МАМАЛАК (Атанын кызына болгон чексиз сүйүүсү тууралуу сериал)
реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№810 11-май -17-май, 2018-ж.


– Оо, Кудай, болуп калса экен!- бир нече күндөн бери көңүлү айланып жүргөн Айсулуу колундагы тест жыйынтык чыгарып бергенче чебелектеп кетти. Ары-бери максатсыз эле баса берди. Анан бир убакта корккон кишидей терезеге коюлган тестти тиктеди. Эки сызык...
– Ура-а!- кубанычында чек жок болчу. Тимур экөө расмий баш кошкондон тарта боюна бүтпөй, бүтсө да улам түшүп кала берип санаасы санга бөлүнүп жүргөн. Чын-чынына келгенде Тимур экөөнү акыркы ирет да боюнда болуп калганы ажыраштырбай алып калган. Экөөнүн үй-бүлөсүн ушул бала күтүү сактап келе жаткандай. Алар ушинтип балага зар болуп, кетирген күнөөлөрдүн азабын тартуу, кечиримин алуу аракетинде жүрүшкөндөй. Бирок экөөнү ажыраштырбай алып калган ал чүрпө да көп өтпөй түшүп калган эле. Эми мунусу аман-эсен төрөлсө экен.
“Тимур сүйүнөт” деп ойлоду дароо эле колундагы тестти тиктеп. Кечинде ал жумуштан келгенде ага сүйүнчүлөй турганын элестетип алды.


ххх


– Муну көрдүңбү?

– Эмне экен?

– Тест.

– Анан?

– Ошол, боюмда бар.

– Сонун болгон тура,- Тимур чындап эле кубанып кетти. «Эми өзүңдү жакшылап кара, сарсанаа болбо, антпесе...» сөзүнүн аягына чыккан жок. Санаадан дагы боюңдан түшөт дегенди айткысы келгенин экөө тең эле түшүнүп турду. Айсулуу үнсүз башын ийкеди. Көз алдына баягы учур тартылды. Анда да ушинтип кубанып келип тестти көрсөткөн, кош бойлуу экенин айткан. Бирок анда Тимур так секирип качпады беле? Изин суутуп кеткен. Балким, ошондо да ушинтип кубанып койсо, жоопкерчиликти ала алса баары башкача болмоктур. Эми өткөн өттү, кеткен кетти. Санаага алдырбашы керек. Бирок анткенде да, тирүүлөй эле айрылган кызын кантип унутат? Аны эстебеген бир да күнү болгон эмес.

– Айназигим кантип калды экен?- капыстан эле ушинтип сүйлөп жиберди.

– Уф, Айка, кайра баштадыңбы?- Тимур нааразы болуп кетти.

– ...

– Айка, суранам, өзүңдү жебе. Курсактагыны да ойло. Айназикти издеп жатышат. Ал табылат. Эртели-кеч табылат. Бирок азыр өзүңдү карачы. Дагы боюңдан түшүп калбасын.

– Ал азыр 4кө чыгып калды.

Тимур үндөбөй койду. Бул сөздү бүтүрүүнүн эң оңой жолу болчу.


ххх


Түн бир оокумда Ырыскандын дарбазасын кимдир бирөө какты. Адатта мындай кечте алардын үйүнө эч ким келчү эмес эле.

– Ай, Майрамбек, бирөө келди окшойт. Сыртка чыкчы,- Ырыскан күйөөсүн ойготту. Чала-чарпыт кийинип алып эле сыртка жөнөдү күйөөсү. Ким болду экен мындай түндө?

– Ким?- авалап үрүп жаткан итти тынчтандырып кыйкырды Майрамбек.

– Менмин, жезде.

– Мениң ким?

– Мен Азамат.

– Азамат?!- көздөрү чакчая түштү. Дарбазаны шапа-шуп ача калды. Унаанын жарыгы тийди көзүнө. Бет маңдайында бою узун бирөө турат. Келбети чын эле Азаматтыкындай.

– Эй,- бет маңдайдагы жигиттин жүзүнө үңүлө карады. Ооба, ошол. Азаматты кучактап калды. Дайынсыз жоголгон кайнисин көрүп кубанып кетти. Тамагы буулуп чыкты.

– Мен эжеңди чакырайын. А апам кайда?

– Машинада.

– Азыр. Ай, Ырыскан, Ырыска-ан,- үнү каргылданып чыкты Майрамбектин.

– Ой, эмне?- шашкалактап чочуп чыга калды.

– Келишти. Азаматтар келишти, апамдар...

– Ыя?- кадамын тездетти.

– Азамат? Биздин Азаматпы?- басып келе жатып буту да чалыштап кетти.

– Кандайсыз, эже?- жигит анын жолун утурлай жөнөдү. Короонун ичине киргенде эшиктеги электр лампасынын жарыгы Азаматты даана көрсөттү.

– Сен...- ээгин кемшейтип ыйлап жиберди. Оозун алаканы менен жаап же кыйкыра албай, же буркурап ыйлап жибере албай ордунда туруп калды. Мына, алардын караанын көрүүгө зар болуп жүрчү эмес беле. "Кантти экен? Тирүүбү, сообу?" деп күн сайын келген ойлордун жообун таппай, бир боор бир тууганын, балдары үчүн сабылып түшкөн энесин эстеп эртели-кеч амандыгын тилегенден башка арга таппай жүрчү эмес беле. Көрдү акыры аларды. Тирүү көрдү.

– Азамат, байкушум,- инисинин моюнунан бекем кучактап, жүзүнөн туш келди өпкүлөй берди.

– Апам кана?- деди бир убакта эсине келгендей.

– Машинада отурат. Жүрүңүз.

– Ай,- ый аралаш үндү укту Ырыскан. Бурул чыдабай ыйлап да кыйкырып жаткан болчу. Ал унаадан басып түшө албай күтүп жаткан эле. Кызынын үнүн укканда чыдабай ыйлап, кыйкырып баштаган экен.

– Апа-а!- унаанын эшигин ачып жиберип эле апасынын көкүрөгүнө кулады.

– Алтыным, кызым,- алы кеткен колдору менен кызынын чачын сылап, өпкүлөп ыйлай берди. Ийинин солкулдатып апасын бекем кучактап алып ыйлап жаткан эжесин көрүп Азамат кирерге жер таппай, өзүн күнөөлүү сезип кетти. Апасы менен эжеси ушунча жылдан берки букту, сагынычты тарката алышпай кучакташкан бойдон боздой беришти.

– Кагылып кетейиним, кагылып кетейиним,- эне кайра-кайра эле ушул сөздү кайталап 3 баланын энеси болгон кызын кичинекей наристе сымал эркелетип, жыттагылап жатты.

Чоң энесинин жанында отурган Айназик болсо көздөрүн алайтып коркуп отурду. Эмнеге чоң энеси да, атасы да ыйлап жатат? А бул чоң апасынын көкүрөгүнө башын жөлөп алып буркурап жаткан ким?


ххх


– Ой-бой, сен суйкайган сулуу кыз болгон турбайсыңбы?- бардыгы үйгө кирип жайланышып чай ичип отурушканда Ырыскан Айназикке карап сүйлөдү. Кыз болсо жөн гана жылмайып койду. Адатта аны сулуу дешсе ага жага турган.

– Байкушум десе, баса албай да калыптырсың да, ээ?- Ырыскан эми апасын карап жалооруду.

– Жакшы элемин кызым,- деди апасы. Бул учурда Азамат башын жерге салып отурду. Көкүрөгү өрттөнүп жатты. Бирок анда башка жол бар беле? Билбейт. Бирок ошол кезде сыртка, башка мамлекетке чыгып кетүү эң туура жол болуп сезилген. Азырчы? Эми убакытты артка кайтарууга болбойт. Бирок оорудан улам баса албай калган апасы, апасын аяп тиктеген эжесин карап алып бардык балээге өзүн гана күнөөлүү деп сезип жатат.

– Биз эртең элди чакырып, түлөө өткөрөлү,- Ырыскандын бул сөзүнөн безге сайгандай чочуду жигит.

– Жок, кереги жок, кызым. Биздин келгенибизди эч ким билбей эле турсун.

– Эмнеге?

– Келгенибизди билишсе Айназикти...- Бурул сөзүнүн аягына чыга албай калды.

– А ал Орусияга кетиптир. Ошо жакта тигиниси менен жашап жатат. Айназиктин эми ага кереги жок. Кам санабагыла. Бирок силер издөөгө жарыялангансыңар.

Азамат туңгуюкка кептелгенин сезди. Кантер экен?

– Биздин келгенибиз баары бир билинет. Бирок мен Айназикти бербейм. Акыр-аягына чейин күрөшөм,- деди Азамат чечкиндүү.


ххх


Дайынсыз жоголгон Азамат апасы экөө келиптир деген сөз айылга заматта тарады. Аңырайып оозун ачып таң калгандар көп. Бир далай кишилер аны өлдү деп эле эсептеп жатышкан. Анан кантип таң калышпайт?

Баарынан да бул жаңылык бир кезде Азаматтан токмок жеген Уланды катуу чочутту. Жоготкон акчасын ал Азамат эле кымырып кетти деп ойлоп жүргөн. Райондук милицияга да арыз жазган болчу. Ал акчасын азыр эле кайтарып алчудай милиция бөлүмүнө зуу койду.

– Ал келди,- кирип-кирбей жатып аптыга сүйлөдү.

– Ким?- милиция кызматкери таң кала.

– Азамат, баягы жоголду деген. Аялынын кызын алып качкан неме...

– Ыя де, качан? Анын аялынын номуру... Эй, Максат, тиги аялдын Орусиядагы номурун тапчы. Айсулуу беле? Баягы кызын издеткен,- кимдир бирөөгө кыйкырды.


ххх


– Саламатсызбы, Айсулуу бекен? Биз Кыргызстандан чалып жатабыз. Милициядан. Сиз өлкөгө кайтып келишиңиз керек. Кызыңызды таптык окшойт,- андан аркы сөздөрдү уккан деле жок. Жүрөгү оозуна кептелди Айсулуунун...


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Башка сандарда:
Комментарийлер(9)
15.05.2018. 09:12 
Тайпасы:
Жаран
Комментарийлердин саны:
6
Катталган:
24-07-2012
Соӊку аракети:
13-07-2018 06:43
Жынысы:
Белгисиз
Калаасы:
Ош
0
ммм...
15.05.2018. 09:13 
Тайпасы:
Жаран
Комментарийлердин саны:
35
Катталган:
27-07-2011
Соӊку аракети:
18-08-2018 09:47
Жынысы:
Белгисиз
Калаасы:
Москва
+5
Байкуш Азамат камалат окшойт эми
15.05.2018. 09:15 
Тайпасы:
Жаран
Комментарийлердин саны:
126
Катталган:
15-02-2013
Соӊку аракети:
18-08-2018 20:49
Жынысы:
Белгисиз
Калаасы:
Бишкек Новосибирск
0
Биринчилер корунбойт го
15.05.2018. 12:28 
Тайпасы:
Жаран
Комментарийлердин саны:
73
Катталган:
22-01-2018
Соӊку аракети:
18-08-2018 13:23
Жынысы:
Белгисиз
+1
ай байкуш азамат кантер экен
15.05.2018. 15:08 
Тайпасы:
Жаран
Комментарийлердин саны:
1
Катталган:
24-10-2017
Соӊку аракети:
07-08-2018 13:30
Жынысы:
Белгисиз
+1
Мен жон эле ыйлап алдымго
15.05.2018. 18:06 
Тайпасы:
Жаран
Комментарийлердин саны:
92
Катталган:
26-03-2014
Соӊку аракети:
18-08-2018 16:39
Жынысы:
Белгисиз
+1
Айсулуу жинди курсагындагысын эптеп алса болмок
15.05.2018. 23:02 
Тайпасы:
Жаран
Комментарийлердин саны:
330
Катталган:
03-11-2012
Соӊку аракети:
03-07-2018 12:04
Жынысы:
Белгисиз
0
Дагы боюнан тушуп калат эми
16.05.2018. 01:15 
Тайпасы:
Жаран
Комментарийлердин саны:
122
Катталган:
10-03-2016
Соӊку аракети:
17-08-2018 21:03
Жынысы:
Белгисиз
Калаасы:
Кыргызстан
0
Эхх Азамат турмого отурат экен да((((
16.05.2018. 01:19 
Тайпасы:
Жаран
Комментарийлердин саны:
8
Катталган:
13-09-2017
Соӊку аракети:
19-06-2018 17:33
Жынысы:
Белгисиз
0
Милициялары да кызык экен, келгенин тактап алып деле чалбайбы.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21045;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: