Руслан Абылов: «КОНЦЕРТИМ – 5 ЖЫЛДЫК ЭМГЕГИМДИН ЖЕМИШИ»

"Башка жанга чалба", "Дария", "Бийкеч", "Кыргызымдын сулуу кыздары" аттуу ырларды аткарып жүргөн ырчы Руслан Абылов 5-май күнү Бишкек шаарындагы Спорт ордосунда алгачкы жеке концертин бергени турат.

– Руслан, концерт бергени жатыптырсың, толкундоолор болуп жаткандыр.
– Толкундоолор бар. Колдон келишинче аракет кылып жатабыз. Өзгөчөлүгү – сахнага ар бир чыккан ырчыны жандуу музыка коштойт. Алпаруучулар болот, албетте, бирок эл менен өзүм көбүрөөк баарлашып концертти жандуу кылганга аракет кылам. Режиссёрлор менен бирге концерттин программасын иштеп чыктык.

– Чыгармачылыгыңа, концерт уюштурууга жардам бергендер барбы?
– Чыгармачылыкка аралашканыма 5 жыл болуп калды. Концертим – 5 жылдан берки эмгегимдин жемиши, өзүмө отчёт десем болот. 10дон ашуун ыр жаздырып, бир нече клип тарттырдым. Эч кимдин колдоосу, жол көрсөтүүсү, демөөрчүсү жок эле өз аракетим менен жүрөм. Ырчы болуу кыялыма жетүү үчүн бир топ аракет кылдым, чет жерге барып иштеп жүрдүм. Убактымды, эмгегимди жумшаганым текке кетпей мен тилеген күн келип отурат.
Концертти өткөрүп алгандан кийин өзүм үчүн экинчи секирик катары ырчылыкка белсенип киришем деп турам.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

Tyty1990

2018-05-01 09:56:14

Капа болбосун бирок тааныбайт экем

Nevestkaa

2018-05-01 10:50:21

Абылов десе Чоро тобундагы бала окшойт десем,вообще эле башка адам го.

Siren90

2018-05-01 19:38:16

Эл таанып, ырларын куткон ырчылар концерт берсе жакшы болмок, негедир акыркы жылдары туйшугу аз, акчасы коп той-топурга эле чуркап калышты...

cholpon119966

2018-05-02 23:26:01

Руслан Абылов, концертиниз мыкты денгелде отсун. Клиптеринизди ырларынызды угуп бийлеп журобуз.

portugalia

2018-05-03 21:28:07

Ырчылар кобойуп,тааныбай да баратабыз копчулугун.

ilgiz-kg01

2018-05-04 13:38:49

Ушундай ырчы бар беле ырларын угуп көрөйүнчү!

Комментарий калтыруу үчүн өз ысымыңыз менен кириңиз же каттоодон өтүңүз.

№ 808, 27-апрель -3-май, 2018-ж.