Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№397 11-17-июнь, 2010-ж


(Башы өткөн сандарыбызда)

– Рак…
Уккан кулагыма ишене бербей, ээсим оой түштү. Врач дагы эмнелерди айтканын уга албадым. Чамасы, диагнозумду далилдеп жатса керек. Кулагым чуулдап, мээм чыңалып чыкты. Врачты телмирип карап отура бериптирмин. Канча отурганым Кудайга, анан ошол врачка белгилүү. Көптө барып акылымды топтодум.
– Жакшы калыңыз...- деп айтканымды врач уктубу же жокпу, ушинтип айттымбы же айтпадымбы, айтор, чыгып кеттим. Ыйлай алган жокмун. Кайда баратканымды билбей, тек гана жинди немедей бет алды кете бердим. Үйгө да, жумушка да баргым келген жок. Акыры сейил бакка жөнөдүм. Бул жерде эс алуу мага жакчу. Анткени кызыл-тазыл селкинчектер, наристелердин тунук, таза күлкүсү, кайсы бир нерсени талашып ыйлаган ыйлары да жагымдуу угулчу. Бул жагымдуу ызы-чуу сарсанаа ойлордон, өзөгүмдү өрттөгөн ызадан бир аз болсо да арылтып, көңүлүм ачылып калар эле.
Жай күнүндөгүдөй эл көп болбосо да, орундуктар бош эмес экен. Чоң каруселдин жанындагы орундуктан жай таап отурдум. Көзүмдөн жаш чыкпай буулугуп, көкүрөгүм куйкаланып жатты. Өмүр менен өлүмдүн ортосунда калганымды эми даана туйдум. Бутум дагы бир тагдырдын тузагына илинген экен. Рак... Бул өмүрүң чектелүү деген сөз эле. Үйгө кеч кайттым. Ошол күндөн тартып жашоо мага таттуу, ар бир күнүм кымбат боло баштады. Алтургай азаптарга тушалып, башымдан шор арылбаса да жашагым келип, өмүрдү баалай баштадым. Жашоо, жарыктык кандай таттуу экенин сездим. Саналуу калган өмүрүмдө көп нерсеге жетишүүнү каалап жаттым. Ошол аздыр-көптүр өмүрүмдү татыктуу жашап өтүүгө бел байладым.
Апамды аяп, бир туугандарымды сагынар элем. Бактияр келбесин билсем да, тымызын күтүп, кусаланам. Айлана-чөйрөмө суктана карап, жанымдагыларга аяр мамиле кылып калдым. Махабатым менен бактым гана кыска болбостон, жанымды сыздаткан дартымдан азаптанып жашай баштадым. «Шаарга келбей эле койбой». Ушинтип көп өкүндүм. Билимимди жогорулатып, шаардан келечегиме жол табам деп келбедим беле. Ооба, келечегимди таптым, бирок кайра жоготтум. Көзүмдөгү нурду көз жашка, дилимдеги аруулукту ызага, жүрөгүмдөгү арзуумду азапка, соолугумду дартка алмаштырып, көөдөнүмдү өксүккө толтуруп алдым. Айтса, айтпаса төгүнбү, кайсы бир күнү өмүрүмдү өлүмгө алмаштырарым да анык болуп калбадыбы. Мүмкүн врач айткандай, диагнозум ката чыгар. Ар нерсени ойлонуп отуруп, оюма нелер гана келбеди. «Эгер мени бул оору өлүмгө жеткире турган болсо, анда Бактияр экөөбүз чыныгы дүйнөдө табышабыз. Кыяматта өлгөндөр тирилип, жалган дүйнө менен чын дүйнө бириккен кезде бизге кайрадан нике кыйылып, периштелер күбө өтөт. Ал эми жалган дүйнөдө биздин жүрөгүбүздү сыздатып, эки башка жолго кетүүбүзгө себепкер болгон наадандар тозок отунда куйкаланып жаткан болушат. А Бактияр экөөбүз түбөлүк бирге болобуз.
Апам мени сөзсүз кечирет. Жалган айтууга мажбур болгонумду, жалгыздыгымды, айыккыс дартымды жашырганымды түшүнөт. Албетте, атам акыреттен мени күтүп аларына ишенем...». Ушундай ойлор менен өзүмдү жубатып да жаттым.Менин тагдырым башкалар үчүн кадимки турмуш чыгар. Бирок күнөөңдү моюнуң менен тартып, жашоонун канчалык оор экендигин менден башка эч ким билбес.
Мен адашкан жокмун, жаңылдым-жаздым деп башымды ташка уруп өкүнбөймүн! Мен, болгону, Бактиярды сүйдүм. Бир гана нерсеге өкүнөм. Менин аруу махабатым, чын ниетимден жасаган сый-урматым Бактиярдын көзүн көр, дилин сокур кылганына. Бир убакта менден кемчилик издеп, атымды булгап, жалаа жапкандар менин махабаттын курмандыгы болгонумду билишет. Эгер ал инсандардын жүрөгүндө кыпындай адамгерчилик бар болсо, кийин өкүнүшөр.
Үй-бүлө очогумдун отун өчүрбөй, турмушумду сактап калуу үчүн менден эмне талап кылынса, баарын жасадым. Колумдан келишинче аракеттендим. Менин бактылуу болгум келген!
Арга калбаганда «сүйүү жок» деп айтабыз. Сүйүүдөн улам ашыгын узакка көрбөй кусадан ооруп калгандар, сүйгөнүнө жетпей калганда жанын курмандыкка чалгандар канча? Демек, сүйүү бар. Аянычтуусу, ал баарын эле бактылуу кыла албайт тура. Сүйүүдөн азап тартып, турмушум бузулуп, атым булганса да, анын аруулугунан танбайм. Мени жашоого кайра жаратып койсо, кайра эле Бактиярды сүймөкмүн.
Мына, өмүрүмдүн жыйырма бешинчи жазын, эрте жаздын жашыл көктөмүн көрүп турам. Ким билет, дагы канча көктөмдү көрүп, жарыктыкта канча убакыт жашайм?
Малика буларды айтып бүткөн соң биз палатага кирдик.

ххх

Сыртта жаз жадырап мээримин чачат. Малика айткандай, сирень гүлдөгөн маал. Ал акыркы окуяларын айтып бүткөн күнү мен ооруканадан чыгып кеткен элем. Бир аптадан соң кайра барып, аны таппай калдым. Биз менен бирге жаткан эже да чыгып кетиптир. Тааныш мээрман айымдан сурасам, билбейм дегендей ийинин куушуруп койду. Дайынын билейин деп чалсам, Малика чөнтөк телефонунун номерин алмаштырып жибериптир. Ошентип, Малика менен байланыша албай калдым. Ичимден “мүмкүн дагы башка ооруканада дарыланып жаткандыр” деп ойлоп койдум. Андан бери билинбей жыл алмашты. Бул учурда Маликанын дарегин биле албадым. Бир жолу “бир мекемеде иштеп жатат” дегенди угуп, дароо жумушуна издеп бардым. Бирок, тилекке каршы, ал эс алууга чыгып, Москвага дарыланууга кетиптир.
“Аманчылык болсо, Малика келгенде сөзсүз жолугам. Алтургай Бактиярды издеп таап, аны менен да бул туурасында баарлашам. Малика акылынан азып, жүрөгү канап сүйгөн инсан кандай адам болду экен? Мүмкүн Бактияр да берген убадасынын аягына чыкпай, өзү сүйгөн инсанды арылбаган азапка салып кеткен чечкинсиздиги үчүн дил азабын тартып жүргөндүр, ким билет?..” деп ойлоп, үйгө жол тарттым.
…Кесибим журналист болгондуктан, күндөрдүн биринде редакциянын тапшырмасы боюнча майып балдары бар жалгыз бой энелерге арналган кайрымдуулук акциясына бардым. Спорт Ордосунда эл жык-жыйма экен. Майыптардын коляскасына балдарын салып сүйрөп келген энелер алдыңкы орундарды бүт ээлешиптир.

Жумагүл Жолматова

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: