БИР БҮРКҮМ. ӨЛКӨДӨ ГАЗ КЫМБАТТАДЫ...

Юристтер Бишкектеги Шабдан баатыр көчөсүнүн 7-АПРЕЛЬ деп өзгөртүлгөнүнө каршы. «Биздин укук» коомдук фондунун юристтери Бишкек шаардык кеңешин бул чечими үчүн сотко бермекчи.
Экс-депутат АИДА САЛЯНОВАга карата козголгон кылмыш иши Жогорку Сотто каралып баштады. Буга чейинки инстанциялар Салянованы күнөөлүү деп таап, 5 жылга эркинен ажыраткан.
ДИНАРА МОЛДОШЕВА Интеллектуалдык менчик жана инновациялар боюнча мамлекеттик кызматынын төрайымы болуп дайындалды.
Премьер-министр Мухаммедкалый Абылгазиев III ДҮЙНӨЛҮК КӨЧМӨНДӨР ОЮНУН өткөрүүгө даярдык көрүү боюнча кеңешме өткөрүп, иш-чара жогорку деңгээлде өтүшү керектигин эскертти.
ЖОГОРКУ КЕҢЕШТИН ДЕПУТАТТАРЫ 30-апрелден 6-майга чейин аймактарда шайлоочулар менен жолугушуу өткөрөбүз деп тарап кетишти.
Мурдагы вице-премьер ДҮЙШӨНБЕК ЗИЛАЛИЕВге козголгон кылмыш ишин тергөө аяктап, соттук процесс башталды. Экс-чиновник «терроризм актысы жөнүндө атайлап жалган билдирүү жасаган» деп айыпталууда.
Май айында кыргызстандыктар ЖАРАТЫЛЫШ ГАЗЫНЫН 1 метр кубу үчүн 14 сом 41 тыйындан төлөшөт. Бул тууралуу «Газпром Кыргызстан» компаниясы билдирди. Апрель айында эл 14 сом 35 тыйындан төлөгөн.
Бишкектин мурдагы мэри Нариман Түлеевдин «Алмазбек Атамбаев КЫЗМАТТАШУУНУ СУНУШТАДЫ» деп интернетке тараткан маалыматын КСДП жалган деп жарыялады.
Жогорку Сот журналист НАРЫН АЙЫПтын экс-президент Алмазбек Атамбаевге 3 миллион сомдук айыпты бөлүп төлөөсүнө тыюу салган сот чечимин жокко чыгарды.
Журналист ЭРНИС КЫЯЗОВ "5-каналга" башкы директор болуп шайланды. Бул тууралуу Мамлекеттик мүлктү башкаруу фондунан кабарлашты.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 809, 4-май -10-май, 2018-ж.