ЭКИ ЖҮРӨК, БИР СҮЙҮҮ

(Сексопатолог Күлчоро Аскаровдун китебинен)

(Башталышы өткөн саныбызда)

Жыныстык жагынан шал эркектер
Миңдеген жылдардан бери эркектер өздөрүнүн эркектик касиетин аял менен жыныстык кошулуудагы ал-күчүнө, жарамдуулугуна жана мүмкүнчүлүгүнө жараша баалап келишкен. “Мен жыныстык жактан канчалык алдуу-күчтүү болсом, ошончолук чыныгы эркекмин” деп ойлошкон. Бирок аялдардын көз карашынан алганда, бул туура эмес түшүнүк. Аялдар кээ бир эркектерди жыныстык жактан алдуу-күчтүү болгону менен, турмушта коркок, эки жүздүү, эрки бош, алдамчы деп эсептешет. Аялдар, эң негизгиси, эркектердин ишенимдүү, акылдуу, туруктуу касиетин баалашат.
Кандай болгон күндө да эркек жыныстык жагынан алы-күчү начар болуп, аялын сүйүүгө жана төшөк кумарына кандыра албаса, анда өзүн алсыз жана бактысыз сезип, санаага батып, ооруп калат. Кээ бир эркектер түшүнбөстүктөн, эркинин начарлыгынан, сексуалдык маданиятынын төмөндүгүнөн өз жандарын өздөрү кыйып коюшат. Эркек жыныстык катнаш жасоого жарабай калса, анда ал жыныстык жагынан шал эркек деп аталат. Эркектин “аспабы” бутакка илинген жиптей салаңдап калат.

Кандай эркектер жыныстык жактан шал эркектер деп аталат?

• Жыныстык каалоо, эңсөө болбой калат.
• Бул өтө чанда кезиге турган көрүнүш. Адамдын баш мээси же башка органы катуу ооруга чалдыкканда, ушундай абал келип чыгат.
• Эркек аялды, жыныстык катнашты каалайт. “Алигиси” козголуп, сүмбөсү чыңалып, бирок катуу абалга жетпей, турбай калат.
• Нерв оорулуу же көп нервденген эркектер ачуулуу болуп, өзүн токтото алышпайт. Булардын арасында жыныстык жагынан шалдар көп кездешет. Ал эми таза абада жүрүп, кара жумуш менен алектенүүдөн улам денеси чың жүргөндөр шалга сейрек учурашат.
• Эркектердин жыныстык органдары же жыныстык бездери ооруса да “алигиси” иштебей, шалга айланат.
• Көп убакытка чейин жыныстык байланыш жасоого шарт түзүлбөсө, төшөк оюну учурунда бөлмөдө дайыма башка бирөөлөр жатса же “бирөө кирип келеби” деп дамамат чочуласа да эркектин “аспабы” акырындап шалга айланат. Ошондой эле жыныстык катнаш учурунда «кокус котон жара, сүзөк, СПИД жугуп калабы» деп коркуу же кошулуу учурунда бир нерседен катуу чочуп кетүү да шалга алып келет.

25 жаштагы жигит “жыныстык жактан шал болуп калдым” деп кайрылды. Себебин сурасам, окуяны айтып берди:
– Жайында бир келинди машинама салып алып токойго бардым. Алгач “макул болобу же болбой коёбу?” деп сүрдөп жаттым. Анан аны көндүрүп, ишти баштайын деп жатсам тарс деген катуу үн чыгып, мээм зыңылдай түштү. Катуу чочуганымдан нес болуп жатып калыптырмын. Көрсө, мергенчи кыргоол аткан экен. Ошондон кийин аялга жарабай калдым.

(Уландысы кийинки саныбызда)

Астра Айдарова
erotika@super.kg