликтериме менден аша сүйүнгөн аска-зоом апам жок. Мурункудай эле күндөр өтүп жатат, балким, андан да жакшы күндөр өтүп жаткандыр. Бирок апам жок. Бир капталым эңшерилип турганы турган. Эркек кишиге, жашы 60ка таяп калган адамга апасын эстеп эле мөгдөй бериш бир аз уят экен. Кечинде эсиме түшүп кетсе, тез эле жарыкты өчүрүп жатканга шашам. Көз жашым агып кетет.
Апам силердин гезитти жакшы көрчү. Бир жолу эжем гезит саткан күркөдөн таппай коюп «Супер-Инфо» жок экен, кайсы гезитти алып барайын?» деп мага чалды. Мен «башканы окубайт, ошол гезитти таап алып барыңыз» дегем. Апама кайдан болсо да гезитти таап алып барып берчүмүн.

«РЕЗИНА ӨТҮК КИЙИП АЛЫП ГЕКТАРЛАГАН ЖЕРЛЕРДИ СУГАРЧУ»
-Апам Турсун өзү күйөөдөн жаш калды. 8 баласын жалгыз чоңойтуп бутуна тургузду. Атам кайтыш болуп калганда мен Москвага окууга тапшырып өтүп кеттим. Каражатка байланыштуу Фрунзеден эле окуюн десем «жок, Москвага окууга өткөндөн кийин ошол жактан окуйсуң» деп болбой койду. Каникулга келгенимде бутуна резина өтүктү кийип алып, гектарлаган жерлерди сугарып жүргөнүн көрүп аябай боорум ооручу. Ошол учурда стипендиямды чогултуп апама такасы бар туфли, анан жапон жоолугун сатып келип бердим. Шиш така кийип кубанып айылчылап келген.
Чоң ата-чоң энеси барлар өз апасын «жеңе, байке» деп койчу эмес беле. Биз дагы апамды жеңе деп чоңойдук. Мен кийин эле апа дедим, агам ошол бойдон жеңе деп калды. Ошол агам каза болордо мени чакырып алып «Турусбек, жеңемди жакшы кара. Күйөөдөн жаш калды, көңүлүн калтырбагыла» деди. Апамды мага тапшырып кетти. Мен дагы бир туугандарыма «Күйөөңөргө, аялыңарга таарынсаңар тез эле жарашып аласыңар. Үй-бүлөлүк маселелериңерди апама угузбагыла, капа болуп жүрөгү ооруп калат» дечүмүн.
Балдарын жалгыз багам деп жүрүп апам жаштыктын доорун сүрбөй калды, кийин колумдан келгендин баарын алып берем деп ойлочумун. Айткандай, апамдын каалаган нерсесин алып бердим. Эң кымбатын, эң жакшысын, өзгөчөсүн алып келсем керек. Башка балдарынын белектерин карап «баары бир Турусбектикине жетпейт» деп калчу. Апама жаңы жылдык белек караштырып жүрүп бир жакшы нерсени көрүп калдым. Бере турган белегимди айтып «буюртма берип койдум, апа, буюрса, жаңы жылда киесиң» дегем. Белегимди алганга жетишпей калды (ыйлап). 31-декабрь күнү апам жарык дүйнө менен коштошуп кете берди.

"Кичүү уулум Эрланды чоң энеси жакшы көрчү".


Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(10)
01.05.2018. 09:39 
Тайпасы:
Жаран
Комментарийлердин саны:
109
Катталган:
15-04-2014
Соӊку аракети:
22-09-2018 12:24
Жынысы:
Белгисиз
+13
Апалар коп жашасынчы.
01.05.2018. 10:51 
Тайпасы:
Жаран
Комментарийлердин саны:
36
Катталган:
04-06-2017
Соӊку аракети:
14-09-2018 21:05
Жынысы:
Белгисиз
Калаасы:
Лондон
-13
Мен эле мен дей бергенби
01.05.2018. 13:12 
Тайпасы:
Жаран
Комментарийлердин саны:
15
Катталган:
12-04-2013
Соӊку аракети:
17-09-2018 19:32
Жынысы:
Белгисиз
+6
Негизи уй-булодо бир эле бала Ата-энеге куйумдуу болуп карайт.
01.05.2018. 17:00 
Тайпасы:
Жаран
Комментарийлердин саны:
39
Катталган:
15-03-2017
Соӊку аракети:
22-09-2018 14:56
Жынысы:
Белгисиз
+7
Жайы жаннатта болсун.Аамиин.
01.05.2018. 18:54 
Тайпасы:
Жаран
Комментарийлердин саны:
66
Катталган:
20-04-2016
Соӊку аракети:
22-09-2018 20:15
Жынысы:
Белгисиз
+4
Окунучтуу((
01.05.2018. 20:34 
Тайпасы:
Жаран
Комментарийлердин саны:
108
Катталган:
03-03-2016
Соӊку аракети:
22-09-2018 03:15
Жынысы:
Белгисиз
Калаасы:
Нарын
+4
Окуп алып ыйладым....ата энем бар кудайыма шугур ыраазымын..бирок чон апам жок 3 жылдан бери куйутум басылбай келет......тушумо кирип турчу..кирбей да калды.......жайы жанаттан болсун
02.05.2018. 11:22 
Тайпасы:
Жаран
Комментарийлердин саны:
377
Катталган:
01-02-2016
Соӊку аракети:
31-08-2018 12:35
Жынысы:
Белгисиз
+2
Жайы жаннатан болсун,сабыр кылыңыз
03.05.2018. 09:54 
Тайпасы:
Жаран
Комментарийлердин саны:
7
Катталган:
19-07-2013
Соӊку аракети:
20-09-2018 17:49
Жынысы:
Белгисиз
0
Биз балким азыр Ата-Энебиздин кадырына жете албай жургондурбуз...Мен да коп ойлоном, канткенде аларга сый корсотом деп,бирок жашоо оз агымы менен агызып баратат, иш...акча тапмай...уй-було бакмай... а жашоо отуп баратат...
07.05.2018. 11:41 
Тайпасы:
Жаран
Комментарийлердин саны:
30
Катталган:
10-08-2016
Соӊку аракети:
19-09-2018 23:30
Жынысы:
Белгисиз
0
Сабыр кылыныз бейишин берсин апаныздын.
07.05.2018. 15:17 
Тайпасы:
Жаран
Комментарийлердин саны:
239
Катталган:
13-05-2017
Соӊку аракети:
22-09-2018 10:16
Жынысы:
Белгисиз
0
кооооооп жашасын апалар...Апалар учун бааардык балдары бирдей...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: