Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Керим Турапов: «МЕНИН ОРДУМА КЕЛЕМ ДЕГЕН ЫРЧЫЛАР КӨП ЭКЕН»

№396 4-10-июнь, 2010-ж.


“Апам жапкан нанды сагындым” деген кайрыктар ата-энеден алыс жүргөн кайсы гана адамдын кусасын арттырбайт. Мына ошол кайрыктарды адамдын жүрөгүнө тамызып, каректерге сагыныч жашын пайда кылган ырчы Керим Турапов биздин коногубуз.

– Керим мырза, бүгүн Кыргыз улуттук филармониянын директорлугун өткөрүп бериптирсиз. Өйдө жактан “кет!” деген кысым болдубу?
– Маданият министри келгенде эле “реформа жасайм, 4-5 театрдын жетекчилигин алмаштырам” деген. Алардын ичинде Улуттук филармония, Кыргыз драма театры, Мамлекеттик цирк, Опера-балет театры жана маданий борбору бар. “Алмаштырам” деген сөздү укканда эле “керегим жок болсо, кетейин” дегем. Мына, бүгүн толугу менен өткөрүп бердим. Министр “заман талабына ылайык жаңылануу киргизе алган, энергиялуу жаштардан алып келем” деп айтканынан макул болдум. Менин “кетпейт элем” деп кармашканга статусум жол бербейт. Андай кадамга баргым да келбейт.
– Филармонияда иштеп жүрүп эмне таптыңыз да, эмне жоготтуңуз?
– Филармонияга мындан тогуз жыл мурун жаңы барганымда суу келүүчү түтүктөрүнүн баары чирип кеткен, душ, кондиционер деген жок, тамеки жыттанган сарай эле. Анан баарын жаңылап, ар бир гримдөөчү бөлмөгө кондиционер койдурдум. Кыскасы, укмуш оңолду. Азыркы директор тамеки чегип, эки жыл жөн эле отура берсе болот. Филармонияны үйүмдөн да жакшы карадым. Коридордо баратып, жерден ширеңкенин бир талын көрүп калсам да, алып ыргытчумун.
– Өз үйү­ңүздөн да артык көрүп калсаңыз кызматтан кетиш кыйын болду го. Айрым чиновниктердин жумушунан түшүп калганда өзүн таштап, "жинди сууга" алдырып жибергендерин угуп жүрөбүз. Сиз канттиңиз?
– Мен да бир аз жаман болдум. Ушунча эмгек жасап, анан басып кетиш оңой эмес. Бир аз убакыт өтсө “сен бизге керексиң” деген адамдар чыкса керек. “Туулган жерди сагынуу” деген ырымдын клиби бар эмеспи. Клиптеги үйдө менин балалыгым өткөн. Ошол үйдө беш жылдан бери кара кулпу илинип турат. Айылыма барып, кара кулпуну алып, ата-энем жашап өткөн үйдө сентябрь айына чейин эс алайын деп жатам. Көптөн бери көрүшпөгөн туугандарым бар. Алар менен сагынычты таратып, ата-энеме куран окутуп дегендей.
– Эмне үчүн сентябрга чейин?
– Анткени бул айдан тартып Асанкан Жумакматов атындагы симфониялык оркестрде ырчы болуп иштейм. Оркестр жакында жайкы өргүүгө чыгат да, кайра күзүндө келет. Ошондо мен дагы жумушка чыгам.
– “Сыртынан билинбегени менен филармония интригага жык толгон” деген сөз чынбы?
– Ал жерде 500 адам иштейт. 500үнүн 500 кыялы бар. Ар бирин чачынан сылап эркелетсең тартип болбойт. Тартип жок жерде ийгилик болбойт. Мени кетет дегенде эле Курмангазы Азыкбаев, Гүлшайыр Садыбакасова, Асылбек Өзүбеков, Исрадин Аманбаев, Апаз Жайнаков, Замирбек Үсөнбаев, Бермет Байкелова дегендер “мен директор болом” деп чыгышты. Булардын аттарын мага министр атап берди. Менин ордума келем деген ырчылар, дегеле, чыгармачыл адамдар көп экен. Даяр адистердин көп экенин укканымда көңүлүм ток болуп, арызымды жаздым да чыгып кеттим.
– “Ак жол” партиясынан депутат болдуңуз. Бул партияга өз каалооңуз менен эле кирдиңиз беле?
– Албетте, чакырышкан. “Мен үгүттөө иштериңер менен эле жүрө берейин” десем болушпай, депутат болчулардын тизмесине кошуп коюшуптур. Депутаттык антымды бергенден кийин трибунадан мандатымды таштап кеттим.
Депутат болсом баш-отум менен кирип, мыйзам иштеп чыгышым керек. Мага андан көрө дүркүрөгөн кол чабууларга арзуу бийик болду. Депутаттыктан кеттиңби, автоматтык түрдө партиядан да чыгарыласың. Ошентип “ак жолчу” да болбой калгам.
– Бирөөгө депутаттык орун керек болуп, анан сизди кетиришиптир го...
– Бул 100 пайыз калп. Орун керек болсо мени эмес, бир да жолу трибунага чыкпаган, өмүрү оозун ачпагандарды кетиришмек.
– Эми суроолорду жеке турмушуңузга байланыштуу берсем. Романтиксизби?
– Аябай. Чарба иштеринде болобу, үй-бүлөдөбү, чыгармачылыктабы, укмуш берилип кыялданып, фантазиям менен иш кылам. Кыла турган ишимдин оңунан чыкпасын сезсем да, болот деп кыялымдагыны жасай берем. Кудай деген адаммын да, көбү мен ойлогондой болуп чыгат.
– Казиного барып турасызбы?
– Өмүрүмдө бир жолу борбордогу казинолордун биринин ачылышында ойногом. Анда деле атайын эмес, программада ошондой жери бар экен. Тез эле 500 доллар утуп алдым. Кайра заматта уттуруп жибердим. Үйгө баратканда келинчегиме “казино сонун турбайбы, кызыгып калдым” деп айтсам, ал аябай урушту. Ошону менен экинчи ойногон жокмун.
– Канча жашка чейин ырдайын деп жатасыз?
– Жашы өтүп калган адамдар, негизи, сахнанын көркүн бузуп коёт. Мен азыр элүүдөмүн. Буюрса, 70 жашка чейин ырдайын деп жатам. Андан кийин радиодон сүйлөй берем, ырдай берем дегендей.
– Өзүңүздү келишимдүүмүн деп эсептейсизби?
– Күнүгө беш бармак жей берип, семирип кеткен ырчылар жүрүшпөйбү. Мен да мындан 7-8 жыл мурун курсагым салаңдап, семирип кеткем. Анан айрымдар “курсагыңды жоготпойсуңбу, өзүң сахна адамы болсоң” дей башташты. Ошондон кийин майлуу тамакты аз жеп, дене-мүчөмө көңүл бура баштадым. Азыр кышы-жайы дебей жер-жемишке, салатка басым жасайм. Эртең менен сөзсүз ботко жейм. Келишимдүү эле болсом керек. Бирок жаз келгенде эле капкара болуп кетем. Ал эми кышында апакай жигитке айланам.
– Сизди “сулуу кыздарга көп тийишет” дешет го...
– Мени сулуу кыздар карабайт да. Анткени жагымдуу эмесмин деп койбоюнбу, тамаша. Кыздарды гүлгө салыштырабыз. Татынакай гүлгө, күлүк атка ким гана суктанбайт? Мен бардык сулуулукту жакшы көрөм. Сулуу кыздарга суктанбаган жигиттин жүрөгү жок.
– "Түбөлүк достук болбойт, түбөлүк кызыкчылык болот" дегенге кошуласызбы?
– Буга бир чети кошулам, бир чети кошулбайм. Кошулам дегеним колуңда бирдеме болсо шынаарлап калышат да, колуңда болбосо көздөн кайым болушат. Чыныгы досторду акыреттик деп коёт эмеспизби. Менин жакын досторум акыреттик дегенге татыктуубу же жокпу билбейм. Кудай жалгап, достордон күйө элекмин.
– Катуу таарынган адамыңыз барбы?
– Атын атабай эле коёюн, бир адамга аябай катуу таарынгам. Ал экөөбүздүн ортобузда пикир келишпестик болгон. Анан ал менден алчу өчүн кызымдан алган. Анда кызым музыкалык мектепте окучу. Кызыма баа койбой көпкө кыйнаган.
– Уул-кызыңыз бой жетип, небере жыттоочу учур деле келип калды окшойт...
– Буюрса, Салия экөөбүз эртең-бүрсүгүнү келиндүү болобуз деп турабыз. Маданият министрине “мунун үч аялы бар” деп айтып барышыптыр. Бирок менин жападан жалгыз эле жубайым бар. Балдарымды ушунчалык жакшы көрөм. Эмне иш жасасам да, ошонун пайдасы балдарыма тийсе экен деп турам. Кызым Айтурган Улуттук консерваториянын пианино бөлүмүн "5ке" аяктап жатат. Буюрса, айылга ал да барат. Уулум Канат 27де. Юрист кесибине ээ болгону менен, жеке ишкер. Үйлөнө элек.
– Маегиңизге рахмат. Жакшы эс алып келиңиз.
– Ылайым кыргыз элинин маданиятында болуп көрбөгөндөй ийгиликтер жарала берсин. Атагы дүйнөнү дүңгүрөткөн таланттар чыксын.

БИРИНЧИ ЖОЛУ...

  • 5-классында ат кулактын куураган жалбырагын кагазга ушалап, тамеки кылып тартып көргөн.
  • 7-классында классташы Арзыканга кат жазган.
  • 8-класста спирт ичимдигин таткан.
  • Кыз менен 18 жашында өбүшкөн.
  • Үйдө казан-аяк көп эле кагышат. Биринчи жолу жубайы менен эмнеге урушканы эсинде жок.
  • Өзү жөнүндө көп эле ушак уккан. Кайсынысы биринчи токулганын унутуп калган.

ЫҢГАЙСЫЗ СУРООЛОР
– Кечиккен сүйүүгө кабылдыңыз беле?
Кудай жалгап, ошол нерсе болгон жок. Жеңеңди эле сүйүп келе жатам.
– Көчөдөн кыз-келиндер тийишип калса кандай жооп кайтарасыз?
Тамашасына дал өзүндөй тартынбай туруп жооп берем.
– Кыргызды алга сүйрөп кете турган лидер ким деп ойлойсуз?
Азыр “иштейм” дегендерден ашып кетсе он жигит бар. Алардын баары татыктуу. Биринин атын атасам, экинчиси таарынып калат.
– Жердешчилсизби?
Жок. Досторумдун баары ар кайсы аймактан.
– Мал сойгонду билесизби?
Бир да жолу союп көргөн эмесмин. Тоок менен койду союп беришсе, жиликтей алам. Бодо малды байлай баштаганда эле коркуп качып кетем.
– Кыз ала качууга катыштыңыз беле?
Башымдан өткөн эмес.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
08.06.2010. 15:22 
Тайпасы:
Кыймылы жок
Комментарийлердин саны:
92
Катталган:
01-08-2009
Соӊку аракети:
10-01-2016 15:43
Жынысы:
Белгисиз
0
Керим Тураповтон башкасына филармонияга татыктуу эмес!
Ministir oz kabinetinde olturup ele buiruk berip zamanga jarasha ozgortso bolmok janycha.
08.06.2010. 16:54 
Тайпасы:
Кыймылы жок
Комментарийлердин саны:
30
Катталган:
07-06-2010
Соӊку аракети:
19-05-2013 22:48
Жынысы:
Белгисиз
Калаасы:
Бишкек
0
Керим Тураповдун "Апам жапкан нанды сагынам" ыры аябай жагат. Филармониядан кеткени окунучтуу
09.06.2010. 00:55 
Тайпасы:
Кыймылы жок
Комментарийлердин саны:
92
Катталган:
01-08-2009
Соӊку аракети:
10-01-2016 15:43
Жынысы:
Белгисиз
0
kyzy suluu eken bir jerde korgondoi bolup jatam.
Interesno kto skajet ona zamuzhem net?
12.06.2010. 09:48 
Тайпасы:
Кыймылы жок
Комментарийлердин саны:
5
Катталган:
12-06-2010
Соӊку аракети:
14-06-2010 08:43
Жынысы:
Белгисиз
0
Жена не красивая
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: