реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
792   793   794   795   796   797   798   799   800   801   802   803   804   805   806   807   808   809   810   811  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Kompanion gazeta
Akbuura gazeta

ДҮКӨНҮ ЖАНА КӨЙГӨЙҮ ЖОК КЫЗ-КҮЙӨӨ АЙЫЛЫ

№810 11-май -17-май, 2018-ж.


Бишкек-Торугарт жолу менен баратып Боом капчыгайына жеткенде тоонун боорундагы Кыз-Күйөө деген аталыштагы кичинекей айыл көзүңүзгө урунат. Бул кандай айыл жана аталышы эмне себептен Кыз-Күйөө болуп калгандыгы көпчүлүктүн кызыгуусун жаратат.

КЫЗ-ЖИГИТТИН СҮЙҮҮСҮН ДАҢАЗАЛАГАН АЙЫЛ
Бул айыл тууралуу эл оозунда уламыш айтылып жүрөт. Байдын жылкычысы менен кызы бири-бирине ашык болуп калышат. Бирок бай кызын кандай болгон күндө да жылкычыга бермек эмес, анан башка бирөөгө турмушка берүүнү чечет. Ошондо жылкычы өзү баккан жылкылардын мыктыларынан экини тандап токуп, кызды ала качып кетет. Сүйүшкөндөрдүн артынан кубалаган байдын желдеттери азыркы Кыз-Күйөө айылына келгенде кууп жетип жылкычы менен кызды өлтүрүп салышат. Ошентип ашыктардын канынан булак жаралган дешет. Ошол булактын айланасында пайда болгон айылдын аты Кыз-Күйөө деп аталып калган экен.

«ЫШКЫН САТЫП КОШУМЧА КАРАЖАТ ТАБАБЫЗ»
 Кыз-Күйөө – 20 түтүнү бар чакан айыл. Бул айылга тургундарды алардын кызматы чогулткан. Жашоочулардын баары «Кыргыз темир жолу» мамлекеттик ишканасынын кызматкерлери. Алар поезддин тоскоолдуксуз өтүүсүн камсыздап турушат. Негизги кызматынан сырткары тургундар мал чарбачылык менен алек болушат. Малдары тоонун боорун аралап оттоп жүрө беришкендиктен, башка айылдардагыдай аларды кайтаруу да көп эмгекти талап кылбайт. Тургундар сезону келгенде кошумча каражат табууну да өздөштүрүп алышкан. Май-июнь айларынын аралыгында бир ай ышкын чогултуп кан жолдон өткөндөргө сатып пайда табышат. Бири-бирине туугандай болуп калган ынтымактуу жамаат чыр-чатактарды улуусу кичүүсүн тыюу жолу менен өз ара чечип алышат. Мектеп, бала бакча, оорукана, дүкөн жок, ошол эле учурда көйгөйү да жок айыл тууралуу кызыктарды тургундар айтып беришти. 18 жылдан бери темир жол кызматкери болуп эмгектенип, ушул айылда жашаган Күмүшай Шаршеналиева чакан элдин жашоосун мындайча баяндайт.
– Экинчи дүйнөлүк согуш учурунда согуштан качкандарды, жумуштан кечиккендерди жаза катары кара жумушка салышчу экен. Бул темир жолду ошондой жазага тартылгандар салышыптыр. Бардык жумуш эч кандай техникасыз, адамдын колу, кара күчү менен жасалыптыр. Кол менен жардырып, балкалап, жолду, мына сиздер көрүп турган сарайларды салышыптыр. Муну чоң аталарымдан уккам. Чоң аталарым, таякелерим темир жолдо иштешкен. Өзүм Кеминде чоңойгом. Бирок кичине кезимде эле бул айылга чоң аталарыма көп келчүмүн. Азыр өзүм жана 3 балам ушул тармактын кызматкерибиз.
Айылда 18 жаш бала бар. Окуучулар үчүн ишканадан атайын автобус бөлүнүп берилген. Ошону менен 30 чакырымдай алыстыктагы Кызыл-Октябрь айылына барып окушат. Бала бакча жок. Жакында Жел-Арык айылында бала бакча ачылды. Эми балдарыбызды ошол жакка алып барсак болот. Ооруканабыз жок. Фельдшер бир жумада бир жолу келип текшерип кетет.
Негизги кызматыбыздан тышкары ышкын сатып пайда табабыз. Жылына бир маал, май-июнь айларында жолго чыгып эле өткөн-кеткен унаага ышкындын даанасын 5-10 сомдон сатып, бир сезондо бир үй-бүлө 15 миңдин тегерегинде акча таап алабыз. Баарыбыз быжырап жолго чыгып албайлы деп ал үчүн да кезек түзүп алабыз.
Үйлөр тоонун боорунда. Кан жолдон тынбай унаалар өткөндүктөн жаш балдар үчүн кооптуу. Ошондуктан балдарыбыз ойноп жатканда кулап кетпесин деп башка иштерибизди токтотуп карап турабыз. Бирок, Кудай сактасын, кулагандар болгон эмес. Балдар деле жол жээгинде кандай басышты үйрөнүп калышат.

«СОЮЗ УБАГЫНДА 40ТАЙ ТҮТҮН БАР БОЛЧУ»
Маектешим Бактыбек Максүтовдун темир жолундагы эмгегине 40 жылдай болуп калды. «Күзүндө пенсияга чыгам» деп күтүп жаткан каарманым махоркасын ороп отуруп суроолорубузга жооп берди.
– Темир жолго 80-жылдары келгем. Советтер Союзунун учурунда бул айылда орустар, азерлер жана башка улуттардын өкүлдөрү болуп 40тай түтүн жашачубуз. Азыр жалаң кыргыздар калдык. Биз «Кыргыз Темир жолу» ишканасынын жол чарбасы боюнча филиалынын кызматкерлерибиз. 33 жыл жолдун монтёру болуп иштедим. Азыр жолдун көзөмөлдөөчүсүмүн. Жашоо шарттарыбыз жакшы. Эч кандай деле көйгөйүбүз жок. Айылда базар, дүкөн жок болгону менен, айлык колго тийгенде ынтымакташып баарыбыз чогуу 30 чакырым алыстагы Быстровканын базарына барып, азык-түлүк алып келип алабыз. Суу тегерегибиздеги булактардан кудукка келет. Телевизордон 30 каналдай тартат.

«ЖАЙЫНДА АЙЛЫГЫБЫЗ КӨБӨЙӨТ»
Талант Стакеев айлык акысы тууралуу айтып берди:
– «Кыргыз Темир жолунда» иштегениме 10 жыл болду. Биз жолду оңдойбуз. Болттор үзүлүп кетиши мүмкүн, жолдун бир темири сынып, таштар түшүп же сел жүрүп поезддин жүрүшүнө тоскоолдук жаратышы мүмкүн. Ушул сыяктуу тоскоолдуктарды жоюп, поезддин өтүүсүн камсыздашыбыз керек. Биз 10 чакырымдай жерди карайбыз. Бул жолдон көбүнчө жүк ташылат. Жайында июнь-август айларында жүргүнчүлөр каттайт. Биз, кызматкерлер Кыргызстандын ичинде поездде бекер жүрө алабыз. Айылдын бир тарабы унаа жолу, экинчи тарабы темир жол. Эки жактан тең үндөр чыгат. Башында жаңы көчүп келгенде көнө албай, уктай албай жүргөнбүз. Азыр болсо жаныбыздан тепловоз өтүп кетсе да ойгонбойбуз. Айлыгыбыз жакшы. Кышында 15-16 миң сом чыгат. Жайында командировкалардын убагында 25-30 миң сомго чейин алабыз. Баары жакшы.

«Балдар ойноочу аянтты Кызыл-Октябрь айыл өкмөтү 2 жыл мурун салып берген. Быйыл коопсуз болуусу үчүн тегерегин тосуп беребиз деп жатышат».
«Баарыбыз темир жолчуларбыз. Андан сырткары мал чарбачылыгы менен алекпиз».


Перизат Музуратбекова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(5)
15.05.2018. 09:46 
Тайпасы:
Жаран
Комментарийлердин саны:
117
Катталган:
15-02-2013
Соӊку аракети:
24-05-2018 18:51
Жынысы:
Белгисиз
Калаасы:
Бишкек Новосибирск
+10
25 30мин алса айлыктары жакшы экен.
ady-88 түзөттү 2018-05-15 09:47:28
15.05.2018. 09:49 
Тайпасы:
Жаран
Комментарийлердин саны:
117
Катталган:
15-02-2013
Соӊку аракети:
24-05-2018 18:51
Жынысы:
Белгисиз
Калаасы:
Бишкек Новосибирск
-3
ady-88,азыр бишкекте 25 30мин айлык жок
15.05.2018. 13:02 
Тайпасы:
Жаран
Комментарийлердин саны:
50
Катталган:
01-02-2015
Соӊку аракети:
24-05-2018 11:11
Жынысы:
Белгисиз
Калаасы:
Нарын, Ат-Башы
+6
ady-88,эмнеге жок, бар. Албетте гос жумушта эмес частныйларда
17.05.2018. 22:53 
Тайпасы:
Жаран
Комментарийлердин саны:
5
Катталган:
24-10-2016
Соӊку аракети:
24-05-2018 15:34
Жынысы:
Белгисиз
+6
Канчадан бери шугур деген адамды газета бетинен биринчи жолу окуп жатам болбосо...
18.05.2018. 00:55 
Тайпасы:
Жаран
Комментарийлердин саны:
426
Катталган:
04-01-2018
Соӊку аракети:
24-05-2018 17:31
Жынысы:
Белгисиз
+2
Чын эле коркунучтуу жер екен биздеда ушулардыкындай ынтымак болсо ортобузда
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
20635;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: