ЖЫЛДЫЗ ТӨЛГӨ 7-майдан 13-майга чейин
КОЙ (21.03-20.04)
Адаттагы шашмалыкка алдырбасаңыз башка жактык адамдар жана көзөмөл органдары менен эң жакшы тил табышасыз. Жумушуңузда кагаз иштери басымдуулук кылат, текшерүүлөр жүрөт. Ден соолукка көбүрөөк көңүл бөлүңүз.
БУКАЧАР (21.04-20.05)
Жумушта милдетиңизди так аткаруунун натыйжасында акчага ээ болосуз. Акчанын канча бир бөлүгү балдарыңызга жана эс алууга жумшалмакчы.
ЭГИЗДЕР (21.05-21.06)
Үзүлгөн эски мамилелер жаңырат. Планга жаңы кызыктуу долбоорлор кирет. Долбоорду эрезеге жеткен балдарыңыз менен чогуу талкуулап алсаңыз жыйынтыгы жакшы болмокчу. Үй тиричилик, чарба маселелерин да чогуу-чаран чечиңиздер.
БӨЙӨН (22.06-22.07)
Көйгөйлөрдү чечүү үчүн туугандардын жардамына таянганыңыз оң. Азыркы учурда алар сизге жок дешпейт. Айткан сындарын туура кабыл алыңыз. Жолдо жүрүүдө абайлаңыз, өтө кооптуу мезгил.
АРСТАН (23.07-23.08)
Аптада сизди кыска мөөнөттүү сапар күтөт. Балдарыңызга, сүйгөн адамыңызга жолугасыз. Андыктан чыгым тартууңуз турган кеп. Бирок акчаны иштетүүдө шашмалыкты көрсөтпөңүз.
БИЙКЕЧ (24.08-23.09)
Колуңузга акча тиет. Үй эмеректерин сатып аласыз. Үйүңүзгө жеңил оңдоо-түзөө иштерин жүргүзөсүз. Туугандар тараптан колдоо да, жемелөө да болот. Бут тосуулар болуп калса ачууга алдырбаңыз.
ТАРАЗА (24.09-23.10)
Аптада лидерликти көргөзүп чыга келесиз. Бир жумушту бүтүп, экинчисин баштайсыз. Бирок канткен күндө да тоскоолдуктар болбой койбойт. Аны жакын чөйрөңүздөгү же таасирдүү адамдар жаратат.
ЧАЯН (24.10-22.11)
Жакшы ийгиликтерди жалгыз, купуя аракеттердин астында жаратасыз. Аптада акчанын келиши да, кетиши да тез болот. Акча досторго, кесиптештерге корошу мүмкүн.
ЖААЧЫ (23.11-21.12)
Сизди бул аптада эки айрылыш жол күтөт. Бири жетекчилик менен жакындан көп иштешип идеяларды топтоо, экинчиси достор менен көп болуп алардын сыйына бөлөнүү. Тандоо сизден. Достордун колдоосу көптөгөн ийгиликтерге жол ачарын эскертебиз.
ТЕКЕЧЕР (22.12-20.01)
Бул аптада өз алдыңызча иштөөнүн оң жана терс жыйынтыктарына ээ болосуз. Оң жыйынтыктардын болушуна жетекчилик салым кошсо, ал эми терс жыйынтыктардын болушуна башка жактык адамдар, текшерүү органдары себепкер болот.
СУУ КУЯР (21.01-19.02)
Жакын санаалаштар, кесиптештер менен мамиле өзгөрүлүп турат. Жакшы маанайдын жаралуусуна көзөмөл органдары, бийик даражалуу адамдар түрткү болушса, маанайдын түшүшүнө акча маселеси таасир этет.
БАЛЫК (20.02-20.03)
Апта ичинде жетекчилик менен иштешүүдө дипломатиялык мамилени сактаңыз. Акча маселеси жакшы чечилет. Өнөктөштөр менен иштешүү, айрым маселелерди мыйзамдуу түрдө чечүү кыйындык менен ишке ашат.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
