Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Марс Жусукеев: «СЫНООГО ЭМЕС, ШЫЛТООГО СЫНЫП ИЧИП КЕТКЕН ЖАШТАРДЫ КӨРҮП ЖАНЫМ КЕЙИЙТ»

№808 27-апрель -3-май, 2018-ж.


Бишкектин четиндеги Арча-Бешик конушунда жайгашкан үйдүн эшигин кактым. Жерде боортоктоп жылса да кыймылы шамдагай, маңдайы жарык, көзүндө оту күйүп турган адам мени босогодон жылмайып тосуп алды. Өзүнө эмес, өзгөлөргө жардам издеген Марс Жусукеев бүгүн «Тагдыр» рубрикабыздын каарманы.

Эч ким баласына оору тилеп албайт. Улуу баласынын майып төрөлгөнүн түшүнүү менен кабыл алып, татыктуу тарбия берген ата-энесине уулу ыраазы:
– Мен 1984-жылы Бишкекте төрөлгөм. Атамдын аты Кумарбек, апамдыкы Айнур, 3 бир тууганмын. Төрөлгөндө врачтар колунан түшүрүп алганбы же бир нерсеге уруп алышканбы билбейм, кийин рентгенге түшкөндө башымда гематома (кандын уюп калуусу) болгон экен. Ошентип медициналык картама ДЦП деген диагноз жазылган. Тубаса майыпмынбы же врачтардын катасыбы билбейм, аны териштирген эч ким болгон жок, баары Кудайдын таразасында калды.
Балалыгым тууралуу элесимде тартылган тасма жок, анткени ал кезде ден соолугум аябай начар болчу, чоңойгондон эле баскан жокмун, анын үстүнө эске тутуум да начар эле. Так сүйлөй алчу эмесмин, 5 жыл мурун дарбаза такылдатып келген дааватчыларга кошулуп мечитке бара баштадым, намаз окуп, Куран жаттадым. Ошондон баштап сүйлөп калдым, эске тутуум да жакшырды, буюрса.

«Жакындардын, жакшы адамдардын колдоосу, бир ооз жакшы сөзү, жакшы маанайы кыйын жашоону жеңилдетет. Тагдырдын сыноосунда үй-бүлөм мага канат болду» дейт ал:
– Мен жаңы төрөлгөндө апамдын тааныштары «бул баланы бакпай эле кой, кыйналып каласың» дешкен экен. Эне үчүн бала биринчи орунда да, башкага кара көрүнгөн бала энеге ак. Апама ыраазымын, бардык кыйынчылыкка чыдап, энелик милдетин аткарып мени азыркыга чейин колдоп, бапестеп келет. Атамдын көзү өтүп кеткен. Учурда апам, мен, кызым болуп бирге жашайбыз. Үйлөнгөм, бирок тагдыр экен, ажырашып кеттик. Азыр кызым жанымда, 15ке чыгып калды. Иним менен карындашым өзүнчө түтүн булатып бөлүнүп кетишкен.

Өзүнө карата айтылган жаман пикирлерди намыс үчүн жеңип, жашоодон өз ордун табыш үчүн көп аракет кылганын айтат:
– 2006-жылы Сокулуктагы майып балдар үйүндө 5 жыл окудум. Тамак жасагандан баштап колубуздан келген кол өнөрчүлүктүн бардык түрүн үйрөтүштү. Ал жерде көп жүрөк титиреткен тагдырларды уктум, майыптарды көрдүм. Эки колу, эки буту жок көздөрүн жылтыратып балдар жатат, бети курттап кеткени, деги койчу, айткандан ооз үшүйт. Ошондо чыйралдым. Мен аларга салыштырмалуу бир колдоп болсо да өзүм тамак иче алам. Эми иштейин деп чечтим.
Бир туугандарым жип, кийиз алып келип беришкен. Алгач баштык, байпак токуй баштадым. Кийин кийиз менен иштеп, баштык, тапичке, телефон кап жасаганга өттүм. Башында окшошчу эмес, тырышып, мыйрыйып калат, кайра сөгүп, тигем. Апам «жаныңды кыйнабай, тикпей эле койчу, балам» дейт, мен болбой өжөрлөнөм.
Эң биринчи кардарларым бир туугандарым болду (күлүп). Анан дүкөндөрдүн алдына, эл көп чогулган жерлерге барып жайып алып сата баштадым. Кээ бирлерге жакпай калса «үйүңдө эле отурбайсыңбы, окшошпоптур, тырышып калыптыр» деген сындарды укчумун. Анан бир кол менен тигеримди айтып түшүндүргөнгө туура келчү. Ошентип колум көнүп кетти. Азыр ишим жакшы жүрүшүп калды. Мен да өз тирилигимди кылып, жашоо үчүн күрөшүп келем.

Айрымдар келечек эмес, бир күнгө максат коё албай келишсе, Марс мырзанын алдыга койгон пландары көп, аны ишке ашыруу үчүн ал болгон аракетин жумшайт:
– Былтыр намаз окуган байкелеримдин бири өз машинасын сатып, мага майыптар үчүн атайын араба алып берген. Эми көчөгө ээн-эркин чыгып, иштегенге жакшы мүмкүнчүлүк түзүлдү. Максатым – ден соолугунун мүмкүнчүлүгү чектелгендер үчүн чоң ишкана ачуу. Майыптарды багып турган ата-энесинин көзү өтүп кетсе, алар көчөдө калбаса экен дейм. Андыктан өз бутуна туруп иштеш үчүн кыздарга тамак жасаганды, андан ары өз ишин баштап кеткенди үйрөтсөм, балдарга да кол өнөрчүлүк, устачылык иштерин үйрөткүм келет.
Айрым жаштардын алты саны соо туруп сыноого эмес, шылтоого сынып ичип кеткенин көрүп жаным кейийт. Менин башымдан кыйынчылык өткөн жок дейсиңерби, өттү, бирок мен сынган жокмун.

Буга чейин бир колу менен гиря көтөрүү боюнча бир канча мелдештерди жеңген каарманымдын машыгып, келечекте паралимпиада оюндарына катышуу тилеги бар:
– Ишкана ачып калсам, түшкөн акчаны кайрымдуулукка, ден соолугунун мүмкүнчүлүгү чектелгендердин өркүндөөсүнө жумшайт элем. Үстүмдө жашап жаткан үйүм бар, андан ашыгынын кереги жок.
Келечекте паралимпиадага катышсам, анан миллион доллар утуп алсам, үй сатып алат элем. Анан ошол үйдү майып кызга үйлөнгөн балага же майып жигитке турмушка чыгып үй-бүлө кургандарга берет элем. Дени соолор менен катар майыптар дагы бала жытын искеп, үй-бүлө курганга акысы бар. Бул жашоого ошол милдет менен келишет да. Учурда өзүм дагы келинчек караштырып жүрөм. Жаш баласы менен болсо да үй-бүлө курсак, тамагын жасап, жанымда шерик болуп жүрсө дейм.

"Бир кол менен ийне кармап, тигүү оңой эмес. Азыр колум көнүп, жасаган буюмдарым окшошуп калды".


Асыл Орозбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(9)
01.05.2018. 09:52 
Тайпасы:
Жаран
Комментарийлердин саны:
20
Катталган:
20-09-2012
Соӊку аракети:
21-11-2018 00:37
Жынысы:
Белгисиз
Калаасы:
Ак Монгулуу Ала Тоо
+19
Ийгилик аке! Улгулуу экен.
01.05.2018. 10:06 
Тайпасы:
Жаран
Комментарийлердин саны:
336
Катталган:
01-02-2017
Соӊку аракети:
20-11-2018 18:51
Жынысы:
Белгисиз
+25
Аллах эки дүйнөнүн бактылуулугун берсин.
01.05.2018. 12:34 
Тайпасы:
Жаран
Комментарийлердин саны:
4
Катталган:
14-07-2014
Соӊку аракети:
30-10-2018 21:09
Жынысы:
Белгисиз
Калаасы:
Кемин
+25
Бул байкенин буюмдарын каяктан сатып алсак болот? Коп болбосо да жардамыбыз тийген болот эле. Келгиле ушундай мумкунчулугу чектелген жарандардан, кочодо сатып отурган кары энелерден 1 ден болсо да буюм сатып алып туралы, колубуздан келгенче. Сооп да болот.
01.05.2018. 13:47 
Тайпасы:
Жаран
Комментарийлердин саны:
4
Катталган:
09-09-2017
Соӊку аракети:
15-11-2018 20:03
Жынысы:
Белгисиз
+19
bem.03,Баха-Магистраль экоонун кесилишинде Фрунзе 3 деген гипермаркеттин тегерегинде кобунчо сатып калат...Ошол жака келсениз таба аласыз..
01.05.2018. 14:05 
Тайпасы:
Жаран
Комментарийлердин саны:
118
Катталган:
31-10-2017
Соӊку аракети:
25-09-2018 10:38
Жынысы:
Белгисиз
+17
Созсуз кыргыз жериме барсам сатып алам кучум жетишиче
01.05.2018. 22:30 
Тайпасы:
Жаран
Комментарийлердин саны:
10
Катталган:
25-01-2018
Соӊку аракети:
22-05-2018 23:39
Жынысы:
Белгисиз
+17
Аябай ыймандуу байке коп кором намазын калтырбайт,намаз убагы келгенде соодасын жыйнап шашып кетет
02.05.2018. 15:47 
Тайпасы:
Жаран
Комментарийлердин саны:
13
Катталган:
14-04-2017
Соӊку аракети:
20-11-2018 11:48
Жынысы:
Белгисиз
+9
Азамат экен. азыр дени карды соо эле иштебей же уй було курбай же озун бакпай жургондор толтура го.
02.05.2018. 22:29 
Тайпасы:
Жаран
Комментарийлердин саны:
154
Катталган:
07-05-2012
Соӊку аракети:
20-11-2018 20:03
Жынысы:
Белгисиз
Калаасы:
Astana
+7
Аллах эки дуйно бактулук берсин сиздин айткандарынызды окууп козумо жаш тегеренди буюруса алабыз буюмдарыныздан берекесин берсин аман болунуз....
06.05.2018. 17:46 
Тайпасы:
Жаран
Комментарийлердин саны:
37
Катталган:
01-02-2016
Соӊку аракети:
17-11-2018 19:38
Жынысы:
Белгисиз
0
Азаматсың,Алла тилектериңе жеткирсин,ден соолукта бол
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: