Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№808 27-апрель -3-май, 2018-ж.


Бүгүн эмнегедир Айназикти алып кетчү чоң апасы кечигип жатты. Улам эшик тарапты карап коёт. Ыйлагысы келип жатты.
– Аня, бүгүн чоң энең кечигип жатат го?- тарбиячы орус кыз сүйлөндү. Бакчада Айназикти Аня дешет.
– Ал мага таарынды окшойт.
– Ким?
– Чоң энем.
– Эмнеге?
– Мен кечээ "бакчадан мама алып кетсинчи" деп сурандым эле. Ал ошого таарынып калган окшойт. Антип айтпай койсом болмок экен,-орусча божурап жатты наристе кыз.
– Койчу, чоң энең сени жакшы көрөт. Таарынбайт, коркпо.
– Бүгүн чоң энемден кечирим сурайм. Ал келери менен кечирим сурайм.
Бул кичинекей кыздын зиректигине таң калып койду тарбиячы.

ххх

Азамат эшикти өзүнүн ачкычы менен ачып кирди. Ашканада суунун шылдырап акканы угулат. Апам сууну өчүрбөй кеткенби деп ойлонду өзүнчө. Күрмөсүн кийим илгичке илип, ашканага кирди.

– Апа-а!- чочуп кетти. Бурул моюну кыйшайып, өң-алеттен кетип жатыптыр. Кыязы жатканына көп болгон окшойт, сол ныптасы мупмуздак.

– Апа-а, эмне болду?- тургузганга аракет кылды. Бирок Бурулдун денеси оорлоп калыптыр, моюну шалактап токтобойт. Көтөрүп барып диванга жаткызды да, "Тез жардамга" чала баштады.

ххх

– Сиз чочулабаңыз. Бирок бул инсульт. Эми, албетте, дарылоого туура келет. Коркуунун кажети жок. Кудайга шүгүр, жеңилирээк инсульт болгон. Бирок кайра кайталанбаш үчүн жакшылап дарылоо керек. Кайра кайталанчу болсо, аягы жаман бүтөт,- сүйлөп жаткан дарыгердин сөздөрүнүн бирин укса, бирин укпай кулактары чуулдап чыкты.

«Бардыгы менин айымдан болду. Менин азабымды тартып жүрүп, байкушум. Эми кантебиз? Айназик...»

– Айназик!- чочуп кетти, кыйкырып жиберди. Ал бакчада эмес беле. Таң калган орус дарыгер тапылдап чуркап кеткен жигитти таң кала узата карап калды.

Азамат сыртка чыгып эле чуркап жөнөдү. Такси деле тосо койсо болмок. Бирок эмнегедир аны ойлонгон жок. Чуркап кете берди. Бакчага чейин бир топ эле алыс болчу.

ххх

Ошол чуркаган калыбында келип эле шашкалактап бакчанын эшигин ачты.

– Айназик!- оор-оор дем алат. Көздөрү коркунучка толуп калган.

– Кызым!- экинчи жолу кыйкырды. Кийинүүчү бөлмөдөн тарбиячы орус кыз башын чыгарды. Ал чочуп кеткен көрүнөт, көздөрү тостоюп калыптыр. Аңгыча ошол жактан эле Айназик чуркап чыкты.

– Ата-а!- келип Азаматтын моюнуна асылды.

– Кечирип койчу, алтыным. Мен экинчи кечикпейм, ээ,- кызынын саамайынан жыттап сүйлөнүп жатты.

– Силей мага таайынды дедим.

– Эмнеге таарынабыз? Бар, күрмөңдү алып чык, кетели.

– А чоң энем кайда?

– Бол, кийинели, кел! Сизге рахмат! Мындай экинчи кайталанбайт,- тарбиячы кызга да актана кетти.

ххх

– Эмнеге чоң энем келген жок, ал мага таайынды го, ээ?

– Жок, таарынбайт, кызым,- кызын жетелеп алып, өзүнчө ойго чөмүп баратты.

– Мен «бакчадан мама алып кетсинчи» деп айтпасам болмок. Мен чоң энемди жакшы көйөм.

– Кызым, чоң энең таарынган жок. Ал бир аз ооруп калыптыр. Мен аны ооруканага жаткырып келе жатам.

– И-ий, анан укол сайыштыбы?- Айназик жалооруй карады.

– Ооба, эми ал бир топко чейин үйдө болбойт. Биз ага ооруканага барып турабыз.

– Жүй, байалы.

– Жок, эртең барабыз.

– Чоң энем мага таайынып оойуп калды го.

– Жок, кызым, таарынбайт. Билесиң го, ал сени жакшы көрөт.

Атасынын түрүн көрүп эле, Айназиктин маанайы түштү. Кабактарын чытып, өзүнө-өзү нааразы болуп жатты. «Мен чоң апамды таайынттым. Эртең аны өөп, кучактайм, кечийим суйайм» деп ойлонду. Кыз атасы экөө тең маанайлары суз бойдон үйүнө жетишти. Эмнегедир чоң апасы жок үй ээнсиреп калыптыр. Муздап да калгандай.

ххх

– Кызым, турагой, биз чоң апаңа барабыз.

Айназик муну угуп эле ойгонду. Эркелеген да жок. Эртелеп барып, чоң апасын көрүп, кечирим сурашы керек. Атасы анын бети-колун жууп, тыпыйтып кийинтип тамагын берди.

– Жүр эми кеттик.

– Мен мамалакты алайын. Ал жалгыз койкот го,- чуркап барып, баягы атасын издеп келген оюнчук мамалакты көтөрүп келди.

– Алсаң алып ал!

– Биз чоң апамды алып келебиз да, ээ?

– Сөзсүз, бирок азыр эмес, кийинчерээк.

ххх

Айназик барганча чоң апасына укол сайылып жатканын, анан ал ыйлап, дарыгерлер аны алдап момпосуй бергенин элестетип баратты. Ага укол сайганда дарыгерлер дайым ошентишет. Оорутуп ийне сайышат, анан кечирим сурап момпосуй беришет. Бирок чоң апасы ал элестеткендей ыйлап анан момпосуй жеп отурбаптыр. Бурулдун ак баскан чачтары жаздыгында туш тарапка жайылып, өзү болсо шыпты тиктеп, сүйлөөгө дарманы жок жатыптыр. Азамат Айназикти өйдө көтөрүп чоң энесине жакындатты. Антпесе керебеттен бою жетчүдөй эмес.

– Чоң эне, мени кечийип койчу! Сени жакшы көйөм,- чоң энесинин бетинен өптү. Анан колундагы мамалагын чоң энесинин жаздыгына жаткырды.

– Мамалак сени менен жатсын, ээ,- чоң энесинин күн нурларындай туш тарапка жайылган чачынан сылап койду кыз. Бурул болсо чарчагандай үшкүрүп, көздөрүн жайма-жай ирмеди. Дал ошол каректер ирмелип жатканда бир тунук жаш көзүнүн кычыгына толо түшүп, жүзүнөн ылдый жүгүрдү. Небересине ыраазы болдубу же буларга санааркап ыйладыбы, белгисиз болчу. Сүйлөйүн деди окшойт. Бирок алы келбейт.

– Апа, сүйлөгөнгө аракет кылба. Сен азыр өзүңө келишиң керек. Баары жакшы болот, коркпо. Дарыгер айтты, 2-3 жумада калыбыңа келет экенсиң. Болгону өзүңдү кыйнаба, санааркаба, макулбу,- Азамат да апасынын жүзүнөн өөп койду. Анан жасап келген шорподон куюп, кашыкка сузуп жайбаракат бере баштады.

ххх

Бурулдун ооруканада жатканына 10 күндөн ашты. Азамат менен Айназик жүдөп кетти. Жигиттин көздөрү чуңкурайып, кадимкидей арыктады. Ананчы, кызын бакчага таштап, кайра апасына барып, анын тамагын берип жанында болуп өйдөлөтүп жаткырып чебелектеп эле жүрөт.

Кудай жалгап Бурул да аз-аздан өзүнө келе баштагандай. Сүйлөп калды. Бирок сөздөрү так эмес чулдурап жатат.

– Не дейшиң?- мына, Айназик дагы түшүнбөй карап калды.

– Келчи, кучакташалы дейт,- Азамат апасынын сөздөрүн түшүндүрдү.

– Аа,- керебеттин кырында отурган кыз чоң апасынын көкүрөгүнө жыгылды. Алы кеткен колдору менен небересинин саамайын сылап, төбөсүнөн жыттады. Ушу божурап көп сүйлөгөн кызды өзгөчө сагынды. Наристенин жыты дем бергендей болду.

– Ша-диге ба-а-бы?

– Ыя?- чоң апасынын чулдураганы кызга күлкүлүү угулду. Кыткылыктап күлүп жиберди. «Садикке барып жатасыңбы? дейт деп Азамат которду. Чоң апасы болсо небересинин күлгөнүн көрүп, аргасыз өзү да күлдү. Үчөө заматта бактылуу боло түштү. Саамдан кийин баары күлүп бүткөндө Бурул Азаматка карап:

– Кетели?- деди жылмайып.

– Үйгө кетелиби? Азыр сага эрте.

– Жок,- сөөмөйүн көтөрүп жаңсады.

– Кыргызстангабы?

Көзүн жумуп, жылмайып алып башын ийкегиледи Бурул. «Ооба, сен тезирээк жакшы бол, кетебиз» деди уулу апасынын маңдайынан өөп...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(6)
01.05.2018. 09:11 
Тайпасы:
Жаран
Комментарийлердин саны:
12
Катталган:
10-07-2017
Соӊку аракети:
17-11-2018 07:22
Жынысы:
Белгисиз
-1
Уффф дагы бир жума кутобузбу
01.05.2018. 09:36 
Тайпасы:
Жаран
Комментарийлердин саны:
25
Катталган:
16-01-2018
Соӊку аракети:
23-08-2018 00:09
Жынысы:
Белгисиз
Калаасы:
Тоолордун чокусунда...
+5
"Не дейсиң?" деген жеринде, ый аралаш күлдүм))) Садагаолойун десе, ушул экөөнүн эле ортосунда, эркелеп чоңойо берсең экен...
01.05.2018. 11:38 
Тайпасы:
Жаран
Комментарийлердин саны:
77
Катталган:
22-01-2018
Соӊку аракети:
17-11-2018 10:53
Жынысы:
Белгисиз
0
эми эмне болот?
01.05.2018. 15:28 
Тайпасы:
Жаран
Комментарийлердин саны:
115
Катталган:
26-03-2014
Соӊку аракети:
17-11-2018 16:44
Жынысы:
Белгисиз
0
Эми эмне болот деп жума сайын санааркап кутом го
01.05.2018. 20:15 
Тайпасы:
Жаран
Комментарийлердин саны:
149
Катталган:
10-03-2016
Соӊку аракети:
13-11-2018 22:50
Жынысы:
Белгисиз
Калаасы:
Кыргызстан
0
Ммм
02.05.2018. 12:47 
Тайпасы:
Жаран
Комментарийлердин саны:
77
Катталган:
10-01-2015
Соӊку аракети:
06-11-2018 21:57
Жынысы:
Белгисиз
0
Ииий кызыктуу чыгарма даны кутмой.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: